ਕੁੱਲੂ ਦਾ ਦੁਸਹਿਰਾ 372 ਸਾਲਾਂ ਤੋਂ ਭਗਵਾਨ ਰਘੁਨਾਥ ਦੀ ਪ੍ਰਧਾਨਗੀ ਵਿੱਚ ਮਨਾਇਆ ਜਾ ਰਿਹਾ ਹੈ । ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਦੁਸਹਿਰਾ ਉਤਸਵ ਕਮੇਟੀ ਵੱਲੋਂ ਦੇਵੀ-ਦੇਵਤਿਆਂ ਨੂੰ ਸੱਦਾ ਪੱਤਰ ਭੇਜੇ ਗਏ ਹਨ । ਕੁੱਲੂ ਦੇ ਨਾਲ-ਨਾਲ ਖਰਾਹਲ, ਉਝੀ ਘਾਟੀ, ਬੰਜਾਰ, ਸੈਂਜ, ਰੂਪੀ ਵੈਲੀ ਦੇ ਸੈਂਕੜੇ ਦੇਵੀ-ਦੇਵਤੇ ਦੁਸਹਿਰੇ ਦੀ ਝਾਂਕੀਆਂ ਇੱਥੇ ਸ਼ੋਭਾ ਵਧਾਉਣ ਦੇ ਲਈ ਸੁੰਦਰਤਾ ਵਧਾਉਣ ਲਈ ਇੱਥੇ ਪਹੁੰਚਣਗੇ । ਦਿਲਚਸਪ ਗੱਲ ਇਹ ਹੈ ਕਿ ਬ੍ਰਹਮ ਸਰਾਜ ਆਨੀ-ਨਿਰਮੰਡ ਦੇ ਦੇਵੀ ਦੇਵਤਾ 200 ਕਿਲੋਮੀਟਰ ਦਾ ਲੰਬਾ ਸਫਰ ਤੈਅ ਕਰਕੇ ਦੁਸਹਿਰੇ ‘ਤੇ ਪਹੁੰਚਣਗੇ । ਇਹ ਸਮਾਗਮ ਇਤਿਹਾਸਕ ਢਾਲਪੁਰ ਮੈਦਾਨ ਵਿੱਚ ਆਯੋਜਿਤ ਹੋਵੇਗਾ । ਇਸ ਵਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਇਸ ਸਮਾਗਮ ਵਿੱਚ ਸ਼ਾਮਿਲ ਹੋਣਗੇ। ਇੱਥੇ ਉਹ ਕਈ ਐਲਾਨ ਕਰਨਗੇ।

ਇਹ ਵੀ ਪੜ੍ਹੋ: ਸੋਲਰ ਲਾਈਟ ਘੁਟਾਲੇ ਮਾਮਲੇ ‘ਚ ਵਿਜੀਲੈਂਸ ਨੇ ਕੈਪਟਨ ਅਮਰਿੰਦਰ ਦੇ OSD ਕੈਪਟਨ ਸੰਦੀਪ ਸੰਧੂ ਨੂੰ ਕੀਤਾ ਨਾਮਜ਼ਦ

ਦੱਸ ਦੇਈਏ ਕਿ ਬਸਤਰ ਦੇ ਇਤਿਹਾਸਕ ਦੁਸਹਿਰੇ ਦੀ ਪਰੰਪਰਾ 622 ਸਾਲਾਂ ਤੋਂ ਜਾਰੀ ਹੈ । ਬਸਤਰ ਦੇ ਇਤਿਹਾਸਕਾਰਾਂ ਅਨੁਸਾਰ 1400 ਈਸਵੀ ਵਿੱਚ ਰਾਜਾ ਪੁਰਸ਼ੋਤਮ ਦੇਵ ਨੇ ਇਸ ਪਰੰਪਰਾ ਦੀ ਸ਼ੁਰੂਆਤ ਕੀਤੀ ਸੀ । ਬਸਤਰ ਦੇ ਦੇ ਮਹਾਰਾਜਾ ਪੁਰਸ਼ੋਤਮ ਨੇ ਜਗਨਨਾਥ ਪੂਰੀ ਜਾ ਕੇ ਰਥਪਤੀ ਦੀ ਉਪਾਧੀ ਪ੍ਰਾਪਤ ਕੀਤੀ ਸੀ। ਬਸਤਰ ਵਿੱਚ ਨਵਰਾਤਰੀ ਦੇ ਦੂਜੇ ਦਿਨ ਤੋਂ ਲੈ ਕੇ ਸੱਤਵੀਂ ਤੱਕ ਮਾਈ ਜੀ ਦੀ ਸਵਾਰੀ ਨੂੰ ਪਰਿਕ੍ਰਮਾ ਲਗਵਾਉਣ ਵਾਲੇ ਇਸ ਰੱਥ ਨੂੰ ਫੁਲ ਰੱਥ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ।

ਹਰ ਸਾਲ ਦੁਸਹਿਰੇ ਮੌਕੇ 6 ਲੱਖ ਤੋਂ ਵੱਧ ਸੈਲਾਨੀ ਇੱਥੇ ਆਉਂਦੇ ਹਨ । ਮੈਸੂਰ ਵਿੱਚ ਦੁਸਹਿਰੇ ਦਾ ਤਿਉਹਾਰ 10 ਦਿਨਾਂ ਤੱਕ ਚੱਲਦਾ ਹੈ। ਦੁਸਹਿਰੇ ‘ਤੇ ਮੈਸੂਰ ਦੇ ਮਹਿਲ ਵਿੱਚ ਖਾਸ ਲਾਈਟਨਿੰਗ ਕੀਤੀ ਜਾਂਦੀ ਹੈ। ਸੋਨੇ ਅਤੇ ਚਾਂਦੀ ਨਾਲ ਸਜੇ ਹਾਥੀਆਂ ਦਾ ਕਾਫਲਾ 21 ਤੋਪਾਂ ਦੀ ਸਲਾਮੀ ਤੋਂ ਬਾਅਦ ਮੈਸੂਰ ਮਹਿਲ ਤੋਂ ਰਵਾਨਾ ਹੁੰਦਾ ਹੈ । ਇਸ ਦੀ ਅਗਵਾਈ ਕਰਨ ਵਾਲੇ ਹਾਥੀ ਦੀ ਪਿੱਠ ‘ਤੇ 750 ਕਿਲੋਗ੍ਰਾਮ ਸ਼ੁੱਧ ਸੋਨੇ ਦੀ ਅੰਬਰੀ (ਸਿੰਘਾਸਣ) ਹੁੰਦਾ ਹੈ, ਜਿਸ ਵਿੱਚ ਮਾਤਾ ਚਾਮੁੰਡੇਸ਼ਵਰੀ ਦੀ ਮੂਰਤੀ ਰੱਖੀ ਹੁੰਦੀ ਹੈ।

ਦੱਸ ਦੇਈਏ ਕਿ ਉੱਥੇ ਹੀ ਦਿੱਲੀ ਵਿੱਚ ਪਟਾਕਿਆਂ ‘ਤੇ ਲੱਗੀ ਪਾਬੰਦੀ ਦਾ ਅਸਰ ਇਸ ਵਾਰ ਇੱਥੇ ਰਾਮਲੀਲਾ ਵਿੱਚ ਦੇਖਣ ਨੂੰ ਮਿਲੇਗਾ । ਦਿੱਲੀ ਦੀ ਰਾਮਲੀਲਾ ਵਿੱਚ ਰਾਵਣ, ਕੁੰਭਕਰਨ ਅਤੇ ਮੇਘਨਾਥ ਦੇ ਪੁਤਲੇ ਲਾਈਟ ਅਤੇ ਸਾਊਂਡ ਨਾਲ ਸ਼ੋਰ-ਸ਼ਰਾਬੇ ਵਿਚਾਲੇ ਜਲਾਏ ਜਾਣਗੇ। ਦਿੱਲੀ ਵਿੱਚ 70 ਤੋਂ 100 ਫੁੱਟ ਤੱਕ ਰਾਵਣ ਦੇ ਪੁਤਲੇ ਤਿਆਰ ਕੀਤੇ ਗਏ ਹਨ। ਲਾਲ ਕਿਲੇ ਵਿੱਚ ਲਵਕੁਸ਼ ਰਾਮਲੀਲਾ ਵਿੱਚ 100 ਫੁੱਟ, ਨਵਸ਼੍ਰੀ ਵਿੱਚ 90 ਫੁੱਟ ਦਾ ਰਾਵਣ ਦਾ ਪੁਤਲਾ ਤਿਆਰ ਕੀਤਾ ਗਿਆ ਹੈ। ਰਾਮਲੀਲਾ ਮੈਦਾਨ ਵਿੱਚ 90 ਫੁੱਟ ਦਾ ਰਾਵਣ ਜਲਾਇਆ ਜਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “

The post 372 ਸਾਲ ਪੁਰਾਣੇ ਕੁੱਲੂ ਦੁਸਹਿਰੇ ‘ਚ ਪਹੁੰਚਣਗੇ PM ਮੋਦੀ, ਦਿੱਲੀ ‘ਚ ਪਹਿਲੀ ਵਾਰ ਬਿਨ੍ਹਾਂ ਪਟਾਕਿਆਂ ਦੇ ਸਾੜਿਆ ਜਾਵੇਗਾ ਰਾਵਣ appeared first on Daily Post Punjabi.