ਦਰਅਸਲ, ਦਿੱਲੀ ਪੁਲਿਸ ਦੇ ਵਿਸ਼ੇਸ਼ ਸੈੱਲ ਦੇ ਸੂਤਰਾਂ ਅਨੁਸਾਰ 11 ਫਰਵਰੀ ਨੂੰ ਨਿਕਿਤਾ ਯਾਕੂਬ ਦੇ ਘਰ ਸਪੈਸ਼ਲ ਸੈੱਲ ਦੀ ਟੀਮ ਦੀ ਭਾਲ ਕਰਨ ਗਈ ਸੀ । ਇਹ ਟੀਮ ਉਸਦੇ ਮੋਬਾਇਲ ਫੋਨ ਅਤੇ ਇਲੈਕਟ੍ਰਾਨਿਕ ਉਪਕਰਣ ਦੀ ਜਾਂਚ ਕਰਨ ਗਈ ਸੀ। ਉਸ ਦਿਨ ਸ਼ਾਮ ਦਾ ਸਮਾਂ ਹੋਣ ਕਾਰਨ ਉਸ ਤੋਂ ਪੁੱਛਗਿੱਛ ਨਹੀਂ ਹੋ ਸਕੀ ਸੀ । ਨਿਕਿਤਾ ਤੋਂ ਸਪੈਸ਼ਲ ਸੈੱਲ ਨੇ ਦਸਤਾਵੇਜ਼ ‘ਤੇ ਦਸਤਖਤ ਕਰਵਾਏ ਸਨ ਕਿ ਉਹ ਜਾਂਚ ਵਿੱਚ ਸ਼ਾਮਿਲ ਹੋਵੇਗੀ । ਪਰ ਉਸ ਤੋਂ ਬਾਅਦ ਨਿਕਿਤਾ ਅੰਡਰਗ੍ਰਾਊਂਡ ਹੋ ਗਈ।

ਦਿੱਲੀ ਪੁਲਿਸ ਦੇ ਅਨੁਸਾਰ 26 ਜਨਵਰੀ ਦੇ ਚਾਰ ਦਿਨ ਪਹਿਲਾਂ ਨਿਕਿਤਾ ਤੇ ਹੋਰਾਂ ਦੀ Zoom ਐਪ ‘ਤੇ ਇੱਕ ਮੀਟਿੰਗ ਕੀਤੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਸੰਸਥਾ ਪੁਆਇੰਟ ਫਾਰ ਜਸਟਿਸ ਦੇ ਐਮਓ ਧਾਲੀਵਾਲ ਨੇ ਆਪਣੇ ਕੈਨੇਡੀਅਨ ਸਹਿਯੋਗੀ ਪੁਨੀਤ ਰਾਹੀਂ ਨਿਕਿਤਾ ਜੈਕਬ ਨਾਲ ਸੰਪਰਕ ਕੀਤਾ ਸੀ । ਇਸ ਦਾ ਉਦੇਸ਼ ਇਹ ਸੀ ਕਿ ਗਣਤੰਤਰ ਦਿਵਸ ਤੋਂ ਪਹਿਲਾਂ ਟਵਿੱਟਰ ‘ਤੇ ਹਲਚਲ ਪੈਦਾ ਕਰਨਾ ਸੀ।

ਦੱਸ ਦੇਈਏ ਕਿ ਨਿਕਿਤਾ ਜੈਕਬ ਪਹਿਲਾਂ ਵੀ ਵਾਤਾਵਰਣ ਨਾਲ ਜੁੜੇ ਮੁੱਦੇ ਚੁੱਕਦੀ ਰਹੀ ਹੈ। ਗਣਤੰਤਰ ਦਿਵਸ ਤੋਂ ਪਹਿਲਾਂ ਹੋਈ ਜ਼ੂਮ ਮੀਟਿੰਗ ਵਿੱਚ ਐਮਓ ਧਾਲੀਵਾਲ, ਨਿਕਿਤਾ ਅਤੇ ਦਿਸ਼ਾ ਤੋਂ ਇਲਾਵਾ ਹੋਰ ਲੋਕ ਸ਼ਾਮਿਲ ਹੋਏ ਸਨ । ਐਮਓ ਧਾਲੀਵਾਲ ਨੇ ਉਸ ਦੌਰਾਨ ਕਿਹਾ ਸੀ ਕਿ ਮੁੱਦੇ ਨੂੰ ਵੱਡਾ ਬਣਾਉਣਾ ਹੈ। ਉਨ੍ਹਾਂ ਦਾ ਉਦੇਸ਼ ਕਿਸਾਨਾਂ ਵਿੱਚ ਅਸੰਤੁਸ਼ਟੀ ਅਤੇ ਗਲਤ ਜਾਣਕਾਰੀ ਫੈਲਾਉਣਾ ਸੀ । 

ਇਹ ਵੀ ਦੇਖੋ: ਭਾਰਤੀ ਬਾਸਕਟਬਾਲ ਟੀਮ ਦੇ ਕਪਤਾਨ ਯਾਦਵਿੰਦਰ ਵੀ ਸਭ ਕੁੱਝ ਛੱਡ ਕੇ ਆ ਡੱਟੇ ਸਿੰਘੂ ਕਿਸਾਨ ਮੋਰਚੇ ‘ਚ…

The post ਟੂਲਕਿੱਟ ਮਾਮਲੇ ‘ਚ ਦਿੱਲੀ ਪੁਲਿਸ ਨੇ ਨਿਕਿਤਾ ਜੈਕਬ ਨੂੰ ਐਲਾਨਿਆ ਫਰਾਰ, ਗੈਰ-ਜਮਾਨਤੀ ਵਾਰੰਟ ਜਾਰੀ appeared first on Daily Post Punjabi.