ਸ਼ਹਿਦ ਦੀ ਕਰੋ ਵਰਤੋਂ: ਸ਼ਹਿਦ ਸਿਰਫ ਸਕਿਨ ਅਤੇ ਸਿਹਤ ਲਈ ਹੀ ਨਹੀਂ ਬਲਕਿ ਨਹੁੰਆਂ ਲਈ ਵੀ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਹ ਤੁਹਾਡੇ ਨਹੁੰ ਮਜ਼ਬੂਤ ਬਣਾਉਣ ‘ਚ ਮਦਦ ਕਰਦਾ ਹੈ। ਨਹੁੰ ‘ਤੇ ਸ਼ਹਿਦ ਦੀ ਵਰਤੋਂ ਕਰਨ ਲਈ ਤੁਸੀਂ ਇਸ ਨੂੰ 10-15 ਮਿੰਟਾਂ ਲਈ ਨਹੁੰ ‘ਤੇ ਲਗਾਓ। ਨਿਰਧਾਰਤ ਸਮੇਂ ਤੋਂ ਬਾਅਦ ਨਹੁੰ ਧੋਵੋ। ਤੁਸੀਂ ਇਸ ਨੁਸਖੇ ਨੂੰ ਹਫ਼ਤੇ ‘ਚ ਦੋ ਵਾਰ ਵਰਤ ਸਕਦੇ ਹੋ। ਇਸ ਨਾਲ ਨਹੁੰ ਵੀ ਮਜ਼ਬੂਤ ਹੋਣਗੇ ਅਤੇ ਉਨ੍ਹਾਂ ‘ਚ ਮੌਜੂਦ ਗੰਦਗੀ ਵੀ ਸਾਫ ਹੋ ਜਾਵੇਗੀ।

ਜੈਤੂਨ ਦਾ ਤੇਲ ਕੰਮ ਕਰੇਗਾ: ਨਹੁੰ ਮਜ਼ਬੂਤ ਕਰਨ ਲਈ ਤੁਸੀਂ ਜੈਤੂਨ ਦੇ ਤੇਲ ਦੀ ਵਰਤੋਂ ਕਰ ਸਕਦੇ ਹੋ। ਇਹ ਤੁਹਾਡੇ ਨਹੁੰ ਮਜ਼ਬੂਤ ਕਰਨ ‘ਚ ਮਦਦ ਕਰੇਗਾ। ਥੋੜ੍ਹਾ ਜਿਹਾ ਜੈਤੂਨ ਦਾ ਤੇਲ ਗਰਮ ਕਰਕੇ ਨਹੁੰਆਂ ‘ਤੇ ਮਾਲਿਸ਼ ਕਰੋ। ਇਹ ਜੈਤੂਨ ਦਾ ਤੇਲ ਨਹੁੰਆਂ ਨੂੰ ਪੋਸ਼ਣ ਦੇਣ ‘ਚ ਵੀ ਮਦਦ ਕਰੇਗਾ। ਜੈਤੂਨ ਦੇ ਤੇਲ ਦੀ ਨਿਯਮਤ ਵਰਤੋਂ ਕਰਨ ਨਾਲ ਨਹੁੰ ਮਜ਼ਬੂਤ ਹੋਣਗੇ ਅਤੇ ਗਲੋਇੰਗ ਵੀ ਹੋਣਗੇ। ਇਸ ਤੋਂ ਇਲਾਵਾ ਜੈਤੂਨ ਦੇ ਤੇਲ ਨਾਲ ਮਾਲਿਸ਼ ਕਰਨ ਨਾਲ ਤੁਹਾਡੀ ਥਕਾਵਟ ਘੱਟ ਹੋਵੇਗੀ।

ਕੱਚਾ ਦੁੱਧ ਲਾਭਦਾਇਕ: ਨਹੁੰ ਮਜ਼ਬੂਤ ਕਰਨ ਲਈ ਤੁਸੀਂ ਕੱਚੇ ਦੁੱਧ ਦੀ ਵਰਤੋਂ ਕਰ ਸਕਦੇ ਹੋ। ਇਹ ਨਾ ਸਿਰਫ ਸਕਿਨ ਲਈ ਸਗੋਂ ਨਹੁੰਆਂ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇੱਕ ਬਾਊਲ ‘ਚ ਕੱਚਾ ਦੁੱਧ ਪਾਓ। ਆਪਣੀਆਂ ਉਂਗਲਾਂ ਨੂੰ ਦੁੱਧ ‘ਚ 10 ਮਿੰਟ ਲਈ ਭਿਓ ਕੇ ਰੱਖੋ। ਇਹ ਤੁਹਾਡੇ ਨਹੁੰਆਂ ਨੂੰ ਨਮੀ ਦੇਵੇਗਾ ਅਤੇ ਨਹੁੰ ਦੇ ਵਿਕਾਸ ਨੂੰ ਵੀ ਉਤਸ਼ਾਹਿਤ ਕਰੇਗਾ।

ਸੇਂਦਾ ਨਮਕ ਅਤੇ ਗਰਮ ਪਾਣੀ: ਤੁਸੀਂ ਨਹੁੰਆਂ ਲਈ ਨਮਕ ਅਤੇ ਗਰਮ ਪਾਣੀ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਹ ਤੁਹਾਡੇ ਨਹੁੰ ਮਜ਼ਬੂਤ ਕਰਨ ‘ਚ ਮਦਦ ਕਰਦਾ ਹੈ। ਇਸ ਨਾਲ ਤੁਸੀਂ ਬਹੁਤ ਆਰਾਮਦਾਇਕ ਮਹਿਸੂਸ ਕਰੋਗੇ। ਇਸ ਨੂੰ ਨਿਯਮਿਤ ਤੌਰ ‘ਤੇ ਕਰਨ ਨਾਲ ਤੁਹਾਡੇ ਨਹੁੰ ਵੀ ਸਾਫ ਰਹਿਣਗੇ ਅਤੇ ਨਹੁੰਆਂ ਦੇ ਆਲੇ-ਦੁਆਲੇ ਦੀ ਸਕਿਨ ਵੀ ਸੌਫਟ ਹੋਵੇਗੀ।

ਨਹੁੰਆਂ ਦੀ ਦੇਖਭਾਲ ਕਿਵੇਂ ਕਰੀਏ ?

• ਪੂਰੇ ਦਿਨ ਲਈ ਆਪਣੇ ਪੈਰਾਂ ਦੇ ਨਹੁੰ ਨਾ ਢੱਕੋ। ਇਸ ਨਾਲ ਤੁਹਾਨੂੰ ਇੰਫੈਕਸ਼ਨ ਹੋ ਸਕਦੀ ਹੈ।
• ਪੈਰਾਂ ਨੂੰ ਖੁੱਲ੍ਹਾ ਛੱਡਣ ਲਈ ਸਿਰਫ਼ ਅਜਿਹੇ ਆਰਾਮਦਾਇਕ ਜੁੱਤੇ ਪਹਿਨੋ। ਧਿਆਨ ਰੱਖੋ ਕਿ ਪੈਰ ਜ਼ਿਆਦਾ ਗਿੱਲੇ ਨਾ ਹੋਣ। ਗਿੱਲੇ ਨਹੁੰਆਂ ਨੂੰ ਉੱਲੀ ਲੱਗ ਸਕਦੀ ਹੈ।
• ਦਫਤਰ ਤੋਂ ਆਉਣ ਤੋਂ ਬਾਅਦ ਕੋਸੇ ਪਾਣੀ ‘ਚ ਨਮਕ ਪਾਓ ਅਤੇ ਉਸ ਪਾਣੀ ‘ਚ ਨਹੁੰਆਂ ਨੂੰ ਰੱਖੋ। ਇਸ ਨਾਲ ਤੁਹਾਨੂੰ ਰਾਹਤ ਵੀ ਮਿਲੇਗੀ।
• ਨਹੁੰਆਂ ਨੂੰ ਸੁਕਾਉਣ ਲਈ ਵੀ ਐਂਟੀਫੰਗਲ ਪਾਊਡਰ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।

The post ਨਹੁੰ ਹੋਣਗੇ ਬਿਲਕੁਲ ਸੌਫਟ ਅਤੇ ਗਲੋਇੰਗ, ਇਨ੍ਹਾਂ ਘਰੇਲੂ ਨੁਸਖ਼ਿਆਂ ਨਾਲ ਕਰੋ ਦੇਖਭਾਲ appeared first on Daily Post Punjabi.