ਭਟਾਰ ਦੇ ਖੋਡਿਆਰ ਨਗਰ ਨਿਵਾਸੀ ਕਿਸ਼ਨ ਸਾਹਨੀ ਨੇ ਦੱਸਿਆ ਕਿ 20 ਨਵੰਬਰ ਨੂੰ ਉਹ ਆਪਣੀ ਪਤਨੀ ਈਸ਼ਰਾਵਤੀ ਅਤੇ ਦੋਵਾਂ ਬੱਚਿਆਂ ਆਕਾਸ਼ ਅਤੇ ਪ੍ਰਿੰਸ ਦੇ ਨਾਲ ਛੱਠ ਪੂਜਾ ਮਨਾਉਣ ਲਈ ਅਲਥਾਣ ਟੇਨਾਮੈਂਟ ਦੇ ਕੋਲ ਸ਼ੰਕਰ ਭਗਵਾਨ ਦੇ ਮੰਦਰ ਗਏ ਸੀ।ਕਰੀਬ ਸ਼ਾਮ 7 ਵਜੇ ਉਥੋਂ ਸਾਰੇ ਘਰ ਵਾਪਸ ਆ ਗਏ।ਉਸਤੋਂ ਬਾਅਦ ਦੋਵਾਂ ਬੱਚਿਆਂ ਦੇ ਭਿੱਜੇ ਕੱਪੜੇ ਬਦਲ ਦਿੱਤੇ।ਉਨ੍ਹਾਂ ਨੂੰ ਭੁੱਖ ਲੱਗੀ ਸੀ।ਜਿਸਤੋਂ ਬਾਅਦ ਦੋਵਾਂ ਬੱਚਿਆਂ ਨੇ ਖਾਣਾ ਖਾਧਾ।ਇਸ ਤੋਂ ਕਰੀਬ ਅੱਧੇ ਘੰਟੇ ਬਾਅਦ ਬੇਟੇ ਆਕਾਸ਼(7) ਘਰ ਦੇ ਬਾਹਰ ਖੇਡ ਰਿਹਾ ਸੀ, ਉਥੋਂ ਹੀ ਉਹ ਲਾਪਤਾ ਹੋ ਗਿਆ।ਆਕਾਸ਼ ਨੂੰ ਲੈਣ ਦੇ ਲਈ ਉਸਦੀ ਮਾਂ ਘਰੋਂ ਬਾਹਰ ਗਈ ਉਸਨੇ ਦੇਖਿਆ ਕਿ ਉਸਦਾ ਬੇਟਾ ਉਥੋਂ ਗਾਇਬ ਸੀ।ਇਸ ਤੋਂ ਬਾਅਦ ਸੋੋਸਾਇਟੀ ਅਤੇ ਆਸਪਾਸ ਦੇ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਪਰ ਆਕਾਸ਼ ਦਾ ਕੋਈ ਪਤਾ ਨਹੀਂ ਲੱਗਾ।ਪੁਲਸ ਮੁਤਾਬਕ ਭਟਾਰ ਨਿਵਾਸੀ ਕਿਸ਼ਨ ਸਾਹਨੀ ਰੰਗ ਕਲਰ ਦਾ ਕੰਮ ਕਰਦਾ ਸੀ।ਸ਼ੁੱਕਰਵਾਰ ਦੇਰ ਰਾਤ ਤੱਕ ਪਰਿਵਾਰਕ ਮੈਂਬਰਾਂ ਨੇ ਭਾਲ ਕੀਤੀ ਪਰ ਕੋਈ ਸੁਰਾਗ ਨਹੀਂ ਮਿਲਿਆ।

ਬਾਅਦ ‘ਚ ਖਟੋਦਰਾ ਪੁਲਸ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ ਗਈ।ਜਿਸ ‘ਚ ਕਿਸ਼ਨ ਸਾਹਨੀ ਨੇ ਗੁਆਂਢੀ ਆਦਿੱਤਿਆ ਪਾਸਵਾਨ ‘ਤੇ ਸ਼ੱਕ ਜਾਹਿਰ ਕੀਤਾ ਸੀ।ਪਿਤਾ ਨੇ ਸ਼ੱਕ ਦੇ ਆਧਾਰ ‘ਤੇ ਪੁਲਸ ਨੇ ਆਦਿੱਤਿਆ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕੀਤੀ ਹੈ ਤਾਂ ਉਸਨੇ ਆਕਾਸ਼ ਦਾ ਕਤਲ ਕਰਨ ਦਾ ਗੁਨਾਹ ਕਬੂਲ ਕਰ ਲਿਆ ਹੈ।ਆਦਿੱਤਿਆ ਨੇ ਪੁਲਸ ਨੂੰ ਦੱਸਿਆ ਕਿ ਉਸਨੇ ਸਾਯਣ ਰੋਡ ਨਿਵਾਸੀ ਮਿੱਤਰ ਸੋਨ ਉਰਫ ਬਰਕਤ ਅਲੀ ਦੀ ਮੱਦਦ ਨਾਲ ਆਕਾਸ਼ ਦਾ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ ਅਤੇ ਲਾਸ਼ ਨੂੰ ਇਕ ਗੰਨੇ ਦੇ ਖੇਤ ‘ਚ ਸੁੱਟ ਦਿੱਤਾ।ਜਾਣਕਾਰੀ ਮੁਤਾਬਕ ਲਾਸ਼ ਨੂੰ ਫੋਰੇਂਸਿਕ ਪੋਸਟਮਾਰਟਮ ਦੇ ਨਿਊ ਸਿਵਿਲ ਹਸਪਤਾਲ ‘ਚ ਲਿਜਾਇਆ ਗਿਆ।ਜਾਂਚ ‘ਚ ਬੱਚੇ ਦੀ ਗਲਾ ਘੁੱਟ ਕੇ ਹੱਤਿਆ ਕੀਤੀ ਜਾਣ ਦੀ ਪੁਸ਼ਟੀ ਹੋਈ ਹੈ।

ਇਹ ਵੀ ਦੇਖੋ:ਇਸ ਹਸਪਤਾਲ ਦੀ ਨਾਲਾਇਕੀ ਕਾਰਨ ਇਨ੍ਹਾਂ ਪਰਿਵਾਰਾਂ ਨੂੰ ਆਪਣੇ ਪਿਉ ਦਾ ਸੰਸਕਾਰ ਕਰਨਾ ਵੀ ਨਾ ਹੋਇਆ ਨਸੀਬ

The post ਪਿਤਾ ਵਲੋਂ ਉਧਾਰ ਲਿਆ ਕਰਜ਼ਾ ਨਾ ਦੇ ਸਕਣ ਕਾਰਨ 7 ਸਾਲ ਦੇ ਮਾਸੂਮ ਦੀ ਗਲਾ ਘੁੱਟ ਕੇ ਕੀਤੀ ਹੱਤਿਆ…. appeared first on Daily Post Punjabi.