ਅਥਾਰਟੀ ਨੇ ਕਿਹਾ ਕਿ ਖੇਡ ਬਾਰੇ ਕਈ ਲੋਕਾਂ ਵੱਲੋਂ ਸ਼ਿਕਾਇਤਾਂ ਆਈਆਂ ਸਨ, ਜਿਸ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ। ਪੀਟੀਏ ਨੇ ਕਿਹਾ ਕਿ ਕੁਝ ਮੀਡੀਆ ਰਿਪੋਰਟਾਂ ਵਿੱਚ PUBG ਨੂੰ ਆਤਮ ਹੱਤਿਆ ਦੇ ਮਾਮਲਿਆਂ ਦਾ ਕਾਰਨ ਦੱਸਿਆ ਗਿਆ ਸੀ। ਪੀਟੀਏ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਲਾਹੌਰ ਹਾਈ ਕੋਰਟ ਨੇ ਪੀਟੀਏ ਨੂੰ ਵੀ ਇਸ ਮਾਮਲੇ ਦੀ ਜਾਂਚ ਕਰਨ ਅਤੇ ਸ਼ਿਕਾਇਤਕਰਤਾਵਾਂ ਦੀ ਸੁਣਵਾਈ ਤੋਂ ਬਾਅਦ ਫੈਸਲਾ ਲੈਣ ਦੇ ਨਿਰਦੇਸ਼ ਦਿੱਤੇ ਹਨ।

ਇਸ ਸਬੰਧ ਵਿਚ ਸੁਣਵਾਈ 9 ਜੁਲਾਈ 2020 ਨੂੰ ਹੋਵੇਗੀ। ਡਾਨ ਦੀ ਇਕ ਰਿਪੋਰਟ ਦੇ ਅਨੁਸਾਰ, ਇੱਕ 16 ਸਾਲਾ ਲੜਕੇ ਨੇ PUBG ਦੀ ਖੇਡ ਵਿੱਚ ਆਪਣਾ ਮਿਸ਼ਨ ਪੂਰਾ ਨਾ ਕਰਨ ਕਾਰਨ 24 ਜੂਨ ਨੂੰ ਹੰਜਰਵਾਲ ਖੇਤਰ ਵਿੱਚ ਆਪਣੇ ਘਰ ਦੇ ਛੱਤ ਵਾਲੇ ਪੱਖੇ ਨਾਲ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਪੁਲਿਸ ਨੇ ਪੁਸ਼ਟੀ ਕੀਤੀ ਸੀ ਕਿ ਮੁਹੰਮਦ ਜ਼ਕਰੀਆ ਨਾਮ ਦੇ ਲੜਕੇ ਨੇ ਆਨਲਾਈਨ ਗੇਮਾਂ ਖੇਡਦਿਆਂ ਆਪਣਾ ਮਿਸ਼ਨ ਪੂਰਾ ਨਾ ਕਰਨ ਤੋਂ ਬਾਅਦ ਇਹ ਕਦਮ ਚੁੱਕਿਆ ਸੀ।

The post ਪਾਕਿਸਤਾਨ ਨੇ PUBG ਗੇਮ ‘ਤੇ ਲਗਾਈ ਪਾਬੰਦੀ, ਸਿਹਤ ਲਈ ਦੱਸਿਆ ਹਾਨੀਕਾਰਕ appeared first on Daily Post Punjabi.