ਪ੍ਰਧਾਨ ਮੰਤਰੀ ਨੇ ਟਵੀਟ ਕਰ ਕਿਹਾ ਸੀ, “ਦੁਰਗਾ ਪੂਜਾ ਚੰਗਿਆਈ ਦੀ ਬੁਰਾਈਆਂ ‘ਤੇ ਜਿੱਤ ਦਾ ਪਵਿੱਤਰ ਤਿਉਹਾਰ ਹੈ।” ਮਾਂ ਦੁਰਗਾ ਨੂੰ ਦੁਆ ਕਰਦਾ ਹਾਂ ਕਿ ਉਹ ਸਾਰਿਆਂ ਨੂੰ ਤਾਕਤ, ਆਨੰਦ ਅਤੇ ਚੰਗੀ ਸਿਹਤ ਦੀ ਬਖਸ਼ੇ।’ ਉਨ੍ਹਾਂ ਕਿਹਾ, “ਕੱਲ੍ਹ ਬੰਗਾਲੀ ਲੋਕਾਂ ਦੀ ਮਜ਼ਬੂਤੀ ਦਾ ਮਹਾਨ ਤਿਉਹਾਰ ਹੈ । ਇਸ ਵਿਸ਼ੇਸ਼ ਦਿਨ ਦੇ ਮੌਕੇ ‘ਤੇ ਮੈਂ ਕੱਲ੍ਹ ਦੁਪਹਿਰ 12 ਵਜੇ ਪੱਛਮੀ ਬੰਗਾਲ ਦੇ ਆਪਣੇ ਸਾਰੇ ਭੈਣਾਂ-ਭਰਾਵਾਂ ਨੂੰ ਸ਼ੁੱਭਕਾਮਨਾਵਾਂ ਭੇਜਾਂਗਾ ਅਤੇ ਨਾਲ ਹੀ ਪੂਜਾ ਦੀ ਖੁਸ਼ੀ ਵੀ ਸਾਂਝੀ ਕਰਾਂਗਾ। ਤੁਸੀ ਵੀ ਇਸ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਵੋ। 

ਭਾਜਪਾ ਸੂਤਰਾਂ ਨੇ ਕਿਹਾ ਕਿ ਰਾਜ ਦੇ 78,000 ਪੋਲਿੰਗ ਸਟੇਸ਼ਨਾਂ ਦੇ ਹਰੇਕ ਕੇਂਦਰ ਵਿੱਚ 25 ਤੋਂ ਵੱਧ ਕਾਰਕੁੰਨ ਜਾਂ ਸਮਰਥਕ ਢੁੱਕਵੀਂ ਦੂਰੀ ਦਾ ਪਾਲਣ ਕਰਦਿਆਂ ਇਸ ਪ੍ਰੋਗਰਾਮ ਨੂੰ ਵੇਖਣ ਅਤੇ ਸੁਣਨਗੇ । ਪਾਰਟੀ ਨੇ ਇਸ ਲਈ ਵਿਆਪਕ ਤਿਆਰੀ ਕੀਤੀ ਹੈ । ਸੂਤਰਾਂ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਦੇ ਇਸ ਪ੍ਰੋਗਰਾਮ ਤਹਿਤ ਕੋਲਕਾਤਾ ਦੇ ਈਸਟ ਜ਼ੋਨ ਕਲਚਰਲ ਸੈਂਟਰ ਵਿਖੇ ਇੱਕ ਸਭਿਆਚਾਰਕ ਪ੍ਰੋਗਰਾਮ ਵੀ ਆਯੋਜਿਤ ਕੀਤਾ ਗਿਆ ਹੈ । ਸਵੇਰੇ 10 ਵਜੇ ਹੋਣ ਵਾਲੇ ਇਸ ਪ੍ਰੋਗਰਾਮ ਵਿੱਚ ਪੱਛਮੀ ਬੰਗਾਲ ਭਾਜਪਾ ਦੇ ਸੀਨੀਅਰ ਆਗੂ ਮੌਜੂਦ ਰਹਿਣਗੇ।

ਪੱਛਮੀ ਬੰਗਾਲ ਵਿੱਚ ਅਗਲੇ ਸਾਲ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ । ਸੱਤਾਧਾਰੀ ਤ੍ਰਿਣਮੂਲ ਕਾਂਗਰਸ ਦੇ ਖਿਲਾਫ ਰਾਜ ਵਿੱਚ ਭਾਜਪਾ ਇੱਕ ਮਜ਼ਬੂਤ ਵਿਰੋਧੀ ਵਜੋਂ ਉੱਭਰੀ ਹੈ । ਭਾਜਪਾ ਨੂੰ ਭਰੋਸਾ ਹੈ ਕਿ ਉਹ ਅਗਲੀਆਂ ਚੋਣਾਂ ਵਿੱਚ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ 10 ਸਾਲਾਂ ਦੇ ਸ਼ਾਸਨ ਦਾ ਅੰਤ ਕਰ ਦੇਵੇਗੀ । ਪਿਛਲੀਆਂ ਲੋਕ ਸਭਾ ਚੋਣਾਂ ਵਿੱਚ ਭਾਜਪਾ ਨੇ ਰਾਜ ਵਿੱਚ 18 ਸੀਟਾਂ ‘ਤੇ ਜਿੱਤ ਦਰਕ ਕੀਤੀ ਸੀ, ਜਦੋਂਕਿ ਤ੍ਰਿਣਮੂਲ ਕਾਂਗਰਸ ਨੇ 22 ਸੀਟਾਂ ਜਿੱਤੀਆਂ ਸਨ।

The post PM ਮੋਦੀ ਅੱਜ ਦੁਰਗਾ ਪੂਜਾ ‘ਚ ਹੋਣਗੇ ਸ਼ਾਮਿਲ, ਪੱਛਮੀ ਬੰਗਾਲ ਦੇ ਲੋਕਾਂ ਨੂੰ ਦੇਣਗੇ ‘ਪੁਜੋਰ ਸ਼ੁਭੇਛਾ’ appeared first on Daily Post Punjabi.