ਸੁਸ਼ਮਾ ਦਾ ਵਿਆਹ ਗੁਰਜੀਤ ਸਿੰਘ ਨਾਲ ਹੋਇਆ ਸੀ। ਸੁਸ਼ਮਾ ਨੇ ਖੂਹ ਚੌਕ ‘ਚ ਮੁਹੱਲਾ ਗੁਰੂ ਦਾ ਕਲੀਨਿਕ ਖੋਲ੍ਹਿਆ ਸੀ, ਜਦਕਿ ਇਹ ਉਨ੍ਹਾਂ ਦਾ ਘਰ ਵੀ ਸੀ। ਤਿੰਨ ਬੱਚਿਆਂ ਦੀ ਮਾਂ ਸੁਸ਼ਮਾ ਨੇ ਕੈਨੇਡਾ ਜਾਣ ਲਈ ਟਰੈਵਲ ਏਜੰਟ ਨੂੰ 22 ਲੱਖ ਰੁਪਏ ਦਿੱਤੇ ਸਨ। 22 ਲੱਖ ਦੀ ਰਾਸ਼ੀ ਦੇ ਨਾਲ ਹੀ ਪਾਸਪੋਰਟ ਵੀ ਟਰੈਵਲ ਏਜੰਟ ਨੇ ਆਪਣੇ ਕੋਲ ਰੱਖਿਆ ਹੋਇਆ ਸੀ।

ਸੁਸ਼ਮਾ ਦੀ ਬੇਟੀ ਨਵਜੀਤ ਕੌਰ ਨੇ ਪੁਲਿਸ ਨੂੰ ਦੱਸਿਆ ਕਿ ਵੀਰਵਾਰ ਸ਼ਾਮ ਨੂੰ ਟਰੈਵਲ ਏਜੰਟ ਦਾ ਫੋਨ ਆਇਆ ਕਿ ਤੁਹਾਡਾ ਵੀਜ਼ਾ ਲੱਗ ਗਿਆ ਹੈ, ਚਾਰ ਲੱਖ ਰੁਪਏ ਲੈ ਕੇ ਆਓ ਅਤੇ ਪਾਸਪੋਰਟ ਅਤੇ ਵੀਜ਼ਾ ਲੈ ਜਾਓ। ਨਰਸ ਸੁਸ਼ਮਾ ਨੇ ਬੇਟੀ ਨਵਜੀਤ ਕੌਰ ਨੂੰ ਵੀ ਟਰੈਵਲ ਏਜੰਟ ਦੇ ਦੱਸੇ ਪਤੇ ‘ਤੇ ਗੋਇੰਦਵਾਲ ਬਾਈਪਾਸ ਜਾਣ ਲਈ ਆਪਣੇ ਨਾਲ ਤਿਆਰ ਕੀਤਾ। ਅਜੇ ਦੋਵੇਂ ਰਸਤੇ ਵਿਚ ਹੀ ਸਨ ਕਿ ਟਰੈਵਲ ਏਜੰਟ ਦਾ ਫੋਨ ਆਇਆ ਕਿ ਲੜਕੀ ਨੂੰ ਨਾਲ ਨਾ ਲੈ ਕੇ ਆਓ, ਇਕੱਲੇ ਆਓ। ਸੁਸ਼ਮਾ ਨੇ ਇਹ ਕਹਿ ਕੇ ਇਕੱਲੇ ਆਉਣ ਤੋਂ ਇਨਕਾਰ ਕਰ ਦਿੱਤਾ ਕਿ ਸ਼ਾਮ ਹਨੇਰਾ ਹੈ, ਉਹ ਇਕੱਲੀ ਨਹੀਂ ਆ ਸਕਦੀ।

ਸੁਸ਼ਮਾ ਆਪਣੀ ਧੀ ਨਾਲ ਕਲੀਨਿਕ ਵਾਪਸ ਆ ਗਈ। ਥੋੜ੍ਹੀ ਦੇਰ ਬਾਅਦ ਟਰੈਵਲ ਏਜੰਟ ਦਾ ਫਿਰ ਫੋਨ ਆਇਆ ਕਿ ਮੈਂ ਕਿਸੇ ਕੰਮ ਲਈ ਥਾਣੇ ਆਇਆ ਹਾਂ, ਤੁਸੀਂ ਚਾਰ ਲੱਖ ਦੀ ਰਕਮ ਦੇ ਕੇ ਪਾਸਪੋਰਟ ਅਤੇ ਵੀਜ਼ਾ ਲੈ ਲਓ। ਨਵਜੀਤ ਕੌਰ ਨੇ ਦੱਸਿਆ ਕਿ ਉਸ ਦੀ ਮਾਂ ਸੁਸ਼ਮਾ ਇਹ ਕਹਿ ਕੇ ਘਰੋਂ ਨਿਕਲੀ ਸੀ ਕਿ ਉਹ ਦਸ ਮਿੰਟਾਂ ਵਿੱਚ ਵਾਪਸ ਆ ਜਾਵੇਗੀ। ਸੁਸ਼ਮਾ ਨੂੰ ਰਸਤੇ ‘ਚ ਉਸ ਦੀ ਬੇਟੀ ਨੇ ਆਟੋ ‘ਤੇ ਬਿਠਾ ਦਿੱਤਾ ਪਰ ਬਾਅਦ ‘ਚ ਸੁਸ਼ਮਾ ਦਾ ਮੋਬਾਈਲ ਫੋਨ ਬੰਦ ਹੋ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਸੁਸ਼ਮਾ ਨੂੰ ਥਾਣਾ ਸਦਰ ਨੇੜਿਓਂ ਕੁਝ ਲੋਕਾਂ ਨੇ ਅਗਵਾ ਕਰ ਲਿਆ। ਦੇਰ ਰਾਤ ਥਾਣਾ ਸਰਾਏ ਅਮਾਨਤ ਖਾਂ ਦੇ ਪਿੰਡ ਦੋਦੇ ਨੇੜੇ ਸੁਸ਼ਮਾ ਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ ਗਿਆ।

The post ਪੰਜਾਬ ਦੇ ਤਰਨਤਾਰਨ ‘ਚ ਨਰਸ ਦਾ ਕਤਲ, ਕੈਨੇਡਾ ਜਾਣ ਲਈ ਏਜੰਟ ਨੂੰ ਦਿੱਤੇ ਸੀ 22 ਲੱਖ ਤੇ ਪਾਸਪੋਰਟ appeared first on Daily Post Punjabi.