ਇੱਥੇ ਤਕਰੀਬਨ 200 ਕਿਸਾਨ ਹਨ ਜਿਨ੍ਹਾਂ ਨੇ ਸੁਹਾਂਜਣਾ ਦੀ ਖੇਤੀ ਲਈ ਸਮਝੌਤਾ ਕੀਤਾ ਸੀ। ਉਨ੍ਹਾਂ ਨੂੰ ਜਾਂ ਤਾਂ ਪੌਦੇ ਨਹੀਂ ਮਿਲੇ ਜਾਂ ਉਹ ਪੌਦੇ ਮਿਲੇ ਜੋ ਜਲਦੀ ਹੀ ਸੁੱਕ ਗਏ। ਇੱਕ ਕਿਸਾਨ ਨੇ ਦੱਸਿਆ, “ਖਰੀਦ ਦੇ ਭਰੋਸੇ ਦਾ ਸਵਾਲ ਹੀ ਨਹੀਂ ਉੱਠਿਆ ਕਿਉਂਕਿ ਬਹੁਤੇ ਕਿਸਾਨਾਂ ਨੂੰ ਬੂਟੇ ਬਿਲਕੁਲ ਨਹੀਂ ਮਿਲੇ ਸਨ। ਇੱਥੋਂ ਤੱਕ ਕਿ ਜਿਨ੍ਹਾਂ ਨੂੰ ਮਿਲੇ ਵੀ, ਉਹ ਆਪਣੇ ਆਪ ਸੁੱਕ ਗਏ। ਬੈਤੂਲ ਦੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਖੇਤੀਬਾੜੀ ਵਿਭਾਗ ਨੂੰ ਜਾਂਚ ਕਰਵਾਉਣ ਲਈ ਕਿਹਾ, ਪਰ ਇਸ ਜਾਂਚ ਵਿੱਚੋਂ ਕੁੱਝ ਵੀ ਸਾਹਮਣੇ ਨਹੀਂ ਆਇਆ। ਡਿਪਟੀ ਡਾਇਰੈਕਟਰ ਐਗਰੀਕਲਚਰ ਕੇਪੀ ਭਗਤ, ਜੋ ਜਾਂਚ ਟੀਮ ਦਾ ਹਿੱਸਾ ਸਨ, ਨੇ ਕਿਹਾ, “ਕਿਸਾਨ ਜ਼ਿਲ੍ਹਾ ਕੁਲੈਕਟਰ ਕੋਲ ਪਹੁੰਚੇ ਸਨ। ਅਸੀਂ ਉਨ੍ਹਾਂ ਦੇ ਨਿਰਦੇਸ਼ਾਂ ‘ਤੇ ਜਾਂਚ ਕਰ ਰਹੇ ਹਾਂ। ਸਾਨੂੰ 97 ਕਿਸਾਨਾਂ ਦੀ ਸੂਚੀ ਮਿਲੀ ਹੈ ਅਤੇ ਕੰਪਨੀ ਨੂੰ ਸੰਮਨ ਭੇਜਿਆ ਹੈ।” ਖੇਤੀਬਾੜੀ ਵਿਭਾਗ ਦੁਆਰਾ ਤਿਆਰ ਕੀਤੀ ਸੂਚੀ ਅਨੁਸਾਰ, ਕੰਪਨੀ ਨੇ 125 ਏਕੜ ਰਕਬੇ ਵਿੱਚ ਸੁਹਾਂਜਣਾ ਦੀ ਬਿਜਾਈ ਲਈ ਇਕਰਾਰਨਾਮੇ ਤੇ ਹਸਤਾਖਰ ਕੀਤੇ ਅਤੇ 20,000 ਰੁਪਏ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਕਿਸਾਨਾਂ ਤੋਂ ਪੈਸੇ ਜਮ੍ਹਾ ਕਰਵਾਏ। ਹਾਲਾਂਕਿ, ਕਿਸਾਨਾਂ ਦਾ ਦੋਸ਼ ਹੈ ਕਿ ਕੰਪਨੀ ਦੇ ਅਧਿਕਾਰੀਆਂ ਨੇ ਉਨ੍ਹਾਂ ਦੇ ਫੋਨ ਚੁੱਕਣੇ ਬੰਦ ਕਰ ਦਿੱਤੇ ਹਨ ਅਤੇ ਇੰਦੌਰ ਵਿੱਚ ਕੰਪਨੀ ਦੇ ਰਜਿਸਟਰਡ ਦਫਤਰ ਨੂੰ ਭੇਜੇ ਪੱਤਰ ਵਾਪਿਸ ਆ ਗਏ ਹਨ।

ਇਹ ਵੀ ਦੇਖੋ : ਮੋਦੀ ਵੱਲੋਂ ਦਿੱਤੇ ਔਰਤਾਂ ਨੂੰ ਘਰ ਜਾਣ ਵਾਲੇ ਬਿਆਨ ਦਾ ਹਰਿਆਣਾ ਦੀਆਂ ਬੀਬੀਆਂ ਨੇ ਦੇਖੋ ਕਿਵੇਂ ਦਿੱਤਾ ਜਵਾਬ

The post ਕਿਸਾਨਾਂ ਨਾਲ ਕੰਟ੍ਰੈਕਟ ਕਰ ਪੈਸਾ ਇਕੱਠਾ ਕਰਕੇ ਫਰਾਰ ਹੋਈ ਕੰਪਨੀ, ਕੇਸ ਦਰਜ ਕਰਵਾਉਣ ਲਈ ਸੰਘਰਸ਼ ਕਰ ਰਹੇ ਨੇ ਕਿਸਾਨ appeared first on Daily Post Punjabi.