ਕੰਪਨੀ ਨੇ ਵੈਕਸੀਨ ‘ਤੇ ਵਿਸ਼ਵਾਸ ਜ਼ਾਹਿਰ ਕਰਦਿਆਂ ਕਿਹਾ, “ਹਾਂ, ਸਾਨੂੰ ਵਿਸ਼ਵਾਸ ਹੈ ਕਿ ਸਾਡੇ ਕੋਲ ਸੁਰੱਖਿਅਤ ਉਤਪਾਦ ਹੈ ਅਤੇ ਅਸੀਂ ਵਿਸ਼ਵਾਸ ਕਰਦੇ ਹਾਂ ਕਿ ਇਸਦਾ ਅਸਰ ਪਵੇਗਾ। ਸਾਨੂੰ ਵਾਰ-ਵਾਰ ਬੁਖਾਰ ਦੇ ਲੱਛਣ ਨਹੀਂ ਦਿਖੇ ਹਨ । ਇਸ ਪ੍ਰੀਖਣ ਵਿੱਚ ਭਾਗ ਲੈਣ ਵਾਲੇ ਮਾਮੂਲੀ ਅਨੁਪਾਤ ਵਿੱਚ ਹੀ ਬੁਖਾਰ ਦਿਖਾਈ ਦਿੱਤਾ ਹੈ। ਅਸੀਂ ਸਿਰ ਦਰਦ ਅਤੇ ਥਕਾਣ ਮਹਿਸੂਸ ਹੋਣ ਵਰਗੇ ਘੱਟ ਲੱਛਣ ਵੀ ਵੇਖੇ ਹਨ। ਅਤੇ ਜੋ ਲੱਛਣ ਇਸ ਵੈਕਸੀਨ ਨਾਲ ਦੇਖੇ ਜਾਂਦੇ ਹਨ ਉਹ ਅਸਥਾਈ ਹੁੰਦੇ ਹਨ। ਉਹ ਆਮ ਤੌਰ ‘ਤੇ ਇੱਕ ਜਾਂ ਦੋ ਦਿਨ ਲਈ ਵੇਖੇ ਜਾਂਦੇ ਹਨ ਤੇ ਫਿਰ ਚਲੇ ਜਾਂਦੇ ਹਨ।”

ਦਰਅਸਲ, ਫਾਈਜ਼ਰ ਅਤੇ ਬਾਇਓਨੋਟੈਕ ਨੇ ਇਸ ਸਾਲ ਦੇ ਅੰਤ ਤੱਕ ਬੀ.ਐੱਨ.ਟੀ.-162 ਲਈ 10 ਕਰੋੜ ਖੁਰਾਕਾਂ ਅਤੇ 2021 ਤੱਕ 130 ਕਰੋੜ ਖੁਰਾਕਾਂ ਬਣਾਉਣ ਦਾ ਟੀਚਾ ਮਿੱਥਿਆ ਹੈ। ਜੁਲਾਈ ਵਿੱਚ ਅਮਰੀਕੀ ਸਿਹਤ ਵਿਭਾਗ ਅਤੇ ਰੱਖਿਆ ਵਿਭਾਗ ਨੇ ਕੋਵਿਡ-19 ਵੈਕਸੀਨ ਦੀਆਂ 10 ਕਰੋੜ ਖੁਰਾਕਾਂ ਤਿਆਰ ਕਰਨ ਲਈ ਫਾਈਜ਼ਰ ਨਾਲ 1.95 ਬਿਲੀਅਨ ਡਾਲਰ ਦੇ ਸਮਝੌਤੇ ‘ਤੇ ਦਸਤਖਤ ਕੀਤੇ ਸਨ। ਅਮਰੀਕੀ ਸਰਕਾਰ ਸਮਝੌਤੇ ਦੇ ਤਹਿਤ ਵੈਕਸੀਨ ਦੀਆਂ ਹੋਰ 500 ਮਿਲੀਅਨ ਖੁਰਾਕਾਂ ਖਰੀਦ ਸਕਦੀ ਹੈ।

ਦੱਸ ਦੇਈਏ ਕਿ ਕੋਵਿਡ ਵੈਕਸੀਨ ਦੇ ਵਿਕਾਸ ਵਿੱਚ ਫਾਈਜ਼ਰ ਦਾ ਮੁਕਾਬਲਾ ਐਸਟਰਾਜ਼ੇਨੇਕਾ, ਜਾਨਸਨ ਐਂਡ ਜਾਨਸਨ, ਮੋਡੇਰਨਾ ਅਤੇ ਸਨੋਫੀ ਦੇ ਨਾਲ ਹੈ। ਫਾਈਜ਼ਰ ਅਤੇ ਬਾਇਓਟੈਕ ਦੀ ਵੈਕਸੀਨ ਵਿੱਚ ਵਾਇਰਸ ਦੇ ਜੈਨੇਟਿਕ ਕੋਡ ਦੀ ਵਰਤੋਂ ਕੀਤੀ ਗਈ ਹੈ। ਜਿਸਨੂੰ ਮੈਸੇਂਜਰ RNA ਜਾਂ mRNA ਕਿਹਾ ਜਾਂਦਾ ਹੈ। ਇਹ ਸਰੀਰ ਨੂੰ ਕੋਰੋਨਾ ਵਾਇਰਸ ਦੀ ਪਛਾਣ ਲਈ ਸਿਖਲਾਈ ਦਿੰਦਾ ਹੈ। ਸਰੀਰ ਵਿਚ ਕੋਰੋਨਾ ਵਾਇਰਸ ਦੇ ਹਮਲੇ ਤੋਂ ਇਮਿਊਨ ਪ੍ਰਤਿਕ੍ਰਿਆ ਪੈਦਾ ਹੁੰਦੀ ਹੈ। 

The post ਅਮਰੀਕੀ ਫਾਰਮਾ ਕੰਪਨੀ Pfizer ਦੀ ਕੋਰੋਨਾ ਵੈਕਸੀਨ ਤੋਂ ਵਧੀ ਉਮੀਦ, ਅਕਤੂਬਰ ਦੇ ਅੰਤ ਤੱਕ ਹੋ ਸਕਦੀ ਹੈ ਉਪਲਬਧ appeared first on Daily Post Punjabi.

ਅਮਰੀਕਾ ਦੇ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ ਵੱਲੋਂ ਫਾਸਟ ਟਰੈਕ ਦਾ ਦਰਜਾ ਦੇਣ ਦਾ ਮਤਲਬ ਹੈ ਕਿ ਨਵੀਂਆਂ ਦਵਾਈਆਂ ਅਤੇ ਟੀਕਿਆਂ ਲਈ ਸਮੀਖਿਆ ਪ੍ਰਕਿਰਿਆ ਪਹਿਲਾਂ ਨਾਲੋਂ ਤੇਜ਼ ਕਰ ਦਿੱਤੀ ਜਾਵੇਗੀ। ਇਹ ਸਿਰਫ ਉਨ੍ਹਾਂ ਦਵਾਈਆਂ ਅਤੇ ਟੀਕਿਆਂ ਲਈ ਕੀਤਾ ਜਾਂਦਾ ਹੈ ਜਿਨ੍ਹਾਂ ਵਿੱਚ ਸੰਭਾਵੀਂ ਤੌਰ ‘ਤੇ ਸੁਧਾਰ ਕਰਨ ਦੀ ਸੰਭਾਵਨਾ ਦਿਖਾਈ ਦਿੰਦੀ ਹੈ ।ਅਮਰੀਕੀ ਡਰੱਗ ਰੈਗੂਲੇਟਰ ਦੇ ਇਸ ਫੈਸਲੇ ਤੋਂ ਬਾਅਦ Pfizer ਦੇ ਸ਼ੇਅਰਾਂ ਵਿੱਚ 2 ਪ੍ਰਤੀਸ਼ਤ ਵਿੱਚ ਵਾਧਾ ਹੋਇਆ ਹੈ, ਜਦੋਂ ਕਿ BioNTech ਅਮਰੀਕੀ ਸਟਾਕ ਮਾਰਕੀਟ ਵਿੱਚ  ਸੂਚੀਬੱਧ ਕੰਪਨੀ ਅਤੇ ਇਸ ਕੰਪਨੀ ਦੇ ਸ਼ੇਅਰਾਂ ਵਿੱਚ ਵੀ 6 ਪ੍ਰਤੀਸ਼ਤ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ ।

ਦਰਅਸਲ, ਇਸ ਮਹੀਨੇ ਦੀ ਸ਼ੁਰੂਆਤ ਵਿੱਚ ਕੰਪਨੀਆਂ ਨੇ ਦੱਸਿਆ ਸੀ ਕਿ BNT162b1 ਨੇ ਸ਼ੁਰੂਆਤੀ ਮਨੁੱਖੀ ਟ੍ਰਾਇਲ ਵਿੱਚ ਬਿਹਤਰ ਨਤੀਜਾ ਦਿੱਤਾ ਹੈ ਅਤੇ ਇਸ ਨਾਲ ਨੁਕਸਾਨ ਦੀ ਕੋਈ ਗੱਲ ਸਾਹਮਣੇ ਨਹੀਂ ਆਈ ਹੈ । ਕੰਪਨੀ ਨੇ ਕਿਹਾ ਹੈ ਕਿ ਸ਼ੁਰੂਆਤੀ ਅੰਕੜਿਆਂ ਤੋਂ ਲਗਾਦ ਹੈ ਕਿ ਜੁਲਾਈ ਵਿੱਚ ਇਹ ਦਵਾਈ ਜਾਰੀ ਕਰ ਦਿੱਤੀ ਜਾਵੇਗੀ।

ਇਸ ਤੋਂ ਅੱਗੇ ਕੰਪਨੀ ਨੇ ਕਿਹਾ ਕਿ ਜੇਕਰ ਮੌਜੂਦਾ ਅਧਿਐਨ ਪੂਰਾ ਹੋ ਜਾਂਦਾ ਹੈ ਅਤੇ ਵੈਕਸੀਨ ਨੂੰ ਲਗਾਤਾਰ ਲਾਜ਼ਮੀ ਪ੍ਰਵਾਨਗੀ ਮਿਲਦੀ ਰਹਿੰਦੀ ਹੈ, ਤਾਂ ਇਸ ਸਾਲ ਦੇ ਅੰਤ ਤੱਕ 10 ਕਰੋੜ ਖੁਰਾਕਾਂ ਤਿਆਰ ਕਰਨ ਦੀ ਉਮੀਦ ਕੀਤੀ ਜਾ ਸਕਦੀ ਹੈ । ਕੰਪਨੀ ਨੇ ਕਿਹਾ ਕਿ ਇਸ ਮਹੀਨੇ ਦੇ ਅੰਤ ਤੱਕ ਲਗਭਗ 30,000 ਲੋਕਾਂ ਤੇ ਟ੍ਰਾਇਲ ਸ਼ੁਰੂ ਕਰਨ ਦੀ ਟੀਚਾ ਹੈ। ਹਾਲਾਂਕਿ ਇਸ ਲਈ ਪਹਿਲੀ ਸ਼ਰਤ ਰੈਗੂਲੇਟਰੀ ਨੂੰ ਮਨਜ਼ੂਰੀ ਮਿਲਣ ਦੀ ਹੈ ।

The post Covid-19 ਵੈਕਸੀਨ ਦੀ ਵਧੀ ਉਮੀਦ, Pfizer ਤੇ BioNTech ਦੀ ਦਵਾਈ ਪਹੁੰਚੀ ਚੌਥੇ ਪੜਾਅ ‘ਚ appeared first on Daily Post Punjabi.