Modi govt earned Rs 1163 crore

ਕੇਂਦਰ ਸਰਕਾਰ ਨੇ ਸਿਰਫ ਕਬਾੜ ਵੇਚ ਕੇ (ਅਕਤੂਬਰ 2021 ਤੋਂ) ਲਗਭਗ 1,163 ਕਰੋੜ ਰੁਪਏ ਕਮਾਏ ਹਨ, ਜਿਸ ਵਿੱਚ ਇੱਕ ਮਹੀਨੇ ਦੀ ਮੁਹਿੰਮ ਰਾਹੀਂ ਇਸ ਸਾਲ ਅਕਤੂਬਰ ਵਿੱਚ 557 ਕਰੋੜ ਰੁਪਏ ਸ਼ਾਮਿਲ ਹਨ। ਸਰਕਾਰੀ ਰਿਪੋਰਟ ਦੇ ਅਨੁਸਾਰ, ਅਕਤੂਬਰ 2021 ਤੋਂ ਹੁਣ ਤੱਕ ਸਰਕਾਰੀ ਦਫਤਰਾਂ ਵਿੱਚ ਕੁੱਲ 96 ਲੱਖ ਦਫਤਰੀ ਫਾਈਲਾਂ ਦਾ ਨਿਪਟਾਰਾ ਕੀਤਾ ਜਾ ਚੁੱਕਾ ਹੈ ਅਤੇ ਲਗਭਗ 355 ਲੱਖ ਵਰਗ ਫੁੱਟ ਜਗ੍ਹਾ ਖਾਲੀ ਕੀਤੀ ਗਈ ਹੈ । ਇਸ ਕਦਮ ਨਾਲ ਦਫ਼ਤਰਾਂ ਦੇ ਗਲਿਆਰੇ ਸਾਫ਼ ਹੋ ਗਏ ਹਨ ਅਤੇ ਖਾਲੀ ਥਾਂ ਨੂੰ ਹੋਰ ਕੰਮਾਂ ਲਈ ਵਰਤਿਆ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ: ਪੰਜਾਬ ‘ਚ ਕੋਲਡ-ਡੇ ਦਾ ਅਲਰਟ, ਇਨ੍ਹਾਂ 16 ਜ਼ਿਲ੍ਹਿਆਂ ‘ਚ ਪਏਗੀ ਸੰਘਣੀ ਧੁੰਦ, ਹੋਰ ਵਧੇਗੀ ਠਾਰ

ਦਿਲਚਸਪ ਗੱਲ ਇਹ ਹੈ ਕਿ ਇਹ ਰਕਮ ਚੰਦਰਯਾਨ-3 ਦੇ ਬਜਟ ਤੋਂ ਲਗਭਗ ਦੁੱਗਣੀ ਹੈ, ਜਿਸ ਦੀ ਲਾਗਤ ਲਗਭਗ 600 ਕਰੋੜ ਰੁਪਏ ਸੀ । ਕਮਾਈ ਹੋਈ ਰਕਮ ਨਾਲ, ਮੋਦੀ ਦੀ ਅਗਵਾਈ ਵਾਲੀ ਸਰਕਾਰ ਸਿਰਫ਼ ਫਾਈਲਾਂ, ਦਫ਼ਤਰੀ ਸਾਜ਼ੋ-ਸਾਮਾਨ ਅਤੇ ਪੁਰਾਣੇ ਵਾਹਨਾਂ ਵਰਗੇ ਕਬਾੜ ਵੇਚ ਕੇ ਅਜਿਹੇ ਦੋ ਚੰਦਰਯਾਨ ਮਿਸ਼ਨਾਂ ਨੂੰ ਪੂਰਾ ਕਰ ਸਕਦੀ ਸੀ। ਦੱਸਿਆ ਗਿਆ ਹੈ ਕਿ ਇਨ੍ਹਾਂ ਥਾਵਾਂ ਦੀ ਵਰਤੋਂ ਹੁਣ ਕਈ ਹੋਰ ਕੰਮਾਂ ਲਈ ਕੀਤੀ ਜਾ ਰਹੀ ਹੈ । ਦੱਸ ਦੇਈਏ ਕਿ ਭਾਰਤ ਨੇ ਕਰੀਬ 600 ਕਰੋੜ ਰੁਪਏ ਦੀ ਲਾਗਤ ਨਾਲ ਆਪਣਾ ਚੰਦਰਯਾਨ ਮਿਸ਼ਨ ਸਫਲਤਾਪੂਰਵਕ ਭੇਜਿਆ ਸੀ, ਜਦੋਂ ਕਿ ਇਸ ਨੇ ਕਬਾੜ ਵੇਚ ਕੇ ਦੁੱਗਣੇ ਪੈਸੇ ਕਮਾ ਲਏ ਹਨ। ਉੱਥੇ ਹੀ ਰੇਲਵੇ ਮੰਤਰਾਲੇ ਨੇ ਇਸ ਵਿੱਚ ਸਭ ਤੋਂ ਵੱਧ ਕਮਾਈ ਕੀਤੀ ਹੈ ਅਤੇ ਉਸਨੇ ਕਬਾੜ ਵੇਚ ਕੇ 225 ਕਰੋੜ ਰੁਪਏ ਕਮਾਏ ਹਨ।

ਵੀਡੀਓ ਲਈ ਕਲਿੱਕ ਕਰੋ –

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”

The post ਮੋਦੀ ਸਰਕਾਰ ਨੇ ਕਬਾੜ ਵੇਚ ਕੇ ਕਮਾਏ 1163 ਕਰੋੜ ਰੁ:, ਇੰਨੇ ‘ਚ 2 ਵਾਰ ਚੰਦ ‘ਤੇ ਚੰਦਰਯਾਨ-3 ਭੇਜ ਦਿੰਦਾ ਭਾਰਤ appeared first on Daily Post Punjabi.