ਇਸ ਸਵਾਲ ‘ਤੇ ਪਹਿਲਾਂ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਹੁਣ ਕਾਨਪੁਰ ‘ਚ ਖੁਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਵਾਬ ਦਿੱਤਾ ਹੈ। ਭਾਜਪਾ ਦੇ ਦੋਵੇਂ ਚੋਟੀ ਦੇ ਆਗੂਆਂ ਨੇ ਕਿਹਾ ਕਿ ਇਹ ਪੈਸਾ ਸਮਾਜਵਾਦੀ ਪਾਰਟੀ ਦਾ ਹੀ ਹੈ। ਇਸ ਤੋਂ ਪਹਿਲਾਂ ਸੀਐਮ ਯੋਗੀ ਵੀ ਬਰਾਮਦ ਹੋਏ ਪੈਸੇ ਨੂੰ ਪਿਛਲੀ ਸਰਕਾਰ ਦੇ ਕਾਰਜਕਾਲ ਦੌਰਾਨ ਭ੍ਰਿਸ਼ਟਾਚਾਰ ਦੀ ਬਦਬੂ ਦੱਸ ਚੁੱਕੇ ਹਨ।

ਦਰਅਸਲ ਅਖਿਲੇਸ਼ ਯਾਦਵ ਨੇ ਪੁੱਛਿਆ ਸੀ ਕਿ ਛਾਪੇਮਾਰੀ ‘ਚ ਬਰਾਮਦ ਹੋਏ 194 ਕਰੋੜ ਰੁਪਏ ਆਖਰ ਕਿਸ ਦੇ ਹਨ, ਇਸ ‘ਤੇ ਸਰਕਾਰ ਨੂੰ ਜਵਾਬ ਦੇਣਾ ਚਾਹੀਦਾ ਹੈ। ਇਸ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਪੀਐਮ ਮੋਦੀ ਨੇ ਕਾਨਪੁਰ ‘ਚ ਰੈਲੀ ਦੌਰਾਨ ਕਿਹਾ, ‘ਪਿਛਲੇ ਦਿਨੀ ਬਕਸੇ ਭਰ-ਭਰ ਕੇ ਜੋ ਨੋਟ ਮਿਲੇ ਹਨ, ਇਹ ਲੋਕ ਉਸ ‘ਚ ਵੀ ਕਹਿਣਗੇ ਕੇ ਇਹ ਭਾਜਪਾ ਨੇ ਕਿਹਾ ਹੈ।’ ਉਨ੍ਹਾਂ ਕਿਹਾ, ‘ਪਿਛਲੀ ਸਰਕਾਰ ਵੱਲੋਂ ਭ੍ਰਿਸ਼ਟਾਚਾਰ ਦਾ ਜੋ ਇਤਰ ਛਿੜਕਿਆ ਗਿਆ ਸੀ, ਉਹ ਸਭ ਦੇ ਸਾਹਮਣੇ ਆ ਗਿਆ ਹੈ। ਪਰ ਹੁਣ ਉਹ ਮੂੰਹ ‘ਤੇ ਜਿੰਦਾ ਲਗਾ ਕੇ ਬੈਠੇ ਹਨ ਅਤੇ ਇਸ ਦਾ ਕਰੈਡਿਟ ਨਹੀਂ ਲੈ ਰਹੇ। ਪੀਐਮ ਨੇ ਕਿਹਾ ਕਿ ਨੋਟਾਂ ਦਾ ਪਹਾੜ ਜੋ ਸਾਰਿਆਂ ਨੇ ਦੇਖਿਆ, ਇਹ ਉਨ੍ਹਾਂ ਦੀ (ਸਪਾ) ਦੀ ਉਪਲਬਧੀ ਹੈ।”

ਇਹ ਵੀ ਪੜ੍ਹੋ : ਰਾਜਨੀਤੀਕ ਚਿੱਕੜ ਪੈਦਾ ਕਰ ਕਮਲ ਖਿਲਾਉਣ ਦੀ ਭਾਜਪਾ ਦੀ ਰਣਨੀਤੀ ਨੂੰ ਕੁਚਲੇਗੀ ਬਸਪਾ : ਜਸਵੀਰ ਗੜ੍ਹੀ

ਦੱਸ ਦੇਈਏ ਕਿ ਇੱਕ ਪ੍ਰੋਗਰਾਮ ਦੌਰਾਨ ਅਖਿਲੇਸ਼ ਯਾਦਵ ਨੇ ਸੂਬੇ ‘ਚ ਲਗਾਤਾਰ ਛਾਪੇਮਾਰੀ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਪੁੱਛਿਆ ਸੀ ਕਿ ਕਾਨਪੁਰ ‘ਚ ਬਰਾਮਦ ਹੋਏ 194 ਕਰੋੜ ਰੁਪਏ ਕਿਸਦੇ ਹਨ? ਸਰਕਾਰ ਨੂੰ ਜਵਾਬ ਦੇਣਾ ਚਾਹੀਦਾ ਹੈ, ਨੋਟਬੰਦੀ ਪੂਰੀ ਤਰ੍ਹਾਂ ਅਸਫਲ ਰਹੀ ਹੈ। ਇਸ ਤੋਂ ਪਹਿਲਾਂ ਰਾਜ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਵੀ ਪਰਫਿਊਮ ਵਪਾਰੀ ਦੇ ਘਰੋਂ ਬਰਾਮਦ ਹੋਏ ਪੈਸਿਆਂ ਨੂੰ ਲੈ ਕੇ ਸਮਾਜਵਾਦੀ ਪਾਰਟੀ ਅਤੇ ਅਖਿਲੇਸ਼ ਯਾਦਵ ‘ਤੇ ਨਿਸ਼ਾਨਾ ਸਾਧਿਆ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

The post ਅਖਿਲੇਸ਼ ਨੇ ਪੁੱਛਿਆ, ਪਰਫਿਊਮ ਵਪਾਰੀ ਕੋਲ ਪੈਸਾ ਕਿੱਥੋਂ ਆਇਆ ? PM ਮੋਦੀ ਨੇ ਕਿਹਾ – ‘ਤੁਹਾਡਾ ਹੀ ਹੈ’ appeared first on Daily Post Punjabi.