ਬੋਇੰਗ ਦੀ ਅਸਫਲ ਕੈਪਸੂਲ ਟੈਸਟ ਉਡਾਣ ‘ਤੇ ਸੁਨੀਤਾ ਵਿਲੀਅਮਜ਼ ਦੇ ਕਰੂ ਮੈਂਬਰ ਬੁੱਚ ਵਿਲਮੋਰ ਨੇ ਪਿਛਲੀ ਗਰਮੀਆਂ ਵਿੱਚ ਨਾਸਾ ਛੱਡ ਦਿੱਤਾ ਸੀ। ਸੁਨੀਤਾ ਅਤੇ ਵਿਲਮੋਰ 2024 ਵਿੱਚ ਪੁਲਾੜ ਸਟੇਸ਼ਨ ਗਏ ਸਨ। ਉਨ੍ਹਾਂ ਦਾ ਮਿਸ਼ਨ ਇੱਕ ਹਫ਼ਤੇ ਤੱਕ ਦਾ ਸੀ, ਪਰ ਸਟਾਰਲਾਈਨਰ ਵਿਚ ਸਮੱਸਿਆ ਕਰਕੇ ਉਨ੍ਹਾਂ ਨੂੰ ਨੌਂ ਮਹੀਨਿਆਂ ਤੋਂ ਵੱਧ ਸਮੇਂ ਲਈ ਸਟੇਸ਼ਨ ‘ਤੇ ਰਹਿਣਾ ਪਿਆ। ਅਕੀਰ ਵਿੱਚ ਉਹ ਪਿਛਲੇ ਮਾਰਚ 2025 ਵਿੱਚ ਸਪੇਸਐਕਸ ਨਾਲ ਘਰ ਵਾਪਸ ਆ ਗਏ।

ਸੁਨੀਤਾ ਵਿਲੀਅਮਜ਼ 60 ਸਾਲ ਦੀ ਹੈ। ਉਹ ਪਹਿਲਾਂ ਨੇਵੀ ਵਿੱਚ ਇੱਕ ਕੈਪਟਨ ਸੀ ਅਤੇ ਨਾਸਾ ਨਾਲ 27 ਸਾਲ ਤੋਂ ਵੱਧ ਸਮਾਂ ਬਿਤਾਇਆ। ਉਸ ਨੇ ਤਿੰਨ ਸਟੇਸ਼ਨ ਮਿਸ਼ਨਾਂ ਦੌਰਾਨ ਸਪੇਸ ਵਿੱਚ 608 ਦਿਨ ਬਿਤਾਏ। ਉਸ ਦੇ ਕੋਲ ਇੱਕ ਔਰਤ ਦੁਆਰਾ ਸਭ ਤੋਂ ਵੱਧ ਸਪੇਸਵਾਕ ਸਮਾਂ: ਨੌਂ ਯਾਤਰਾਵਾਂ ਦੌਰਾਨ 62 ਘੰਟੇ ਦਾ ਰਿਕਾਰਡ ਵੀ ਹੈ।

ਨਾਸਾ ਦੇ ਨਵੇਂ ਪ੍ਰਸ਼ਾਸਕ, ਜੇਰੇਡ ਇਸਹਾਕਮੈਨ, ਨੇ ਉਸਨੂੰ “ਮਨੁੱਖੀ ਪੁਲਾੜ ਉਡਾਣ ਵਿੱਚ ਇੱਕ ਰਾਹ ਵਿਖਾਉਣ ਵਾਲੀ” ਕਿਹਾ। ਉਨ੍ਹਾਂ ਨੇ ਇੱਕ ਬਿਆਨ ਵਿੱਚ ਕਿਹਾ, “ਤੁਹਾਡੀ ਯੋਗ ਰਿਟਾਇਰਮੈਂਟ ‘ਤੇ ਵਧਾਈਆਂ।”

ਇਹ ਵੀ ਪੜ੍ਹੋ : ਹਰੀਨੌ ਕਤਲਕਾਂਡ : 12 ਮੁਲਜ਼ਮਾਂ ਖਿਲਾਫ਼ ਚਾਰਜ ਫਰੇਮ, ਅਜੇ ਅੰਮ੍ਰਿਤਪਾਲ ਸਿੰਘ ਖਿਲਾਫ਼ ਚਲਾਨ ਪੇਸ਼ ਨਹੀਂ

ਸੁਨੀਤਾ ਵਿਲੀਅਮਜ਼ ਦੇ ਪਰਿਵਾਰ ਦੀਆਂ ਜੜ੍ਹਾਂ ਭਾਰਤੀ ਹਨ। ਉਸ ਦਾ ਪਰਿਵਾਰ ਗੁਜਰਾਤੀ ਮੂਲ ਦਾ ਹੈ। ਵਿਆਹ ਤੋਂ ਪਹਿਲਾਂ ਉਸ ਦਾ ਨਾਮ ਪਾਂਡਿਆ ਸੀ, ਅਤੇ ਉਸਨੂੰ ਸਮੋਸੇ ਬਹੁਤ ਪਸੰਦ ਹਨ। ਜਦੋਂ ਉਹ ਪੁਲਾੜ ਮਿਸ਼ਨ ‘ਤੇ ਗਈ ਸੀ ਤਾਂ ਉਹ ਆਪਣੇ ਨਾਲ ਭਗਵਾਨ ਗਣੇਸ਼ ਦੀ ਮੂਰਤੀ, ਸ਼੍ਰੀਮਦ ਭਗਵਦ ਗੀਤਾ ਦੀ ਇੱਕ ਕਾਪੀ ਅਤੇ ਕੁਝ ਭਾਰਤੀ ਸਨੈਕਸ ਲੈ ਕੇ ਗਈ ਸੀ। ਸੁਨੀਤਾ ਨੇ ਭਾਰਤ ਵਿੱਚ ਪੁਲਾੜ ਖੇਤਰ ਨੂੰ ਉਤਸ਼ਾਹਿਤ ਕਰਨ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਆਂ ਨੀਤੀਆਂ ਦੀ ਪ੍ਰਸ਼ੰਸਾ ਕੀਤੀ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਸ ਹੋਈ ਰਿਟਾਇਰ, 27 ਸਾਲਾਂ ਦੇ ਕਰੀਅਰ ਮਗਰੋਂ NASA ਨੂੰ ਕਿਹਾ ਅਲਵਿਦਾ appeared first on Daily Post Punjabi.

ਨੈਸ਼ਨਲ ਏਰੋਨਾਟਿਕਸ ਐਂਡ ਸਪੇਸ ਐਡਮਨਿਸਟ੍ਰੇਸ਼ਨ (ਨਾਸਾ) ਨੇ ਕਿਹਾ ਕਿ ਪੁਲਾੜ ਯਾਤਰੀ ਵਿਲਮੋਰ ਅਤੇ ਸੁਨੀਤਾ ਵਿਲੀਅਮਸ ਨੂੰ ਇਸ ਸਮੇਂ ਧਰਤੀ ‘ਤੇ ਵਾਪਸ ਲਿਆਉਣਾ ਬਹੁਤ ਜੋਖਮ ਭਰਿਆ ਹੈ, ਜਿਸ ਕਾਰਨ ਬੋਇੰਗ ਦਾ ਸਟਾਰਲਾਈਨਰ ਕੈਪਸੂਲ ਦੋਵਾਂ ਪੁਲਾੜ ਯਾਤਰੀਆਂ ਤੋਂ ਬਿਨਾਂ ਵਾਪਸ ਪਰਤ ਜਾਵੇਗਾ।ਵਿਲਮੋਰ ਅਤੇ ਵਿਲੀਅਮਜ਼ ਰਸਮੀ ਤੌਰ ‘ਤੇ ਮੁਹਿੰਮ ਦੇ ਹਿੱਸੇ ਵਜੋਂ ਆਪਣਾ ਕੰਮ ਜਾਰੀ ਰੱਖਣਗੇ ਅਤੇ 25 ਫਰਵਰੀ, 2025 ਨੂੰ ਵਾਪਸ ਆਉਣਗੇ। ਇਸ ਦਾ ਮਤਲਬ ਹੈ ਕਿ ਜੋ ਟੈਸਟਿੰਗ ਫਲਾਈਟ ਇਕ ਹਫਤੇ ‘ਚ ਹੋਣੀ ਸੀ, ਹੁਣ ਉਸ ਨੂੰ ਲਗਭਗ 8 ਮਹੀਨੇ ਤੱਕ ਵਧਾ ਦਿੱਤਾ ਗਿਆ ਹੈ।

ਨਾਸਾ ਨੇ ਕਿਹਾ ਕਿ ਸੁਨੀਤਾ ਅਤੇ ਵਿਲਮੋਰ ਏਜੰਸੀ ਦੇ ਸਪੇਸਐਕਸ ਕਰੂ-9 ਮਿਸ਼ਨ ਨੂੰ ਸੌਂਪੇ ਗਏ ਦੋ ਹੋਰ ਅਮਲੇ ਦੇ ਮੈਂਬਰਾਂ ਦੇ ਨਾਲ ਡਰੈਗਨ ਪੁਲਾੜ ਯਾਨ ‘ਤੇ ਸਵਾਰ ਹੋ ਕੇ ਘਰ ਪਰਤਣਗੇ। ਸਟਾਰਲਾਈਨਰ ਦੇ ਪੁਲਾੜ ਸਟੇਸ਼ਨ ਤੋਂ ਰਵਾਨਾ ਹੋਣ ਅਤੇ ਸਤੰਬਰ ਦੇ ਸ਼ੁਰੂ ਵਿੱਚ ਧਰਤੀ ‘ਤੇ ਦਾਖਲ ਹੋਣ ਅਤੇ ਉਤਰਨ ਦੀ ਉਮੀਦ ਹੈ। ਇਹ ਕੈਪਸੂਲ ਦੀ ਬਿਨਾ ਚਾਲਕ ਦਲ ਦੀ ਵਾਪਸੀ ਨਾਸਾ ਅਤੇ ਬੋਇੰਗ ਨੂੰ ਸਟਾਰਲਾਈਨਰ ਦੀ ਆਉਣ ਵਾਲੀ ਫਲਾਈਟ ਦੌਰਾਨ ਟੈਸਟ ਡੇਟਾ ਇਕੱਠਾ ਕਰਨ ਦੀ ਇਜਾਜ਼ਤ ਦੇਵੇਗੀ, ਜਦੋਂ ਕਿ ਇਸਦੇ ਚਾਲਕ ਦਲ ਲਈ ਕੋਈ ਜੋਖਮ ਵੀ ਨਹੀਂ ਹੋਵੇਗਾ।

ਇਹ ਵੀ ਪੜ੍ਹੋ : ਸ੍ਰੀ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਏ CM ਮਾਨ ਤੇ ਮਨੀਸ਼ ਸਿਸੋਦੀਆ, ਸਰਬਤ ਦੇ ਭਲੇ ਦੀ ਕੀਤੀ ਅਰਦਾਸ

ਤੁਹਾਨੂੰ ਦੱਸ ਦੇਈਏ ਕਿ ਜੂਨ ਵਿੱਚ ਨਾਸਾ ਦੇ ਬੋਇੰਗ ਕਰੂ ਫਲਾਈਟ ਟੈਸਟ ਵਿੱਚ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਉਡਾਣ ਭਰਨ ਵਾਲੇ ਵਿਲਮੋਰ ਅਤੇ ਸੁਨੀਤਾ ਵਿਲੀਅਮਜ਼ ਗਤੀਵਿਧੀਆਂ ਤੋਂ ਇਲਾਵਾ ਸਟੇਸ਼ਨ ਖੋਜ, ਰੱਖ-ਰਖਾਅ ਅਤੇ ਸਟਾਰਲਾਈਨਰ ਸਿਸਟਮ ਟੈਸਟਿੰਗ ਅਤੇ ਡੇਟਾ ਵਿਸ਼ਲੇਸ਼ਣ ਵਿੱਚ ਸਹਾਇਤਾ ਕਰ ਰਹੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

The post ਸੁਨੀਤਾ ਵਿਲੀਅਮਜ਼ ਦੀ ਧਰਤੀ ‘ਤੇ ਵਾਪਸੀ ਦੀ ਤਰੀਕ ਤੈਅ, ਨਾਸਾ ਨੇ ਸਾਂਝੀ ਕੀਤੀ ਜਾਣਕਾਰੀ appeared first on Daily Post Punjabi.

humans could land moon

ਇਹ ਤਸਵੀਰ ਦੋ ਲੂਨਰ ਆਰਬਿਟਰ ਕੈਮਰਿਆਂ ਨੂੰ ਮਿਲਾ ਕੇ ਬਣਾਈ ਗਈ ਹੈ। ਇੱਕ ਫੋਟੋ Lunar Reconnaissance Orbiter Camera (LROC) ਅਤੇ ਦੂਜੀ ਸ਼ੈਡੋਕੈਮ ਤੋਂ ਲਈ ਗਈ ਹੈ। LROC 2009 ਤੋਂ ਚੰਦਰਮਾ ਦੀ ਸਤ੍ਹਾ ਦੀਆਂ ਵਿਸਤ੍ਰਿਤ ਤਸਵੀਰਾਂ ਲੈ ਰਿਹਾ ਹੈ, ਪਰ ਚੰਦਰਮਾ ਦੇ ਹਨੇਰੇ ਖੇਤਰਾਂ ਦੀਆਂ ਤਸਵੀਰਾਂ ਲੈਣ ਵਿੱਚ ਹਮੇਸ਼ਾ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਦੌਰਾਨ ਕੋਰੀਆ ਏਰੋਸਪੇਸ ਰਿਸਰਚ ਇੰਸਟੀਚਿਊਟ ਦੁਆਰਾ 2022 ਵਿੱਚ ਲਾਂਚ ਕੀਤੇ ਗਏ ਸ਼ੈਡੋਕੈਮ ਨੂੰ ਕਾਫ਼ੀ ਖਾਸ ਮੰਨਿਆ ਗਿਆ ਸੀ। ਕਿਉਂਕਿ ਇਹ LROC ਨਾਲੋਂ 200 ਗੁਣਾ ਜ਼ਿਆਦਾ ਰੋਸ਼ਨੀ-ਸੰਵੇਦਨਸ਼ੀਲ ਹੈ। ਇਹ ਬਹੁਤ ਘੱਟ ਰੋਸ਼ਨੀ ਦੀਆਂ ਸਥਿਤੀਆਂ ਵਿੱਚ ਸਫਲਤਾਪੂਰਵਕ ਕੰਮ ਕਰ ਸਕਦਾ ਹੈ। ਹਾਲਾਂਕਿ, ਸ਼ੈਡੋਕੈਮ ਚੰਦਰਮਾ ਦੇ ਖੇਤਰ ਦੀਆਂ ਤਸਵੀਰਾਂ ਲੈਣ ਦੇ ਯੋਗ ਨਹੀਂ ਹੈ ਜੋ ਸਿੱਧੇ ਤੌਰ ‘ਤੇ ਚਮਕਦਾ ਹੈ ਭਾਵ ਜਿੱਥੇ ਜ਼ਿਆਦਾ ਰੌਸ਼ਨੀ ਹੈ। ਇਸ ਲਈ ਦੋਹਾਂ ਕੈਮਰਿਆਂ ਦੀਆਂ ਤਸਵੀਰਾਂ ਨੂੰ ਮਿਲਾ ਕੇ, ਨਾਸਾ ਨੇ ਸ਼ੈਕਲਟਨ ਕ੍ਰੇਟਰ ਦੀ ਤਸਵੀਰ ਜਾਰੀ ਕੀਤੀ ਹੈ, ਇਹ ਤਸਵੀਰ ਚੰਦਰਮਾ ਦੇ ਸਭ ਤੋਂ ਚਮਕਦਾਰ ਅਤੇ ਹਨੇਰੇ ਦੋਹਾਂ ਹਿੱਸਿਆਂ ਨੂੰ ਮਿਲਾ ਕੇ ਲਈ ਗਈ ਹੈ। ਇਹ ਚਿੱਤਰ ਚੰਦਰਮਾ ਦੇ ਦੱਖਣੀ ਧਰੁਵ ਦੀਆਂ ਵਿਸ਼ੇਸ਼ਤਾਵਾਂ ਦਾ ਇੱਕ ਵਿਆਪਕ ਨਕਸ਼ਾ ਹੈ, ਜੋ ਸੁਝਾਅ ਦਿੰਦਾ ਹੈ ਕਿ ਪੁਲਾੜ ਯਾਤਰੀ ਇੱਥੇ ਆਸਾਨੀ ਨਾਲ ਉਤਰ ਸਕਦੇ ਹਨ।

The post ਚੰਦ ‘ਤੇ ਹੁਣ ਇਸ ਜਗ੍ਹਾ ‘ਤੇ ਲੈਂਡ ਕਰੇਗਾ ਇਨਸਾਨ! NASA ਨੇ ਜਾਰੀ ਕੀਤੀ ਨਵੀਂ ਤਸਵੀਰ appeared first on Daily Post Punjabi.

ਰਿਪੋਰਟ ਮੁਤਾਬਕ NASA ਨੇ ਤਿੰਨ ਦਹਾਕਿਆਂ ਦੇ ਸੈਟੇਲਾਈਟ ਡਾਟਾ ਦਾ ਵਿਸ਼ਲੇਸ਼ਣ ਕਰਨ ਤੋਂ ਬਾਅਦ ਦੱਸਿਆ ਹੈ ਕਿ ਅਮਰੀਕਾ ਦਾ ਤੱਟ ਇਕ ਫੁੱਟ (12 ਇੰਚ) ਤੱਕ ਡੁੱਬ ਜਾਵੇਗਾ। ਸਭ ਤੋਂ ਵੱਧ ਅਸਰ ਖਾੜੀ ਤੱਟ ਅਤੇ ਦੱਖਣ-ਪੂਰਬੀ ਤੱਟ ‘ਤੇ ਪਵੇਗਾ। ਇਸ ਮੁਤਾਬਕ ਨਿਊਯਾਰਕ, ਸੈਨ ਫਰਾਂਸਿਸਕੋ, ਲਾਸ ਏਂਜਲਸ ਅਤੇ ਵਰਜੀਨੀਆ ਵਰਗੇ ਕਈ ਤੱਟਵਰਤੀ ਰਾਜ ਡੁੱਬ ਜਾਣਗੇ।

ਇਹ ਵੀ ਪੜ੍ਹੋ: ਮੂਸੇਵਾਲੇ ਦੇ ਪਿਤਾ ਦੀ ਸਰਕਾਰ ਤੋਂ ਮੰਗ,”ਗੋਲਡੀ ਬਰਾੜ ‘ਤੇ ਰੱਖੋ 2 ਕਰੋੜ ਦਾ ਇਨਾਮ, ਮੈਂ ਜ਼ਮੀਨ ਵੇਚਕੇ ਦਿਆਂਗਾ ਪੈਸੇ”

ਨਾਸਾ ਦੀ ਚੇਤਾਵਨੀ ਨਾ ਸਿਰਫ਼ ਤੱਟਵਰਤੀ ਇਲਾਕਿਆਂ ਦੇ ਡੁੱਬਣ ਨੂੰ ਲੈ ਕੇ ਹੈ, ਬਲਕਿ ਕਿਹਾ ਗਿਆ ਹੈ ਕਿ ਤੂਫ਼ਾਨਾਂ ਕਾਰਨ ਸਭ ਤੋਂ ਵੱਡੀ ਸਮੱਸਿਆ ਸਮੁੰਦਰੀ ਹੜ੍ਹ ਦੀ ਹੋਵੇਗੀ । ਕਮਿਊਨੀਕੇਸ਼ਨ ਅਰਥ ਐਂਡ ਐਨਵਾਇਰਮੈਂਟ ਜਰਨਲ ਵਿੱਚ ਪ੍ਰਕਾਸ਼ਿਤ ਇਸ ਅਧਿਐਨ ਰਿਪੋਰਟ ਵਿੱਚ ਕਈ ਵਿਗਿਆਨਕ ਏਜੰਸੀਆਂ ਦੀਆਂ ਖੋਜ ਰਿਪੋਰਟਾਂ ਦੀ ਵੀ ਸਮੀਖਿਆ ਕੀਤੀ ਗਈ ਹੈ। ਇਨ੍ਹਾਂ ਰਿਪੋਰਟਾਂ ਵਿੱਚ ਦੱਸਿਆ ਗਿਆ ਹੈ ਕਿ ਅਗਲੇ 30 ਸਾਲਾਂ ਵਿੱਚ ਅਮਰੀਕਾ ਦੇ ਸਮੁੰਦਰੀ ਕੰਢਿਆਂ ‘ਤੇ ਸਿਰਫ ਪਾਣੀ ਹੀ ਹੋਵੇਗਾ । ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਅਮਰੀਕਾ ਦੇ ਪੂਰਬੀ ਤੱਟ ‘ਤੇ ਸਮੁੰਦਰ ਦਾ ਪੱਧਰ 10 ਤੋਂ 14 ਇੰਚ ਤੱਕ ਵਧ ਜਾਵੇਗਾ। ਖਾੜੀ ਤੱਟ ‘ਤੇ ਪਾਣੀ ਦਾ ਪੱਧਰ 14 ਤੋਂ 18 ਇੰਚ ਅਤੇ ਪੱਛਮੀ ਤੱਟ ‘ਤੇ 4 ਤੋਂ 8 ਇੰਚ ਵੱਧ ਜਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

The post ਖਤਰੇ ਦੀ ਘੰਟੀ: NASA ਦਾ ਵੱਡਾ ਦਾਅਵਾ, 2050 ਤੱਕ ਡੁੱਬ ਜਾਣਗੇ ਅਮਰੀਕਾ ਦੇ ਇਹ ਸ਼ਹਿਰ ! appeared first on Daily Post Punjabi.

ਵਰਤਮਾਨ ਵਿੱਚ ਪੁਲਾੜ ਵਿੱਚ ਸਭ ਤੋਂ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਮਹਿਲਾ ਦਾ ਰਿਕਾਰਡ ਕ੍ਰਿਸਟੀਨਾ ਕੋਚ ਦੇ ਨਾਮ ਹੈ । ਕੋਚ 328 ਦਿਨਾਂ ਤੱਕ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ‘ਤੇ ਰਹਿਣ ਅਤੇ ਵੱਖ-ਵੱਖ ਵਿਗਿਆਨਕ ਪ੍ਰਯੋਗਾਂ ਅਤੇ ਮਿਸ਼ਨਾਂ ਨੂੰ ਪੂਰਾ ਕਰਨ ਤੋਂ ਬਾਅਦ ਧਰਤੀ ‘ਤੇ ਵਾਪਸ ਆਈ ਸੀ । ਇਸ ਤੋਂ ਪਹਿਲਾਂ ਕੋਈ ਵੀ ਮਹਿਲਾ ਪੁਲਾੜ ਯਾਤਰੀ ਇੰਨੇ ਲੰਬੇ ਮਿਸ਼ਨ ‘ਤੇ ਨਹੀਂ ਗਈ ਹੈ ।

ਇਹ ਵੀ ਪੜ੍ਹੋ: ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਮੁੜ ਵਿਗੜੀ ਸਿਹਤ, ਮੁਕਤਸਰ ਤੋਂ ਲਿਆਂਦਾ ਜਾ ਰਿਹੈ PGI

ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਅਮਰੀਕੀ ਪੁਲਾੜ ਯਾਤਰੀ ਪੇਗੀ ਵਿਟਸਨ ਦੇ ਨਾਮ ਸੀ, ਜੋ 2016-17 ਦੌਰਾਨ ਸਟੇਸ਼ਨ ਕਮਾਂਡਰ ਦੇ ਰੂਪ ਵਿੱਚ 288 ਦਿਨ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ‘ਤੇ ਰਹੇ ਸੀ । ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦਾ ਕਹਿਣਾ ਹੈ ਕਿ ਇਸ ਮਿਸ਼ਨ ਤੋਂ ਵਿਗਿਆਨੀਆਂ ਨੂੰ ਭਵਿੱਖ ਦੇ ਚੰਦਰ ਅਤੇ ਮੰਗਲ ਮਿਸ਼ਨ ਲਈ ਮਹੱਤਵਪੂਰਨ ਡਾਟਾ ਮਿਲਿਆ ਸੀ।

ਹਿਊਸਟਨ ਵਿੱਚ ਮਿਸ਼ਨ ਕੰਟਰੋਲ ਤੋਂ CAPCOM Woody Hobaugh ਹੋਬੌਗ ਨੇ 300 ਨੂੰ ਪੂਰਾ ਕਰਨ ਦੇ ਇਸ ਮੌਕੇ ‘ਤੇ ਵੈਂਡੇ ਹੇ ਅਤੇ ਫਲਾਈਟ ਇੰਜੀਨੀਅਰ ਪਿਓਟਰ ਡੁਬਰੋਵ ਦੋਵਾਂ ਨੂੰ ਵਧਾਈ ਦਿੱਤੀ ਹੈ । ਦੱਸ ਦੇਈਏ ਕਿ ਮਾਰਚ ਦੇ ਅੰਤ ਵਿੱਚ ਪੁਲਾੜ ਯਾਤਰੀ ਮਾਰਕ ਵੈਂਡੇ ਹੇ, ਫਲਾਈਟ ਇੰਜੀਨੀਅਰ ਡੁਬਰੋਵ ਅਤੇ ਸਟੇਸ਼ਨ ਕਮਾਂਡਰ ਐਂਟੋਨ ਸ਼ਕਾਪਲੇਰੋਵ ਸੋਯੂਜ਼ MS-19 ਚਾਲਕ ਦਲ ਵਿੱਚ ਸਵਾਰ ਹੋ ਕੇ ਧਰਤੀ ‘ਤੇ ਵਾਪਸ ਪਰਤਣਗੇ।

ਵੀਡੀਓ ਲਈ ਕਲਿੱਕ ਕਰੋ -:

“ਚੱਲਦੀ ਇੰਟਰਵਿਊ ‘ਚ ਪੱਤਰਕਾਰਾਂ ਨੂੰ ਚੁੱਪ ਕਰਵਾ ਕੇ ਜਨਤਾ ਨੇ ਖੁਦ ਪੁੱਛੇ ਸਵਾਲ..”

The post ਯਾਤਰੀ ਨੇ ਪੁਲਾੜ ‘ਚ 300 ਦਿਨ ਕੀਤੇ ਪੂਰੇ, 30 ਮਾਰਚ ਨੂੰ ਲੈਂਡਿੰਗ ਕਰ ਤੋੜਣਗੇ NASA ਦਾ ਰਿਕਾਰਡ appeared first on Daily Post Punjabi.

ਇੱਕ ਰਿਪੋਰਟ ਅਨੁਸਾਰ ਮੰਗਲ ਦੇ ਨੇੜੇ ਜਾਣਾ ਕੁਝ ਸੌਖਾ ਹੋ ਸਕਦਾ ਹੈ, ਪਰ ਸਭ ਤੋਂ ਮੁਸ਼ਕਿਲ ਹੁੰਦਾ ਹੈ ਇੱਥੇ ਰੋਵਰ ਨੂੰ ਲੈਂਡ ਕਰਵਾਉਣਾ। ਬਹੁਤੇ ਮਿਸ਼ਨ ਇਸ ਪੜਾਅ ‘ਤੇ ਆ ਕੇ ਦਮ ਤੋੜ ਦਿੰਦੇ ਹਨ। ਪਰਸੀਵਰੇਂਸ ਰੋਵਰ ਆਖਰੀ 7 ਮਿੰਟ ਵਿੱਚ 12 ਹਜ਼ਾਰ ਮੀਲ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ 0 ਦੀ ਗਤੀ ਤੱਕ ਪਹੁੰਚਿਆ। ਜਿਸ ਤੋਂ ਬਾਅਦ ਹੀ ਇਸਦੀ ਲੈਂਡਿੰਗ ਕਰਵਾਈ ਗਈ। ਇਸ ਉਚਾਈ ਤੇ ਇਸ ਗਤੀ ਨੂੰ ਜ਼ੀਰੋ ‘ਤੇ ਲਿਆਉਣਾ ਅਤੇ ਫਿਰ ਇਸ ਨੂੰ ਹਲਕੇ ਨਾਲ ਉਤਾਰਨਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਸੀ। ਡਾ. ਸਵਾਤੀ ਮੋਹਨ ਅਤੇ ਉਨ੍ਹਾਂ ਦੀ ਟੀਮ ਨੇ ਇਹ ਕਰ ਦਿਖਾਇਆ ਅਤੇ ਦੁਨੀਆ ਅੱਜ ਉਨ੍ਹਾਂ ‘ਤੇ ਮਾਣ ਕਰ ਰਹੀ ਹੈ।

ਦੱਸ ਦੇਈਏ ਕਿ ਸਵਾਤੀ ਮੋਹਨ 2013 ਤੋਂ ਮੰਗਲ ਪਰਸੀਵਰੈਂਸ ਰੋਵਰ ਮਿਸ਼ਨ ਦਾ ਹਿੱਸਾ ਹੈ। ਜਦੋਂ ਸਵਾਤੀ ਇੱਕ ਸਾਲ ਦੀ ਸੀ, ਉਸਦੇ ਮਾਤਾ-ਪਿਤਾ ਅਮਰੀਕਾ ਸ਼ਿਫਟ ਹੋ ਗਏ ਸਨ। ਸਵਾਤੀ ਮੋਹਨ ਨੇ ਆਪਣੀ ਮੁੱਢਲੀ ਪੜ੍ਹਾਈ ਉੱਤਰੀ ਵਰਜੀਨੀਆ ਦੇ ਇਲਾਕੇ ਵਿੱਚ ਐਲੇਗਜ਼ੈਂਡਰੀਆ ਸਥਿਤ ਹੇਲਫੀਲਡ ਹਾਈ ਸਕੂਲ ਤੋਂ ਪ੍ਰਾਪਤ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਸਵਾਤੀ ਸ਼ੁਰੂ ਤੋਂ ਹੀ ਮਿਸ਼ਨ ਮੰਗਲ ਅਤੇ ਖ਼ਾਸਕਰ ਪਰਸੀਵਰੇਂਸ ਰੋਵਰ ਨਾਲ ਜੁੜੀ ਰਹੀ ਹੈ। ਉਸਨੇ ਪਾਸਾਡੇਨਾ ਵਿੱਚ ਨਾਸਾ ਦੀ ਜੈੱਟ ਪ੍ਰੋਪਲਸ਼ਨ ਯੂਨਿਟ ਵਿੱਚ ਬਹੁਤ ਸਾਰਾ ਸਮਾਂ ਬਿਤਾਇਆ। ਇਸ ਦੌਰਾਨ ਬਹੁਤ ਸਾਰੇ ਪੁਲਾੜ ਮਿਸ਼ਨਾਂ ਅਤੇ ਐਡਵਾਂਸਡ ਟੈਕਨੋਲੋਜੀ ‘ਤੇ ਖੋਜ ਕੀਤੀ ਗਈ। 

ਇਹ ਵੀ ਦੇਖੋ: ਫੋਟੋ ਰਿਲੀਜ਼ ਹੋਣ ‘ਤੇ ਸਤਨਾਮ ਸਿੰਘ ਪੰਨੂੰ ਨੇ ਕਿਹਾ ਮੈਂ ਨਹੀਂ ਗਿਆ ਲਾਲ ਕਿਲ੍ਹੇ ਵੱਲ

The post ਭਾਰਤੀ ਮੂਲ ਦੀ ਡਾ. ਸਵਾਤੀ ਨੇ ਮਿਸ਼ਨ ਮੰਗਲ ਨੂੰ ਬਣਾਇਆ ਕਾਮਯਾਬ, Perseverance Rover ਦੀ ਕਰਵਾਈ ਸਫਲਤਾਪੂਰਵਕ ਲੈਂਡਿੰਗ appeared first on Daily Post Punjabi.

ਸੋਮਵਾਰ ਦੀ ਰਾਤ ਨੂੰ NASA ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਭਵਿਆ ਹਰ ਪੱਖੋਂ ਇਸ ਅਹੁਦੇ ਦੇ ਯੋਗ ਹੈ। ਉਸ ਕੋਲ ਇੰਜੀਨੀਅਰਿੰਗ ਅਤੇ ਪੁਲਾੜ ਤਕਨਾਲੋਜੀ ਦਾ ਤਜਰਬਾ ਹੈ। ਉਹ 2005 ਤੋਂ 2020 ਤੱਕ ਸਾਇੰਸ ਐਂਡ ਟੈਕਨੋਲੋਜੀ ਪਾਲਿਸੀ ਇੰਸਟੀਚਿਊਟ (STPI) ਦੇ ਰੱਖਿਆ ਵਿਸ਼ਲੇਸ਼ਣ ਵਿੰਗ ਵਿੱਚ ਮੈਂਬਰ ਅਤੇ ਖੋਜਕਰਤਾ ਰਹੀ ਹੈ । ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਪੁਲਾੜ ਤਕਨਾਲੋਜੀ, ਪੁਲਾੜ ਰਣਨੀਤੀ ਅਤੇ ਨੀਤੀ ਵਿੱਚ ਆਪਣੇ ਤਜ਼ਰਬੇ ਤੋਂ ਇਲਾਵਾ, ਉਸਨੇ ਵ੍ਹਾਈਟ ਹਾਊ ਵਿੱਚ ਨੀਤੀ ਅਤੇ ਰਾਸ਼ਟਰੀ ਪੁਲਾੜ ਪਰਿਸ਼ਦ ਵਿੱਚ ਵੀ ਕੰਮ ਕੀਤਾ ਹੈ। ਲਾਲ ਨੂੰ ਨਾ ਸਿਰਫ ਰੱਖਿਆ ਵਿਭਾਗ ਦਾ, ਬਲਕਿ ਸਪੇਸ ਇੰਟੈਲੀਜੈਂਸ ਕਮਿਊਨਿਟੀ ਦਾ ਵੀ ਡੂੰਘਾ ਗਿਆਨ ਹੈ।

ਦਰਅਸਲ, ਭਵਿਆ ਲਗਾਤਾਰ ਦੋ ਵਾਰ ਕੌਮੀ ਸਮੁੰਦਰੀ ਪ੍ਰਸ਼ਾਸਨ ਕਮੇਟੀ ਦੀ ਅਗਵਾਈ ਕਰ ਚੁੱਕੀ ਹੈ । ਉਹ ਪਹਿਲਾਂ ਵੀ NASA ਵਿਖੇ ਸਲਾਹਕਾਰ ਕੌਂਸਲ ਦੀ ਮੈਂਬਰ ਰਹਿ ਚੁੱਕੀ ਹੈ। ਪੁਲਾੜ ਖੋਜ ਦੇ ਮਾਮਲੇ ਵਿੱਚ ਅਮਰੀਕਾ ਦੀ ਵੱਡੀ ਕੰਪਨੀ C-STPS LLC ਵਿੱਚ ਵੀ ਭਵਿਆ ਨੇ ਕੰਮ ਕੀਤਾ ਹੈ। ਬਾਅਦ ਵਿੱਚ ਉਹ ਇਸ ਦੀ ਪ੍ਰਧਾਨ ਵੀ ਬਣ ਗਈ । ਉਸ ਤੋਂ ਬਾਅਦ ਉਸ ਨੂੰ ਵ੍ਹਾਈਟ ਹਾਊਸ ਵਿੱਚ ਸਪੇਸ ਇੰਟੈਲੀਜੈਂਸ ਕਮੇਟੀ ਦਾ ਮੈਂਬਰ ਬਣਾਇਆ ਗਿਆ ਸੀ।

ਦੱਸ ਦੇਈਏ ਕਿ ਅਮਰੀਕੀ ਨਿਊਕਲੀਅਰ ਸੁਸਾਇਟੀ ਅਤੇ ਇਮਰਜਿੰਗ ਟੈਕਨੋਲੋਜੀ ਨਾਲ ਜੁੜੀਆਂ ਦੋ ਸਰਕਾਰੀ ਕੰਪਨੀਆਂ ਨੇ ਭਵਿਆ ਨੂੰ ਬਤੌਰ ਸਲਾਹਕਾਰ ਆਪਣੇ ਬੋਰਡ ਵਿੱਚ ਜਗ੍ਹਾ ਦਿੱਤੀ ਸੀ। ਉਸ ਦੇ ਕਹਿਣ ‘ਤੇ ਪੁਲਾੜ ਯਾਤਰੀ ਸਿਖਲਾਈ ਪ੍ਰੋਗਰਾਮ ਟਵੀਟ ਕੀਤੇ ਗਏ ਸਨ। ਭਵਿਆ ਨੇ ਮੈਸੇਚਿਉਸੇਟਸ ਇੰਸਟੀਚਿਊਟ ਆਫ ਟੈਕਨੋਲੋਜੀ ਤੋਂ ਇੰਜੀਨੀਅਰਿੰਗ ਕੀਤੀ। ਇਸ ਤੋਂ ਬਾਅਦ ਉਸਨੂੰ ਪਬਲਿਕ ਪਾਲਿਸੀ ਅਤੇ ਲੋਕ ਪ੍ਰਸ਼ਾਸਨ ਵਿੱਚ ਡਾਕਟਰੇਟ ਹਾਸਿਲ ਕੀਤੀ ।

ਇਹ ਵੀ ਦੇਖੋ: ਦਿੱਲੀ ‘ਚ ਗ੍ਰਿਫਤਾਰ ਨੌਜਵਾਨਾਂ ਨੂੰ ਬਚਾਇਗੀ ਪੰਜਾਬ ਸਰਕਾਰ, 70 ਵਕੀਲ ਕਰਨਗੇ ਪੈਰਵੀ, ਹੈਲਪਲਾਈਨ ਨੰ:112 ਤੇ ਕਰੋ ਸੰਪਰਕ

The post ਭਾਰਤੀ ਮੂਲ ਦੀ ਭਵਿਆ ਲਾਲ ਬਣੀ NASA ਦੀ ਕਾਰਜਕਾਰੀ ਚੀਫ਼ appeared first on Daily Post Punjabi.

ਲਾਂਚਿੰਗ ਤੋਂ ਪਹਿਲਾਂ ਨਾਸਾ ਦੇ ਪ੍ਰਸ਼ਾਸਕ ਜਿਮ ਬ੍ਰਿਡੇਂਸਟੀਨ ਨੇ ਕਿਹਾ ਕਿ ਅਸੀਂ ਇਤਿਹਾਸ ਰਚਣ ਜਾ ਰਹੇ ਹਾਂ ਕਿਉਂਕਿ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਦੀ ਪਹਿਲੀ ਕਾਰਜਸ਼ੀਲ ਉਡਾਣ ਸ਼ੁਰੂ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਾਡਾ ਟੀਚਾ ਧਰਤੀ ਦੇ ਲੋ-ਆਰਬਿਟ ਦੀ ਕਿਰਿਆ ਦਾ ਵਪਾਰੀਕਰਨ ਕਰਨਾ ਹੈ। ਐਤਵਾਰ ਦੀ ਲਾਂਚਿੰਗ ਤੋਂ ਬਾਅਦ ਸਪੇਸਕ੍ਰਾਫਟ ਸੋਮਵਾਰ ਨੂੰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ‘ਤੇ ਪਹੁੰਚ ਜਾਵੇਗਾ। ਉੱਥੇ ਹੀ ਫਲੋਰਿਡਾ ਵਿੱਚ ਲਾਂਚਿੰਗ ਸਮਾਰੋਹ ਵਿੱਚ ਹਿੱਸਾ ਲੈਣ ਲਈ ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਮਾਈਕ ਪੈਂਸ ਵੀ ਪਹੁੰਚੇ। ਉਨ੍ਹਾਂ ਕਿਹਾ ਕਿ ਰਾਕੇਟ ਦੇ ਉਡਾਣ ਭਰਨ ਦੇ ਲਗਭਗ ਇੱਕ ਮਿੰਟ ਬਾਅਦ ਤੱਕ ਉਨ੍ਹਾਂ ਦਾ ਸਾਹ ਰੁਕ ਗਿਆ ਸੀ ।

ਦੱਸ ਦੇਈਏ ਕਿ ਸਪੇਸਕ੍ਰਾਫਟ ਦੇ ਚਾਲਕ ਦਲ ਵਿੱਚ ਤਿੰਨ ਆਦਮੀ ਅਤੇ ਇੱਕ ਮਹਿਲਾ ਹੈ। ਟੀਮ ਦੀ ਅਗਵਾਈ ਏਅਰ ਫੋਰਸ ਦੇ ਕਰਨਲ ਹੌਪਕਿਨਜ਼ ਕਰ ਰਹੇ ਹਨ। ਤਿੰਨ ਅਮਰੀਕੀ ਪੁਲਾੜ ਯਾਤਰੀਆਂ ਦੇ ਨਾਲ ਇੱਕ ਜਾਪਾਨ ਦੇ ਪੁਲਾੜ ਯਾਤਰੀ ਨੂੰ ਵੀ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਵਿੱਚ ਦੋ ਰੂਸੀ ਅਤੇ ਇੱਕ ਅਮਰੀਕੀ ਪੁਲਾੜ ਯਾਤਰੀ ਪਹਿਲਾਂ ਹੀ ਮੌਜੂਦ ਹਨ।

ਇਸ ਸਪੇਸਕ੍ਰਾਫਟ ਦੀ ਲਾਂਚਿੰਗ ਤੋਂ ਬਾਅਦ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋ ਬਾਇਡੇਨ ਨੇ ਟਵੀਟ ਕਰਕੇ ਨਾਸਾ ਅਤੇ ਸਪੇਸਐਕਸ ਨੂੰ ਵਧਾਈ ਦਿੱਤੀ ਹੈ। ਪੁਲਾੜ ਕੰਪਨੀ ਸਪੇਸਐਕਸ ਦੀ ਇਹ ਦੂਜੀ ਪ੍ਰਬੰਧਿਤ ਉਡਾਣ ਹੈ। ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਨੇ ਵਿਸ਼ਵਾਸ ਜ਼ਾਹਿਰ ਕੀਤਾ ਹੈ ਕਿ ਅਜਿਹੇ ਹੋਰ ਵੀ ਕਈ ਮਿਸ਼ਨ ਜਾਰੀ ਰਹਿਣਗੇ।

ਇਹ ਵੀ ਦੇਖੋ: ਖੋਤੇ-ਖੱਚਰਾਂ ਤੇ ਜ਼ਿਆਦਾ ਵਜ਼ਨ ਲੱਦਣ ਵਾਲਿਆਂ ਦੀ ਹੁਣ ਖੈਰ ਨਹੀਂ, PFA Group ਦਰਜ ਕਰਵਾਏਗਾ ਮੁਕੱਦਮਾ

The post US ਨੇ ਫਿਰ ਰਚਿਆ ਇਤਿਹਾਸ, NASA ਤੇ SpaceX ਦਾ ਕ੍ਰੂ ਮਿਸ਼ਨ ਲਾਂਚ appeared first on Daily Post Punjabi.

ਇਸ ਸੈਟੇਲਾਈਟ ਦੇ ਲਾਂਚ ਹੋਣ ਤੋਂ ਬਾਅਦ ਬਵੰਡਰ, ਜਵਾਲਾਮੁਖੀ, ਧਰਤੀ ਦੀ ਪਰਤ,ਭੂਚਾਲ, ਗਲੇਸ਼ੀਅਰ ਦਾ ਪਿਘਲਣਾ, ਸਮੁੰਦਰੀ ਤੂਫਾਨ, ਜੰਗਲ ਦੀ ਅੱਗ, ਸਮੁੰਦਰ ਦੇ ਪੱਧਰ ਵਿੱਚ ਕਮੀ ਜਾਂ ਇਸ ਤੋਂ ਵੱਧ ਹੋਣਾ, ਮਾਨਸੂਨ ਯਾਨੀ ਕਿ ਤੁਸੀ ਜਿਸ ਤਰ੍ਹਾਂ ਦੀ ਆਫ਼ਤਾਂ ਦੀ ਕਲਪਨਾ ਕਰ ਸਕਦੇ ਹੋ, ਉਨ੍ਹਾਂ ਸਾਰੀਆਂ ਦੀ ਜਾਣਕਾਰੀ ਇਹ ਪਹਿਲਾਂ ਦੇ ਦੇਵੇਗਾ। ਇਸਦੇ ਨਾਲ ਹੀ ਇਹ ਪੁਲਾੜ ਵਿੱਚ ਜਮ੍ਹਾਂ ਹੋ ਰਹੇ ਕੂੜੇ ਅਤੇ ਪੁਲਾੜ ਤੋਂ ਧਰਤੀ ਵੱਲ ਆਉਣ ਵਾਲੇ ਖ਼ਤਰਿਆਂ ਦੀ ਸੂਚਨਾ ਵੀ ਸਮੇਂ-ਸਮੇਂ ‘ਤੇ ਦਿੰਦਾ ਰਹੇਗਾ ।

ਇਸਰੋ ਅਤੇ ਨਾਸਾ ਨੇ ਮਿਲ ਕੇ ਪੁਲਾੜ Space Situational Awareness ਨਾਮ ਦਾ ਇੱਕ ਪ੍ਰਾਜੈਕਟ ਚਲਾ ਰਹੇ ਹਨ। ਇਸ ਦੇ ਤਹਿਤ ਨਿਸਾਰ ਦੀ ਸ਼ੁਰੂਆਤ ਕੀਤੀ ਜਾਵੇਗੀ। ਇੱਥੇ ਦੋ ਕਿਸਮਾਂ ਦੇ ਬੈਂਡ ਹੋਣਗੇ ਐੱਲ ਅਤੇ ਐੱਸ।  ਇਹ ਦੋਵੇਂ ਧਰਤੀ ‘ਤੇ ਰੁੱਖਾਂ ਅਤੇ ਪੌਦਿਆਂ ਦੀ ਵੱਧ ਰਹੀ ਗਿਣਤੀ ‘ਤੇ ਨਜ਼ਰ ਰੱਖਣਗੇ ਅਤੇ ਨਾਲ ਹੀ ਰੌਸ਼ਨੀ ਦੀ ਘਾਟ ਅਤੇ ਹੋਰ ਪ੍ਰਾਪਤ ਕਰਨ ਦੇ ਪ੍ਰਭਾਵ ਦਾ ਅਧਿਐਨ ਕਰਨਗੇ।

ਇਸ ਦਾ ਰਾਡਾਰ ਇੰਨਾ ਸ਼ਕਤੀਸ਼ਾਲੀ ਹੋਵੇਗਾ ਕਿ ਉਹ 240 ਕਿਲੋਮੀਟਰ ਤੱਕ ਦੇ ਖੇਤਰ ਦੀਆਂ ਸਪੱਸ਼ਟ ਤਸਵੀਰਾਂ ਖਿੱਚ ਸਕੇਗਾ। ਇਹ 12 ਦਿਨਾਂ ਬਾਅਦ ਦੁਬਾਰਾ ਧਰਤੀ ‘ਤੇ ਕਿਸੇ ਜਗ੍ਹਾ ਦੀ ਫੋਟੋ ਲਾਵੇਗਾ। ਕਿਉਂਕਿ ਇਸਨੂੰ ਧਰਤੀ ਦਾ ਇੱਕ ਚੱਕਰ ਨੂੰ ਪੂਰਾ ਕਰਨ ਵਿੱਚ 12 ਦਿਨ ਲੱਗਣਗੇ। ਇਸ ਦੌਰਾਨ ਇਹ ਧਰਤੀ ਦੇ ਵੱਖ-ਵੱਖ ਹਿੱਸਿਆਂ ਦੇ ਤੇਜ਼ੀ ਨਾਲ ਨਮੂਨੇ ਲੈਂਦੇ ਹੋਏ ਵਿਗਿਆਨੀਆਂ ਨੂੰ ਫੋਟੋਆਂ ਅਤੇ ਡਾਟਾ ਪ੍ਰਦਾਨ ਕਰਨਾ ਜਾਰੀ ਰੱਖੇਗਾ।

ਮੰਨਿਆ ਜਾਂਦਾ ਹੈ ਕਿ ਇਸ ਸੈਟੇਲਾਈਟ ਦੇ ਲਾਂਚ ਹੋਣ ਤੋਂ ਬਾਅਦ ਘੱਟੋ-ਘੱਟ 5 ਸਾਲਾਂ ਤੱਕ ਕੰਮ ਕਰਨਾ ਜਾਰੀ ਰਹੇਗਾ। ਇਸ ਦੌਰਾਨ ਇਸ ਨਿਸਾਰ ਰਾਹੀਂ ਜੁਆਲਾਮੁਖੀ, ਭੂਚਾਲ, ਜਮੀਨ ਖਿਸਕਣ, ਜੰਗਲ, ਖੇਤੀ, ਗਿੱਲੀ ਧਰਤੀ, ਪਰਮਾਫ੍ਰੌਸਟ, ਬਰਫ ਦਾ ਘੱਟ ਜ਼ਿਆਦਾ ਹੋਣਾ ਆਦਿ ਵਿਸ਼ਿਆਂ ਦਾ ਅਧਿਐਨ ਕੀਤਾ ਜਾਵੇਗਾ । ਨਾਲ ਹੀ, ਇਹ ਲੋਕਾਂ ਨੂੰ ਅਜਿਹੀਆਂ ਕੁਦਰਤੀ ਆਫ਼ਤਾਂ ਤੋਂ ਬਚਾਉਣ ਵਿੱਚ ਸਹਾਇਤਾ ਕਰੇਗਾ।

ਦੱਸ ਦੇਈਏ ਕਿ ਨਿਸਾਰ ਸੈਟੇਲਾਈਟ ਵਿੱਚ ਇੱਕ ਵੱਡਾ ਮੁੱਖ ਬੱਸ ਹੋਵੇਗੀ, ਜੋ ਕਿ ਬਹੁਤ ਸਾਰੇ ਯੰਤਰਾਂ ਨਾਲ ਲੈਸ ਹੋਵੇਗੀ । ਇੱਥੇ ਬਹੁਤ ਸਾਰੇ ਟ੍ਰਾਂਸਪੌਂਡਰ, ਦੂਰਬੀਨ ਅਤੇ ਰਾਡਾਰ ਸਿਸਟਮ ਵੀ ਹੋਣਗੇ। ਇਸ ਤੋਂ ਇਲਾਵਾ ਇਸ ਵਿਚੋਂ ਇੱਕ ਬਾਂਹ ਬਾਹਰ ਆਵੇਗੀ, ਜਿਸ ਦੇ ਉਪਰ  ਇੱਕ ਸਿਲੰਡਰ ਹੋਵੇਗਾ। ਜੇ ਇਹ ਸਿਲੰਡਰ ਲਾਂਚ ਹੋਣ ਦੇ ਕੁਝ ਘੰਟਿਆਂ ਬਾਅਦ ਖੁੱਲ੍ਹਦਾ ਹੈ, ਤਾਂ ਡਿਸ਼ ਐਂਟੀਨਾ ਵਰਗੀ ਇੱਕ ਵੱਡੀ ਛੱਤਰੀ ਬਾਹਰ ਨਿਕਲੇਗੀ। ਇਹ ਧਰਤੀ ‘ਤੇ ਹੋ ਰਹੀਆਂ ਕੁਦਰਤੀ ਗਤੀਵਿਧੀਆਂ ਦੀ ਕਲਪਨਾ ਕਰੇਗੀ। 

The post ਹੁਣ ਦੁਨੀਆ ਨੂੰ ਹਰ ਆਫ਼ਤ ਦੀ ਸੂਚਨਾ ਦੇਵੇਗਾ ISRO ਤੇ NASA ਦਾ NISAR appeared first on Daily Post Punjabi.

ਸੂਤਰਾਂ ਅਨੁਸਾਰ ਤਕਨੀਕੀ ਕਾਰਨਾਂ ਕਾਰਨ ਇਸ ਦੀ ਲਾਂਚਿੰਗ ਵਿੱਚ ਲੰਮਾ ਸਮਾਂ ਲੱਗ ਗਿਆ । ਹਾਲਾਂਕਿ, NASA ਨੇ ਇਸ ਦੇ ਦੇਰੀ ਹੋਣ ਦੇ ਕਾਰਨਾਂ ਬਾਰੇ ਸਪੱਸ਼ਟ ਨਹੀਂ ਕੀਤਾ। ਐੱਸ ਕਲਪਨਾ ਚਾਵਲਾ ਨਾਂ ਦੇ ਇਸ ਸਪੇਸਸ਼ਿਪ ਨੂੰ NG-14 ਮਿਸ਼ਨ ਦੇ ਸਟੇਸ਼ਨ ‘ਤੇ ਤਕਰੀਬਨ 3630 ਕਿਲੋਗ੍ਰਾਮ ਸਾਮਾਨ ਪਹੁੰਚਾਉਣਾ ਸੀ। ਪੁਲਾੜ ਯਾਨ ਨੂੰ ਸ਼ੁੱਕਰਵਾਰ ਰਾਤ ਨੂੰ ਲਾਂਚ ਕੀਤਾ ਗਿਆ।

ਕਲਪਨਾ ਚਾਵਲਾ ਨਾਂ ਦੇ ਪੁਲਾੜ ਦੇ ਉਦਘਾਟਨ ਮੌਕੇ ਉਸ ਦੇ ਪਤੀ ਜੀਨ ਹੈਰੀਸਨ ਨੇ ਕਿਹਾ ਕਿ ਕਲਪਨਾ ਨੂੰ ਇਹ ਜਾਣ ਕੇ ਬਹੁਤ ਖੁਸ਼ੀ ਹੁੰਦੀ ਕਿ ਰਾਕੇਟ ਉਸ ਦੇ ਨਾਂ ‘ਤੇ ਹੈ। ਆਪਣੀ ਇੱਕ ਇੰਟਰਵਿਊ ਵਿੱਚ ਉਸਨੇ ਕਿਹਾ ਸੀ ਕਿ ਭਾਰਤੀ ਸਫਲ ਹੋਣ ਲਈ ਪੂਰੀ ਦੁਨੀਆ ਨਾਲ ਮੁਕਾਬਲਾ ਕਰ ਸਕਦੇ ਹਨ। ਹੈਰੀਸਨ ਨੇ ਕਿਹਾ ਕਿ ਕਲਪਨਾ ਨੇ ਜੋ ਕੰਮ ਕੀਤਾ ਉਸ ਨੇ ਨਾ ਸਿਰਫ ਉਸਦੇ ਸਹਿਯੋਗੀ, ਬਲਕਿ ਬਹੁਤ ਸਾਰੇ ਭਾਰਤੀਆਂ ਨੂੰ ਵੀ ਪ੍ਰੇਰਿਤ ਕੀਤਾ।

ਦੱਸ ਦੇਈਏ ਕਿ ਅਮਰੀਕੀ ਪੁਲਾੜ ਏਜੰਸੀ ਨੇ ਸ਼ੁੱਕਰਵਾਰ ਨੂੰ ਪੁਲਾੜੀ ਜਹਾਜ਼ ਦੀ ਦੂਸਰੀ ਸ਼ੁਰੂਆਤ ਮੁਲਤਵੀ ਕਰ ਦਿੱਤੀ। ਅਮਰੀਕੀ ਏਅਰਸਪੇਸ ਕੰਪਨੀ ਨੌਰਥਰੋਪ ਗ੍ਰੀਮੈਨ ਦੀ ਇਹ ਕਾਰਗੋ ਸਪੇਸਸ਼ਿਪ ਸ਼ੁੱਕਰਵਾਰ ਨੂੰ ਲਾਂਚ ਕੀਤੀ ਜਾਣੀ ਸੀ। ਹਾਲਾਂਕਿ, ਲਾਂਚ ਹੋਣ ਤੋਂ ਸਿਰਫ 2 ਮਿੰਟ 40 ਸੈਕਿੰਡ ਪਹਿਲਾਂ ਇਸ ਦੇ ਜ਼ਮੀਨੀ ਸਹਾਇਤਾ ਉਪਕਰਣਾਂ ਵਿੱਚ ਖਰਾਬੀ ਕਾਰਨ ਇਹ ਨਹੀਂ ਹੋ ਸਕਿਆ। ਇਸ ਤੋਂ ਪਹਿਲਾਂ 29 ਸਤੰਬਰ ਨੂੰ ਖਰਾਬ ਮੌਸਮ ਕਾਰਨ ਇਸ ਨੂੰ ਲਾਂਚ ਨਹੀਂ ਕੀਤਾ ਜਾ ਸਕਿਆ ਸੀ।

The post NASA ਨੇ ਕਲਪਨਾ ਚਾਵਲਾ ਦੇ ਨਾਂ ਤੋਂ ਕਾਰਗੋ ਸਪੇਸਕ੍ਰਾਫਟ ਕੀਤਾ ਲਾਂਚ appeared first on Daily Post Punjabi.

ਇਸ ਸਬੰਧੀ ਸਪੇਸਐਕਸ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਇਸ ਨਾਲ ਸਬੰਧਤ ਇੱਕ ਵੀਡੀਓ ਵੀ ਜਾਰੀ ਕੀਤਾ ਹੈ। ਵੀਡੀਓ ਵਿੱਚ ਨਾਸਾ ਦੇ ਦੋ ਪੁਲਾੜ ਯਾਤਰੀਆਂ ਨੂੰ ਸਪਲੈਸ਼ਡਾਊਨ ਹੁੰਦੇ ਹੋਏ ਵੇਖਿਆ ਜਾ ਸਕਦਾ ਹੈ। ਸਪੇਸਕ੍ਰਾਫਟ ਨੂੰ ਇੱਕ ਪੈਰਾਸ਼ੂਟ ਜ਼ਰੀਏ ਪਾਣੀ ਵਿੱਚ ਉਤਾਰਨ ਦੀ ਵਿਧੀ ਨੂੰ ਸਪਲੈਸ਼ਡਾਊਨ ਕਹਿੰਦੇ ਹਨ। ਪੁਲਾੜ ਯਾਤਰੀ ਬੌਬ ਬੈਹਨਕੇਨ ਅਤੇ ਡਾਓ ਹਰਲੇ ਨੂੰ ਸਪੇਸਐਕਸ ਦਾ ਡ੍ਰੈਗਨ ਕੈਪਸੂਲ ਵਾਪਸ ਲਿਆਇਆ ਹੈ।

ਤਕਰੀਬਨ ਦੋ ਮਹੀਨੇ ਦੀ ਪੁਲਾੜ ਵਿੱਚ ਪ੍ਰੀਖਣ ਉਡਾਣ ਤੋਂ ਬਾਅਦ ਇਹ ਪੁਲਾੜ ਯਾਤਰੀ ਮੈਕਸੀਕੋ ਦੀ ਖਾੜੀ ਵਿੱਚ ਉਤਰੇ। ਪੁਲਾੜ ਯਾਤਰੀਆਂ ਦੇ ਵਾਪਸ ਆਉਣ ‘ਤੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਧੰਨਵਾਦ ਕੀਤਾ। ਇੱਕ ਟਵੀਟ ਵਿੱਚ ਰਾਸ਼ਟਰਪਤੀ ਟਰੰਪ ਨੇ ਕਿਹਾ, “ਦੋ ਮਹੀਨੇ ਦੇ ਸਫਲ ਮਿਸ਼ਨ ਤੋਂ ਬਾਅਦ ਨਾਸਾ ਦੇ ਪੁਲਾੜ ਯਾਤਰੀ ਧਰਤੀ ‘ਤੇ ਪਰਤ ਆਏ ਹਨ । ਸਭ ਦਾ ਧੰਨਵਾਦ !”

ਦੱਸ ਦੇਈਏ ਕਿ 31 ਮਈ ਨੂੰ ਨਿੱਜੀ ਕੰਪਨੀ ਸਪੇਸਐਕਸ ਦੇ ਡ੍ਰੈਗਨ ਸਪੇਸਕ੍ਰਾਫਟ ਨੇ ਦੋ ਪੁਲਾੜ ਯਾਤਰੀਆਂ ਨੂੰ ਲੈ ਕੇ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਸਫਲਤਾਪੂਰਵਕ ਉਡਾਣ ਭਰੀ ਸੀ । ਪੁਲਾੜ ਯਾਤਰਾ ਕਰਨ ਵਾਲੇ ਬੌਬ ਬੈਹਨਕੇਨ ਅਤੇ ਡਾਓ ਹਰਲੈ ਨੇ ਇਸ ਪੁਲਾੜ ਮਿਸ਼ਨ ਵਿੱਚ ਉਡਾਣ ਭਰੀ ਸੀ। ਇਹ ਮਿਸ਼ਨ ਨਾਸਾ ਦੇ ਸਪੇਸਐਕਸ ਡੈਮੋ -2 ਵਜੋਂ ਜਾਣਿਆ ਜਾਂਦਾ ਹੈ, ਇਹ ਮਿਸ਼ਨ ਇੱਕ ਐਂਡ ਟੁ ਐਂਡ ਫਲਾਈਟ ਹੈ, ਜਿਸਦਾ ਉਦੇਸ਼ ਸਪੇਸਐਕਸ ਦੀ ਚਾਲਕ ਦਲ ਨੂੰ ਲਿਜਾਣ ਪ੍ਰਣਾਲੀ ਦੀ ਪੁਸ਼ਟੀ ਕਰਨਾ ਹੈ। ਜਿਸ ਵਿੱਚ ਲਾਂਚ, ਇਨ-ਆਰਬਿਟ, ਡੌਕਿੰਗ ਅਤੇ ਲੈਂਡਿੰਗ ਆਪ੍ਰੇਸ਼ਨ ਸ਼ਾਮਿਲ ਹਨ। 

The post ਮੈਕਸੀਕੋ ਦੀ ਖਾੜੀ ‘ਚ ਉਤਰਿਆ SpaceX ਡ੍ਰੈਗਨ, 45 ਸਾਲਾਂ ‘ਚ ਪਹਿਲੀ ਵਾਰ NASA ਦਾ Splashdown appeared first on Daily Post Punjabi.

ਦਰਅਸਲ, ਭਾਰਤੀ ਮੂਲ ਦੀ ਵਾਨੀਜਾ ਰੁਪਾਨੀ ਨੇ ਹੈਲੀਕਾਪਟਰ ਦਾ ਨਾਮ Ingenuity ਰੱਖਿਆ ਹੈ। ਹਿੰਦੀ ਵਿੱਚ ਇਸਦਾ ਅਰਥ ਹੈ ਕਿਸੇ ਵਿਅਕਤੀ ਦਾ ਆਵਿਸ਼ਕਾਰੀ ਪਾਤਰ। ਵਨੀਜਾ ਅਲਾਬਮਾ ਨਾਰਥ ਪੋਰਟ ਵਿੱਚ ਇੱਕ ਹਾਈ ਸਕੂਲ ਜੂਨੀਅਰ ਹੈ। ਮੰਗਲ ਹੈਲੀਕਾਪਟਰ ਦੇ ਨਾਮਕਰਨ ਲਈ ਨਾਸਾ ਨੇ ‘ਨੇਮ ਦਿ ਰੋਵਰ’ ਨਾਮੀ ਇੱਕ ਮੁਕਾਬਲਾ ਆਯੋਜਿਤ ਕੀਤਾ ਸੀ, ਜਿਸ ਵਿੱਚ 28,000 ਪ੍ਰਤੀਭਾਗੀਆਂ ਨੇ ਹਿੱਸਾ ਲਿਆ ਸੀ । ਇਸ ਵਿੱਚ ਵਨੀਜਾ ਵੱਲੋਂ ਸੁਝਾਏ ਗਏ ਨਾਮ ਨੂੰ ਅੰਤਮ ਰੂਪ ਦਿੱਤਾ ਗਿਆ।

ਇਸ ਸਬੰਧੀ ਨਾਸਾ ਨੇ ਦੱਸਿਆ ਕਿ ਮੰਗਲ ਦੇ Atmosphere ਵਿੱਚ ਇਹ ਛੋਟਾ ਹੈਲੀਕਾਪਟਰ ਸਤਹ ਤੋਂ 10 ਫੁੱਟ ਉੱਚਾ ਉਠ ਕੇ ਇੱਕ ਵਾਰ ਵਿੱਚ 6 ਫੁੱਟ ਤੱਕ ਅੱਗੇ ਜਾਵੇਗਾ। ਇਸ ਦੇ ਨਾਲ ਹੀ ਉਹ ਹੋਰ ਅੱਗੇ ਵਧੇਗਾ। ਨਾਸਾ ਦੇ ਇਸ ਪ੍ਰਾਜੈਕਟ ਦੇ ਮੈਨੇਜਰ ਮੀਮੀ ਆਂਗ ਨੇ ਕਿਹਾ ਕਿ ਉਡਾਨ ਉਨੀ ਹੀ ਦਿਲਚਸਪ ਹੋਵੇਗੀ ਜਿੰਨੀ ਕਿ ਇਹ ਪਹਿਲੀ ਵਾਰ ਰਾਈਟ ਬ੍ਰਦਰਜ਼ ਲਈ ਰਹੀ ਹੋਵੇਗੀ। ਇਸ ਨਵੇਂ ਤਜਰਬੇ ‘ਤੇ 3 ਮਿੰਟ ਦੇ ਵੀਡੀਓ ਵਿੱਚ ਨਾਸਾ ਨੇ ਦੱਸਿਆ ਹੈ ਕਿ ਕਿਵੇ ਮੰਗਲ ਗ੍ਰਹਿ ‘ਤੇ ਇਹ ਛੋਟਾ ਹੈਲੀਕਾਪਟਰ ਕੰਮ ਕਰੇਗਾ। ਇਸ ਮਿਸ਼ਨ ਨਾਲ ਜੁੜੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਜੇਕਰ ਇਹ ਸਫਲ ਹੁੰਦਾ ਹੈ ਤਾਂ ਇਹ ਸਾਡੇ ਲਈ ਇੱਕ ਮੀਲ ਪੱਥਰ ਹੋਵੇਗਾ। ਨਾਸਾ ਦੇ ਪ੍ਰੋਜੈਕਟ ਮੈਨੇਜਰ ਨੇ ਕਿਹਾ ਕਿ ਇਸਦੀ ਸਫਲਤਾ ਤੋਂ ਬਾਅਦ ਸਾਡੇ ਲਈ ਪੁਲਾੜ ਦੀ ਦੁਨੀਆਂ ਦਾ ਪਤਾ ਲਗਾਉਣਾ ਆਸਾਨ ਹੋ ਜਾਵੇਗਾ। 

The post NASA ਮੰਗਲ ਗ੍ਰਹਿ ‘ਤੇ ਹੈਲੀਕਾਪਟਰ ਉਡਾਉਣ ਲਈ ਅੱਜ ‘Perseverance’ ਕਰੇਗਾ ਲਾਂਚ appeared first on Daily Post Punjabi.

ਦਰਅਸਲ, ਇਸ ਉਲਕਾਪਿੰਡ ਦਾ ਨਾਮ 2010NY65 ਹੈ। ਇਹ 1017 ਫੁੱਟ ਲੰਬਾ ਹੈ  ਯਾਨੀ ਸਟੈਚੂ ਆਫ ਲਿਬਰਟੀ ਤੋਂ ਲਗਭਗ ਤਿੰਨ ਗੁਣਾ ਅਤੇ ਕੁਤੁਬ ਮੀਨਾਰ ਨਾਲੋਂ ਚਾਰ ਗੁਣਾ ਵੱਡਾ ਹੈ।  ਸਟੈਚੂ ਆਫ ਲਿਬਰਟੀ 310 ਫੁੱਟ ਅਤੇ ਕੁਤੁਬ ਮੀਨਾਰ 240 ਫੁੱਟ ਉੱਚੀ ਹੈ। ਇਹ ਉਲਕਾਪਿੰਡ 46,500 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਧਰਤੀ ਵੱਲ ਆ ਰਿਹਾ ਹੈ। ਇਹ ਉਲਕਾ ਅੱਜ ਯਾਨੀ ਕਿ 24 ਜੂਨ ਨੂੰ ਦੁਪਹਿਰ 12.15 ਵਜੇ ਧਰਤੀ ਕੋਲੋਂ ਲੰਘੇਗਾ।

ਇਸ ਸਬੰਧੀ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦਾ ਅਨੁਮਾਨ ਹੈ ਕਿ ਇਹ ਧਰਤੀ ਤੋਂ ਲਗਭਗ 3.7 ਮਿਲੀਅਨ ਕਿਲੋਮੀਟਰ ਦੀ ਦੂਰੀ ਤੋਂ ਨਿਕਲੇਗਾ। ਪਰ ਪੁਲਾੜ ਵਿਗਿਆਨ ਵਿੱਚ ਇਸ ਦੂਰੀ ਨੂੰ ਜ਼ਿਆਦਾ ਨਹੀਂ ਮੰਨਿਆ ਜਾਂਦਾ ਹੈ। ਹਾਲਾਂਕਿ, ਧਰਤੀ ਨੂੰ ਇਸ ਉਲਕਾ ਤੋਂ ਖ਼ਤਰਾ ਨਹੀਂ ਹੈ। ਨਾਸਾ ਦੇ ਵਿਗਿਆਨੀ ਉਨ੍ਹਾਂ ਸਾਰੇ ਗ੍ਰਹਿ-ਸਮੂਹਾਂ ਨੂੰ ਧਰਤੀ ਲਈ ਖ਼ਤਰਾ ਮੰਨਦੇ ਹਨ, ਜੋ ਧਰਤੀ ਤੋਂ 7.5 ਮਿਲੀਅਨ ਕਿਲੋਮੀਟਰ ਦੇ ਅੰਦਰ ਆਉਂਦੇ ਹਨ ।

ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 8 ਜੂਨ ਨੂੰ ਐਸਟਰੋਇਡ 2013X22 ਧਰਤੀ ਦੇ ਨੇੜਿਓਂ ਲੰਘਿਆ ਸੀ। ਇਸ ਦੀ ਗਤੀ 24,050 ਕਿਲੋਮੀਟਰ ਪ੍ਰਤੀ ਘੰਟਾ ਸੀ। ਇਹ ਧਰਤੀ ਤੋਂ ਲਗਭਗ 3 ਮਿਲੀਅਨ ਕਿਲੋਮੀਟਰ ਦੀ ਦੂਰੀ ‘ਤੋਂ ਨਿਕਲਿਆ ਸੀ।.ਦੱਸ ਦਈਏ ਕਿ 2013 ਵਿੱਚ ਚੇਲੀਆਬਿੰਸਕ ਐਸਟਰਾਇਡ ਰੂਸ ਵਿੱਚ ਡਿੱਗਿਆ ਸੀ । ਇਸ ਦੇ ਡਿੱਗਣ ਕਾਰਨ 1 ਹਜ਼ਾਰ ਤੋਂ ਵੱਧ ਲੋਕ ਜ਼ਖਮੀ ਹੋ ਗਏ ਸਨ ਅਤੇ ਹਜ਼ਾਰਾਂ ਘਰਾਂ ਦੀਆਂ ਖਿੜਕੀਆਂ ਅਤੇ ਦਰਵਾਜ਼ੇ ਟੁੱਟ ਗਏ ਸਨ ।

The post ਪੁਲਾੜ ਤੋਂ ਧਰਤੀ ਵੱਲ ਆ ਰਹੀ ਇਹ ਵੱਡੀ ਆਫ਼ਤ, ਕੁਝ ਸਮਾਂ ਬਾਕੀ …. appeared first on Daily Post Punjabi.

ਪੂਰੇ 9 ਸਾਲ ਬਾਅਦ ਅਮਰੀਕਾ ਇਤਿਹਾਸ ਰਚਣ ਦੀ ਕਗਾਰ ‘ਤੇ ਸੀ, ਪਰ ਖਰਾਬ ਮੌਸਮ ਕਾਰਨ 27 ਮਈ ਨੂੰ ਮਨੁੱਖੀ ਪੁਲਾੜ ਮਿਸ਼ਨ ਨੂੰ ਰੋਕਣਾ ਪਿਆ । ਅਮਰੀਕੀ ਪੁਲਾੜ ਏਜੰਸੀ ਨਾਸਾ (ਨਾਸਾ) ਨਿੱਜੀ ਕੰਪਨੀ ਸਪੇਸ ਐਕਸ ਦੇ ਡ੍ਰੈਗਨ ਪੁਲਾੜ ਯਾਨ ਰਾਹੀਂ ਪੁਲਾੜ ਯਾਤਰੀਆਂ ਨੂੰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ਆਈਐਸਐਸ) ਭੇਜਣ ਦੀ ਤਿਆਰੀ ਕਰ ਰਹੀ ਸੀ। 27 ਮਈ, 2020 ਨੂੰ ਰਾਤ 2.03 ਵਜੇ, ਨਾਸਾ ਨੇ ਦੋ ਅਮਰੀਕੀ ਪੁਲਾੜ ਯਾਤਰੀਆਂ ਨੂੰ ਫਾਲਕਨ ਰਾਕੇਟ ਨਾਲ ਆਈਐਸਐਸ ਲਈ ਉਡਾਣ ਭਰਨਾ ਸੀ, ਹਾਲਾਂਕਿ, ਮਿਸ਼ਨ ਨੂੰ 16.54 ਮਿੰਟ ਪਹਿਲਾਂ ਰੋਕ ਦਿੱਤਾ ਗਿਆ ਸੀ ।

ਉਸ ਸਮੇਂ ਨਾਸਾ ਨੇ ਕਿਹਾ ਸੀ ਕਿ ਖਰਾਬ ਮੌਸਮ ਦੇ ਕਾਰਨ ਲਾਂਚ ਨਹੀਂ ਹੋ ਰਿਹਾ ਹੈ । ਹੁਣ ਇਹ ਮਿਸ਼ਨ ਤਿੰਨ ਦਿਨਾਂ ਬਾਅਦ ਹੋਵੇਗਾ। ਸਪੇਸ ਐਕਸ ਦਾ ਡ੍ਰੈਗਨ ਪੁਲਾੜ ਜਹਾਜ਼ ਨੂੰ ਇੱਕ ਫਾਲਕਨ ਰਾਕੇਟ ‘ਤੇ ਲਗਾਇਆ ਗਿਆ ਸੀ । ਜਿਸ ਦੇ ਅੰਦਰ ਬੈਠੇ ਅਮਰੀਕੀ ਪੁਲਾੜ ਯਾਤਰੀਆਂ ਦੇ ਨਾਮ ਹਨ- ਰਾਬਰਟ ਬੇਨਕੇਨ ਅਤੇ ਡਗਲਸ ਹਰਲੀ । ਦੋਵੇਂ ਪੁਲਾੜ ਯਾਤਰੀ ਪਹਿਲਾਂ ਹੀ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਦੀ ਯਾਤਰਾ ਕਰ ਚੁੱਕੇ ਹਨ ।

ਦੱਸ ਦੇਈਏ ਕਿ ਸਪੇਸ-ਐਕਸ ਡ੍ਰੈਗਨ ਸਪੇਸਕ੍ਰਾਫਟ ਨੂੰ ਅਮਰੀਕਾ ਨੂੰ ਸਭ ਤੋਂ ਭਰੋਸੇਮੰਦ ਰਾਕੇਟ ਫਾਲਕਨ-9 ‘ਤੇ ਲਗਾਈ ਗਈ ਹੈ । ਇਸ ਤੋਂ ਬਾਅਦ ਫਾਲਕਨ-9 ਰਾਕੇਟ ‘ਤੇ ਲਗਾਇਆ ਗਿਆ ਹੈ । ਇਸ ਤੋਂ ਬਾਅਦ ਫਾਲਕਨ-9 ਨੂੰ ਲਾਂਚ ਕੰਪਲੈਕਸ 39ਏ ਤੋਂ ਲਾਂਚ ਕੀਤਾ ਜਾਣਾ ਸੀ । ਇਸ ਮਿਸ਼ਨ ਦਾ ਨਾਮ ਡੈਮੋ -2 ਰੱਖਿਆ ਗਿਆ ਹੈ । ਡੈਮੋ -1 ਮਿਸ਼ਨ ਵਿੱਚ ਡ੍ਰੈਗਨ ਪੁਲਾੜ ਯਾਨ ਤੋਂ ਪੁਲਾੜ ਸਟੇਸ਼ਨ ‘ਤੇ ਸਫਲਤਾਪੂਰਵਕ ਸਾਮਾਨ ਅਤੇ ਖੋਜ ਦੀਆਂ ਚੀਜ਼ਾਂ ਨੂੰ ਪਹੁੰਚਾਇਆ ਗਿਆ ਸੀ ।

The post ਅਮਰੀਕਾ ਨੇ ਰਚਿਆ ਇਤਿਹਾਸ, SpaceX-NASA ਦਾ ਹਿਊਮਨ ਸਪੇਸ ਮਿਸ਼ਨ ਲਾਂਚ appeared first on Daily Post Punjabi.