ਐਨਆਈਏ ਇਸ ਤੋਂ ਪਹਿਲਾਂ ਸਿਰਫ਼ ਭਾਰਤੀ ਧਰਤੀ ‘ਤੇ ਅੱਤਵਾਦੀ ਹਮਲਿਆਂ ਦੀ ਜਾਂਚ ਕੀਤੀ ਹੈ, ਪਰ ਐਨਆਈਏ ਕਾਨੂੰਨ ਵਿੱਚ ਸੋਧ ਤੋਂ ਬਾਅਦ, ਐਨਆਈਏ ਹੁਣ ਦੇਸ਼ ਤੋਂ ਬਾਹਰ ਕਿਸੇ ਵੀ ਮਾਮਲੇ ਦੀ ਜਾਂਚ ਕਰਨ ਦੇ ਯੋਗ ਹੈ ਜਿਸ ਵਿੱਚ ਕਿਸੇ ਵੀ ਭਾਰਤੀ ਜਾਂ ਭਾਰਤ ਦੇ ਹਿੱਤ ਨੂੰ ਪ੍ਰਭਾਵਿਤ ਕੀਤਾ ਜਾਂਦਾ ਹੈ। ਇਸਲਾਮਿਕ ਸਟੇਟ ਨਾਲ ਜੁੜੇ ਸੰਗਠਨ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਅਸ਼ਰਫ ਗਨੀ ਨੇ ਹਮਲੇ ਦੀ ਨਿੰਦਾ ਕਰਦਿਆਂ ਕਿਹਾ ਸੀ ਕਿ ਧਾਰਮਿਕ ਥਾਵਾਂ ‘ਤੇ ਹਮਲਾ ਦੁਸ਼ਮਣਾਂ ਦੀ ਕਮਜ਼ੋਰੀ ਨੂੰ ਦਰਸਾਉਂਦਾ ਹੈ, ਧਾਰਮਿਕ ਥਾਵਾਂ ਨੂੰ ਨਿਸ਼ਾਨਾ ਨਹੀਂ ਬਣਾਇਆ ਜਾਣਾ ਚਾਹੀਦਾ। ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਦੇ ਗੁਰਦੁਆਰੇ ਵਿੱਚ ਭਾਰੀ ਹਥਿਆਰਬੰਦ ਆਤਮਘਾਤੀ ਹਮਲਾਵਰ ਨੇ ਇਹ ਹਮਲਾ ਕੀਤਾ ਸੀ। ਇਸ ਹਮਲੇ ਵਿਚ 28 ਲੋਕ ਮਾਰੇ ਗਏ ਸਨ, ਜਦਕਿ ਅੱਠ ਲੋਕ ਜ਼ਖਮੀ ਹੋਏ ਸਨ।

ਮੁੱਢਲੀ ਪੜਤਾਲ ਤੋਂ ਪਤਾ ਲੱਗਿਆ ਹੈ ਕਿ ਕਾਬੁਲ ਹਮਲੇ ਦਾ ਹਮਲਾਵਰ ਮੋਹਸਿਨ ਉਰਫ ਅਬੂ ਖਾਲਿਦ ਅਲ-ਹਿੰਦੀ ਕੇਰਲ ਦੇ ਕਸਰਗੌਦ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ ਅਤੇ ਛੇ ਸਾਲ ਪਹਿਲਾਂ ਜੇਹਾਦ ਵਿੱਚ ਸ਼ਾਮਿਲ ਹੋਣ ਲਈ ਭਾਰਤ ਛੱਡ ਕੇ ਆਇਆ ਸੀ। ਹੋਰ ਲੋਕ ਜੋ ਕੇਰਲਾ ਨੂੰ ਛੱਡ ਇਸਲਾਮਿਕ ਸਟੇਟ ਵਿੱਚ ਸ਼ਾਮਿਲ ਹੋਣ ਲਈ ਗਏ ਹਨ, ਉਹ ਵੀ ਜਾਂਚ ਦੇ ਘੇਰੇ ਵਿੱਚ ਹਨ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਇਸ ਤੋਂ ਪਹਿਲਾ ਵੀ ਸਿੱਖ ਅਫਗਾਨਿਸਤਾਨ ਵਿੱਚ ਇਸਲਾਮੀ ਅੱਤਵਾਦੀਆਂ ਦੇ ਹਮਲਿਆਂ ਦਾ ਨਿਸ਼ਾਨਾ ਬਣ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਜੁਲਾਈ 2018 ਵਿੱਚ ISIS ਦੇ ਅੱਤਵਾਦੀਆਂ ਨੇ ਪੂਰਬੀ ਸ਼ਹਿਰ ਜਲਾਲਾਬਾਦ ਵਿੱਚ ਸਿੱਖਾਂ ਅਤੇ ਹਿੰਦੂਆਂ ਦੇ ਇਕੱਠ ਉੱਤੇ ਹਮਲਾ ਕੀਤਾ ਸੀ, ਜਿਸ ਵਿੱਚ 19 ਵਿਅਕਤੀ ਮਾਰੇ ਗਏ ਸਨ ਅਤੇ 20 ਜ਼ਖਮੀ ਹੋਏ ਸਨ।

ਇਹ ਵੀ ਦੇਖੋ : ਦਿਲ ‘ਚ ਰੀਝਾਂ ਤਾਂ ਬਹੁਤ ਨੇ ਪਰ ਹੈਸੀਅਤ ਨਹੀਂ, ਰੋਟੀ ਤੇ ਕੱਪੜਿਆਂ ਤੋਂ ਵੀ ਮੁਥਾਜ ਇਹ ਲੋਕ ਕਿਵੇਂ ਮਨਾਉਣ ਦੀਵਾਲੀ !

The post ਅਫਗਾਨਿਸਤਾਨ ਗੁਰਦੁਆਰਾ ਹਮਲਾ : ਪਹਿਲੀ ਵਾਰ ਜਾਂਚ ਲਈ ਵਿਦੇਸ਼ੀ ਧਰਤੀ ‘ਤੇ ਕਾਬੁਲ ਪਹੁੰਚੀ NIA ਦੀ ਟੀਮ appeared first on Daily Post Punjabi.