ਜਾਣਕਾਰੀ ਮੁਤਾਬਕ ਪਾਇਲਟ ਨੂੰ ਜਦੋਂ ਜਹਾਜ਼ ਵਿਚ ਕਿਸੇ ਤਕਨੀਕੀ ਖਰਾਬੀ ਦਾ ਪਤਾ ਲੱਗਾ ਤਾਂ ਪਾਇਲਟ ਐਮ. ਕੇ. ਪਾਂਡੇ ਆਪਣਾ ਪੈਰਾਸ਼ੂਟ ਖੋਲ੍ਹ ਕੇ ਤੁਰੰਤ ਨਹਿਰ ਦੇ ਨੇੜੇ ਉਤਰ ਗਏ ਸਨ। ਚੰਗੀ ਕਿਸਮਤ ਨਾਲ ਇਹ ਜਹਾਜ਼ ਪਿੰਡ ਦੀ ਅਬਾਦੀ ਤੋਂ ਦੂਰ ਹੀ ਡਿੱਗਿਆ ਸੀ, ਜਿਸ ਨਾਲ ਕੋਈ ਵੱਡੀ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ। ਮੌਕੇ ’ਤੇ ਪਹੁੰਚੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਵੀ ਪਤਾ ਲੱਗਾ ਹੈ ਕਿ ਹਾਦਸੇ ਦੇ ਸਮੇਂ ਕੁਝ ਮਜ਼ਦੂਰ ਵੀ ਖੇਤਾਂ ਵਿਚ ਕੰਮ ਕਰ ਰਹੇ ਸਨ, ਜੋਕਿ ਵਾਲ-ਵਾਲ ਬਚ ਗਏ। ਜਾਣਕਾਰੀ ਮੁਤਾਬਕ ਮਿਗ -29 ਹਵਾਈ ਜਹਾਜ਼ਾਂ ਦਾ ਸਕੁਐਡਰਨ ਜਿਸਦਾ ਇਹ ਹਵਾਈ ਜਹਾਜ਼ ਸੀ ਉਹ ਜਲੰਧਰ ਨੇੜੇ ਆਦਮਪੁਰ ਕਸਬੇ ਵਿੱਚ ਸਥਿਤ ਹੈ। ਹਵਾਈ ਜਹਾਜ਼ ਵਿਚ ਇਕ ਪਾਇਲਟ ਸੀ ਅਤੇ ਜਦੋਂ ਹਵਾਈ ਜਹਾਜ਼ ਦੇ ਕਰੈਸ਼ ਹੋਇਆ ਸੀ ਤਾਂ ਆਮ ਸੋਰਟੀ ਰੁਟੀਨ ਦੀ ਪਾਲਣਾ ਕੀਤੀ ਜਾ ਰਹੀ ਸੀ।

The post ਨਵਾਂਸ਼ਹਿਰ ’ਚ ਕ੍ਰੈਸ਼ ਹੋਇਆ ਏਅਰਫੋਰਸ ਦਾ ਲੜਾਕੂ ਜਹਾਜ਼ appeared first on Daily Post Punjabi.