ਨੀਂਹ ਪੱਥਰ ਸਮਾਗਮ ਵਿੱਚ ਕੇਂਦਰੀ ਮੰਤਰੀ ਹਰਦੀਪ ਪੁਰੀ ਵੀ ਸਵਾਗਤ ਭਾਸ਼ਣ ਦੇਣਗੇ। ਇਸ ਦੇ ਨਾਲ ਹੀ ਸੰਸਦੀ ਮਾਮਲਿਆਂ ਦੇ ਮੰਤਰੀ ਪ੍ਰਹਿਲਾਦ ਜੋਸ਼ੀ ਧੰਨਵਾਦ ਦਾ ਮਤਾ ਪੇਸ਼ ਕਰਨਗੇ । ਇਹ ਸਮਾਗਮ ਦੁਪਹਿਰ 12:55 ਵਜੇ ਸ਼ੁਰੂ ਹੋਵੇਗਾ, ਫਿਰ ਦੁਪਹਿਰ 1 ਵਜੇ ਪ੍ਰਧਾਨ ਮੰਤਰੀ ਮੋਦੀ ਭੂਮੀ ਪੂਜਨ ਕਰਨਗੇ । ਇਸ ਤੋਂ ਬਾਅਦ 1.30 ਵਜੇ ਸਰਬ ਧਰਮ ਪ੍ਰਾਰਥਨਾ ਹੋਵੇਗੀ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਲੋਕ ਸਭਾ ਸਪੀਕਰ ਨੇ ਪ੍ਰਧਾਨਮੰਤਰੀ ਦੀ ਰਿਹਾਇਸ਼ ‘ਤੇ ਪਹੁੰਚ ਕੇ ਉਨ੍ਹਾਂ ਨੂੰ ਭੂਮੀ ਪੂਜਨ ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਵਜੋਂ ਆਉਣ ਦਾ ਸੱਦਾ ਦਿੱਤਾ ਸੀ ।

ਨਵੇਂ ਸੰਸਦ ਭਵਨ ਬਾਰੇ ਓਮ ਬਿਰਲਾ ਨੇ ਦੱਸਿਆ ਕਿ ਇਹ ਭਵਨ ਸਵੈ-ਨਿਰਭਰ ਭਾਰਤ ਦਾ ਇੱਕ ਅਜਿਹਾ ਮੰਦਿਰ ਹੋਵੇਗਾ ਜੋ ਦੇਸ਼ ਦੀ ਵਿਭਿੰਨਤਾ ਨੂੰ ਦਰਸਾਏਗਾ । ਇਸਨੂੰ 971 ਕਰੋੜ ਰੁਪਏ ਦੀ ਲਾਗਤ ਨਾਲ 64,500 ਵਰਗਮੀਟਰ ਦੇ ਖੇਤਰ ਵਿੱਚ ਬਣਾਇਆ ਜਾਵੇਗਾ । ਇਹ ਪੁਰਾਣੇ ਸੰਸਦ ਭਵਨ ਨਾਲੋਂ 17,000 ਵਰਗ ਮੀਟਰ ਵੱਡਾ ਹੋਵੇਗਾ। ਨਵਾਂ ਸੰਸਦ ਭਵਨ ਬਣਾਉਣ ਲਈ ਟਾਟਾ ਪ੍ਰੋਜੈਕਟਜ਼ ਲਿਮਟਿਡ ਨਾਲ ਇਕਰਾਰਨਾਮਾ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਇਸ ਦਾ ਡਿਜ਼ਾਇਨ ਐਚਸੀਪੀ ਡਿਜ਼ਾਈਨ, ਯੋਜਨਾਬੰਦੀ ਅਤੇ ਪ੍ਰਬੰਧਨ ਪ੍ਰਾਈਵੇਟ ਲਿਮਟਿਡ ਵੱਲੋਂ ਤਿਆਰ ਕੀਤਾ ਗਿਆ ਹੈ।

ਦੱਸ ਦੇਈਏ ਕਿ ਨਵੇਂ ਸੰਸਦ ਭਵਨ ਵਿੱਚ ਲੋਕ ਸਭਾ ਦੇ ਸੰਸਦ ਮੈਂਬਰਾਂ ਲਈ ਲਗਭਗ 888 ਅਤੇ ਰਾਜ ਸਭਾ ਦੇ ਸੰਸਦ ਮੈਂਬਰਾਂ ਲਈ 326 ਤੋਂ ਵੱਧ ਸੀਟਾਂ ਹੋਣਗੀਆਂ । ਇੰਨਾ ਹੀ ਨਹੀਂ ਲੋਕ ਸਭਾ ਹਾਲ ਵਿੱਚ ਹਜ਼ਾਰਾਂ ਤੋਂ ਜ਼ਿਆਦਾ ਮੈਂਬਰ ਇਕੱਠੇ ਹੋ ਸਕਦੇ ਹਨ । ਇਸ ਤੋਂ ਇਲਾਵਾ ਨਵੇਂ ਸੰਸਦ ਭਵਨ ਵਿੱਚ ਇੱਕ ਵਿਸ਼ਾਲ ਸੰਵਿਧਾਨਕ ਕਮਰਾ ਵੀ ਹੋਵੇਗਾ । ਕੁੱਲ ਮਿਲਾ ਕੇ ਸੰਸਦ ਭਵਨ ਦੀ ਤਸਵੀਰ ਬਦਲਣ ਵਾਲੀ ਹੈ। 

ਇਹ ਵੀ ਦੇਖੋ: ਕੁੰਡਲੀ ਬਾਰਡਰ ਤੇ ਹੋਈ ਮਾਹੌਲ ਖ਼ਰਾਬ ਹੋਣ ਦੀ ਅਨੁਸਮੈਂਟ, ਗਲਤ ਅਨੁਸਮੈਂਟ ਕਰਨ ਵਾਲੇ ਨੂੰ ਲੱਭ ਰਹੇ ਨੇ ਕਿਸਾਨ

The post ਬਦਲਣ ਵਾਲੀ ਹੈ Parliament ਦੀ ਤਸਵੀਰ, PM ਮੋਦੀ ਅੱਜ ਰੱਖਣਗੇ ਨਵੇਂ ਸੰਸਦ ਭਵਨ ਦਾ ਨੀਂਹ ਪੱਥਰ appeared first on Daily Post Punjabi.