ਅਮਰੀਕੀ ਰਾਸ਼ਟਰਪਤੀ ਨਾਲ ਗੱਲਬਾਤ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ “ਜੋ ਬਾਇਡੇਨ ਨਾਲ ਫਲਦਾਇਕ ਗੱਲਬਾਤ ਹੋਈ। ਅਸੀਂ ਦੋਵਾਂ ਦੇਸ਼ਾਂ ਵਿੱਚ COVID ਦੀ ਸਥਿਤੀ ਬਾਰੇ ਵਿਸਥਾਰ ਨਾਲ ਵਿਚਾਰ-ਵਟਾਂਦਰੇ ਕੀਤੇ। ਮੈਂ ਭਾਰਤ ਨੂੰ ਸੰਯੁਕਤ ਰਾਜ ਅਮਰੀਕਾ ਵੱਲੋਂ ਪ੍ਰਦਾਨ ਕੀਤੇ ਜਾ ਰਹੇ ਸਮਰਥਨ ਲਈ ਰਾਸ਼ਟਰਪਤੀ ਬਾਇਡੇਨ ਦਾ ਧੰਨਵਾਦ ਕੀਤਾ।” ਪੀਐਮ ਮੋਦੀ ਨੇ ਕਿਹਾ ਕਿ ਜੋ ਬਾਇਡੇਨ ਨੇ ਵੈਕਸੀਨ ਦੇ ਕੱਚੇ ਮਾਲ ਅਤੇ ਦਵਾਈਆਂ ਦੀ ਇੱਕ ਸਧਾਰਣ ਅਤੇ ਕੁਸ਼ਲ ਸਪਲਾਈ ਚੇਨ ਦੀ ਮਹੱਤਤਾ ‘ਤੇ ਵੀ ਜ਼ੋਰ ਦਿੱਤਾ । ਭਾਰਤ-ਅਮਰੀਕਾ ਸਿਹਤ ਦੇਖਭਾਲ ਦੀ ਭਾਈਵਾਲੀ COVID-19 ਦੀ ਵਿਸ਼ਵਵਿਆਪੀ ਚੁਣੌਤੀ ਨੂੰ ਹੱਲ ਕਰ ਸਕਦੀ ਹੈ।”

ਇਸ ਸਬੰਧੀ ਵ੍ਹਾਈਟ ਹਾਊਸ ਦੇ ਬੁਲਾਰੇ ਜੇਨ ਸਾਈਕੀ ਨੇ ਕਿਹਾ ਕਿ ਅਸੀਂ ਪਿਛਲੇ ਕੁਝ ਦਿਨਾਂ ਕੁਝ ਮਹੱਤਵਪੂਰਨ ਕਦਮ ਚੁੱਕੇ ਹਨ ਤਾਂ ਜੋ ਭਾਰਤ ਦੀਆਂ ਤਤਕਾਲ ਜ਼ਰੂਰਤਾਂ ਨੂੰ ਪੂਰਾ ਕੀਤਾ ਜਾ ਸਕੇ ਅਤੇ ਪ੍ਰਧਾਨ ਮੰਤਰੀ ਅਤੇ ਰਾਸ਼ਟਰਪਤੀ ਸਮੇਤ ਹਰ ਪੱਧਰ ‘ਤੇ ਉਨ੍ਹਾਂ ਨਾਲ ਸੰਪਰਕ ਵਿੱਚ ਰਹਿਣ । ਮੈਂ ਯਕੀਨ ਦਿਵਾ ਸਕਦੀ ਹਾਂ ਕਿ ਅਸੀਂ ਉਨ੍ਹਾਂ ਦੀ ਮਦਦ ਲਈ ਵਚਨਬੱਧ ਹਾਂ।”

ਦੱਸ ਦੇਈਏ ਕਿ ਅਮਰੀਕਾ ਨੇ ਐਤਵਾਰ ਦੇਰ ਰਾਤ ਭਾਰਤ ਨੂੰ ਟੀਕੇ ਲਈ ਉਤਪਾਦਨ ਸਮੱਗਰੀ ਦੇਣ ਦਾ ਐਲਾਨ ਕੀਤਾ ਸੀ । ਰਾਸ਼ਟਰਪਤੀ ਜੋ ਬਾਇਡੇਨ ਨੇ ਕਿਹਾ ਕਿ ਉਹ ਤੁਰੰਤ ਕੋਵੀਸ਼ਿਲਡ ਕੋਰੋਨਾ ਵਾਇਰਸ ਟੀਕੇ ਦੇ ਉਤਪਾਦਨ ਨੂੰ ਵਧਾਉਣ ਲਈ ਲੋੜੀਂਦੇ ਕੱਚੇ ਪਦਾਰਥ ਦਾ ਸਰੋਤ ਮੁਹੱਈਆ ਕਰਵਾਉਣਗੇ । 

ਇਹ ਵੀ ਦੇਖੋ: ਸ਼ੌਕ ਦੇ ਨਾਲ-ਨਾਲ ਘੋੜਿਆਂ ਤੋਂ ਹੁੰਦੀ ਕਰੋੜਾਂ ਦੀ ਕਮਾਈ , ਐਵੇਂ ਨੀ ਬੱਬੂ ਮਾਨ ਸਿਫਤ ਕਰਦਾ ‘ਨੁੱਕਰੇ’ ਦੀ !

The post PM ਮੋਦੀ ਤੇ ਜੋ ਬਾਇਡੇਨ ਨੇ ਫੋਨ ‘ਤੇ ਕੀਤੀ ਗੱਲਬਾਤ, US ਨੇ ਵੈਕਸੀਨ ਲਈ ਕੱਚਾ ਮਾਲ ਭੇਜਣ ਦਾ ਕੀਤਾ ਵਾਅਦਾ appeared first on Daily Post Punjabi.