ਇਸ ਹਮਲੇ ਵਿੱਚ ਜ਼ਖਮੀ ਹੋਏ ਲੋਕਾਂ ਨੂੰ ਵੱਖ-ਵੱਖ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ । ਉਨ੍ਹਾਂ ਵਿੱਚੋਂ ਇੱਕ ਦੀ ਹਾਲਤ ਨਾਜ਼ੁਕ ਹੈ। ਕਰਾਚੀ ਦੇ ਇੱਕ ਸਿਹਤ ਅਧਿਕਾਰੀ ਨੇ ਨਿਊਜ਼ ਏਜੰਸੀ ਨੂੰ ਇਸਦੀ ਜਾਣਕਾਰੀ ਦਿੱਤੀ। ਕਰਾਚੀ ਦੇ ਪੁਲਿਸ ਮੁਖੀ ਗੁਲਾਮ ਨਬੀ ਮੈਨਨ ਨੇ ਦੱਸਿਆ ਕਿ ਰੈਲੀ ‘ਤੇ ਗ੍ਰੇਨੇਡ ਨਾਲ ਹਮਲਾ ਕੀਤਾ ਗਿਆ, ਜਿਸ ਵਿੱਚ ਬਹੁਤ ਸਾਰੇ ਲੋਕ ਜ਼ਖਮੀ ਹੋ ਗਏ ਹਨ। ਇਸ ਹਮਲੇ ਦੀ ਜਿੰਮੇਵਾਰੀ ਸਿੰਧੁਦੇਸ਼ ਰੈਵੋਲਿਊਸ਼ਨਰੀ ਆਰਮੀ (SRA) ਨਾਮ ਦੀ ਸੰਸਥਾ ਨੇ ਲਈ ਹੈ। ਇਹ ਇੱਕ ਵੱਖਵਾਦੀ ਸੰਗਠਨ ਹੈ ਜੋ ਪਿਛਲੇ ਕੁਝ ਮਹੀਨਿਆਂ ਤੋਂ ਕਾਫ਼ੀ ਸਰਗਰਮ ਹੋ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਜੂਨ ਦੇ ਮਹੀਨੇ ਵਿੱਚ ਇਸ ਖੇਤਰ ਵਿੱਚ ਤਿੰਨ ਧਮਾਕੇ ਹੋਏ ਸਨ, ਜਿਸ ਦੀ ਜਿੰਮੇਦਾਰੀ ਐਸ.ਆਰ.ਏ. ਨੇ ਲਈ ਸੀ। ਇਸ ਵਿੱਚ 4 ਲੋਕਾਂ ਸਣੇ 2 ਜਵਾਨਾਂ ਦੀ ਜਾਨ ਚਲੀ ਗਈ ਸੀ । ਇਸ ਸੰਗਠਨ ਦੀ ਮੰਗ ਹੈ ਕਿ ਸਿੰਧ ਪ੍ਰਾਂਤ ਨੂੰ ਕਰਾਚੀ ਤੋਂ ਵੱਖ ਕੀਤਾ ਜਾਵੇ । ਇਸ ਸੂਬੇ ਦੀ ਰਾਜਧਾਨੀ ਕਰਾਚੀ ਹੈ । ਐਸਆਰਏ ਨੇ ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ ਨਾਲ ਗਠਜੋੜ ਕਰਨ ਦਾ ਐਲਾਨ ਵੀ ਕੀਤਾ ਹੈ । 

The post ਪਾਕਿਸਤਾਨ: ਕਰਾਚੀ ‘ਚ ‘ਕਸ਼ਮੀਰ ਰੈਲੀ’ ‘ਤੇ ਗ੍ਰੇਨੇਡ ਹਮਲਾ, 30 ਲੋਕ ਜ਼ਖਮੀ appeared first on Daily Post Punjabi.