ਅਜਿਹਾ ਹੀ ਇੱਕ ਮਾਮਲਾ IIM ਅਹਿਮਦਾਬਾਦ ਦੇ ਇੱਕ ਵਿਦਿਆਰਥੀ ਦਾ ਹੈ, ਜਿਸ ਨੇ ਫਲਿੱਪਕਾਰਟ ਤੋਂ 50,000 ਰੁਪਏ ਦਾ ਲੈਪਟਾਪ ਆਰਡਰ ਕੀਤਾ ਸੀ, ਪਰ ਕੰਪਨੀ ਨੇ ਉਸ ਨੂੰ ਘੜੀ ਦਾ ਸਾਬਣ ਭੇਜਿਆ ਸੀ। ਵਿਦਿਆਰਥੀ ਦਾ ਨਾਮ ਯਸ਼ਸਵੀ ਸ਼ਰਮਾ ਹੈ ਅਤੇ ਉਸਨੇ ਫਲਿੱਪਕਾਰਟ ‘ਤੇ ਚੱਲ ਰਹੀ ਬਿਗ ਬਿਲੀਅਨ ਡੇਜ਼ ਸੇਲ ਤੋਂ ਆਪਣੇ ਪਿਤਾ ਲਈ ਇੱਕ ਲੈਪਟਾਪ ਆਰਡਰ ਕੀਤਾ ਸੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ- ਮੈਂ ਆਪਣੇ ਪਿਤਾ ਲਈ ਲੈਪਟਾਪ ਆਰਡਰ ਕੀਤਾ ਸੀ, ਪਰ ਫਲਿੱਪਕਾਰਟ ਨੇ ਘੜੀ ਦਾ ਸਾਬਣ ਭੇਜ ਦਿੱਤਾ। ਜਦੋਂ ਮੈਂ ਕਸਟਮਰ ਕੇਅਰ ਨੂੰ ਸ਼ਿਕਾਇਤ ਕੀਤੀ ਤਾਂ ਉਨ੍ਹਾਂ ਨੇ ਗਲਤੀ ਮੰਨਣ ਤੋਂ ਇਨਕਾਰ ਕਰ ਦਿੱਤਾ। ਇੰਨਾ ਹੀ ਨਹੀਂ ਕਸਟਮਰ ਕੇਅਰ ਨੇ ਸੀਸੀਟੀਵੀ ਦੇ ਸਬੂਤ ਲੈਣ ਤੋਂ ਵੀ ਇਨਕਾਰ ਕਰ ਦਿੱਤਾ। ਫਲਿੱਪਕਾਰਟ ਦੇ ਸੀਨੀਅਰ ਕਸਟਮਰ ਕੇਅਰ ਐਗਜ਼ੀਕਿਊਟਿਵ ਨੇ ਯਸ਼ਸਵੀ ਨੂੰ ਸਪੱਸ਼ਟ ਸ਼ਬਦਾਂ ਵਿੱਚ ਕਿਹਾ- ਕੋਈ ਵਾਪਸੀ ਸੰਭਵ ਨਹੀਂ ਹੈ। ਯਸ਼ਸਵੀ ਨੇ ਫਲਿੱਪਕਾਰਟ ਦੇ ਸੀਈਓ ਕਲਿਆਣ ਕ੍ਰਿਸ਼ਨਮੂਰਤੀ ਅਤੇ ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਨੂੰ ਵੀ ਪੋਸਟ ਵਿੱਚ ਟੈਗ ਕੀਤਾ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “

ਯਸ਼ਸਵੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਪਿਤਾ ਦੀ ਗਲਤੀ ਦਾ ਜ਼ਿਕਰ ਵੀ ਕੀਤਾ। ਉਸ ਨੇ ਲਿਖਿਆ ਕਿ ਜਦੋਂ ਡਿਲੀਵਰੀ ਬੁਆਏ ਸਾਮਾਨ ਦੀ ਡਿਲੀਵਰੀ ਕਰਨ ਆਇਆ ਤਾਂ ਉਸ ਦੇ ਪਿਤਾ ਨੇ ਗਲਤੀ ਕੀਤੀ। ਗਲਤੀ ਇਹ ਹੈ ਕਿ ਉਸਦੇ ਪਿਤਾ ਨੂੰ ‘ਓਪਨ-ਬਾਕਸ’ ਡਿਲੀਵਰੀ ਬਾਰੇ ਪਤਾ ਨਹੀਂ ਸੀ। ਯਸ਼ਸਵੀ ਨੇ ਕਿਹਾ ਕਿ ਡਿਲੀਵਰੀ ਲੈਂਦੇ ਸਮੇਂ ਰਿਸੀਵਰ ਨੂੰ ਡਿਲੀਵਰੀ ਬੁਆਏ ਦੇ ਸਾਹਮਣੇ ਪੈਕੇਟ ਖੋਲ੍ਹਣਾ ਪੈਂਦਾ ਹੈ ਅਤੇ ਆਈਟਮ ਨੂੰ ਦੇਖ ਕੇ ਹੀ ਓਟੀਪੀ ਦੇਣਾ ਪੈਂਦਾ ਹੈ। ਉਯਸ਼ਸਵੀ ਨੇ ਕਿਹਾ ਕਿ ਉਸ ਕੋਲ ਅਨਬਾਕਸਿੰਗ ਦੀ ਸੀਸੀਟੀਵੀ ਫੁਟੇਜ ਹੈ। ਉਸਨੇ ਅੱਗੇ ਲਿਖਿਆ ਕਿ ਡਿਲੀਵਰੀ ਬੁਆਏ ਨੇ ਆਪਣੇ ਗਾਹਕ ਨੂੰ ਓਪਨ ਬਾਕਸ ਦੇ ਸੰਕਲਪ ਬਾਰੇ ਕਿਉਂ ਨਹੀਂ ਦੱਸਿਆ? ਬਾਅਦ ਵਿੱਚ ਅਨਬਾਕਸਿੰਗ ਤੋਂ ਪਤਾ ਲੱਗਿਆ ਕਿ ਅੰਦਰ ਕੋਈ ਲੈਪਟਾਪ ਨਹੀਂ ਹੈ ਪਰ ਘੜੀ ਸਾਬਣ ਹੈ। ਦੇਸ਼ ‘ਚ ਸਭ ਤੋਂ ਜ਼ਿਆਦਾ ਖਪਤਕਾਰਾਂ ਦੀਆਂ ਸ਼ਿਕਾਇਤਾਂ ਐਮਾਜ਼ਾਨ ਅਤੇ ਫਲਿੱਪਕਾਰਟ ਵਰਗੀਆਂ ਈ-ਕਾਮਰਸ ਕੰਪਨੀਆਂ ਖਿਲਾਫ ਹੋਈਆਂ ਹਨ।

The post ਵਿਦਿਆਰਥੀ ਨੇ ਫਲਿੱਪਕਾਰਟ ਤੋਂ ਮੰਗਵਾਇਆ ਲੈਪਟਾਪ, ਪਰ ਪੈਕੇਟ ‘ਚੋਂ ਜੋ ਨਿਕਲਿਆ ਉਹ ਦੇਖ ਉੱਡੇ ਹੋਸ਼ appeared first on Daily Post Punjabi.