ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਇਸ ਪੜਾਅ ਵਿੱਚ ਕੁੱਲ 2,85,50,285 ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨ ਦੇ ਯੋਗ ਹਨ, ਜਿਨ੍ਹਾਂ ਵਿੱਚ 1,35,16,271 ਔਰਤਾਂ ਅਤੇ 980 ਟਰਾਂਜਜੈਂਡਰ ਵੋਟਰ ਸ਼ਾਮਿਲ ਹਨ। ਸਭ ਤੋਂ ਵੱਧ 27 ਉਮੀਦਵਾਰ ਮਹਾਰਾਜਗੰਜ ਵਿਧਾਨ ਸਭਾ ਹਲਕੇ ਤੋਂ ਚੋਣ ਮੈਦਾਨ ‘ਚ ਹਨ ਅਤੇ ਸਭ ਤੋਂ ਘੱਟ ਚਾਰ ਉਮੀਦਵਾਰ ਦਾਰੌਲੀ ਵਿਧਾਨ ਸਭਾ ਹਲਕੇ ਤੋਂ ਚੋਣ ਮੈਦਾਨ ‘ਚ ਹਨ। ਦੂਜੇ ਪੜਾਅ ਵਿੱਚ ਭਾਜਪਾ ਦੇ 44, ਜੇਡੀਯੂ ਦੇ 34, ਆਰਜੇਡੀ ਦੇ 52, ਕਾਂਗਰਸ ਦੇ 22, ਸੀਪੀਆਈ ਅਤੇ ਸੀਪੀਐਮ ਦੇ 4-4 ਉਮੀਦਵਾਰਾਂ ਤੋਂ ਇਲਾਵਾ ਆਰਐਲਐਸਪੀ ਦੇ 33, ਬਸਪਾ ਦੇ 31 ਅਤੇ ਐਲਜੇਪੀ ਦੇ 44 ਉਮੀਦਵਾਰ ਚੋਣ ਮੈਦਾਨ ਵਿੱਚ ਹਨ। ਦੱਸ ਦੇਈਏ ਕਿ ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ਵਿੱਚ ਰਾਜ ਦੀਆਂ 71 ਵਿਧਾਨ ਸਭਾ ਸੀਟਾਂ ‘ਤੇ 55.69 ਫ਼ੀਸਦੀ ਵੋਟਿੰਗ ਹੋਈ ਸੀ। ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਦੀਆਂ ਬਿਹਾਰ ਵਿੱਚ ਮੰਗਲਵਾਰ ਨੂੰ ਕੁੱਲ ਦੋ ਚੋਣ ਰੈਲੀਆ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਅਰਰੀਆ ਦੇ ਫਰਬਿਸਗੰਜ ਵਿੱਚ ਇੱਕ ਰੈਲੀ ਨੂੰ ਸੰਬੋਧਨ ਕੀਤਾ ਹੈ।

The post ਬਿਹਾਰ ਚੋਣਾਂ : PM ਮੋਦੀ ਨੇ ਲੋਕਾਂ ਨੂੰ ਵੋਟ ਪਾਉਣ ਦੀ ਅਪੀਲ ਕਰਦਿਆਂ ਕਿਹਾ- ਲੋਕਤੰਤਰ ਦੇ ਜਸ਼ਨ ਨੂੰ ਸਮਾਜਿਕ ਦੂਰੀਆਂ ਨਾਲ ਸਫਲ ਬਣਾਓ appeared first on Daily Post Punjabi.