ਮਿਲੀ ਜਾਣਕਾਰੀ ਅਨੁਸਾਰ 75 ਸਾਲਾਂ ਕਮਲੇਸ਼ ਰਾਣੀ ਦੀ ਦੇਖਭਾਲ ਉਨ੍ਹਾਂ ਦਾ ਪੁੱਤਰ ਗੁਰਪ੍ਰੀਤ ਸਿੰਘ ਕਰਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਕਮਲੇਸ਼ ਰਾਣੀ ਨੇ ਐਤਵਾਰ ਨੂੰ 10:30 ਵਜੇ ਆਖਰੀ ਸਾਹ ਲਏ । ਕਮਲੇਸ਼ ਰਾਣੀ ਨੂੰ ਕੰਮ ਦਾ ਇੰਨਾ ਜਨੂਨ ਸੀ ਕਿ ਹਾਲਾਤ ਕਿਸੇ ਵੀ ਤਰ੍ਹਾਂ ਦੇ ਹੋਣ ਉਨ੍ਹਾਂ ਨੇ ਕੰਮ ਤੋਂ ਛੁੱਟੀ ਨਹੀਂ ਕੀਤੀ ਸੀ।

ਇਹ ਵੀ ਪੜ੍ਹੋ: ਵੱਡੀ ਖਬਰ : ਪੰਜਾਬ ਕਾਂਗਰਸ ਵਿਚਲੇ ਘਮਾਸਾਨ ਨੂੰ ਖਤਮ ਕਰਨ ਲਈ 3 ਮੈਂਬਰੀ ਕਮੇਟੀ ਮੰਗਲਵਾਰ ਨੂੰ ਨਵਜੋਤ ਸਿੱਧੂ ਨਾਲ ਕਰੇਗੀ ਬੈਠਕ

ਜ਼ਿਕਰਯੋਗ ਹੈ ਕਿ ਕਮਲੇਸ਼ ਰਾਣੀ ਪਿਛਲੇ 25-30 ਸਾਲ ਤੋਂ ਜਲੰਧਰ ਦੇ ਮਸ਼ਹੂਰ ਫਗਵਾੜਾ ਗੇਟ ਦੀ ਨੁੱਕਰ ’ਤੇ ਪਰੌਂਠੇ ਬਣਾਉਂਦੀ ਆ ਰਹੀ ਸੀ। ਉਹ ਆਪਣੇ ਪਰੌਂਠਿਆਂ ਕਾਰਨ ਇੰਨੀ ਮਸ਼ਹੂਰ ਹੋ ਗਈ ਸੀ ਕਿ ਰਾਤ ਦੇ ਸਮੇਂ ਉਨ੍ਹਾਂ ਕੋਲ ਪਰੌਂਠੇ ਖਾਣ ਵਾਲਿਆਂ ਦਾ ਮੇਲਾ ਲੱਗਿਆ ਰਹਿੰਦਾ ਸੀ ।

ਦੱਸ ਦੇਈਏ ਕਿ ਕਮਲੇਸ਼ ਰਾਣੀ ਦੀ ਪਰੌਂਠੇ ਬਣਾਉਣ ਦੀ ਵੀਡੀਓ ਇੰਟਰਨੈੱਟ ‘ਤੇ ਬਹੁਤ ਜ਼ਿਆਦਾ ਵਾਇਰਲ ਹੋ ਗਈ ਸੀ। ਪੰਜਾਬੀ ਗਾਇਕਾਂ ਵੱਲੋਂ ਇਸ ਬਾਰੇ ਟਿੱਪਣੀ ਕਰਨ ਤੋਂ ਬਾਅਦ ਸਰਕਾਰ ਵੀ ਉਨ੍ਹਾਂ ਦੀ ਮਦਦ ਲਈ ਅੱਗੇ ਆਈ ਸੀ । ਪਿਛਲੇ ਸਾਲ ਪੰਜਾਬ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਮਨੀਸ਼ਾ ਗੁਲਾਟੀ ਨੇ ਵੀ ਕਮਲੇਸ਼ ਰਾਣੀ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਉਨ੍ਹਾਂ ਦੀ ਸਹਾਇਤਾ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ ।

ਇਹ ਵੀ ਦੇਖੋ: ਹੁਣ 10 ਮਿੰਟਾਂ ‘ਚ ਮਿਲੇਗੀ ਮਰੀਜਾਂ ਨੂੰ Corona Report, ਮੁਹਾਲੀ ‘ਚ ਲੱਗੀ ਪਹਿਲੀ Covid Fast Testing Machine

The post ਨਹੀਂ ਰਹੀ ਜਲੰਧਰ ਦੀ ਮਸ਼ਹੂਰ ਪਰੌਂਠਿਆਂ ਵਾਲੀ ਬੇਬੇ appeared first on Daily Post Punjabi.