ਫ਼ਿਰੋਜ਼ਪੁਰ ਦੇ ਪਿੰਡ ਕੋਠੇ ਕਿਲੀ ਵਿੱਚ ਸਰਪੰਚ ਦੀ ਚੋਣ ਵਿੱਚ ਮਾਂ ਨੇ ਆਪਣੇ ਪੁੱਤਰ ਨੂੰ 24 ਵੋਟਾਂ ਨਾਲ ਹਰਾਇਆ। ਸਰਪੰਚ ਉਮੀਦਵਾਰ ਸੁਮਿੱਤਰਾ ਬਾਈ ਨੇ ਦੱਸਿਆ ਕਿ ਉਨ੍ਹਾਂ ਦੇ ਵੱਡੇ ਪੁੱਤਰ ਨੇ ਸਰਪੰਚ ਦੇ ਅਹੁਦੇ ਲਈ ਨਾਮਜ਼ਦਗੀ ਦਾਖ਼ਲ ਕੀਤੀ ਸੀ। ਉਨ੍ਹਾਂ ਦਾ ਪੁੱਤਰ ਚੋਣ ਲੜ ਰਿਹਾ ਸੀ। ਸੁਮਿੱਤਰਾ ਬਾਈ ਨੇ ਆਪਣੇ ਬੇਟੇ ਲਈ ਰਿਕਵਰੀ ਉਮੀਦਵਾਰ ਵਜੋਂ ਨਾਮਜ਼ਦਗੀ ਦਾਖ਼ਲ ਕੀਤੀ ਸੀ। ਵੱਡੇ ਪੁੱਤਰ ਦੀ ਨਾਮਜ਼ਦਗੀ ਰੱਦ ਕਰ ਦਿੱਤੀ ਗਈ ਸੀ। ਇਸੇ ਕਾਰਨ ਸੁਮਿੱਤਰਾ ਬਾਈ ਨੂੰ ਸਰਪੰਚ ਦੇ ਅਹੁਦੇ ਲਈ ਉਮੀਦਵਾਰ ਬਣਾਇਆ ਗਿਆ।

ਪਿੰਡ ਕੋਠੇ ਕਿਲੀ ਵਿੱਚ ਸਰਪੰਚ ਦੇ ਅਹੁਦੇ ਲਈ ਮਾਂ ਸੁਮਿੱਤਰਾ ਬਾਈ ਅਤੇ ਛੋਟੇ ਪੁੱਤਰ ਬੋਹੜ ਸਿੰਘ ਵਿਚਕਾਰ ਮੁਕਾਬਲਾ ਸੀ। ਸੁਮਿੱਤਰਾ ਬਾਈ ਨੇ ਦੱਸਿਆ ਕਿ ਉਸ ਦਾ ਛੋਟਾ ਬੇਟਾ ਉਸ ਨਾਲ ਨਹੀਂ ਰਹਿੰਦਾ। ਪਿਛਲੇ ਇੱਕ ਸਾਲ ਤੋਂ ਬੋਹੜ ਸਿੰਘ ਨੇ ਆਪਣੀ ਮਾਂ ਸੁਮਿੱਤਰਾ ਬਾਈ ਨਾਲ ਵੀ ਕੋਈ ਗੱਲ ਨਹੀਂ ਕੀਤੀ। ਇਸੇ ਕਰਕੇ ਉਹ ਪੰਚਾਇਤੀ ਚੋਣਾਂ ਵਿੱਚ ਉਸ ਦੇ ਖ਼ਿਲਾਫ਼ ਖੜ੍ਹਾ ਹੋਇਆ ਸੀ। ਮੰਗਲਵਾਰ ਨੂੰ ਐਲਾਨੇ ਗਏ ਚੋਣ ਨਤੀਜਿਆਂ ‘ਚ ਉਨ੍ਹਾਂ ਦੇ ਪੁੱਤਰ ਨੂੰ 24 ਵੋਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਇਹ ਵੀ ਪੜ੍ਹੋ : ਸਲਮਾਨ ਖ਼ਾਨ ਦੀ Y+ ਸੁਰੱਖਿਆ ਹੋਈ ਹੋਰ ਸਖ਼ਤ ! ਗਲੈਕਸੀ ਅਪਾਰਟਮੈਂਟ ਦੇ ਬਾਹਰ ਵੱਡੀ ਗਿਣਤੀ ‘ਚ ਪੁਲਿਸ ਤਾਇਨਾਤ

ਸਰਪੰਚ ਬਣਨ ਤੋਂ ਬਾਅਦ ਸੁਮਿੱਤਰਾ ਬਾਈ ਨੇ ਕਿਹਾ ਕਿ ਪਿੰਡ ਦੇ ਲੋਕਾਂ ਨੇ ਉਸ ਨੂੰ ਇਹ ਚੋਣ ਜਿਤਾਈ ਹੈ। ਕਿਉਂਕਿ ਉਸ ਦਾ ਵੱਡਾ ਪੁੱਤਰ ਚੋਣ ਲੜ ਰਿਹਾ ਸੀ ਪਰ ਉਸ ਦੀ ਨਾਮਜ਼ਦਗੀ ਰੱਦ ਹੋਣ ਕਾਰਨ ਸੁਮਿੱਤਰਾ ਬਾਈ ਉਮੀਦਵਾਰ ਬਣ ਗਈ। ਇਸ ਦੇ ਨਾਲ ਹੀ ਛੋਟਾ ਲੜਕਾ ਬੋਹੜ ਸਿੰਘ ਉਸ ਦੇ ਨਾਲ ਨਹੀਂ ਰਹਿੰਦਾ, ਇਸੇ ਰੰਜਿਸ਼ ਕਾਰਨ ਉਸ ਨੇ ਸਰਪੰਚ ਦੇ ਅਹੁਦੇ ਲਈ ਆਪਣੇ ਆਪ ਨੂੰ ਉਮੀਦਵਾਰ ਬਣਾਇਆ ਸੀ। ਪਰ ਪਿੰਡ ਦੇ ਲੋਕਾਂ ਨੇ ਸੁਮਿੱਤਰਾ ਬਾਈ ‘ਤੇ ਭਰੋਸਾ ਜਤਾਉਂਦਿਆਂ ਉਸ ਨੂੰ ਸਰਪੰਚ ਦੇ ਅਹੁਦੇ ‘ਤੇ ਜਿਤਾ ਦਿੱਤਾ |

ਪਿੰਡ ਕੋਠੇ ਕਿਲੀ ਵਿੱਚ ਪੰਚਾਇਤੀ ਚੋਣਾਂ ਲਈ ਕੁੱਲ ਵੋਟਰਾਂ ਦੀ ਗਿਣਤੀ 309 ਹੈ। ਇਨ੍ਹਾਂ ਵਿੱਚੋਂ ਸਿਰਫ਼ 254 ਲੋਕਾਂ ਨੇ ਹੀ ਆਪਣੀ ਵੋਟ ਦਾ ਇਸਤੇਮਾਲ ਕੀਤਾ। ਇਨ੍ਹਾਂ ਵਿੱਚੋਂ ਸੁਮਿੱਤਰਾ ਬਾਈ ਨੂੰ 129 ਅਤੇ ਬੋਹੜ ਸਿੰਘ ਨੂੰ ਸਿਰਫ਼ 105 ਵੋਟਾਂ ਮਿਲੀਆਂ।

ਵੀਡੀਓ ਲਈ ਕਲਿੱਕ ਕਰੋ -:

Amritpal Brother | Exclusive Interview | Live | ਜੇਲ੍ਹ ‘ਚ ਕੀ-ਕੀ ਹੋਇਆ MP ਅੰਮ੍ਰਿਤ/ਪਾਲ ਦੇ ਭਰਾ ਨਾਲ ||

The post ਫ਼ਿਰੋਜ਼ਪੁਰ ‘ਚ ਪੁੱਤਰ ਨੂੰ ਹਰਾ ਕੇ ਮਾਂ ਬਣੀ ਸਰਪੰਚ, 24 ਵੋਟਾਂ ਦੇ ਫਰਕ ਨਾਲ ਹਾਸਿਲ ਕੀਤੀ ਜਿੱਤ appeared first on Daily Post Punjabi.