ਇਸ ਤੋਂ ਇਲਾਵਾ ਪੀਐਮ ਮੋਦੀ ਨੇ ਕਿਹਾ ਕਿ ਇਸ ਦਿਨ ਗੁਰੂ ਗੋਬਿੰਦ ਜੀ ਦੇ ਸਾਹਿਬਜ਼ਾਦੇ ਜੋਰਾਵਰ ਸਿੰਘ ਅਤੇ ਫਤਿਹ ਸਿੰਘ ਜੀ ਨੂੰ ਦੀਵਾਰ ਵਿੱਚ ਜਿੰਦਾ ਚਿਣਵਾ ਦਿੱਤਾ ਗਿਆ ਸੀ। ਜ਼ਾਲਮ ਚਾਹੁੰਦੇ ਸਨ ਕਿ ਸਾਹਿਬਜ਼ਾਦੇ ਆਪਣਾ ਵਿਸ਼ਵਾਸ ਛੱਡ ਦੇਣ, ਮਹਾਨ ਗੁਰੂ ਜੀ ਇਸ ਪਰੰਪਰਾ ਨੂੰ ਛੱਡ ਦੇਣ । ਪਰ, ਸਾਡੇ ਸਾਹਿਬਜ਼ਾਦਿਆਂ ਨੇ ਇੰਨੀ ਛੋਟੀ ਉਮਰ ਵਿੱਚ ਵੀ ਬਹੁਤ ਦਲੇਰੀ ਅਤੇ ਇੱਛਾ ਸ਼ਕਤੀ ਦਿਖਾਈ। ਦੀਵਾਰਾਂ ਵਿੱਚ ਚਿਣੇ ਜਾਂਦੇ ਸਮੇਂ, ਪੱਥਰ ਲੱਗਦੇ ਰਹੇ, ਕੰਧ ਉੱਚੀ ਹੁੰਦੀ ਰਹੀ, ਮੌਤ ਸਾਹਮਣੇ ਮੰਡਰਾ ਰਹੀ ਸੀ, ਪਰ ਫਿਰ ਵੀ ਉਹ ਟਸ ਤੋਂ ਮਸ ਨਹੀਂ ਹੋਏ। ਇਸ ਤੋਂ ਅੱਗੇ ਉਨ੍ਹਾਂ ਕਿਹਾ ਕਿ ਸਾਡੇ ਦੇਸ਼ ਵਿੱਚ ਅੱਤਵਾਦੀਆਂ ਤੋਂ, ਦੇਸ਼ ਦੇ ਹਜ਼ਾਰਾਂ ਸਾਲ ਪੁਰਾਣੇ ਸੱਭਿਆਚਾਰ, ਸੱਭਿਅਤਾ, ਸਾਡੇ ਰਿਵਾਜਾਂ ਨੂੰ ਬਚਾਉਣ ਲਈ, ਕਿੰਨੀਆਂ ਕੁਰਬਾਨੀਆਂ ਦਿੱਤੀਆਂ ਗਈਆਂ ਹਨ, ਅੱਜ ਉਨ੍ਹਾਂ ਨੂੰ ਯਾਦ ਕਰਨ ਦਾ ਦਿਨ ਵੀ ਹੈ । ਅੱਜ ਹੀ ਦੇ ਦਿਨ ਗੁਰੂ ਗੋਬਿੰਦ ਸਿੰਘ ਜੀ ਦੀ ਮਾਤਾ ਜੀ ਮਾਤਾ ਗੁਜਰੀ ਜੀ ਨੇ ਵੀ ਸ਼ਹਾਦਤ ਦਿੱਤੀ ਸੀ । ਲੋਕ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪਰਿਵਾਰ ਦੇ ਲੋਕਾਂ ਦੇ ਵੱਲੋਂ ਦਿੱਤੀ ਗਈ ਸ਼ਹਾਦਤ ਨੂੰ ਬਹੁਤ ਭਾਵੁਕ ਅਵਸਥਾ ਵਿੱਚ ਯਾਦ ਕਰਦੇ ਹਨ ।

ਪੀਐਮ ਮੋਦੀ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਦੇਸ਼ ਦੇ ਅੰਦਰ ਸ਼ੇਰਾਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ । ਚੀਤੇ ਦੀ ਗਿਣਤੀ ਵਿੱਚ ਵੀ 60 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ । ਸਾਲ 2014 ਅਤੇ 2018 ਦੇ ਵਿਚਕਾਰ ਭਾਰਤ ਵਿੱਚ ਚੀਤਿਆਂ ਦੀ ਗਿਣਤੀ ਵਿੱਚ 60 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ । ਸਾਲ 2014 ਵਿੱਚ ਦੇਸ਼ ਵਿੱਚ ਚੀਤਿਆਂ ਦੀ ਗਿਣਤੀ ਲਗਭਗ 7,900 ਸੀ, ਜਦਕਿ 2019 ਵਿੱਚ ਇਨ੍ਹਾਂ ਦੀ ਗਿਣਤੀ ਵੱਧ ਕੇ 12,852 ਹੋ ਗਈ।

ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਨੇ ਕਿਹਾ, ਇਹ ਕਿਹਾ ਜਾਂਦਾ ਹੈ ਕਿ ਅਬੁਲ ਫਜ਼ਲ ਅਕਬਰ ਦੇ ਦਰਬਾਰ ਵਿੱਚ ਪ੍ਰਮੁੱਖ ਮੈਂਬਰ ਸੀ। ਉਨ੍ਹਾਂ ਨੇ ਇੱਕ ਵਾਰ ਕਸ਼ਮੀਰ ਦੀ ਯਾਤਰਾ  ਤੋਂ ਬਾਅਦ ਕਿਹਾ ਸੀ ਕਿ ਕਸ਼ਮੀਰ ਵਿੱਚ ਇੱਕ ਅਜਿਹਾ ਨਜ਼ਰੀਆ ਹੈ, ਜਿਸ ਨੂੰ ਦੇਖ ਕੇ ਚਿੜਚਿੜੇ ਅਤੇ ਗੁੱਸੇ ਵਿੱਚ ਆਏ ਲੋਕ ਵੀ ਖ਼ੁਸ਼ੀ ਨਾਲ ਖੁਸ਼ ਹੋਣਗੇ । ਦਰਅਸਲ, ਉਹ ਕਸ਼ਮੀਰ ਵਿੱਚ ਕੇਸਰ ਦੇ ਖੇਤਾਂ ਦਾ ਉਲੇਖ ਕਰ ਰਹੇ ਸਨ। ਕੇਸਰ ਸਦੀਆਂ ਤੋਂ ਕਸ਼ਮੀਰ ਨਾਲ ਜੁੜਿਆ ਰਿਹਾ ਹੈ । ਕਸ਼ਮੀਰੀ ਕੇਸਰ ਮੁੱਖ ਤੌਰ ‘ਤੇ ਪੁਲਵਾਮਾ, ਬਡਗਾਮ ਅਤੇ ਕਿਸ਼ਤਵਾੜ ਵਰਗੀਆਂ ਥਾਵਾਂ’ ਤੇ ਉਗਾਇਆ ਜਾਂਦਾ ਹੈ । ਇਸ ਸਾਲ ਮਈ ਵਿਚ, ਕਸ਼ਮੀਰੀ ਕੇਸਰ ਨੂੰ ਜੀ.ਆਈ. ਟੈਗ ਦਿੱਤਾ ਵੀ ਗਿਆ ਸੀ।

ਇਹ ਵੀ ਦੇਖੋ: ਸ਼ਹੀਦੀ ਜੋੜ ਮੇਲ ‘ਚ ਪਹੁੰਚੇ ਮੁਹੰਮਦ ਸਦੀਕ, ਕਿਹਾ- ਠੀਕ ਹੁੰਦੇ ਸਾਰ ਹੀ ਜਾਵਾਂਗਾ ਦਿੱਲੀ, ਧਰਨੇ ‘ਚ ਹੋਵਾਂਗਾ ਸ਼ਾਮਲ

The post ਮਨ ਕੀ ਬਾਤ ‘ਚ PM ਮੋਦੀ ਦਾ ਸਿੱਖ ਗੁਰੂਆਂ ਨੂੰ ਕੀਤਾ ਯਾਦ, ਕਿਹਾ- ਅਸੀਂ ਉਨ੍ਹਾਂ ਦੀ ਸ਼ਹਾਦਤ ਦੇ ਕਰਜ਼ਦਾਰ appeared first on Daily Post Punjabi.