neet 5accused arrested jharkhand

ਇਸ ਤੋਂ ਇਲਾਵਾ NEET ਪੇਪਰ ਲੀਕ ਮਾਮਲੇ ‘ਚ ਇਕ ਹੋਰ ਵੱਡਾ ਖੁਲਾਸਾ ਹੋਇਆ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਪੇਪਰ ਸਭ ਤੋਂ ਪਹਿਲਾਂ ਹਜ਼ਾਰੀਬਾਗ ਦੇ ਇਕ ਸੈਂਟਰ ਤੋਂ ਲੀਕ ਹੋਇਆ ਸੀ। ਦਰਅਸਲ, ਪਟਨਾ ‘ਚ ਸੜੀ ਹੋਈ ਪ੍ਰਸ਼ਨ ਪੱਤਰ ਦੀ ਪੁਸਤਿਕਾ ਮਿਲੀ ਹੈ। ਉਸ ਦੇ ਆਧਾਰ ‘ਤੇ ਪਤਾ ਲੱਗਾ ਕਿ ਪੇਪਰ ਹਜ਼ਾਰੀਬਾਗ ਸੈਂਟਰ ਤੋਂ ਲੀਕ ਹੋਇਆ ਸੀ। NEET ਪੇਪਰ ਲੀਕ ਦੇ ਦੋਸ਼ੀ ਸਿਕੰਦਰ ਯਾਦਵਿੰਦਰ ਨੇ ਕੀਤਾ ਵੱਡਾ ਖੁਲਾਸਾ ਉਸਨੇ ਅਮਿਤ ਆਨੰਦ ਅਤੇ ਨਿਤੀਸ਼ ਕੁਮਾਰ ਤੋਂ 30-32 ਲੱਖ ਰੁਪਏ ਵਿੱਚ ਪੇਪਰ ਖਰੀਦੇ ਸਨ। ਜਿਸ ਤੋਂ ਬਾਅਦ ਉਸਨੇ ਇਹ ਕਾਗਜ਼ ਸਮਸਤੀਪੁਰ ਦੇ ਅਨੁਰਾਗ ਯਾਦਵ, ਦਾਨਾਪੁਰ ਪਟਨਾ ਦੇ ਆਯੂਸ਼ ਕੁਮਾਰ, ਗਯਾ ਦੇ ਸ਼ਿਵਾਨੰਦਨ ਕੁਮਾਰ ਅਤੇ ਰਾਂਚੀ ਦੇ ਅਭਿਸ਼ੇਕ ਕੁਮਾਰ ਨੂੰ 40-40 ਲੱਖ ਰੁਪਏ ਵਿੱਚ ਵੇਚੇ। ਇੰਨਾ ਹੀ ਨਹੀਂ 4 ਮਈ ਨੂੰ NEET ਪ੍ਰੀਖਿਆ ਤੋਂ ਇਕ ਦਿਨ ਪਹਿਲਾਂ ਪਟਨਾ ਦੇ ਰਾਮਕ੍ਰਿਸ਼ਨ ਨਗਰ ‘ਚ ਇਨ੍ਹਾਂ ਚਾਰਾਂ ਉਮੀਦਵਾਰਾਂ ਨੂੰ ਰਾਤੋ-ਰਾਤ ਪੇਪਰ ਯਾਦ ਕਰਵਾਉਣ ਲਈ ਬਣਾਇਆ ਗਿਆ।

NEET ਪੇਪਰ ਲੀਕ ਮਾਮਲੇ ‘ਚ ਪੁਲਸ ਅਜੇ ਵੀ ਸੰਜੀਵ ਮੁਖੀਆ ਉਰਫ ਲੁਟਾਨ ਦੀ ਭਾਲ ‘ਚ ਲੱਗੀ ਹੋਈ ਹੈ। ਬੀਪੀਐਸਸੀ ਪੇਪਰ ਲੀਕ ਮਾਮਲੇ ਵਿੱਚ ਸੰਜੀਵ ਮੁਖੀਆ ਦਾ ਪੁੱਤਰ ਸ਼ਿਵ ਕੁਮਾਰ ਪਹਿਲਾਂ ਹੀ ਗ੍ਰਿਫ਼ਤਾਰ ਹੈ। NEET ਪੇਪਰ ਲੀਕ ਮਾਮਲੇ ‘ਚ ਬਿਹਾਰ ‘ਚ ਹੁਣ ਤੱਕ 13 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਨੂੰ ਸ਼ੱਕ ਹੈ ਕਿ ਸੰਜੀਵ ਮੁਖੀਆ ਵੀ NEET ਪ੍ਰੀਖਿਆ ਲੀਕ ਮਾਮਲੇ ਨਾਲ ਜੁੜਿਆ ਹੋਇਆ ਹੈ। ਕਿਉਂਕਿ ਉਹ NEET ਦੀ ਪ੍ਰੀਖਿਆ ਤੋਂ ਫਰਾਰ ਹੈ। ਉਸ ਦਾ ਨਾਂ ਪਿਛਲੇ 20 ਸਾਲਾਂ ‘ਚ ਕਈ ਪ੍ਰੀਖਿਆਵਾਂ ਦੇ ਲੀਕ ਹੋਣ ‘ਚ ਸਾਹਮਣੇ ਆਇਆ ਹੈ। ਉਹ ਪਹਿਲਾਂ ਵੀ ਜੇਲ੍ਹ ਜਾ ਚੁੱਕਾ ਹੈ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

The post NEET ਪ੍ਰੀਖਿਆ ਲੀਕ ਮਾਮਲੇ ‘ਚ ਵੱਡਾ ਅਪਡੇਟ, ਝਾਰਖੰਡ ਦੇ ਦੇਵਘਰ ਤੋਂ 5 ਦੋਸ਼ੀ ਗ੍ਰਿਫਤਾਰ appeared first on Daily Post Punjabi.