pm kisan yojana Archives - Daily Post Punjabi

PM ਕਿਸਾਨ ਯੋਜਨਾ ‘ਚ ਹੋਇਆ ਵੱਡਾ ਬਦਲਾਅ, ਕਰੋੜਾਂ ਕਿਸਾਨਾਂ ‘ਤੇ ਪਏਗਾ ਅਸਰ

Anu Narula — Tue, 04 Jul 2023 09:47:00 +0000

ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੇ ਲਾਭਪਾਤਰੀਆਂ ਲਈ ਅਹਿਮ ਖਬਰ ਹੈ। ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ‘ਚ ਕੁਝ ਜ਼ਰੂਰੀ ਬਦਲਾਅ ਕੀਤੇ ਗਏ ਹਨ, ਜਿਸ ਦਾ ਸਿੱਧਾ ਅਸਰ ਦੇਸ਼ ਦੇ 8 ਕਰੋੜ ਤੋਂ ਵੱਧ ਕਿਸਾਨਾਂ ‘ਤੇ ਪਵੇਗਾ। ਭਾਰਤ ਸਰਕਾਰ ਜਲਦੀ ਹੀ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 14ਵੀਂ ਕਿਸ਼ਤ ਦਾ ਪੈਸਾ ਟਰਾਂਸਫਰ ਕਰਨ ਜਾ ਰਹੀ ਹੈ।

ਅਜਿਹੇ ‘ਚ ਸਰਕਾਰ ਨੇ ਯੋਜਨਾ ਦੀ 14ਵੀਂ ਕਿਸ਼ਤ ਜਾਰੀ ਕਰਨ ਤੋਂ ਪਹਿਲਾਂ ਯੋਜਨਾ ‘ਚ ਕੁਝ ਅਹਿਮ ਬਦਲਾਅ ਕੀਤੇ ਹਨ। ਹੁਣ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਵਿੱਚ ਲਾਭਪਾਤਰੀ ਸਟੇਟਸ ਨੂੰ ਦੇਖਣ ਦਾ ਤਰੀਕਾ ਪੂਰੀ ਤਰ੍ਹਾਂ ਬਦਲ ਗਿਆ ਹੈ। ਇਸ ਤੋਂ ਇਲਾਵਾ ਸਰਕਾਰ ਨੇ ਪ੍ਰਧਾਨ ਮੰਤਰੀ ਕਿਸਾਨ ਮੋਬਾਈਲ ਐਪ ਵੀ ਲਾਂਚ ਕੀਤਾ ਹੈ। ਹੁਣ ਲਾਭਪਾਤਰੀ ਸਟੇਟਸ ਨੂੰ ਦੇਖਣ ਦਾ ਤਰੀਕਾ ਪੂਰੀ ਤਰ੍ਹਾਂ ਬਦਲ ਗਿਆ ਹੈ। ਤੁਹਾਨੂੰ ਹੁਣ ਲਾਭਪਾਤਰੀ ਸਥਿਤੀ ਦੀ ਜਾਂਚ ਕਰਨ ਲਈ ਰਜਿਸਟ੍ਰੇਸ਼ਨ ਨੰਬਰ ਦੀ ਲੋੜ ਪਵੇਗੀ।

ਇਸ ਦੇ ਨਾਲ ਹੀ ਫਰਜ਼ੀਵਾੜੇ ਨੂੰ ਰੋਕਣ ਦੇ ਉਦੇਸ਼ ਨਾਲ ਕੇਂਦਰੀ ਖੇਤੀਬਾੜੀ ਮੰਤਰਾਲੇ ਨੇ ਪ੍ਰਧਾਨ ਮੰਤਰੀ ਕਿਸਾਨ ਮੋਬਾਈਲ ਐਪ ਵੀ ਲਾਂਚ ਕੀਤਾ ਹੈ। ਇਸ ਐਪ ਦੀ ਖਾਸ ਗੱਲ ਇਹ ਹੈ ਕਿ ਇਹ ਚਿਹਰੇ ਦੀ ਪ੍ਰਮਾਣਿਕਤਾ (ਫੇਸ ਅਥੇਂਟੀਕੇਸ਼ਨ) ਤਕਨੀਕ ਨਾਲ ਲੈਸ ਹੈ। ਇਸ ਐਪ ਦੀ ਮਦਦ ਨਾਲ, ਕਿਸਾਨ ਫੇਸ ਅਥਾਂਟਿਕੇਸ਼ਨ ਦੀ ਮਦਦ ਨਾਲ ਆਸਾਨੀ ਨਾਲ ਆਪਣਾ ਈ-ਕੇਵਾਈਸੀ ਕਰਵਾ ਸਕਦੇ ਹਨ। ਅਜਿਹੇ ‘ਚ ਵਨ ਟਾਈਮ ਪਾਸਵਰਡ ਅਤੇ ਫਿੰਗਰਪ੍ਰਿੰਟ ਦੀ ਜ਼ਰੂਰਤ ਨਹੀਂ ਹੋਵੇਗੀ।

ਇਹ ਵੀ ਪੜ੍ਹੋ : CM ਮਾਨ ਦਾ ਕੈਪਟਨ ‘ਤੇ ਪਲਟਵਾਰ, ਬੋਲੇ- ‘ਪੁੱਤਰ ਰਣਇੰਦਰ ਨੂੰ ਪੁੱਛੋ, ਅੰਸਾਰੀ ਨਾਲ ਕੀ ਰਿਸ਼ਤਾ’

ਭਾਰਤ ਸਰਕਾਰ ਨੇ ਹੁਣ ਤੱਕ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀਆਂ 13 ਕਿਸ਼ਤਾਂ ਜਾਰੀ ਕੀਤੀਆਂ ਹਨ। ਅਜਿਹੇ ‘ਚ ਦੇਸ਼ ਭਰ ਦੇ ਕਰੋੜਾਂ ਕਿਸਾਨ ਇਸ ਯੋਜਨਾ ਦੀ 14ਵੀਂ ਕਿਸ਼ਤ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਜੇ ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਭਾਰਤ ਸਰਕਾਰ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 14ਵੀਂ ਕਿਸ਼ਤ ਦਾ ਪੈਸਾ 15 ਜੁਲਾਈ ਤੋਂ ਪਹਿਲਾਂ ਟਰਾਂਸਫਰ ਕਰ ਸਕਦੀ ਹੈ। ਹਾਲਾਂਕਿ ਸਰਕਾਰ ਨੇ ਅਜੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

The post PM ਕਿਸਾਨ ਯੋਜਨਾ ‘ਚ ਹੋਇਆ ਵੱਡਾ ਬਦਲਾਅ, ਕਰੋੜਾਂ ਕਿਸਾਨਾਂ ‘ਤੇ ਪਏਗਾ ਅਸਰ appeared first on Daily Post Punjabi.

ਕਿਸਾਨਾਂ ਨੂੰ ਨਵੇਂ ਸਾਲ ‘ਤੇ ਤੋਹਫ਼ਾ ਦੇਣਗੇ PM ਮੋਦੀ, 5 ਦਿਨਾਂ ‘ਚ ਕਰਾ ਲਓ ਖਾਤੇ ਦੀ E-KYC

Sulakhanjeet Kaur — Mon, 27 Dec 2021 10:26:57 +0000

ਨਵੇਂ ਸਾਲ ‘ਤੇ ਪ੍ਰਧਾਨ ਮੰਤਰੀ ਮੋਦੀ ਕਿਸਾਨਾਂ ਨੂੰ ਵੱਡੀ ਸੌਗਾਤ ਦੇਣ ਜਾ ਰਹੇ ਹਨ। ਪੀਐੱਮ ਮੋਦੀ 1 ਜਨਵਰੀ ਯਾਨੀ ਕਿ ਨਵੇਂ ਸਾਲ ‘ਤੇ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 10ਵੀਂ ਕਿਸ਼ਤ ਜਾਰੀ ਕਰਨ ਜਾ ਰਹੇ ਹਨ । ਇਸ ਸਬੰਧੀ ਮੋਦੀ ਸਰਕਾਰ ਨੇ ਐਲਾਨ ਕਰਦਿਆਂ ਕਿਹਾ ਕਿ ਉਹ ਈ ਜਨਵਰੀ 2022 ਨੂੰ ਦੁਪਹਿਰ 12 ਵਜੇ ਪੀਐੱਮ ਕਿਸਾਨ ਯੋਜਨਾ ਦੇ ਤਹਿਤ 10ਵੀਂ ਕਿਸ਼ਤ ਟ੍ਰਾਂਸਫਰ ਕਰਨਗੇ। ਇਸ ਲਈ ਕਿਸਾਨ ਅਗਲੇ 5 ਦਿਨਾਂ ਵਿੱਚ ਆਪਣੇ ਖਾਤੇ ਦੀ E-KYC ਕਰਵਾ ਲੈਣ ਕਿਉਂਕਿ ਇਸਦੇ ਬਿਨ੍ਹਾਂ ਖਾਤੇ ਵਿੱਚ ਪੈਸੇ ਨਹੀਂ ਆਉਣਗੇ।

PM Kisan Yojana

ਕਰਵਾਉਣੀ ਪਵੇਗੀ E-KYC
ਕਿਸਾਨਾਂ ਨੂੰ ਇਸ ਵਾਰ E-KYC ਦੀ ਪ੍ਰਕਿਰਿਆ ਪੂਰੀ ਕਰਨੀ ਪਵੇਗੀ। ਇਸ ਲਈ ਪੀਐੱਮ ਕਿਸਾਨ ਦੀ ਅਧਿਕਾਰਤ ਵੈੱਬਸਾਈਟ pmkisan.gov.in ‘ਤੇ ਜਾ ਕੇ E-KYC ਦਾ ਵਿਕਲਪ ਚੁਣਨਾ ਪਵੇਗਾ। ਇਸ ਤੋਂ ਬਾਅਦ ਆਪਣਾ ਆਧਾਰ ਨੰਬਰ ਤੇ ਰਜਿਸਟਰਡ ਮੋਬਾਇਲ ਨੰਬਰ ਦਰਜ ਕਰਨਾ ਪਵੇਗਾ। ਜਿਸ ਤੋਂ ਬਾਅਦ OTP ਆਵੇਗਾ। ਇਸ ਨੂੰ ਦਰਜ ਕਰਨ ਮਗਰੋਂ ਇਹ ਪ੍ਰੋਸੈਸ ਪੂਰਾ ਹੋ ਜਾਵੇਗਾ।

ਇਹ ਵੀ ਪੜ੍ਹੋ: ਮੋਹਾਲੀ ਦੇ ਸਾਬਕਾ ਮੇਅਰ ਕੁਲਵੰਤ ਸਿੰਘ ਅੱਜ ‘ਆਪ’ ‘ਚ ਮਾਰਨਗੇ ਐਂਟਰੀ, ਹੋ ਸਕਦੈ ਇਹ ਵੱਡਾ ਐਲਾਨ!

ਦੱਸ ਦੇਈਏ ਕਿ ਇਸ ਯੋਜਨਾ ਤਹਿਤ ਕਿਸਾਨਾਂ ਨੂੰ 2-2 ਹਜ਼ਾਰ ਰੁਪਏ ਦੀਆਂ ਤਿੰਨ ਕਿਸ਼ਤਾਂ ਸਾਲ ਵਿੱਚ ਕੁੱਲ 6 ਹਜ਼ਾਰ ਰੁਪਏ ਦਿੱਤੇ ਜਾਂਦੇ ਹਨ। ਯੋਜਨਾ ਦੇ ਲਾਭਪਾਤਰੀ ਕਾਮਨ ਸਰਵਿਸ ਸੈਂਟਰ ਦੇ ਰਾਹੀਂ ਵੀ ਆਪਣੀ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਇਸ ਤੋਂ ਇਲਾਵਾ ਸਥਾਨਕ ਪਟਵਾਰੀ, ਮਾਲ ਅਧਿਕਾਰੀ ਤੇ ਯੋਜਨਾ ਲਈ ਰਾਜ ਸਰਕਾਰ ਦੇ ਅਧਿਕਾਰੀ ਹੀ ਕਿਸਾਨਾਂ ਦੀ ਰਜਿਸਟ੍ਰੇਸ਼ਨ ਕਰ ਰਹੇ ਹਨ।

PM Kisan Yojana

ਗੌਰਤਲਬ ਹੈ ਕਿ ਸ਼ੁਰੂਆਤ ਵਿੱਚ ਜਦੋਂ ਪੀਐੱਮ ਕਿਸਾਨ ਯੋਜਨਾ ਸ਼ੁਰੂ ਕੀਤੀ ਗਈ ਸੀ, ਇਸਦਾ ਫਾਇਦਾ ਸਿਰਫ ਛੋਟੇ ਕਿਸਾਨਾਂ ਦੇ ਪਰਿਵਾਰਾਂ ਲਈ ਸੀ। ਇਸ ਵਿੱਚ ਉਹ ਕਿਸਾਨ ਸ਼ਾਮਿਲ ਸਨ ਜਿਨ੍ਹਾਂ ਕੋਲ 2 ਹੈਕਟੇਅਰ ਤੱਕ ਦੀ ਕੰਬਾਈਂਡ ਲੈਂਡ ਹੋਲਡਿੰਗ ਸੀ। ਜਿਸ ਤੋਂ ਬਾਅਦ ਜੂਨ 2019 ਵਿੱਚ ਇਸ ਯੋਜਨਾ ਨੂੰ ਸੋਧਿਆ ਗਿਆ ਤੇ ਇਸ ਯੋਜਨਾ ਨੂੰ ਸਾਰੇ ਕਿਸਾਨ ਪਰਿਵਾਰਾਂ ਲਈ ਲਾਗੂ ਕਰ ਦਿੱਤਾ ਗਿਆ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

The post ਕਿਸਾਨਾਂ ਨੂੰ ਨਵੇਂ ਸਾਲ ‘ਤੇ ਤੋਹਫ਼ਾ ਦੇਣਗੇ PM ਮੋਦੀ, 5 ਦਿਨਾਂ ‘ਚ ਕਰਾ ਲਓ ਖਾਤੇ ਦੀ E-KYC appeared first on Daily Post Punjabi.

PM Kisan yojana : ਫਸ ਸਕਦੀ ਹੈ ਇੱਕ ਕਰੋੜ ਤੋਂ ਵੱਧ ਕਿਸਾਨਾਂ ਦੀ 7 ਵੀਂ ਕਿਸ਼ਤ, ਜਾਣੋ ਕਿਉਂ

Sukhpreet Singh — Thu, 24 Dec 2020 10:48:46 +0000

Pm kisan yojana 7th installment : 11 ਕਰੋੜ 44 ਲੱਖ ਕਿਸਾਨ, ਜੋ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਦੀ ਸੱਤਵੀਂ ਕਿਸ਼ਤ ਦੀ ਉਡੀਕ ਕਰ ਰਹੇ ਹਨ, ਉਨ੍ਹਾਂ ਦਾ ਇੰਤਜ਼ਾਰ ਵਿੱਚ ਸਿਰਫ ਕੁੱਝ ਘੰਟੇ ਬਾਕੀ ਰਹਿ ਗਏ ਹਨ, ਪਰ ਇਨ੍ਹਾਂ ਵਿੱਚੋਂ 4 ਕਰੋੜ 71 ਲੱਖ 68 ਹਜ਼ਾਰ 619 ਕਿਸਾਨਾਂ ਦੇ ਅੰਕੜਿਆਂ ਨੂੰ ਪ੍ਰਮਾਣਤ ਕੀਤਾ ਗਿਆ ਹੈ। 23 ਦਸੰਬਰ ਤੱਕ 3 ਕਰੋੜ 75 ਲੱਖ, 73 ਹਜ਼ਾਰ, 938 ਕਿਸਾਨਾਂ ਦਾ FTO ਜਨਰੇਟ ਹੋਇਆ ਹੈ। ਯਾਨੀ ਪ੍ਰਧਾਨ ਮੰਤਰੀ ਕਿਸਾਨ ਪੋਰਟਲ ‘ਤੇ ਦਿੱਤੇ ਗਏ ਅੰਕੜਿਆਂ ਅਨੁਸਾਰ 1 ਕਰੋੜ ਤੋਂ ਵੱਧ ਕਿਸਾਨਾਂ ਦੀ ਸੱਤਵੀਂ ਕਿਸ਼ਤ ਲਟਕ ਸਕਦੀ ਹੈ। ਦੱਸ ਦੇਈਏ ਕਿ ਸੱਤਵੀਂ ਕਿਸ਼ਤ ਦੇ 2000 ਰੁਪਏ 25 ਦਸੰਬਰ ਤੋਂ ਕਿਸਾਨਾਂ ਦੇ ਖਾਤਿਆਂ ਵਿੱਚ ਆਉਣੇ ਸ਼ੁਰੂ ਹੋ ਜਾਣਗੇ। ਇਹ ਸੰਭਵ ਹੈ ਕਿ ਸਰਕਾਰ ਵੀ ਨਕਲੀ ਕਿਸਾਨਾਂ ‘ਤੇ ਨਕੇਲ ਕਸ ਰਹੀ ਹੈ। ਇਸ ਕਾਰਨ ਅਜਿਹੇ ਕਿਸਾਨਾਂ ਨੂੰ ਸੂਚੀ ਵਿੱਚੋਂ ਹਟਾ ਦਿੱਤਾ ਗਿਆ ਹੈ।

Pm kisan yojana 7th installment

ਦੱਸ ਦੇਈਏ ਕਿ ਇਸ ਸਕੀਮ ਦਾ ਲਾਭ ਲੈਣ ਵਾਲੇ ਕਿਸਾਨਾਂ ਦੀ ਗਿਣਤੀ ਕਿਸ਼ਤ-ਦਰ ਕਿਸ਼ਤ ਘੱਟ ਰਹੀ ਹੈ। ਪ੍ਰਧਾਨ ਮੰਤਰੀ ਕਿਸਾਨ ਪੋਰਟਲ ਅਨੁਸਾਰ 23 ਦਸੰਬਰ ਤੱਕ ਪਹਿਲੀ ਕਿਸ਼ਤ 10.65 ਕਰੋੜ ਕਿਸਾਨਾਂ ਨੂੰ ਮਿਲੀ ਸੀ। ਦੂਜੀ ਕਿਸ਼ਤ 10.36 ਕਰੋੜ, ਤੀਜੀ 9.69 ਕਰੋੜ, ਚੌਥੀ 8.75 ਕਰੋੜ ਅਤੇ ਪੰਜਵੀਂ ਕਿਸ਼ਤ 7.66 ਕਰੋੜ ਕਿਸਾਨਾਂ ਤਕ ਪਹੁੰਚ ਗਈ, ਜਦੋਂ ਕਿ ਛੇਵੀਂ ਕਿਸ਼ਤ ਪ੍ਰਾਪਤ ਕਰਨ ਵਾਲੇ ਕਿਸਾਨਾਂ ਦੀ ਗਿਣਤੀ ਸਿਰਫ 6.19 ਕਰੋੜ ਹੈ। ਅਜਿਹੀ ਸਥਿਤੀ ਵਿੱਚ ਸੱਤਵੀਂ ਕਿਸ਼ਤ ਪ੍ਰਾਪਤ ਕਰਨ ਵਾਲੇ ਕਿਸਾਨਾਂ ਦੀ ਗਿਣਤੀ ਘੱਟ ਹੋ ਸਕਦੀ ਹੈ।

ਇਹ ਵੀ ਦੇਖੋ : ਪਾਣੀਪਤ ਦੇ ਵਿਅਕਤੀ ਨੇ ਪਹਿਲਾਂ ਮੁੰਡਵਾਇਆ ਆਪਣਾ ਸਿਰ, ਫਿਰ ਉਪਰ ਲਿਖਵਾਏ ਅਜਿਹੇ ਬੋਲ, ਦੇਖ ਕੇ ਹੋ ਜਾਓਗੇ ਹੈਰਾਨ

The post PM Kisan yojana : ਫਸ ਸਕਦੀ ਹੈ ਇੱਕ ਕਰੋੜ ਤੋਂ ਵੱਧ ਕਿਸਾਨਾਂ ਦੀ 7 ਵੀਂ ਕਿਸ਼ਤ, ਜਾਣੋ ਕਿਉਂ appeared first on Daily Post Punjabi.