ਏਸ਼ੀਆ ਕੱਪ ਦਾ 5ਵਾਂ ਮੁਕਾਬਲਾ ਭਾਰਤ ਤੇ ਨੇਪਾਲ ਵਿਚ ਕੈਂਡੀ ਦੇ ਪੱਲੇਕਾਲ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਚ ਖੇਡਿਆ ਜਾਣਾ ਹੈ। ਗਰੁੱਪ-ਏ ਵਿਚ ਇਹ ਮੈਚ ਭਾਰਤ ਲਈ ਕਰੋ ਜਾਂ ਮਰੋ ਵਾਲਾ ਹੈ। ਉਸ ਨੂੰ ਤੁਸੀਂ ਪਹਿਲਾਂ ਮੁਕਾਬਲੇ ਵਿਚ ਪਾਕਿਸਤਾਨ ਦੇ ਖਿਲਾਫ ਇਕ ਅੰਕ ਨਾਲ ਸੰਤੋਸ਼ ਕਰਨਾ ਪਿਆ ਸੀ। ਕੈਂਡੀ ਵਿਚ ਮੀਂਹ ਕਾਰਨ ਪਾਕਿਸਤਾਨ ਦੀ ਪਾਰੀ ਨਹੀਂ ਹੋ ਸਕੀ ਹੈ। ਮੈਚ ਨੂੰ ਰੱਦ ਐਲਾਨਿਆ ਗਿਆ ਸੀ। ਇਸ ਦੌਰਾਨ ਦੋਵੇਂ ਟੀਮਾਂ ਨੂੰ ਇਕ-ਇਕ ਅੰਕ ਮਿਲੇ ਸਨ। ਪਾਕਿਸਤਾਨ ਦੀ ਟੀਮ ਦੋ ਮੈਚ ਵਿਚ 3ਅੰਕ ਦੇ ਨਾਲ ਸੁਪਰ-4 ਵਿਚ ਪਹੁੰਚ ਗਈ।

ਪਾਕਿਸਤਾਨ ਖਿਲਾਫ ਈਸ਼ਾਨ ਕਿਸ਼ਨ ਤੇ ਹਾਰਦਿਕ ਪਾਂਡੇ ਨੂੰ ਛੱਡ ਕੇ ਸਾਰੇ ਬੱਲੇਬਾਜ਼ ਫੇਲ ਰਹੇ। ਨੇਪਾਲ ਖਿਲਾਫ ਟੀਮ ਇੰਡੀਆ ਦੀ ਨਜ਼ਰ ਦਮਦਾਰ ਵਾਪਸੀ ਕਰਨ ‘ਤੇ ਹੈ। ਪਾਕਿਸਤਾਨ ਨੇ ਟੂਰਨਾਮੈਂਟ ਦੇ ਪਹਿਲੇ ਮੈਚ ਵਿਚ ਨੇਪਾਲ ਨੂੰ 238 ਦੌੜਾਂ ਤੋਂ ਕਰਾਰੀ ਹਾਰ ਦਿੱਤੀ ਸੀ। ਅਜਿਹੇ ਵਿਚ ਉਸ ਲਈ ਭਾਰਤ ਦਾ ਸਾਹਮਣਾ ਕਰਨਾ ਆਸਾਨ ਨਹੀਂ ਹੋਵੇਗਾ। ਹਾਲਾਂਕਿ ਇਸ ਮੁਕਾਬਲੇ ਤੋਂ ਪਹਿਲਾਂ ਪ੍ਰਸ਼ੰਸਕਾਂ ਲਈ ਚੰਗੀ ਖਬਰ ਨਹੀਂ ਆ ਰਹੀ ਹੈ। ਇਕ ਵਾਰ ਫਿਰ ਤੋਂ ਟੀਮ ਇੰਡੀਆ ਦੇ ਮੈਚ ‘ਚ ਮੀਂਹ ਰੁਕਾਵਟ ਪਾ ਸਕਦੀ ਹੈ।

ਪੱਲੇਕਲ ਵਿਚ ਸੋਮਵਾਰ ਦੀ ਸਵੇਰ ਮੀਂਹ ਦੀ ਲਗਭਗ 60 ਫੀਸਦੀ ਸੰਭਾਵਨਾ ਹੈ। ਅਜਿਹੇ ਵਿਚ ਪ੍ਰਸ਼ੰਸਕਾਂ ਨੂੰ ਗਿੱਲ ਆਊਟਫੀਲਡ ਦਿਖ ਸਕਦੇ ਹਨ। ਹਾਲਾਂਕਿ ਟੌਸ ਦੇ ਸਮੇਂ ਮੀਂਹ ਦੀ ਸੰਭਾਵਨਾ 22 ਫੀਸਦੀ ਹੈ ਤੇ ਸ਼ਾਮ 6 ਵਜੇ ਤੱਕ ਵੀ ਇਹੀ ਸਥਿਤੀ ਰਹੇਗੀ। ਖੇਡ ਦੇ ਦੂਜੇ ਹਿੱਸੇ ਵਿਚ ਮੀਂਹ ਦੀ ਸੰਭਾਵਨਾ 66 ਫੀਸਦੀ ਹੋ ਜਾਵੇਗੀ। ਅਜਿਹੇ ਵਿਚ ਇਕ ਵਾਰ ਫਿਰ ਤੋਂ ਭਾਰਤ-ਪਾਕਿਸਤਾਨ ਮੈਚ ਦੀ ਤਰ੍ਹਾਂ ਅੱਧਾ ਮੁਕਾਬਲਾ ਹੀ ਦੇਖਣ ਨੂੰ ਮਿਲ ਸਕਦਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -: