ਕੋਰੋਨਾ ਕਾਲ ਦੌਰਾਨ, ਪੀਐਮ ਮੋਦੀ ਨੇ ਦਾਵੋਸ ਏਜੰਡਾ ਸੰਮੇਲਨ ਵਿੱਚ ਵਰਚੁਅਲ ਸ਼ਿਰਕਤ ਕੀਤੀ ਸੀ। ਜਿਸ ਕਲਿੱਪ ਨੂੰ ਸ਼ੇਅਰ ਕੀਤਾ ਜਾ ਰਿਹਾ ਹੈ, ਉਸ ਵਿੱਚ ਪ੍ਰਧਾਨ ਮੰਤਰੀ ਆਪਣੇ ਸੰਬੋਧਨ ਦੌਰਾਨ ਬੋਲਦੇ ਬੋਲਦੇ ਰੁਕ ਜਾਂਦੇ ਹਨ। ਇਸ ‘ਤੇ ਕਾਂਗਰਸ ਪਾਰਟੀ ਅਤੇ ਰਾਹੁਲ ਗਾਂਧੀ ਨੇ ਨਿਸ਼ਾਨਾ ਸਾਧਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਟੈਲੀਪ੍ਰੋਂਪਟਰ (Teleprompter) ਦੇ ਰੁਕਣ ਕਾਰਨ ਪੀਐਮ ਨੇ ਅੱਗੇ ਸੰਬੋਧਨ ਨਹੀਂ ਕੀਤਾ। ਇਸ ਨੂੰ ਲੈ ਕੇ ਰਾਹੁਲ ਗਾਂਧੀ ਨੇ ਟਵੀਟ ਕਰ ਕਿਹਾ ਕਿ, ਇੰਨ੍ਹਾਂ ਝੂਠ Teleprompter ਵੀ ਨਹੀਂ ਝੱਲ ਸਕਿਆ।

ਇਸ ਦੇ ਨਾਲ ਹੀ ਕਾਂਗਰਸ ਨੇ ਲਿਖਿਆ ਕਿ ਹੁਣ ਟੈਲੀਪ੍ਰੋਮਟਰ ਵਾਲਾ ਵਿਅਕਤੀ ਇਹ ਕਹਿ ਰਿਹਾ ਹੋਵੇਗਾ ਕਿ ਠੀਕ ਹੈ ਮੈ ਚੱਲਦਾ ਹਾਂ, ਦੁਆਵਾਂ ‘ਚ ਯਾਦ ਰੱਖਣਾ। ਦੂਜੇ ਪਾਸੇ ਭਾਜਪਾ ਆਗੂਆਂ ਵੱਲੋਂ ਵੀ ਜਵਾਬੀ ਹਮਲਾ ਕੀਤਾ ਗਿਆ ਹੈ। ਜਿਵੇਂ ਕਿ ਦਿੱਲੀ ਭਾਜਪਾ ਦੇ ਬੁਲਾਰੇ ਤੇਜਿੰਦਰ ਪਾਲ ਸਿੰਘ ਬੱਗਾ ਨੇ ਲਿਖਿਆ ਕਿ ਵਿਸ਼ਵ ਆਰਥਿਕ ਫੋਰਮ (World Economic Forum) ਤੋਂ ਤਕਨੀਕੀ ਖਾਮੀ ਸਾਹਮਣੇ ਆਈ ਸੀ, ਜਿਸ ਕਾਰਨ ਪ੍ਰਧਾਨ ਮੰਤਰੀ ਨੇ ਸੰਬੋਧਨ ਰੋਕ ਦਿੱਤਾ।

ਇਹ ਵੀ ਪੜ੍ਹੋ : CM ਉਮੀਦਵਾਰ ਬਣਨ ਮਗਰੋਂ ਮਾਨ ਨੇ ਪਾਰਟੀ ਤੇ ਲੋਕਾਂ ਦਾ ਕੀਤਾ ਧੰਨਵਾਦ, ਕਿਹਾ – ‘ਬਣਾਵਾਂਗਾ ਸੁਨਿਹਰਾ ਤੇ ਖੁਸ਼ਹਾਲ ਪੰਜਾਬ’

ਕੁਝ ਅਜਿਹੀਆਂ ਵੀਡੀਓਜ਼ ਵੀ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ‘ਚ ਦਿਖਾਇਆ ਗਿਆ ਹੈ ਕਿ ਟੈਲੀਪ੍ਰੋਂਪਟਰ ‘ਚ ਨੁਕਸ ਨਹੀਂ ਆਇਆ ਸੀ, ਸਗੋਂ ਪ੍ਰਬੰਧਕੀ ਟੀਮ ਨੇ ਪ੍ਰਧਾਨ ਮੰਤਰੀ ਨੂੰ ਰੁਕ ਕੇ ਇਹ ਪੁੱਛਣ ਲਈ ਕਿਹਾ ਸੀ ਕਿ ਕੀ ਸਭ ਨੂੰ ਉਨ੍ਹਾਂ ਦੀ ਆਵਾਜ਼ ਆ ਰਹੀ ਹੈ ਜਾਂ ਨਹੀਂ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

The post PM ਮੋਦੀ ਦੇ ਭਾਸ਼ਣ ‘ਚ ਆਈ ਰੁਕਾਵਟ ‘ਤੇ ਰਾਹੁਲ ਗਾਂਧੀ ਨੇ ਕਸਿਆ ਤੰਜ,ਕਿਹਾ – ‘Teleprompter ਵੀ ਝੂਠ ਨਹੀਂ ਝੱਲ ਸਕਿਆ’ appeared first on Daily Post Punjabi.