ਪ੍ਰਧਾਨ ਮੰਤਰੀ ਕੋਰੋਨਾ ਸੰਕਟ ਦੌਰਾਨ ਲਗਭਗ 8 ਮਹੀਨਿਆਂ ਬਾਅਦ ਵਾਰਾਣਸੀ ਆ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਆਪਣੇ ਸੰਸਦੀ ਖੇਤਰ ਵਿੱਚ ਲਗਭਗ 5 ਤੋਂ 6 ਘੰਟੇ ਬਿਤਾਉਣਗੇ।

ਇਹ ਵੀ ਪੜ੍ਹੋ: ਕੋਰੋਨਾ ਦੇ ਵਧਦੇ ਕਹਿਰ ਦੇ ਮੱਦੇਨਜ਼ਰ ਉੱਤਰਾਖੰਡ ਤੋਂ ਬਾਅਦ ਹੁਣ ਉੜੀਸਾ ਸਰਕਾਰ ਨੇ ਵੀ ਕਾਂਵੜ ਯਾਤਰਾ ‘ਤੇ ਲਗਾਈ ਰੋਕ

ਦਰਅਸਲ, ਪੀਐਮ ਮੋਦੀ ਵਾਰਾਨਸੀ ਦੇ ਸਿਗਰਾ ਖੇਤਰ ਵਿੱਚ ਜਾਪਾਨ ਦੇ ਸਹਿਯੋਗ ਨਾਲ ਬਣੇ ਰੁਦਰਾਕਸ਼ ਸੰਮੇਲਨ ਕੇਂਦਰ ਦਾ ਵੀ ਉਦਘਾਟਨ ਕਰਨਗੇ । ਇਸ ਦੌਰਾਨ ਜਾਪਾਨ ਦੇ ਪ੍ਰਧਾਨ ਮੰਤਰੀ ਵੀ ਵਰਚੁਅਲ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣਗੇ । ਪ੍ਰਧਾਨ ਮੰਤਰੀ ਦਾ ਆਪਣੇ ਸੰਸਦੀ ਖੇਤਰ ਵਿੱਚ ਦੋਵੇਂ ਕਾਰਜਕਾਲ ਦੌਰਾਨ 24ਵਾਂ ਦੌਰਾ ਹੋਵੇਗਾ । ਇਸ ਦੌਰਾਨ ਬੀਐਚਯੂ ਦੇ ਖੇਡ ਮੈਦਾਨ ‘ਤੇ ਪ੍ਰਧਾਨ ਮੰਤਰੀ ਦੀ ਇੱਕ ਮੀਟਿੰਗ ਵੀ ਹੋਵੇਗੀ।

ਪ੍ਰਧਾਨ ਮੰਤਰੀ ਮੋਦੀ ਜਨਸਭਾ ਮੈਦਾਨ ਤੋਂ ਹੀ 1582.98 ਕਰੋੜ ਰੁਪਏ ਦੇ ਪ੍ਰਾਜੈਕਟ ਲਾਂਚ ਕਰਨਗੇ । ਇਨ੍ਹਾਂ ਪ੍ਰਾਜੈਕਟਾਂ ਵਿੱਚ ਬਿਜਲੀ, ਸੜਕਾਂ, ਪੀਣ ਵਾਲਾ ਪਾਣੀ, ਸੀਵਰੇਜ ਸਿਸਟਮ, ਪਾਰਕਿੰਗ, ਸਮਾਰਟ ਸਿਟੀ, ਸਿਹਤ ਦੇ ਨਾਲ ਸਮਾਰਟ ਸਕੂਲ, ਧਾਰਮਿਕ ਸੈਰ-ਸਪਾਟਾ ਕੇਂਦਰ, ਗੰਗਾ ਵਿੱਚ ਕਰੂਜ਼ ਅਤੇ ਹੋਰ ਪ੍ਰਾਜੈਕਟ ਸ਼ਾਮਿਲ ਹਨ। ਪ੍ਰਧਾਨਮੰਤਰੀ  ਬੀਐਚਯੂ ਦੇ ਜਿਮਖਾਨਾ ਗਰਾਉਂਡ ਵਿੱਚ ਲਗਭਗ ਸਵਾ ਘੰਟੇ ਤੱਕ ਰੁਕਣਗੇ।

ਇਹ ਵੀ ਪੜ੍ਹੋ: ਟੁੱਟੀ ਅੰਮ੍ਰਿਤਸਰ ਦੇ ਸੇਨ ਬ੍ਰਦਰਜ਼ ਦੀ ਜੋੜੀ, ਧਰਮਸ਼ਾਲਾ ਘੁੰਮਣ ਗਏ ਸੂਫ਼ੀ ਗਾਇਕ ਮਨਮੀਤ ਦੀ ਕਰੇਰੀ ਝੀਲ ਇਲਾਕੇ ‘ਚੋਂ ਮਿਲੀ ਲਾਸ਼

ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਬੀਐਚਯੂ ਵਿੱਚ ਤਿਆਰ ਕੀਤੇ ਗਏ 100 ਬੈੱਡਾਂ ਵਾਲੇ ਐਮਸੀਐਚ ਵਿੰਗ ਦਾ ਨਿਰੀਖਣ ਕਰਨਗੇ । ਬੀਐਚਯੂ ਦੀ ਪਹਿਲੀ ਮੰਜ਼ਿਲ ‘ਤੇ ਪੈਡੀਆਟ੍ਰਿਕ ਵਾਰਡ ਦੇ ਨਿਰੀਖਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਅਧਿਕਾਰੀਆਂ ਅਤੇ ਡਾਕਟਰਾਂ ਨਾਲ ਗੱਲਬਾਤ ਕਰਨਗੇ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨੂੰ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵੱਲੋਂ ਸੰਭਾਵਿਤ ਤੀਜੀ ਲਹਿਰ ਦੇ ਬਚਾਅ ਬਾਰੇ ਇੱਕ ਪੇਸ਼ਕਾਰੀ ਵੀ ਦਿੱਤੀ ਜਾਵੇਗੀ।

ਇਹ ਵੀ ਦੇਖੋ: ਮੁੰਡਿਆਂ ਦਾ ਪੈਸਾ ਲੈ ਕੇ ਕੁੜੀਆਂ ਉੱਡੀਆਂ ਕੈਨੇਡਾ , ਨੰਬਰ ਕੀਤੇ ਬਲਾਕ ,ਲਵਪ੍ਰੀਤ ਦੇ ਘਰ ਇਹਨਾਂ ਮੁੰਡਿਆਂ ਨੇ ਖੋਲੇ ਭੇਤ

The post PM ਮੋਦੀ ਭਲਕੇ ਕਰਨਗੇ ਵਾਰਾਣਸੀ ਦਾ ਦੌਰਾ, ਆਪਣੇ ਸੰਸਦੀ ਖੇਤਰ ਨੂੰ ਦੇਣਗੇ 1500 ਕਰੋੜ ਰੁਪਏ ਦੀ ਸੌਗਾਤ appeared first on Daily Post Punjabi.