ਓਬਾਮਾ ਦੇ ਅਨੁਸਾਰ 26/11 ਦੇ ਮੁੰਬਈ ਹਮਲੇ ਤੋਂ ਬਾਅਦ ਮਨਮੋਹਨ ਉੱਤੇ ਪਾਕਿਸਤਾਨ ਵਿਰੁੱਧ ਹਮਲਾ ਕਰਨ ਦਾ ਦਬਾਅ ਸੀ। ਉਨ੍ਹਾਂ ਨੇ ਅਜਿਹਾ ਨਹੀਂ ਕੀਤਾ। ਪਰ, ਉਨ੍ਹਾਂ ਨੂੰ ਰਾਜਨੀਤਿਕ ਤੌਰ ‘ਤੇ ਇਸਦਾ ਘਾਟਾ ਸਹਿਣਾ ਪਿਆ। ਜਿਸ ਦੇ ਕਾਰਨ ਭਾਰਤੀ ਜਨਤਾ ਪਾਰਟੀ ਮਜ਼ਬੂਤ ​​ਹੋ ਗਈ। ਓਬਾਮਾ ਦੇ ਅਨੁਸਾਰ, ਧਰਮ ਅਤੇ ਜਾਤੀ ਅਜੇ ਵੀ ਭਾਰਤ ਦੀ ਰਾਜਨੀਤੀ ‘ਤੇ ਹਾਵੀ ਹਨ। ਪਰ ਇਹ ਕਹਿਣਾ ਸਹੀ ਨਹੀਂ ਹੋਵੇਗਾ ਕਿ ਇਸ ਕਾਰਨ ਮਨਮੋਹਨ ਸਿੰਘ ਨੂੰ ਪ੍ਰਧਾਨ ਮੰਤਰੀ ਬਣਾਇਆ ਗਿਆ ਸੀ। ਇਸ ਦੇ ਪਿੱਛੇ ਦਾ ਕਾਰਨ ਕੁੱਝ ਹੋਰ ਸੀ। ਓਬਾਮਾ ਲਿਖਦੇ ਹਨ – ਬਹੁਤ ਸਾਰੇ ਰਾਜਨੀਤਿਕ ਮਾਹਿਰ ਮੰਨਦੇ ਹਨ ਕਿ ਸੋਨੀਆ ਨੇ ਮਨਮੋਹਨ ਸਿੰਘ ਨੂੰ ਬਹੁਤ ਧਿਆਨ ਨਾਲ ਸੋਚ ਸਮਝ ਕੇ ਪ੍ਰਧਾਨ ਮੰਤਰੀ ਬਣਾਇਆ ਸੀ। ਮਨਮੋਹਨ ਸਿੰਘ ਦਾ ਵੀ ਕੋਈ ਰਾਜਨੀਤਿਕ ਅਧਾਰ ਨਹੀਂ ਸੀ। ਸੱਚ ਕੁੱਝ ਹੋਰ ਹੈ। ਦਰਅਸਲ, ਸੋਨੀਆ ਆਪਣੇ 40 ਸਾਲਾ ਬੇਟੇ ਰਾਹੁਲ ਗਾਂਧੀ ਦੇ ਰਾਜਨੀਤਿਕ ਭਵਿੱਖ ਨੂੰ ਕੋਈ ਖ਼ਤਰਾ ਨਹੀਂ ਦੇਣਾ ਚਾਹੁੰਦੀ ਸੀ। ਉਹ ਰਾਹੁਲ ਨੂੰ ਕਾਂਗਰਸ ਦੀ ਕਮਾਨ ਸੌਂਪਣ ਲਈ ਵੀ ਤਿਆਰ ਕਰ ਰਹੀ ਸੀ।

ਓਬਾਮਾ ਨੇ ਇੱਕ ਡਿਨਰ ਦਾ ਵੀ ਜ਼ਿਕਰ ਕੀਤਾ ਹੈ। ਇਸ ਦੀ ਮੇਜ਼ਬਾਨੀ ਮਨਮੋਹਨ ਸਿੰਘ ਨੇ ਓਬਾਮਾ ਦੇ ਸਨਮਾਨ ਵਿੱਚ ਕੀਤੀ ਸੀ। ਸੋਨੀਆ ਗਾਂਧੀ ਅਤੇ ਰਾਹੁਲ ਗਾਂਧੀ ਵੀ ਇਸ ਵਿੱਚ ਮਿਲ ਹੋਏ ਸੀ। ਓਬਾਮਾ ਲਿਖਦੇ ਹਨ- ਸੋਨੀਆ ਬੋਲਣ ਨਾਲੋਂ ਜ਼ਿਆਦਾ ਸੁਣਨ ਨੂੰ ਤਰਜੀਹ ਦਿੰਦੀ ਹੈ। ਜਿਵੇਂ ਹੀ ਪਾਲਿਸੀ ਮੈਟਰ ਬਾਰੇ ਗੱਲ ਚਲਦੀ, ਉਹ ਗੱਲਬਾਤ ਨੂੰ ਆਪਣੇ ਬੇਟੇ ਰਾਹੁਲ ਵੱਲ ਮੋੜ ਦਿੰਦੀ। ਹੁਣ ਇਹ ਮੇਰੇ ਲਈ ਸਪੱਸ਼ਟ ਹੋ ਗਿਆ ਸੀ ਕਿ ਸੋਨੀਆ ਸੂਝਵਾਨ ਹੈ ਅਤੇ ਇਸ ਨੂੰ ਸਪਸ਼ਟ ਕਰਦੀ ਹੈ। ਰਾਹੁਲ ਚੁਸਤ ਅਤੇ ਉਤਸ਼ਾਹੀ ਦਿਖਾਈ ਦਿੱਤੇ। ਉਨ੍ਹਾਂ ਨੇ ਮੇਰੀ 2008 ਦੀ ਚੋਣ ਮੁਹਿੰਮ ਬਾਰੇ ਵੀ ਸਵਾਲ ਖੜੇ ਕੀਤੇ ਸਨ। ਓਬਾਮਾ ਅੱਗੇ ਲਿਖਦੇ ਹਨ- ਮੈਨੂੰ ਨਹੀਂ ਪਤਾ ਸੀ ਕਿ ਮਨਮੋਹਨ ਸਿੰਘ ਦੇ ਅਹੁਦਾ ਛੱਡਣ ਤੋਂ ਬਾਅਦ ਕੀ ਹੋਵੇਗਾ। ਕੀ ਉਹ ਰਾਹੁਲ ਨੂੰ ਸੱਤਾ ਸੌਂਪਣਗੇ? ਯਾਨੀ ਸੋਨੀਆ ਗਾਂਧੀ ਉਹੀ ਕਰਨਗੇ ਜੋ ਉਨ੍ਹਾਂ ਨੇ ਰਾਹੁਲ ਗਾਂਧੀ ਲਈ ਸੋਚਿਆ ਸੀ। ਜਾਂ ਭਾਜਪਾ ਕਾਂਗਰਸ ਦੇ ਦਬਦਬੇ ਨੂੰ ਚੁਣੌਤੀ ਦੇਵੇਗੀ।

ਇਹ ਵੀ ਦੇਖੋ : ਹਰ ਕਿਸੇ ਨੂੰ ਸੁਣਨੀ ਚਾਹੀਦੀ ਹੈ ਇਹ ਇੰਟਰਵਿਊ, ਜ਼ਿੰਮੀਦਾਰਾਂ ਦੇ ਪੁੱਤ ਕਿਉਂ ਨਹੀਂ ਕਰਦੇ ਵਾਹੀ ?

The post ਓਬਾਮਾ ਨੇ ਮੁੜ ਘੇਰਿਆ ਗਾਂਧੀ ਪਰਿਵਾਰ, ਸੋਨੀਆ ਗਾਂਧੀ ਵਲੋਂ ਮਨਮੋਹਨ ਸਿੰਘ ਨੂੰ PM ਬਨਾਉਣ ਦਾ ਖੋਲ੍ਹਿਆ ਰਾਜ਼ appeared first on Daily Post Punjabi.