ਪ੍ਰਧਾਨ ਮੰਤਰੀ ਮੋਦੀ ਦੇਵ ਦੀਵਾਲੀ ਦੇ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਤੋਂ ਪਹਿਲਾਂ ਛੇ ਲੇਨ ਵਾਲੀ ਰਾਸ਼ਟਰੀ ਰਾਜਮਾਰਗ 19 ਨੂੰ ਰਾਸ਼ਟਰ ਦੇ ਨਾਮ ਸਮਰਪਿਤ ਕਰਨਗੇ । ਇਹ ਸੜਕ ਵਾਰਾਣਸੀ ਨੂੰ ਪ੍ਰਯਾਗਰਾਜ ਨਾਲ ਜੋੜੇਗੀ। ਇਸ ਸੜਕ ਦੇ ਨਿਰਮਾਣ ‘ਤੇ 2447 ਕਰੋੜ ਰੁਪਏ ਦੀ ਲਾਗਤ ਆਈ ਹੈ । ਇਸ ਸੜਕ ਦੇ ਖੁੱਲ੍ਹਣ ਤੋਂ ਬਾਅਦ ਵਾਰਾਣਸੀ-ਪ੍ਰਯਾਗਰਾਜ ਦੀ ਦੂਰੀ ਨੂੰ ਪੂਰਾ ਕਰਨ ਵਿੱਚ ਇੱਕ ਘੰਟਾ ਘੱਟ ਦਾ ਸਮਾਂ ਲੱਗੇਗਾ।

ਦਰਅਸਲ, ਪੀਐਮ ਮੋਦੀ ਦੀ ਮੌਜੂਦਗੀ ਵਿੱਚ ਇਸ ਵਾਰ ਵਾਰਾਣਸੀ ਦੇ ਘਾਟਾਂ ‘ਤੇ ਇੱਕ ਲੇਜ਼ਰ ਸ਼ੋਅ ਦਾ ਆਯੋਜਨ ਵੀ ਕਰਵਾਇਆ ਗਿਆ ਹੈ । ਜਿਸ ਤਰ੍ਹਾਂ ਅਯੁੱਧਿਆ ਦੇ ਲੇਜ਼ਰ ਸ਼ੋਅ ਨੇ ਦੁਨੀਆ ਨੂੰ ਆਪਣੀ ਦੀਵਾਲੀ ਦੀ ਸ਼ਾਨ ਤੋਂ ਜਾਣੂ ਕਰਵਾਇਆ, ਕੁਝ ਇਸ ਤਰ੍ਹਾਂ ਦੀਆਂ ਕੋਸ਼ਿਸ਼ਾਂ ਇਸ ਵਾਰ ਬਨਾਰਸ ਦੇ ਘਾਟ ‘ਤੇ ਕੀਤੀਆਂ ਜਾਣਗੀਆਂ।

ਦੱਸ ਦੇਈਏ ਕਿ ਕਾਸ਼ੀ ਵਿਸ਼ਵਨਾਥ ਕਾਰੀਡੋਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਡ੍ਰੀਮ ਪ੍ਰੋਜੈਕਟ ਹੈ । 55 ਹਜ਼ਾਰ ਵਰਗ ਮੀਟਰ ਵਿੱਚ ਬਣ ਰਹੇ ਇਸ ਲਾਂਘੇ ਦੀ ਸ਼ਾਨਦਾਰ ਦਿੱਖ ਹੁਣ ਦਿਖਾਈ ਦੇ ਰਹੀ ਹੈ। ਕਾਸ਼ੀ ਵਿਸ਼ਵਨਾਥ ਧਾਮ ਰਾਜਸਥਾਨ ਅਤੇ ਮਿਰਜ਼ਾਪੁਰ ਦੇ ਗੁਲਾਬੀ ਪੱਥਰਾਂ ਨਾਲ ਸਜਾਇਆ ਗਿਆ ਹੈ। ਤਕਰੀਬਨ 65 ਹਜ਼ਾਰ ਕਿਊਬਿਕ ਫੁੱਟ ਗੁਲਾਬੀ ਪੱਥਰਾਂ ਦੀ ਪਹਿਲੀ ਖੇਪ ‘ਤੇ ਪਹੁੰਚਣ ਤੋਂ ਬਾਅਦ ਹੁਣ ਇਹ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਮੋਦੀ ਸੋਮਵਾਰ 30 ਨਵੰਬਰ ਨੂੰ ਸਾਢੇ ਛੇ ਘੰਟੇ ਤੱਕ ਵਾਰਾਣਸੀ ਵਿੱਚ  ਰਹਿਣਗੇ। ਇਸ ਦੌਰਾਨ ਉਹ ਬਾਬਾ ਵਿਸ਼ਵਨਾਥ ਦੇ ਵੀ ਦਰਸ਼ਨ ਕਰਨਗੇ । ਨਾਲ ਹੀ, ਉਹ ਗੰਗਾ ਨਦੀ ‘ਤੇ ਤਾਇਨਾਤ ਕਰੂਜ਼ ਤੋਂ ਉਹ ਦੇਵ ਦੀਵਾਲੀ ਵੀ ਵੇਖਣਗੇ।

ਇਹ ਵੀ ਦੇਖੋ: ਹਰਿਆਣਾ ਦੀ ਨੁਮਾਇੰਦਗੀ ਤੇ ਨਵਦੀਪ ਦਾ ਵੱਡਾ ਇੰਟਰਵਿਊ, ਕਿਹਾ ਇੱਕ ਹੋ ਕੇ ਚੱਲਣਗੀਆਂ ਸਾਰੀਆਂ ਜਥੇਬੰਦੀਆਂ

The post ਦੇਵ ਦੀਵਾਲੀ ਮੌਕੇ ਅੱਜ ਵਾਰਾਣਸੀ ਜਾਣਗੇ PM ਮੋਦੀ, 15 ਲੱਖ ਦੀਵਿਆਂ ਨਾਲ ਰੋਸ਼ਨ ਹੋਣਗੇ ਗੰਗਾ ਘਾਟ appeared first on Daily Post Punjabi.