ਝਾਰਖੰਡ ਦੇ ਬੋਕਾਰੋ ਤੋਂ ਭਾਰਤੀ ਰੇਲਵੇ ਦੇ ਫਿਰੋਜ਼ਪੁਰ ਡਿਵੀਜ਼ਨ ਲਈ ਤੀਜੀ ਆਕਸੀਜਨ ਐਕਸਪ੍ਰੈਸ, ਸੋਮਵਾਰ ਸਵੇਰੇ 42.10 ਮੀਟਰਕ ਟਨ ਤਰਲ ਆਕਸੀਜਨ ਨਾਲ ਜਲੰਧਰ ਦੇ ਫਿਲੌਰ ਪਹੁੰਚੇਗੀ। ਮੰਡਲ ਰੇਲਵੇ ਮੈਨੇਜਰ (ਡੀਆਰਐਮ) ਰਾਜੇਸ਼ ਅਗਰਵਾਲ ਨੇ ਦੱਸਿਆ ਕਿ ਤਰਲ ਮੈਡੀਕਲ ਆਕਸੀਜਨ ਦੀਆਂ ਦੋ ਕ੍ਰਾਇਓਜੇਨਿਕ ਟੈਂਕੀਆਂ 22 ਮਈ ਨੂੰ ਦੁਪਹਿਰ 11.10 ਵਜੇ ਬੋਕਾਰੋ ਤੋਂ ਰਵਾਨਾ ਕੀਤੀਆਂ ਗਈਆਂ ਸਨ। ਉਨ੍ਹਾਂ ਦੇ 24 ਮਈ ਨੂੰ ਸਵੇਰੇ 4 ਵਜੇ ਫਿਲੌਰ ਪਹੁੰਚਣ ਦੀ ਉਮੀਦ ਹੈ। ਇਹ ਆਕਸੀਜਨ ਐਕਸਪ੍ਰੈਸ ਬੋਕਾਰੋ ਤੋਂ 1400 ਕਿਲੋਮੀਟਰ ਦੀ ਦੂਰੀ ਤੈਅ ਕਰਕੇ 42.10 ਮੀਟਰਕ ਟਨ ਆਕਸੀਜਨ ਨਾਲ ਫਿਲੌਰ ਪਹੁੰਚੇਗੀ। ਇਸ ਤੋਂ ਪਹਿਲਾਂ, ਸੋਮਵਾਰ ਅਤੇ ਵੀਰਵਾਰ ਨੂੰ, 40-40 ਟਨ ਤਰਲ ਆਕਸੀਜਨ ਫਿਲੌਰ ਨੂੰ ਦੋ ਵਿਸ਼ੇਸ਼ ਆਕਸੀਜਨ ਐਕਸਪ੍ਰੈਸਾਂ ਦੁਆਰਾ ਭੇਜਿਆ ਗਿਆ ਹੈ।

ਇਹ ਵੀ ਪੜ੍ਹੋ : ਕੈਪਟਨ ਤਾਂ ਨਹੀਂ ਆਏ, ਪਰ ਇਸ ਸੰਸਥਾ ਨੇ ਸਬਜ਼ੀ ਵੇਚ ਕੇ ਪਰਿਵਾਰ ਪਾਲਣ ਵਾਲੇ ਬੱਚੇ ਦੀ ਫੜੀ ਬਾਂਹ ਤਾਂ ਹੋ ਗਿਆ ਭਾਵੁਕ

ਮੰਡਲ ਰੇਲਵੇ ਮੈਨੇਜਰ ਨੇ ਦੱਸਿਆ ਕਿ ਫਿਲੌਰ ਪਹੁੰਚਣ ਤੋਂ ਬਾਅਦ ਤਰਲ ਮੈਡੀਕਲ ਆਕਸੀਜਨ ਪੰਜਾਬ ਸਰਕਾਰ ਨੂੰ ਸੌਂਪ ਦਿੱਤੀ ਜਾਵੇਗੀ। ਰਾਜੇਸ਼ ਅਗਰਵਾਲ ਨੇ ਦੱਸਿਆ ਕਿ ਆਕਸੀਜਨ ਐਕਸਪ੍ਰੈਸ ਰੇਲ ਗੱਡੀਆਂ ਦੀ ਢੋਆ ਢੁਆਈ ਭਾਰਤੀ ਰੇਲਵੇ ਦੁਆਰਾ ਗ੍ਰੀਨ ਕੋਰੀਡੋਰ ਬਣਾ ਕੇ ਕੀਤੀ ਜਾ ਰਹੀ ਹੈ ਤਾਂ ਜੋ ਉਨ੍ਹਾਂ ਨੂੰ ਨਿਰਵਿਘਨ, ਤੇਜ਼ੀ ਨਾਲ ਚਲਾਇਆ ਜਾ ਸਕੇ ਅਤੇ ਘੱਟ ਤੋਂ ਘੱਟ ਸਮੇਂ ਵਿੱਚ ਆਕਸੀਜਨ ਦੀ ਬੇਨਤੀ ਕਰਨ ਵਾਲੇ ਰਾਜਾਂ ਵਿੱਚ ਸਪਲਾਈ ਕੀਤੀ ਜਾ ਸਕੇ।

The post ਪੰਜਾਬ ਦੀ ਤੀਜੀ ਆਕਸੀਜਨ ਐਕਸਪ੍ਰੈਸ ਬੋਕਾਰੋ ਤੋਂ ਹੋਈ ਰਵਾਨਾ, ਕੱਲ੍ਹ ਤੱਕ ਫਿਲੌਰ ਪੁੱਜਣ ਦੀ ਉਮੀਦ appeared first on Daily Post Punjabi.