ਕੱਛ ਦਾ ਚਿੱਟਾ ਰਣ ਇੱਥੇ ਹੋਣ ਵਾਲੇ ਰਣ ਫੈਸਟੀਵਲ ਲਈ ਜਾਣਿਆ ਜਾਂਦਾ ਹੈ। ਵੱਡੀ ਗਿਣਤੀ ਵਿੱਚ ਵਿਦੇਸ਼ੀ ਸੈਲਾਨੀ ਵੀ ਇੱਥੇ ਆਉਂਦੇ ਹਨ।  ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਰਾਤ ਨੂੰ ਖੁੱਲੇ ਅਸਮਾਨ ਹੇਠ ਚਿੱਟੇ ਰੰਗ ਦੇ ਰਣ ਨੂੰ ਵੇਖ ਸਕਦੇ ਹਨ ਅਤੇ ਸਵੇਰੇ ਇੱਥੇ ਦਿੱਲੀ ਲਈ ਰਵਾਨਾ ਹੋ ਸਕਦੇ ਹਨ। ਪ੍ਰਧਾਨ ਮੰਤਰੀ ਮੋਦੀ ਦੇ ਇਸ ਦੌਰੇ ਨੂੰ ਲੈ ਕੇ ਗੁਜਰਾਤ ਸਰਕਾਰ ਵੱਲੋਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ । ਖ਼ੁਦ ਗੁਜਰਾਤ ਸਰਕਾਰ ਨੇ ਵੀ ਇਸ ਬਾਰੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਹੈ ।

ਉੱਥੇ ਹੀ ਦੂਜੇ ਪਾਸੇ ਗੁਜਰਾਤ ਦੇ ਮੁੱਖ ਮੰਤਰੀ ਦਫ਼ਤਰ ਦੇ ਟਵਿੱਟਰ ਹੈਂਡਲ ਵੱਲੋਂ ਟਵੀਟ ਕੀਤਾ ਗਿਆ, ‘ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 15 ਦਸੰਬਰ ਨੂੰ ਗੁਜਰਾਤ ਦਾ ਦੌਰਾ ਕਰਨਗੇ, ਜਿੱਥੇ ਉਹ ਕੱਛ ਦੇ ਬਾਰਡਰ ਨਾਲ ਲਗਦੇ ਇਲਾਕੇ ਵਿੱਚ ਦੁਨੀਆ ਦੇ ਸਭ ਤੋਂ ਵੱਡੇ ਰੀਨਿਊਏਬਲ ਐਨਰਜੀ ਪਾਰਕ ਅਤੇ ਮਾਂਡਵੀ ਵਿੱਚ ਡਿਸੇਲੀਨੇਸ਼ਨ ਪਲਾਂਟ ਲਈ ਭੂਮੀ ਪੂਜਨ ਕਰਨਗੇ।’

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਪੂਜਾ ਕੀਤੇ ਜਾਣ ਵਾਲੇ ਕੱਛ ਦੇ ਰੀਨਿਊਏਬਲ ਐਨਰਜੀ ਪਲਾਂਟ ਦੀ ਸਮਰੱਥਾ 30,000 ਮੈਗਾਵਾਟ ਹੋਵੇਗੀ । ਸੋਲਰ ਵਿੰਡ ਐਨਰਜੀ ਪਾਰਕ ਵਿੱਚ NTPC 4,750 ਮੈਗਾਵਾਟ ਦੀ ਸੋਲਰ ਵਿੰਡ ਪਾਰਕ ਬਣਾਈ ਜਾਵੇਗੀ, ਜੋ 9,500 ਹੈਕਟੇਅਰ ਰਕਬੇ ਵਿੱਚ ਤਿਆਰ ਹੋਵੇਗੀ, ਜਦੋਂ ਕਿ ਡਿਸੇਲਿਨੇਸ਼ਨ ਪਲਾਂਟ ਕੱਛ ਦੇ ਮਾਂਡਵੀ ਦੇ ਸਮੁੰਦਰੀ ਕੰਢੇ ‘ਤੇ ਬਣਾਇਆ ਜਾ ਰਿਹਾ ਹੈ। ਕੱਛ ਦੇ ਮਾਂਡਵੀ ਵਿੱਚ ਡਿਸੇਲਿਨੇਸ਼ਨ ਪਲਾਂਟ ਦੀ ਸਮਰੱਥਾ 1000 ਲੱਖ ਲੀਟਰ ਹੋਵੇਗੀ । ਇਹ ਪ੍ਰੋਜੈਕਟ ਸ਼ਾਪੁਰਜੀ ਪਲੋਨਜੀ ਸਮੂਹ ਨੂੰ ਦਿੱਤਾ ਗਿਆ ਹੈ। 

ਇਹ ਵੀ ਦੇਖੋ: ਕਿਸਾਨ ਅੰਦੋਲਨ ਲਈ ਬੇਹੱਦ ਖਾਸ ਐ ਅੱਜ ਦਾ ਦਿਨ, ਵੇਖੋ ਕੁੰਡਲੀ ਬਾਰਡਰ ਤੋਂ Live ਤਸਵੀਰਾਂ…

The post PM ਮੋਦੀ 15 ਦਸੰਬਰ ਨੂੰ ਜਾਣਗੇ ਕੱਛ, ‘Renewable Solar Project’ ਦੀ ਕਰਨਗੇ ਸ਼ੁਰੂਆਤ appeared first on Daily Post Punjabi.