ਉਮੀਦ ਕੀਤੀ ਜਾ ਰਹੀ ਹੈ ਕਿ NIA ਪੁਲਵਾਮਾ ਹਮਲੇ ਵਿੱਚ ਚਾਰਜਸ਼ੀਟ ਇਸ ਮਹੀਨੇ ਦੇ ਅਖੀਰ ਵਿੱਚ ਦਾਖਲ ਕਰ ਸਕਦੀ ਹੈ । ਇਸ ਵਿੱਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ISI ਅੱਤਵਾਦੀ ਸਮੂਹ ਜੈਸ਼-ਏ-ਮੁਹੰਮਦ ਨੇ ਪਰਖੇ ਗਏ ਅੱਤਵਾਦੀਆਂ ਨੂੰ ਭਾਰਤ ਭੇਜਿਆ ਸੀ । ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਚਾਰਜਸ਼ੀਟ ਵਿੱਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਨੇ ਸਥਾਨਕ ਨੌਜਵਾਨ ਆਦਿਲ ਅਹਿਮਦ ਡਾਰ ਨੂੰ ਵਰਤਿਆ ਸੀ, ਤਾਂ ਜੋ ਸੀਆਰਪੀਐਫ ਦੇ ਕਾਫਲੇ ‘ਤੇ ਵਿਸਫੋਟਕ ਨਾਲ ਭਰੇ ਵਾਹਨ ਨੂੰ ਭੀੜਾਇਆ ਜਾ ਸਕੇ।

ਇਕ ਅਧਿਕਾਰੀ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਦੱਸਿਆ ਕਿ ਸਖ਼ਤ ਤਕਨੀਕੀ, ਦਸਤਾਵੇਜ਼ੀ ਅਤੇ ਸਬੂਤਾਂ ਤੋਂ ਪਤਾ ਲੱਗਦਾ ਹੈ ਇਸ ਹਮਲੇ ਵਿੱਚ ਸਿੱਧੇ ਤੌਰ ‘ਤੇ ਪਾਕਿਸਤਾਨ ਸਰਕਾਰ ਸ਼ਾਮਿਲ ਸੀ, ਜਿਸਦਾ ਉਦੇਸ਼ ਭਾਰਤ ਵਿੱਚ ਅਸ਼ਾਂਤੀ ਪੈਦਾ ਕਰਨਾ ਸੀ। ਸਾਲ 2000 ਵਿਚ ਜੈਸ਼-ਏ-ਮੁਹੰਮਦ ਦੀ ਸਥਾਪਨਾ ਕਰਨ ਵਾਲੇ ਮੌਲਾਨਾ ਮਸੂਦ ਅਜ਼ਹਰ ਅਤੇ ਉਸ ਦਾ ਛੋਟਾ ਭਰਾ, ਮੁਫਤੀ ਅਬਦੁੱਲ ਰਾਊਫ ਅਸਗਰ ਐਨਆਈਏ ਦੇ ਦੋਸ਼ ਪੱਤਰ ਵਿੱਚ ਮੁੱਖ ਦੋਸ਼ੀ ਹਨ। ਪੁਲਵਾਮਾ ਹਮਲੇ ਤੋਂ ਬਾਅਦ ਜੈਸ਼ ਦੇ ਸੱਤ ਅੱਤਵਾਦੀ ਗ੍ਰਿਫਤਾਰ ਕੀਤੇ ਜਾ ਚੁੱਕੇ ਹਨ । ਇਸ ਵਿੱਚ ਸ਼ਕੀਰ ਬਸ਼ੀਰ, ਮੁਹੰਮਦ ਅੱਬਾਸ, ਮੁਹੰਮਦ ਇਕਬਾਲ, ਵੈਜ ਉਲ ਇਸਲਾਮ, ਇੰਸ਼ਾ ਜਾਨ, ਤਾਰਿਕ ਅਹਿਮਦ ਸ਼ਾਹ ਅਤੇ ਬਿਲਾਲ ਅਹਿਮਦ ਆਦਿ ਸ਼ਾਮਿਲ ਹਨ।

The post NIA ਦੀ ਚਾਰਜਸ਼ੀਟ ਤੋਂ ਖੁਲਾਸਾ, ISI ਤੇ ਜੈਸ਼ ਨੇ ਰਚੀ ਸੀ ਪੁਲਵਾਮਾ ਹਮਲੇ ਦੀ ਸਾਜ਼ਿਸ਼ appeared first on Daily Post Punjabi.