ਇਸ ਸ਼ਿਕਾਇਤ ਵਿੱਚ ਅਦਿਤੀ ਸ਼ਰਮਾ ਨੇ ਕਿਹਾ ਕਿ ਭਾਰਤ ਦਾ ਸੰਵਿਧਾਨ ਕਿਸੇ ਨੂੰ ਵੀ ਰਾਸ਼ਟਰੀ ਝੰਡੇ ਬਾਰੇ ਇਤਰਾਜ਼ਯੋਗ ਸ਼ਬਦ ਕਹਿਣ ਦੀ ਆਗਿਆ ਨਹੀਂ ਦਿੰਦਾ। ਆਪਣੀ ਸ਼ਿਕਾਇਤ ‘ਚ ਉਨ੍ਹਾਂ ਨੇ ਕਿਹਾ ਹੈ ਕਿ ਭਾਰਤ ਦੇ ਨਾਗਰਿਕ ਅਤੇ ਜੰਮੂ ਕਸ਼ਮੀਰ ਦੇ ਲੋਕ ਦੇਸ਼ ਵਿਰੋਧੀ ਅਜਿਹੀਆਂ ਚੀਜ਼ਾਂ ਨੂੰ ਕਦੇ ਵੀ ਬਰਦਾਸ਼ਤ ਨਹੀਂ ਕਰਨਗੇ। ਉਨ੍ਹਾਂ ਨੇ ਪੁਲਿਸ ਨੂੰ ਸਬੰਧਿਤ ਧਾਰਾਵਾਂ ‘ਚ ਮਹਿਬੂਬਾ ਖਿਲਾਫ ਛੇਤੀ ਐਫਆਈਆਰ ਦਰਜ ਕਰਨ ਦੀ ਮੰਗ ਕੀਤੀ ਹੈ। ਪੀਡੀਪੀ ਦੀ ਚੀਫ ਅਤੇ ਜੰਮੂ ਕਸ਼ਮੀਰ ਦੀ ਸਾਬਕਾ ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ ਨੇ ਕਿਹਾ ਸੀ ਕਿ ਜਦੋਂ ਤੱਕ ਜੰਮੂ-ਕਸ਼ਮੀਰ ਦਾ ਝੰਡਾ ਉਨ੍ਹਾਂ ਦੇ ਹੱਥ ਨਹੀਂ ਆਉਂਦਾ ਉਦੋਂ ਤੱਕ ਉਹ ਕੋਈ ਹੋਰ ਝੰਡਾ ਨਹੀਂ ਚੁੱਕ ਸਕਦੀ। ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਮਹਿਬੂਬਾ ਮੁਫਤੀ ਨੇ ਮੇਜ਼ ਉੱਤੇ ਰੱਖੇ ਜੰਮੂ-ਕਸ਼ਮੀਰ ਦੇ ਝੰਡੇ ਵੱਲ ਇਸ਼ਾਰਾ ਕਰਦਿਆਂ ਕਿਹਾ ਕਿ ਜਦੋਂ ਇਹ ਝੰਡਾ ਵਾਪਿਸ ਆਵੇਗਾ ਤਾਂ ਅਸੀਂ ਉਹ ਝੰਡਾ (ਤਿਰੰਗਾ) ਵੀ ਚੁੱਕਾਂਗੇ। ਜਦੋਂ ਤੱਕ ਸਾਨੂੰ ਆਪਣਾ ਝੰਡਾ ਵਾਪਿਸ ਨਹੀਂ ਮਿਲ ਜਾਂਦਾ ਅਸੀਂ ਕੋਈ ਹੋਰ ਝੰਡਾ ਨਹੀਂ ਚੁੱਕਾਂਗੇ। ਤਿਰੰਗੇ ਨਾਲ ਸਾਡਾ ਸਬੰਧ ਇਸ ਝੰਡੇ (ਜੰਮੂ-ਕਸ਼ਮੀਰ ਦੇ) ਤੋਂ ਵੱਖਰਾ ਨਹੀਂ ਹੈ। ਪੀਡੀਪੀ ਦੀ ਪ੍ਰਧਾਨ ਮਹਿਬੂਬਾ ਮੁਫਤੀ ਨੂੰ 14 ਮਹੀਨਿਆਂ ਦੀ ਹਿਰਾਸਤ ਤੋਂ ਬਾਅਦ 13 ਅਕਤੂਬਰ ਨੂੰ ਰਿਹਾ ਕੀਤਾ ਗਿਆ ਸੀ।

The post ਤਿਰੰਗੇ ਵਾਲੇ ਬਿਆਨ ‘ਤੇ ਘਿਰੀ ਮਹਿਬੂਬਾ ਮੁਫਤੀ, ਜੰਮੂ ਪੁਲਿਸ ਕੋਲ ਸ਼ਿਕਾਇਤ ਦਰਜ, FIR ਦੀ ਮੰਗ appeared first on Daily Post Punjabi.