ਕਿਉਂਕਿ ਬਿਊਟੀ ਇੰਡਸਟਰੀ ‘ਚ ਗਾਹਕ ਦੇ ਨਾਲ ਸਰੀਰਕ ਸੰਪਰਕ ਵੀ ਸ਼ਾਮਿਲ ਹੈ, ਜਿਵੇਂ, ਸਪਾ, ਪੈਡੀਕੇਅਰ, ਮੈਨੀਕਿਉਰ, ਵੈਕਸਿੰਗ, ਥ੍ਰੈਡਿੰਗ ਜਾਂ ਹੇਅਰਕਟ, ਇਸ ਲਈ ਇਹ ਸਮਝਣਾ ਜ਼ਰੂਰੀ ਹੈ ਕਿ ਸਫ਼ਾਈ ਅਤੇ ਸਖ਼ਤ ਸੁਰੱਖਿਆ ਦਾ ਪਾਲਣ ਕੀਤਾ ਜਾਣਾ ਚਾਹੀਦਾ ਹੈ ਤਾਂ ਇਸਤੋਂ ਪਹਿਲਾਂ ਤੁਸੀਂ ਸਲੂਨ ਪਹੁੰਚੋ, ਕੁਝ ਅਜਿਹੀਆਂ ਗੱਲਾਂ ਹਨ, ਜਿਨਾਂ ਦਾ ਖ਼ਿਆਲ ਰੱਖਣਾ ਤੁਹਾਡੇ ਲਈ ਜ਼ਰੂਰੀ ਹੈ।

ਫੋਨ ਕਰਕੇ ਪਹੁੰਚੋ: ਹੁਣ ਉਹ ਦਿਨ ਗਏ ਜਦੋਂ ਤੁਸੀਂ ਅਪੁਆਇੰਟਮੈਂਟ ਦੀ ਫ਼ਿਕਰ ਕੀਤੇ ਬਿਨਾਂ ਪਾਰਲਰ ਪਹੁੰਚ ਜਾਂਦੇ ਸੀ ਹੁਣ ਸਾਰਿਆਂ ਨੂੰ ਇਕੱਠੇ ਮਿਲ ਕੇ ਇਕ-ਦੂਜੇ ਦੀ ਸੁਰੱਖਿਆ ਦਾ ਖ਼ਿਆਲ ਰੱਖਣ ਦੀ ਜ਼ਰੂਰਤ ਹੈ। ਇਸ ਲਈ ਸਭ ਤੋਂ ਪਹਿਲਾਂ ਅਪੁਆਇੰਟਮੈਂਟ ਲਓ। ਉਥੇ ਪਹੁੰਚ ਕੇ ਸਰੀਰਕ ਦੂਰੀ ਬਣਾਈ ਰੱਖੋ।

ਤਾਪਮਾਨ ਚੈੱਕ ਕਰਨਾ ਹੋਇਆ ਆਸਾਨ: ਪਾਰਲਰ ‘ਚ ਮੌਜੂਦ ਸਾਰੇ ਲੋਕਾਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਜੋ ਵੀ ਗਾਹਕ ਪਾਰਲਰ ਆਵੇਗਾ, ਅੰਦਰ ਆਉਣ ਤੋਂ ਪਹਿਲਾਂ ਉਸਦੇ ਸਰੀਰ ਦਾ ਤਾਪਮਾਨ ਕੀਤਾ ਜਾਵੇਗਾ। ਇਸਤੋਂ ਇਲਾਵਾ ਹੈਂਡ ਸੈਨੇਟਾਇਜ਼ਰ ਅਤੇ ਜੁੱਤੀਆਂ ਦੇ ਕਵਰ ਵੀ ਤੁਹਾਨੂੰ ਬਾਹਰ ਹੀ ਮਿਲ ਜਾਣਗੇ। ਪਾਰਲਰ ਜਾਂ ਸਲੂਨ ‘ਚ ਸਰੀਰਕ ਸੰਪਰਕ ਜ਼ਿਆਦਾ ਹੋਣ ਕਰਕੇ ਤੁਹਾਨੂੰ ਸਟਾਫ ਪੀਪੀਈ ਕਿੱਟ ‘ਚ ਦੇਖਣ ਨੂੰ ਮਿਲ ਸਕਦਾ ਹੈ। ਗਾਹਕਾਂ ਲਈ ਵੀ ਮਾਸਕ ਪਾਉਣਾ ਜ਼ਰੂਰੀ ਹੈ।

ਸਾਫ਼-ਸਫ਼ਾਈ ਦਾ ਖ਼ਾਸ ਖ਼ਿਆਲ: ਪਾਰਲਰ ‘ਚ ਜਿਨਾਂ ਚੀਜ਼ਾਂ ਦਾ ਇਸਤੇਮਾਲ ਲਗਾਤਾਰ ਹੋ ਰਿਹਾ ਹੈ, ਉਸਨੂੰ ਵਾਰ-ਵਾਰ ਸੈਨੇਟਾਇਜ਼ ਕਰਨ ਦੀ ਜ਼ਰੂਰਤ ਹੋਵੇਗੀ। ਜੋ ਸਟਾਫ ਗਾਹਕ ਲਈ ਕੰਮ ਕਰੇਗਾ, ਉਸਨੂੰ ਕੰਮ ਤੋਂ ਬਾਅਦ ਆਪਣੇ ਦਸਤਾਨੇ ਸੁੱਟਣੇ ਪੈਣਗੇ ਅਤੇ ਆਪਣੇ ਹੱਥਾਂ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰਨਾ ਹੋਵੇਗਾ। ਸਾਰੇ ਲੋਕਾਂ ਦੀ ਸੁਰੱਖਿਆ ਲਈ ਅਤੇ ਸਾਫ-ਸਫ਼ਾਈ ਬਣਾ ਕੇ ਰੱਖਣ ਲਈ ਫੇਸ ਵੈਕਸਿੰਗ, ਆਈਬ੍ਰੋ ਜਾਂ ਅਪਰਲਿਪਸ ਥ੍ਰੈਡਿੰਗ ਜਿਹੀਆਂ ਸੁਵਿਧਾਵਾਂ ਉਪਲੱਬਧ ਨਾ ਹੋਣ।

The post ਪਾਰਲਰ ਜਾਣ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ ! appeared first on Daily Post Punjabi.