ਇਸ ਅਧਰੰਗ ਦੇ ਮਰੀਜ਼ ਦਾ ਨਾਂ ਫਿਲਿਪ ਓਕੀਫ ਹੈ ਅਤੇ ਉਸ ਦੀ ਉਮਰ 62 ਸਾਲ ਹੈ। ਉਨ੍ਹਾਂ ਨੇ ਟਵੀਟ ਕੀਤਾ, ”ਹੈਲੋ, ਦੁਨੀਆ! ਛੋਟਾ ਟਵੀਟ, ਵੱਡੀ ਪ੍ਰਾਪਤੀ।” ਫਿਲਿਪ ਓਕੀਫ ਨੇ ਇਹ ਟਵੀਟ ਸਿੰਕ੍ਰੋਨ ਕੰਪਨੀ ਦੇ ਸੀਈਓ ਥਾਮਸ ਔਕਸਲੇ ਦੇ ਟਵਿਟਰ ਹੈਂਡਲ ਤੋਂ ਕੀਤਾ ਹੈ। ਇਸ ਦੇ ਨਾਲ ਹੀ ਫਿਲਿਪ ਓਕੀਫ ਨੇ ‘ਦਿਮਾਗ ਵਿੱਚ ਪੇਪਰ ਕਲਿੱਪ ਲਗਾਉਣ ਲਈ’ ਡਾਕਟਰਾਂ ਦਾ ਧੰਨਵਾਦ ਕੀਤਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਸਿੰਕ੍ਰੋਨ ਕੰਪਨੀ ਨੇ ਉਨ੍ਹਾਂ ਦੇ ਦਿਮਾਗ ‘ਚ ਮਾਈਕ੍ਰੋਚਿੱਪ ਲਗਾ ਕੇ ਉਨ੍ਹਾਂ ਦੀ ਸੋਚ ਨੂੰ ਸ਼ਬਦਾਂ ‘ਚ ਬਦਲਣ ਦੀ ਤਾਕਤ ਦਿੱਤੀ ਹੈ। ਫਿਲਿਪ ਦੇ ਦਿਮਾਗ ਵਿੱਚ ਲਗਾਇਆ ਗਿਆ ਇੱਕ ਮਾਈਕ੍ਰੋਚਿੱਪ ਦਿਮਾਗ ਦੇ ਸੰਕੇਤਾਂ ਨੂੰ ਪੜ੍ਹਦਾ ਹੈ। ਫਿਰ ਇਹ ਸਿਗਨਲਾਂ ਦਾ ਵਿਸ਼ਲੇਸ਼ਣ ਕਰਦਾ ਹੈ ਅਤੇ ਦਿਮਾਗ ਦੀਆਂ ਹਦਾਇਤਾਂ ਦੀ ਵਿਆਖਿਆ ਕਰਦਾ ਹੈ ਅਤੇ ਉਹਨਾਂ ਨੂੰ ਸ਼ਬਦਾਂ ਵਿੱਚ ਬਦਲਦਾ ਹੈ। ਫਿਲਿਪ ਨੇ ਇਸ ਪ੍ਰਣਾਲੀ ਨੂੰ ਬਹੁਤ ਹੈਰਾਨੀਜਨਕ ਦੱਸਿਆ ਹੈ। ਉਸ ਦਾ ਕਹਿਣਾ ਹੈ ਕਿ ਜਦੋਂ ਉਸ ਨੇ ਪਹਿਲੀ ਵਾਰ ਇਸ ਤਕਨੀਕ ਬਾਰੇ ਸੁਣਿਆ ਤਾਂ ਉਹ ਬਹੁਤ ਖੁਸ਼ ਹੋਇਆ। ਇਸ ਤੋਂ ਉਨ੍ਹਾਂ ਨੂੰ ਅੰਦਾਜ਼ਾ ਹੋ ਗਿਆ ਕਿ ਇਹ ਉਨ੍ਹਾਂ ਦਾ ਕੰਮ ਕਿੰਨਾ ਸੌਖਾ ਬਣਾ ਦੇਵੇਗਾ।

ਇਹ ਵੀ ਪੜ੍ਹੋ : ਆਂਧਰਾ ਪ੍ਰਦੇਸ਼ : ਭਾਜਪਾ ਦੇ ਸੂਬਾ ਪ੍ਰਧਾਨ ਦਾ ਵਾਅਦਾ, ਕਿਹਾ – ‘BJP ਨੂੰ ਪਾਓ ਇੱਕ ਕਰੋੜ ਵੋਟਾਂ, ਅਸੀਂ 50 ਰੁਪਏ ‘ਚ ਦੇਵਾਂਗੇ ਸ਼ਰਾਬ’

ਫਿਲਿਪ ਨੇ ਕਿਹਾ ਕਿ ਇਹ ਮੇਰੇ ਲਈ ਬਾਈਕ ਚਲਾਉਣਾ ਸਿੱਖਣ ਵਰਗਾ ਅਨੁਭਵ ਹੈ। ਇਸ ਦੇ ਲਈ ਤੁਹਾਨੂੰ ਬਹੁਤ ਅਭਿਆਸ ਦੀ ਲੋੜ ਹੈ। ਪਰ ਜਦੋਂ ਤੁਸੀਂ ਇਸ ਨੂੰ ਸਮਝ ਲੈਂਦੇ ਹੋ, ਤਾਂ ਇਹ ਤਕਨੀਕ ਤੁਹਾਡੇ ਲਈ ਬਹੁਤ ਆਸਾਨ ਹੋ ਜਾਂਦੀ ਹੈ ਅਤੇ ਤੁਸੀਂ ਇਸ ਨੂੰ ਆਰਾਮ ਨਾਲ ਵਰਤ ਸਕਦੇ ਹੋ। ਥਾਮਸ ਆਕਸਲੇ ਨੇ ਕਿਹਾ ਕਿ ਸਾਡਾ ਉਦੇਸ਼ ਅਜਿਹੇ ਲੋਕਾਂ ਨੂੰ ਇਸ ਤਕਨੀਕ ਰਾਹੀਂ ਸਹੂਲਤਾਂ ਮੁਹੱਈਆ ਕਰਵਾਉਣਾ ਹੈ ਜੋ ਸਰੀਰਕ ਅਤੇ ਮਾਨਸਿਕ ਅਸਮਰਥਤਾ ਕਾਰਨ ਦੂਜਿਆਂ ਦੀ ਮਦਦ ਨਾਲ ਗੁਜ਼ਾਰਾ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ, ”ਮੈਨੂੰ ਉਮੀਦ ਹੈ ਕਿ ਮੈਂ ਥਾਟਸ ਰਾਹੀਂ ਲੋਕਾਂ ਲਈ ਕੁੱਝ ਲਿਖਣ ਜਾਂ ਟਵੀਟ ਕਰਨਾ ਆਸਾਨ ਬਣਾ ਸਕਾਂਗਾ।”

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

The post ਤਕਨੀਕ ਦਾ ਕਮਾਲ – ‘ਬਿਨਾਂ ਬੋਲੇ, ਬਿਨਾਂ ਟਾਈਪ ਕੀਤੇ’ ਪਹਿਲੀ ਵਾਰ ਸਿੱਧਾ ਦਿਮਾਗ ਤੋਂ ਕੀਤਾ ਗਿਆ ਟਵੀਟ appeared first on Daily Post Punjabi.