ਸੁਪਰ ਕਿੰਗਜ਼ ਦੀ ਟੀਮ ਇੱਕ ਸਮੇਂ 10 ਓਵਰਾਂ ਵਿੱਚ ਇੱਕ ਵਿਕਟ ‘ਤੇ 90 ਦੌੜਾਂ ਬਣਾ ਕੇ ਬੇਹੱਦ ਮਜ਼ਬੂਤ ਸਥਿਤੀ ਵਿੱਚ ਸੀ, ਪਰ ਸੁਨੀਲ ਨਰਾਇਣ (31 ਦੌੜਾਂ ਦੇ ਕੇ ਇੱਕ ਵਿਕਟ), ਵਰੁਣ ਚੱਕਰਵਰਤੀ (28 ਦੌੜਾਂ ‘ਤੇ ਇੱਕ ਵਿਕਟ) ਅਤੇ ਆਂਦਰੇ ਰਸਲ (18 ਦੌੜਾਂ ‘ਤੇ ਇੱਕ ਵਿਕਟ) ਨੇ ਆਖਰੀ 10 ਓਵਰਾਂ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ ਨਾਈਟ ਰਾਈਡਰਜ਼ ਨੂੰ ਜ਼ਬਰਦਸਤ ਵਾਪਸੀ ਕਰਵਾਈ ਅਤੇ ਜਿੱਤ ਦਿਵਾਈ।

ਧੋਨੀ ਨੇ ਮੈਚ ਤੋਂ ਬਾਅਦ ਕਿਹਾ, ”ਮੱਧ ਓਵਰਾਂ ਵਿੱਚ ਉਨ੍ਹਾਂ ਨੇ ਦੋ ਜਾਂ ਤਿੰਨ ਓਵਰਾਂ ਵਿੱਚ ਬਹੁਤ ਵਧੀਆ ਗੇਂਦਬਾਜ਼ੀ ਕੀਤੀ । ਅਸੀਂ ਇਸ ਦੌਰਾਨ ਵਿਕਟਾਂ ਗੁਆ ਦਿੱਤੀਆਂ। ਜੇ ਇਸ ਪੜਾਅ ਦੌਰਾਨ ਵਧੀਆ ਹੁੰਦੀ ਤਾਂ ਨਤੀਜਾ ਵੱਖਰਾ ਹੋ ਸਕਦਾ ਸੀ। ਸ਼ੁਰੂ ਵਿੱਚ ਅਸੀਂ ਨਵੀਂ ਗੇਂਦ ਨਾਲ ਬਹੁਤ ਦੌੜਾਂ ਦਿੱਤੀਆਂ। ਕਰਨ ਸ਼ਰਮਾ ਨੇ ਬਹੁਤ ਵਧੀਆ ਗੇਂਦਬਾਜ਼ੀ ਕੀਤੀ। ਗੇਂਦਬਾਜ਼ਾਂ ਨੇ ਉਨ੍ਹਾਂ ਨੂੰ 167 ਦੌੜਾਂ ‘ਤੇ ਰੋਕ ਦਿੱਤਾ, ਪਰ ਬੱਲੇਬਾਜ਼ਾਂ ਨੇ ਸਾਨੂੰ ਨਿਰਾਸ਼ ਕੀਤਾ ।” ਇਸ ਮੈਚ ਵਿੱਚ ਧੋਨੀ (11) ਵੀ ਬੱਲੇ ਨਾਲ ਕੁਝ ਨਹੀਂ ਕਰ ਸਕਿਆ, ਤੇਜ਼ ਸਕੋਰ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਉਹ ਬੋਲਡ ਹੋ ਗਏ। ਉਨ੍ਹਾਂ ਨੇ ਕਿਹਾ, ‘ਜੇ ਆਖਰੀ ਓਵਰ ਨੂੰ ਛੱਡ ਦਿੱਤਾ ਜਾਵੇ ਤਾਂ ਅਸੀਂ ਕੋਈ ਬਾਊਂਡਰੀ ਨਹੀਂ ਲਗਾ ਸਕੇ ਅਤੇ ਅਜਿਹੀ ਸਥਿਤੀ ਵਿੱਚ ਤੁਹਾਨੂੰ ਕੁਝ ਨਵਾਂ ਕਰਨਾ ਪਵੇਗਾ। ਜੇ ਕੋਈ ਛੋਟੀ ਗੇਂਦ ਕਰ ਰਿਹਾ ਹੈ ਤਾਂ ਤੁਹਾਨੂੰ ਬਾਊਂਡਰੀ ਲਗਾਉਣ ਦੇ ਤਰੀਕੇ ਲੱਭਣੇ ਪੈਣਗੇ।’

ਉੱਥੇ ਹੀ ਦੂਜੇ ਪਾਸੇ ਨਾਈਟ ਰਾਈਡਰਜ਼ ਦੇ ਕਪਤਾਨ ਦਿਨੇਸ਼ ਕਾਰਤਿਕ ਨੇ ਜਿੱਤ ਤੋਂ ਬਾਅਦ ਆਪਣੇ ਖਿਡਾਰੀਆਂ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਉਹ ਉਨ੍ਹਾਂ ਦੇ ਭਰੋਸੇ ‘ਤੇ ਕਾਇਮ ਹਨ। ਕਾਰਤਿਕ ਨੇ ਕਿਹਾ, ‘ਸਾਡੀ ਟੀਮ ਵਿੱਚ ਕੁਝ ਅਹਿਮ ਖਿਡਾਰੀ ਹਨ । ਸੁਨੀਲ ਨਰੇਨ ਉਨ੍ਹਾਂ ਵਿਚੋਂ ਇੱਕ ਹੈ। ਅਸੀਂ ਘੱਟੋ-ਘੱਟ ਉਨ੍ਹਾਂ ਦਾ ਸਮਰਥਨ ਕਰਨ ਲਈ ਬਹੁਤ ਕੁਝ ਕਰ ਸਕਦੇ ਹਾਂ। ਮੈਨੂੰ ਇੱਕ ਖਿਡਾਰੀ ਹੋਣ ਦੇ ਨਾਤੇ ਉਸ ‘ਤੇ ਬਹੁਤ ਮਾਣ ਹੈ। ਅਸੀਂ ਸੋਚਿਆ ਕਿ ਅਸੀਂ ਰਾਹੁਲ ਨੂੰ ਭੇਜ ਕੇ ਸੁਨੀਲ ‘ਤੇ ਦਬਾਅ ਘੱਟ ਕਰ ਸਕਦੇ ਹਾਂ। ਉਸਨੇ ਕਿਹਾ ਕਿ ਸਾਡੀ ਬੱਲੇਬਾਜ਼ੀ ਵਿੱਚ ਕਾਫ਼ੀ ਲਚਕ ਹੈ। ਮੈਂ ਤੀਜੇ ਨੰਬਰ ‘ਤੇ ਸ਼ੁਰੂਆਤ ਕੀਤੀ, ਹੁਣ ਮੈਂ ਸੱਤਵੇਂ ਨੰਬਰ ‘ਤੇ ਖੇਡ ਰਿਹਾ ਹਾਂ। ਇਹ ਇੱਕ ਚੰਗੀ ਚੀਜ਼ ਹੈ। 

The post IPL 2020: ਚੰਗੀ ਸ਼ੁਰੂਆਤ ਦੇ ਬਾਵਜੂਦ CSK ਫ਼ੇਲ੍ਹ, ਜਾਣੋ ਮੈਚ ਹਾਰਨ ਤੋਂ ਬਾਅਦ ਧੋਨੀ ਨੇ ਕਿਸਨੂੰ ਠਹਿਰਾਇਆ ਜਿੰਮੇਵਾਰ….. appeared first on Daily Post Punjabi.