ਨੇਹਾ ਦੀ ਸਕਾਰਾਤਮਕ ਰਿਪੋਰਟ ਦੀ ਖਬਰ ਸੁਣਦੇ ਹੀ ਉਨ੍ਹਾਂ ਦੇ ਪ੍ਰਸ਼ੰਸਕ ਅਤੇ ਦੋਸਤ ਨੇਹਾ ਦੇ ਜਲਦੀ ਠੀਕ ਹੋਣ ਦੀ ਦੁਆ ਕਰ ਰਹੇ ਹਨ। ‘ਬਿੱਗ ਬੌਸ’ ਦੀ ਪ੍ਰਤੀਯੋਗੀ ਅਤੇ ਗਾਇਕਾ ਨੇਹਾ ਦੀ ਚੰਗੀ ਦੋਸਤ ਸ਼ਮਿਤਾ ਸ਼ੈੱਟੀ ਨੇ ਵੀ ਉਸ ਲਈ ਪ੍ਰਾਰਥਨਾ ਕੀਤੀ। ਨੇਹਾ ਭਸੀਨ ਨੂੰ ਬੁਖਾਰ ਸੀ। ਲਗਾਤਾਰ ਤੇਜ਼ ਬੁਖਾਰ ਕਾਰਨ ਜਦੋਂ ਨੇਹਾ ਦਾ ਟੈਸਟ ਕਰਵਾਇਆ ਗਿਆ ਤਾਂ ਕੋਵਿਡ-19 ਦੀ ਰਿਪੋਰਟ ਪਾਜ਼ੇਟਿਵ ਆਈ। ਨੇਹਾ ਦੀ ਦੋਸਤ ਅਦਾਕਾਰਾ ਸ਼ਮਿਤਾ ਸ਼ੈੱਟੀ ਨੇ ਇੰਸਟਾਗ੍ਰਾਮ ਸਟੋਰੀ ‘ਤੇ ਪੋਸਟ ਕੀਤੀ ਕਿ ਉਹ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦੇ ਹਨ, ਨੇਹਾ ਨੇ ਧੰਨਵਾਦ ਜ਼ਾਹਰ ਕਰਦੇ ਹੋਏ ਆਪਣੀ ਇੰਸਟਾ ਸਟੋਰੀ ‘ਤੇ ਸ਼ੇਅਰ ਕੀਤਾ ਹੈ। ਸ਼ਮਿਤਾ ਨੇ ‘ਬਿੱਗ ਬੌਸ’ ਦੇ ਘਰ ‘ਚ ਬਿਤਾਏ ਪਲਾਂ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ‘Get Well Soon’।

ਇਸ ਤੋਂ ਇਲਾਵਾ ਨੇਹਾ ਭਸੀਨ ਨੇ ਇਕ ਪੋਸਟ ‘ਚ ਲਿਖਿਆ, ‘ਤੁਹਾਡੀਆਂ ਲਗਾਤਾਰ ਦੁਆਵਾਂ ਲਈ ਧੰਨਵਾਦ। ਕਾਸ਼ ਮੈਂ ਕਹਿ ਸਕਦੀ ਕਿ ਮੈਂ ਠੀਕ ਮਹਿਸੂਸ ਕਰ ਰਹੀ ਹਾਂ। ਪਰ ਉਮੀਦ ਹੈ ਕਿ ਮੈਂ ਜਲਦੀ ਠੀਕ ਹੋ ਜਾਵਾਂਗੀ। ਤੁਸੀਂ ਲੋਕ ਸੁਰੱਖਿਅਤ ਰਹੋ’। ਦਰਅਸਲ, ਸ਼ਮਿਤਾ ਸ਼ੈੱਟੀ ਨੇ 2 ਫਰਵਰੀ ਨੂੰ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕੀਤਾ ਸੀ। ਨੇਹਾ ਭਸੀਨ ਨੇ ਵੀ ਬਿੱਗ ਬੌਸ ਦੇ ਕਈ ਪ੍ਰਤੀਯੋਗੀਆਂ ਦੇ ਨਾਲ ਜਨਮਦਿਨ ਦੀ ਪਾਰਟੀ ‘ਚ ਸ਼ਿਰਕਤ ਕੀਤੀ। ਇਸ ਦੌਰਾਨ ਸ਼ਮਿਤਾ ਦੇ ਬੁਆਏਫ੍ਰੈਂਡ ਰਾਕੇਸ਼ ਬਾਪਟ ਸਮੇਤ ਰਾਖੀ ਸਾਵੰਤ, ਉਮਰ ਰਿਆਜ਼, ਰਾਜੀਵ ਅਦਤੀਆ, ਰਸ਼ਮੀ ਦੇਸਾਈ ਨੇ ਖੂਬ ਮਸਤੀ ਕੀਤੀ। ਤੁਹਾਨੂੰ ਦੱਸ ਦੇਈਏ ਕਿ ਬੋਲਡ ਗਾਇਕਾ ਨੇਹਾ ਭਸੀਨ ਨੇ ‘ਟਾਈਗਰ ਜ਼ਿੰਦਾ ਹੈ’, ‘ਮੇਰੇ ਬ੍ਰਦਰ ਕੀ ਦੁਲਹਨ’, ‘ਫੋਰਸ’ ਵਰਗੀਆਂ ਫਿਲਮਾਂ ‘ਚ ਗੀਤ ਗਾਏ ਹਨ ਪਰ ਸਲਮਾਨ ਖਾਨ ਸਟਾਰਰ ਫਿਲਮ ‘ਸੁਲਤਾਨ’ ਦੇ ਮਸ਼ਹੂਰ ਗੀਤ ‘ਜਗ ਘੁਮੀਆ’ ਕਾਰਨ ਜ਼ਿਆਦਾ ਜਾਣੀ ਜਾਂਦੀ ਹੈ। ਸ਼ੋਅ ‘ਬਿੱਗ ਬੌਸ’ ਦਾ ਹਿੱਸਾ ਬਣਨ ਤੋਂ ਬਾਅਦ ਉਨ੍ਹਾਂ ਦੀ ਲੋਕਪ੍ਰਿਯਤਾ ਕਾਫੀ ਵਧ ਗਈ।

The post ‘ਬਿੱਗ ਬੌਸ 15’ ਦੀ ਪ੍ਰਤੀਯੋਗੀ ਨੇਹਾ ਭਸੀਨ ਕਰੋਨਾ ਪਾਜ਼ੀਟਿਵ, ਗਾਇਕਾ ਨੇ ਪ੍ਰਸ਼ੰਸਕਾਂ ਦੀਆਂ ਦੁਆਵਾਂ ਲਈ ਕੀਤਾ ਧੰਨਵਾਦ appeared first on Daily Post Punjabi.