ਚਿਦੰਬਰਮ ਨੇ ਆਪਣੇ ਤਿੰਨ ਟਵੀਟਾਂ ਵਿੱਚ ਲਿਖਿਆ, “ਜਦੋਂ ਬਹੁਤੇ ਹਸਪਤਾਲਾਂ ਦੇ ਦਰਵਾਜ਼ਿਆਂ ‘ਤੇ ਵੈਕਸੀਨ ਖਤਮ ਦਾ ਬੋਰਡ ਲਟਕਿਆ ਹੋਇਆ ਹੈ, ਤਾਂ ਕੇਂਦਰੀ ਸਿਹਤ ਮੰਤਰੀ ਹਰਸ਼ਵਰਧਨ ਦਾ ਦਾਅਵਾ ਹੈ ਕਿ ਟੀਕਿਆਂ ਦੀ ਸਪਲਾਈ ਵਿੱਚ ਕੋਈ ਕਮੀ ਨਹੀਂ ਹੈ । ਜੇਕਰ ਸਿਹਤ ਮੰਤਰੀ ਦੀ ਮੰਨੀਏ ਤਾਂ ਵੈਕਸੀਨ, ਆਕਸੀਜਨ, ਰੈਮੇਡਸਵੀਰ, ਹਸਪਤਾਲ ਵਿੱਚ ਬੈੱਡ, ਡਾਕਟਰਾਂ ਅਤੇ ਨਰਸਾਂ ਦੀ ਕੋਈ ਘਾਟ ਨਹੀਂ ਹੈ । ਇੱਥੇ ਸਿਰਫ ਮਰੀਜ਼ਾਂ ਦੀ ਘਾਟ ਹੈ । ਮੈਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ ਕਰਦਾ ਹਾਂ ਕਿ ਉਨ੍ਹਾਂ ਨੇ ਬੰਗਾਲ ਦੀ ਲੜਾਈ ਨੂੰ ਛੱਡ ਕੇ ਕੋਰੋਨਾ ਮਹਾਂਮਾਰੀ ਲਈ ਥੋੜ੍ਹਾ ਸਮਾਂ ਵੀ ਕੱਢਿਆ।”

ਦੱਸ ਦੇਈਏ ਕਿ ਦੇਸ਼ ਵਿੱਚ ਰੋਜ਼ਾਨਾ ਕੋਰੋਨਾ ਦੇ ਰਿਕਾਰਡ ਮਾਮਲੇ ਸਾਹਮਣੇ ਆਉਣ ਦੇ ਮੱਦੇਨਜ਼ਰ ਪ੍ਰਧਾਨ ਮੰਤਰੀ ਨੇ ਸ਼ਨੀਵਾਰ ਨੂੰ ਇੱਕ ਉੱਚ ਪੱਧਰੀ ਬੈਠਕ ਵਿੱਚ ਵੈਂਟੀਲੇਟਰਾਂ, ਆਕਸੀਜਨ ਅਤੇ ਦਵਾਈਆਂ ਦੀ ਉਪਲਬਧਤਾ ਦੀ ਸਮੀਖਿਆ ਕੀਤੀ ਸੀ । ਇਸ ਦੌਰਾਨ ਉਨ੍ਹਾਂ ਨੇ ਵੈਕਸੀਨ ਦਾ ਉਤਪਾਦਨ ਵਧਾਉਣ ਲਈ ਅਧਿਕਾਰੀਆਂ ਨੂੰ ਜਨਤਕ ਅਤੇ ਨਿੱਜੀ ਖੇਤਰਾਂ ਵਿੱਚ ਉਪਲਬਧ ਸਾਰੀਆਂ ਯੋਗਤਾਵਾਂ ਦੀ ਵਰਤੋਂ ਕਰਨ ਦਾ ਨਿਰਦੇਸ਼ ਦਿੱਤਾ ਸੀ । ਉਨ੍ਹਾਂ ਕਿਹਾ ਕਿ ਭਾਰਤ ਨੇ ਪਿਛਲੇ ਸਾਲ ਇਕਜੁੱਟ ਹੋ ਕੇ ਕੋਰੋਨਾ ਮਹਾਂਮਾਰੀ ਨੂੰ ਖਤਮ ਕਰ ਦਿੱਤਾ ਸੀ ਅਤੇ ਇਸ ਵਾਰ ਵੀ ਇਸ ਨੂੰ ਹਰਾਇਆ ਜਾ ਸਕਦਾ ਹੈ, ਪਰ ਇਸ ਦੇ ਲਈ ਉਨ੍ਹਾਂ ਸਿਧਾਂਤਾਂ ਨੂੰ ਤੇਜ਼ੀ ਨਾਲ ਅਪਣਾਉਣਾ ਪਵੇਗਾ । 

ਇਹ ਵੀ ਦੇਖੋ: ਕੋਰੋਨਾ ਦੇ ਹਲਾਤਾਂ ‘ਤੇ ਪ੍ਰਧਾਨਮੰਤਰੀ ਨੇ ਸੱਦੀ ਹੰਗਾਮੀ ਮੀਟਿੰਗ, ਕੀ ਮੁੜ ਹੋਏਗੀ ਦੇਸ਼ ‘ਚ ਤਾਲਾਬੰਦੀ? ਦੇਖੋ LIVE

The post PM ਮੋਦੀ ਦੀ ਕੋਰੋਨਾ ਦੀ ਸਥਿਤੀ ਵਾਲੀ ਮੀਟਿੰਗ ‘ਤੇ ਪੀ ਚਿਦੰਬਰਮ ਦਾ ਤੰਜ, ਕਿਹਾ- ‘ਬੰਗਾਲ ਦੀ ਲੜਾਈ ਛੱਡ ਕੋਰੋਨਾ ਮਹਾਂਮਾਰੀ ਵੱਲ ਧਿਆਨ ਦੇਣ ਲਈ ਧੰਨਵਾਦ’ appeared first on Daily Post Punjabi.