ਆਸਟ੍ਰੇਲੀਆ ਅਤੇ ਇੰਗਲੈਂਡ ਦੇ ਖਿਡਾਰੀਆਂ ਨੂੰ ਯੂਏਈ ਪਹੁੰਚਣ ਤੋਂ ਬਾਅਦ 36 ਘੰਟੇ ਲਈ ਕੁਆਰੰਟੀਨ ਵਿੱਚ ਰਹਿਣਾ ਪਏਗਾ। ਦੱਸ ਦੇਈਏ ਕਿ ਕੇਕੇਆਰ ਅਤੇ ਰਾਜਸਥਾਨ ਰਾਇਲਜ਼ ਫ੍ਰੈਂਚਾਇਜ਼ੀ ਨੇ ਟਵਿੱਟਰ ‘ਤੇ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਖਿਡਾਰੀਆਂ ਦੇ ਆਈਪੀਐਲ ਟੀਮ ਵਿੱਚ ਸ਼ਾਮਿਲ ਹੋਣ ਬਾਰੇ ਕਿਹਾ ਗਿਆ ਹੈ।

ਯੂਏਈ ਪਹੁੰਚੇ ਖਿਡਾਰੀਆਂ ਵਿੱਚ ਸਟੀਵ ਸਮਿਥ, ਡੇਵਿਡ ਵਾਰਨਰ, ਪੈਟ ਕਮਿੰਸ, ਈਓਨ ਮੋਰਗਨ, ਜੋਫਰਾ ਆਰਚਰ ਅਤੇ ਜੋਸ ਬਟਲਰ ਵਰਗੇ ਖਿਡਾਰੀ ਸ਼ਾਮਿਲ ਹਨ। ਦੱਸ ਦੇਈਏ ਕਿ ਸਾਂਝੀ ਤਸਵੀਰ ਵਿੱਚ ਖਿਡਾਰੀ ਪਰਸਨਲ ਪ੍ਰੋਟੈਕਸ਼ਨ ਕਿੱਟਸ (ਪੀਪੀਈ) ਵਿੱਚ ਦਿਖਾਈ ਦੇ ਰਹੇ ਹਨ। ਦੱਸ ਦੇਈਏ ਕਿ ਆਸਟ੍ਰੇਲੀਆ ਅਤੇ ਇੰਗਲੈਂਡ ਦੇ ਖਿਡਾਰੀਆਂ ਲਈ, ਬੀਸੀਸੀਆਈ ਨੇ ਆਪਣੇ ਨਿਯਮਾਂ ਵਿੱਚ ਤਬਦੀਲੀ ਕੀਤੀ ਹੈ, ਪਹਿਲਾਂ ਇਨ੍ਹਾਂ ਖਿਡਾਰੀਆਂ ਨੂੰ 6 ਦਿਨਾਂ ਲਈ ਏਕਾਂਤਵਾਸ ਰਹਿਣਾ ਪੈਣਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦਾ ਕੋਰੋਨਾ ਟੈਸਟ ਹੋਣਾ ਸੀ।

ਕੋਰੋਨਾ ਟੈਸਟ ਨਕਾਰਾਤਮਕ ਹੋਣ ‘ਤੇ ਸਾਰੇ ਖਿਡਾਰੀਆਂ ਨੂੰ ਬਾਇਓ ਸਿਕਿਓਰ ਬੱਬਲ ‘ਚ ਦਾਖਲ ਹੋਣਾ ਦੇਣਾ ਸੀ, ਪਰ ਹੁਣ 36 ਘੰਟੇ ਕੁਆਰੰਟੀਨ ਵਿੱਚ ਰਹਿਣ ਅਤੇ ਇੱਕ ਟੈਸਟ ਨੈਗੇਟਿਵ ਹੋਣ ਤੋਂ ਬਾਅਦ ਸਾਰੇ ਖਿਡਾਰੀ ਬਾਇਓ ਸਿਕਿਓਰ ਬੱਬਲ ਵਿੱਚ ਦਾਖਲ ਹੋ ਸਕਣਗੇ। ਅਜਿਹੀ ਸਥਿਤੀ ਵਿੱਚ, ਆਸਟ੍ਰੇਲੀਆ ਅਤੇ ਇੰਗਲੈਂਡ ਦੇ ਖਿਡਾਰੀ ਆਪਣੀ ਫ੍ਰੈਂਚਾਇਜ਼ੀ ਟੀਮ ਲਈ ਟੂਰਨਾਮੈਂਟ ਦਾ ਪਹਿਲਾ ਮੈਚ ਖੇਡਣ ਲਈ ਉਪਲਬਧ ਹੋਣਗੇ।

The post IPL 2020 ਦੇ ਆਗਾਜ਼ ਤੋਂ ਇੱਕ ਦਿਨ ਪਹਿਲਾਂ ਪੀਪੀਈ ਕਿੱਟ ਪਾ UAE ਪਹੁੰਚੇ ਆਸਟ੍ਰੇਲੀਆ ਤੇ ਇੰਗਲੈਂਡ ਦੇ ਖਿਡਾਰੀ appeared first on Daily Post Punjabi.