ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਵੈ-ਨਿਰਭਰ ਭਾਰਤ ਸਾਹਮਣੇ ਲੱਖਾਂ ਚੁਣੌਤੀਆਂ ਹਨ। ਪਰ ਜੇ ਦੇਸ਼ ਸਾਹਮਣੇ ਲੱਖਾਂ ਚੁਣੌਤੀਆਂ ਹਨ, ਤਾਂ ਦੇਸ਼ ਵਿੱਚ ਕਰੋੜਾਂ ਹੱਲ ਦੇਣ ਦੀ ਤਾਕਤ ਵੀ ਹੈ, ਦੇਸ਼ ਦੇ ਲੋਕ ਵੀ ਹਨ ਜੋ ਹੱਲ ਦੀ ਸ਼ਕਤੀ ਦਿੰਦੇ ਹਨ। ਕੋਰੋਨਾ ਸੰਕਟ ਵਿੱਚ ਸਾਨੂੰ ਦੁਨੀਆ ਤੋਂ ਬਹੁਤ ਸਾਰੀਆਂ ਚੀਜ਼ਾਂ ਲਿਆਉਣ ਦੀ ਜ਼ਰੂਰਤ ਹੈ, ਪਰ ਦੁਨੀਆ ਦੇਣ ਦੇ ਯੋਗ ਨਹੀਂ ਹੈ। ਅਜਿਹੀ ਸਥਿਤੀ ਵਿੱਚ ਸਾਡੇ ਦੇਸ਼ ਦੇ ਲੋਕਾਂ ਨੇ ਜ਼ਿੰਮੇਵਾਰੀ ਲਈ । ਪਹਿਲਾਂ ਐਨ -95 ਮਾਸਕ ਦੇਸ਼ ਵਿੱਚ ਨਹੀਂ ਬਣਦੇ ਸਨ ਅਤੇ ਹੁਣ ਇਨ੍ਹਾਂ ਦਾ ਨਿਰਮਾਣ ਹੋਣ ਲੱਗ ਪਿਆ ਹੈ। ਪੀਪੀਈ, ਵੈਂਟੀਲੇਟਰ ਨਹੀਂ ਬੰਦੇ ਸਨ, ਹੁਣ ਬਣਨ ਲੱਗ ਗਏ ਹਨ। ਦੇਸ਼ ਦੀਆਂ ਜਰੂਰਤਾਂ ਪੂਰੀਆਂ ਹੋਈਆਂ, ਨਾਲ ਹੀ ਦੁਨੀਆ ਨੂੰ ਨਿਰਯਾਤ ਕਰਨ ਦੀ ਸਾਡੀ ਤਾਕਤ ਵਿੱਚ ਵਾਧਾ ਹੋਇਆ ਹੈ। ਸਵੈ-ਨਿਰਭਰ ਭਾਰਤ ਦੁਨੀਆ ਦੀ ਕਿੰਨੀ ਮਦਦ ਕਰ ਸਕਦਾ ਹੈ, ਤੁਸੀਂ ਇਸਨੂੰ ਅੱਜ ਦੇਖ ਸਕਦੇ ਹੋ।

ਇਸ ਤੋਂ ਅੱਗੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅੱਜ ਦੇਸ਼ ਵਿੱਚ 110 ਜ਼ਿਲ੍ਹੇ ਬਹੁਤ ਪਛੜੇ ਹੋਏ ਹਨ ਅਤੇ ਸਾਡਾ ਉਦੇਸ਼ ਹੈ ਕਿ ਉਹ ਸਾਰੇ ਜ਼ਿਲ੍ਹੇ ਸਵੈ-ਨਿਰਭਰ ਭਾਰਤ ਦੀ ਵਿਕਾਸ ਯਾਤਰਾ ਵਿੱਚ ਅੱਗੇ ਵਧਣ। ਮੇਰਾ ਮੰਨਣਾ ਹੈ ਕਿ ਭਾਰਤ ਨਿਸ਼ਚਤ ਤੌਰ ‘ਤੇ ਆਤਮ ਨਿਰਭਰ ਬਣੇਗਾ । ਮੈਨੂੰ ਆਪਣੇ ਦੇਸ਼ ਦੀ ਮਨੁੱਖੀ ਸ਼ਕਤੀ ਦੇ ਨਾਲ-ਨਾਲ ਪ੍ਰਤਿਭਾ ਅਤੇ ਯੋਗਤਾ ‘ਤੇ ਪੂਰਾ ਵਿਸ਼ਵਾਸ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਪੂਰੀ ਦੁਨੀਆ ਭਾਰਤ ਦੀ ਤਬਦੀਲੀ ਦੀ ਗਵਾਹ ਹੈ । ਇਸਦਾ ਕਾਰਨ ਇਹ ਹੈ ਕਿ ਐਫਡੀਆਈ ਨੇ ਅੱਜ ਤੱਕ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਹੁਣ ਐਫਡੀਆਈ ਵਿੱਚ 18 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਹੁਣ ਸਾਨੂੰ ਮੇਕ ਇਨ ਇੰਡੀਆ ਦੇ ਨਾਲ-ਨਾਲ ਮੇਕ ਫਾਰਵਰਡ ਵੱਲ ਵਧਣਾ ਹੈ। 

The post ਲਾਲ ਕਿਲ੍ਹੇ ਤੋਂ PM ਦਾ ਸੰਦੇਸ਼- ਸਵੈ-ਨਿਰਭਰ ਭਾਰਤ ਸ਼ਬਦ ਨਹੀਂ,130 ਕਰੋੜ ਭਾਰਤੀਆਂ ਲਈ ਬਣਿਆ ਮੰਤਰ appeared first on Daily Post Punjabi.