police investigation Archives - Daily Post Punjabi

ਮੋਗਾ ‘ਚ ਡੇਢ ਕਿਲੋ ਅ.ਫੀਮ ਸਣੇ 2 ਗ੍ਰਿਫਤਾਰ, ਅੰਮ੍ਰਿਤਸਰ ਤੋਂ ਐਕਟਿਵਾ ‘ਤੇ ਡਲਿਵਰੀ ਦੇਣ ਆਏ ਸੀ ਨੌਜਵਾਨ

Aarti Gupta — Wed, 18 Oct 2023 11:01:23 +0000

ਮੋਗਾ ‘ਚ ਪੁਲਿਸ ਨੂੰ ਨਸ਼ਾ ਤਸਕਰਾਂ ਨੂੰ ਫੜਨ ‘ਚ ਸਫਲਤਾ ਮਿਲੀ ਹੈ। ਪੁਲਿਸ ਨੇ ਡੇਢ ਕਿੱਲੋ ਅਫੀਮ ਸਮੇਤ ਦੋ ਨਸ਼ਾ ਤਸਕਰਾਂ ਨੂੰ ਕਾਬੂ ਕੀਤਾ ਹੈ। ਦੋਵੇਂ ਮੁਲਜ਼ਮ ਐਕਟਿਵਾ ‘ਤੇ ਅੰਮ੍ਰਿਤਸਰ ਤੋਂ ਅਫੀਮ ਦੀ ਡਲਿਵਰੀ ਕਰਨ ਜਾ ਰਹੇ ਸਨ। ਇਸ ਦੌਰਾਨ ਪੁਲਿਸ ਨੇ ਦੋਵਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਮੁਲਜ਼ਮਾਂ ਖ਼ਿਲਾਫ਼ NDPS ਐਕਟ ਤਹਿਤ ਕੇਸ ਦਰਜ ਕਰਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

CIA ਸਟਾਫ਼ ਬਾਘਾਪੁਰਾਣਾ ਦੇ ਤਫ਼ਤੀਸ਼ੀ ਅਫ਼ਸਰ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਸਾਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਹਰਸੇਵਕ ਸਿੰਘ ਅਤੇ ਬਲਜਿੰਦਰ ਸਿੰਘ ਪਿੰਡ ਸਠਿਆਲਾ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਵਸਨੀਕ ਹਨ। ਫਿਲਹਾਲ ਉਹ ਐਕਟਿਵਾ ਨੰਬਰ PB 17 C 7038 ‘ਤੇ ਨਸ਼ਾ ਵੇਚਣ ਲਈ ਪਿੰਡ ਲੁਹਾਰਾ ਆਇਆ ਹੋਇਆ ਹੈ। ਸੂਚਨਾ ਮਿਲਦੇ ਹੀ ਪੁਲਿਸ ਟੀਮ ਨੇ ਪਿੰਡ ਲੁਹਾਰਾ ਕੋਲ ਐਕਟਿਵਾ ਨੂੰ ਰੋਕ ਕੇ ਚੈਕਿੰਗ ਕੀਤੀ। ਤਲਾਸ਼ੀ ਦੌਰਾਨ ਉਨ੍ਹਾਂ ਕੋਲੋਂ ਅਫੀਮ ਬਰਾਮਦ ਹੋਈ।

ਇਹ ਵੀ ਪੜ੍ਹੋ : 13 ਸਾਲ ਦੇ ਅੰਗਦ ਨੇ ਕੀਤਾ ਕਮਾਲ, ਲੱਦਾਖ ‘ਚ 19,024 ਫੁੱਟ ਦੀ ਉਚਾਈ ‘ਤੇ ਟ੍ਰੇਨਿੰਗ ਦਾ ਬਣਾਇਆ ਰਿਕਾਰਡ

ਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਦੋਵਾਂ ਤੋਂ CIA ਸਟਾਫ਼ ਵੱਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ‘ਤੋਂ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਉਹ ਇਹ ਅਫ਼ੀਮ ਕਿੱਥੋਂ ਲੈ ਕੇ ਆਏ ਸਨ ਅਤੇ ਉਨ੍ਹਾਂ ਵੱਲੋਂ ਮੋਗਾ ਵਿਚ ਕਿਸ ਨੂੰ ਸਪਲਾਈ ਕਰਨੀ ਸੀ? ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਸਬੰਧੀ ਮੁਲਜ਼ਮਾਂ ਦੇ ਸਾਰੇ ਪਿਛਲੇ ਅਤੇ ਪੁਰਾਣੇ ਰਿਕਾਰਡ ਦੀ ਜਾਂਚ ਕੀਤੀ ਜਾਵੇਗੀ।

ਵੀਡੀਓ ਲਈ ਕਲਿੱਕ ਕਰੋ -:

“ਗਾਇਕ ਕਿਉਂ ਨਹੀਂ ਕਰਾਉਣ ਦਿੰਦੇ ਨਾਲ ਗਾਉਣ ਵਾਲੀ ਕੁੜੀ ਨੂੰ ਵਿਆਹ, ਕੀ ਕੋਈ ਸੁਰਿੰਦਰ ਮਾਨ-ਕਰਮਜੀਤ ਕੰਮੋ ਦੀ ਜੋੜੀ…

The post ਮੋਗਾ ‘ਚ ਡੇਢ ਕਿਲੋ ਅ.ਫੀਮ ਸਣੇ 2 ਗ੍ਰਿਫਤਾਰ, ਅੰਮ੍ਰਿਤਸਰ ਤੋਂ ਐਕਟਿਵਾ ‘ਤੇ ਡਲਿਵਰੀ ਦੇਣ ਆਏ ਸੀ ਨੌਜਵਾਨ appeared first on Daily Post Punjabi.

ਸਤੀਸ਼ ਕੌਸ਼ਿਕ ਮੌ.ਤ ਮਾਮਲੇ ‘ਚ ਨਵਾਂ ਮੋੜ, ਪੁਲਿਸ ਟੀਮ ਨੂੰ ਫਾਰਮ ਹਾਊਸ ‘ਚੋਂ ਮਿਲੀ ਇਤਰਾਜ਼ਯੋਗ ਦਵਾਈ

Aarti Gupta — Sat, 11 Mar 2023 05:44:37 +0000

ਬਾਲੀਵੁੱਡ ਦੇ ਮਸ਼ਹੂਰ ਫਿਲਮਕਾਰ ਅਤੇ ਅਦਾਕਾਰ ਸਤੀਸ਼ ਕੌਸ਼ਿਕ ਦੀ ਰਾਜਧਾਨੀ ‘ਚ ਹੋਈ ਮੌਤ ਨੂੰ ਲੈ ਕੇ ਹੈਰਾਨੀਜਨਕ ਗੱਲ ਸਾਹਮਣੇ ਆਈ ਹੈ। ਸਤੀਸ਼ ਕੌਸ਼ਿਕ ਦੀ ਮੌਤ ਦੀ ਜਾਂਚ ਕਰ ਰਹੀ ਪੁਲਿਸ ਸ਼ਨੀਵਾਰ ਨੂੰ ਦਿੱਲੀ ਦੇ ਫਾਰਮ ਹਾਊਸ ‘ਤੇ ਪਹੁੰਚੀ। ਜ਼ਿਕਰਯੋਗ ਹੈ ਕਿ ਕੌਸ਼ਿਕ ਆਪਣੀ ਮੌਤ ਤੋਂ ਇੱਕ ਦਿਨ ਪਹਿਲਾਂ ਇੱਥੇ ਹੋਲੀ ਪਾਰਟੀ ਵਿੱਚ ਸ਼ਾਮਲ ਹੋਏ ਸਨ। ਸੂਚਨਾ ਮੁਤਾਬਕ ਪੁਲਿਸ ਨੂੰ ਫਾਰਮ ਹਾਊਸ ਦੀ ਤਲਾਸ਼ੀ ਦੌਰਾਨ ਕੁਝ ਦਵਾਈਆਂ ਮਿਲੀਆਂ। ਪੁਲਿਸ ਫਾਰਮ ਹਾਊਸ ਦੇ ਮਾਲਕ ਤੋਂ ਪੁੱਛਗਿੱਛ ਕਰਨਾ ਚਾਹੁੰਦੀ ਸੀ ਪਰ ਉਹ ਵੀ ਫਰਾਰ ਦੱਸਿਆ ਜਾ ਰਿਹਾ ਹੈ।

Satish Kaushik Death Case

ਸਤੀਸ਼ ਕੌਸ਼ਿਕ ਦੀ ਬੁੱਧਵਾਰ ਰਾਤ 1:30 ਵਜੇ ਦਿੱਲੀ ‘ਚ ਅਚਾਨਕ ਮੌਤ ਹੋ ਗਈ। ਉਹ 66 ਸਾਲਾਂ ਦੇ ਸਨ। ਦਿੱਲੀ ਪੁਲਿਸ ਮੁਤਾਬਕ ਸਤੀਸ਼ ਕੌਸ਼ਿਕ ਦੀ ਮੌਤ ਸ਼ੱਕੀ ਹਾਲਾਤਾਂ ‘ਚ ਹੋਈ ਹੈ। ਜਿਸ ਕਾਰਨ ਉਨ੍ਹਾਂ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਗਿਆ। ਇਸ ਦੀ ਵਿਸਤ੍ਰਿਤ ਰਿਪੋਰਟ ਅਜੇ ਸਾਹਮਣੇ ਨਹੀਂ ਆਈ ਹੈ। ਹਾਲਾਂਕਿ, ਸ਼ੁਰੂਆਤੀ ਪੋਸਟਮਾਰਟਮ ਰਿਪੋਰਟ ਵਿੱਚ ਮੌਤ ਦਾ ਕਾਰਨ ਦਿਲ ਦਾ ਦੌਰਾ ਦੱਸਿਆ ਗਿਆ ਹੈ। ਜਿਸ ਤੋਂ ਬਾਅਦ ਸਤੀਸ਼ ਕੌਸ਼ਿਕ ਦੀ ਮੌਤ ‘ਤੇ ਸਵਾਲ ਉੱਠ ਰਹੇ ਹਨ।

Satish Kaushik Death Case

ਦੱਸਿਆ ਜਾ ਰਿਹਾ ਹੈ ਕਿ ਇੱਕ ਵੱਡੇ ਬਿਲਡਰ ਅਤੇ ਗੁਟਖਾ ਕੰਪਨੀ ਦੇ ਮਾਲਕ ਨੇ ਉਨ੍ਹਾਂ ਨੂੰ ਹੋਲੀ ਪਾਰਟੀ ਦੇ ਬਹਾਨੇ ਦਿੱਲੀ ਬੁਲਾਇਆ ਸੀ। ਰਾਜੋਕਰੀ ਦੀ ਵੈਸਟ ਐਂਡ ਕਲੋਨੀ ਸਥਿਤ ਇਕ ਆਲੀਸ਼ਾਨ ਫਾਰਮ ਹਾਊਸ ਵਿਚ ਗੁਪਤ ਤਰੀਕੇ ਨਾਲ ਪਾਰਟੀ ਦਾ ਆਯੋਜਨ ਕੀਤਾ ਗਿਆ ਸੀ। ਇਸ ਮਾਮਲੇ ਸਬੰਧੀ ਪੁਲਿਸ ਹੋਲੀ ਪਾਰਟੀ ਦਾ ਆਯੋਜਨ ਕਰਨ ਵਾਲੇ ਉਦਯੋਗਪਤੀ ਦੇ ਫਾਰਮ ਹਾਊਸ ‘ਤੇ ਪੁੱਛਗਿੱਛ ਕਰਨ ਗਈ, ਪਰ ਉਹ ਉੱਥੋਂ ਫਰਾਰ ਸੀ।

ਇਹ ਵੀ ਪੜ੍ਹੋ : ਭਾਖੜਾ ਨਹਿਰ ‘ਚ ਰੁੜ੍ਹੇ ਦੋਵੇਂ ਨੌਜਵਾਨਾਂ ਦੀਆਂ ਮਿਲੀਆਂ ਲਾ.ਸ਼ਾਂ, ਸੈਲਫੀ ਲੈਣ ਦੇ ਚੱਕਰ ‘ਚ ਵਾਪਰਿਆ ਸੀ ਹਾਦਸਾ

ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਫਾਰਮ ਹਾਊਸ ‘ਚ ਤਲਾਸ਼ੀ ਦੌਰਾਨ ਕੁਝ ਇਤਰਾਜ਼ਯੋਗ ਦਵਾਈਆਂ ਬਰਾਮਦ ਹੋਈਆਂ ਹਨ। ਪੁਲਿਸ ਫਾਰਮ ਹਾਊਸ ਦੇ ਮਾਲਕ ਦੀ ਭਾਲ ਕਰ ਰਹੀ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਹ ਕਿਸ ਤਰ੍ਹਾਂ ਦੀ ਪਾਰਟੀ ਸੀ। ਇਸ ਤੋਂ ਇਲਾਵਾ ਪਾਰਟੀ ‘ਚ ਸ਼ਾਮਲ ਹੋਣ ਵਾਲੇ ਮਹਿਮਾਨਾਂ ਦੀ ਸੂਚੀ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।

ਪੁਲਿਸ ਦਾ ਕਹਿਣਾ ਹੈ ਕਿ ਸਤੀਸ਼ ਦੀ ਮੌਤ ਦੀ ਖ਼ਬਰ ਹਸਪਤਾਲ ਤੋਂ ਮਿਲੀ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਕੌਸ਼ਿਕ ਜਦੋਂ ਸਿਹਤ ਵਿਗੜਨ ਕਾਰਨ ਹਸਪਤਾਲ ਪਹੁੰਚਿਆ ਤਾਂ ਉਸ ਦੇ ਨਾਲ ਕੌਣ ਸੀ, ਉਸ ਨਾਲ ਕੀ ਹੋਇਆ? ਇਸ ਦੀ ਪੁਸ਼ਟੀ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਜਾਵੇਗੀ। ਮੌਤ ਦਾ ਸਹੀ ਕਾਰਨ ਜਾਣਨ ਲਈ ਪੁਲਿਸ ਪੋਸਟਮਾਰਟਮ ਦੀ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

The post ਸਤੀਸ਼ ਕੌਸ਼ਿਕ ਮੌ.ਤ ਮਾਮਲੇ ‘ਚ ਨਵਾਂ ਮੋੜ, ਪੁਲਿਸ ਟੀਮ ਨੂੰ ਫਾਰਮ ਹਾਊਸ ‘ਚੋਂ ਮਿਲੀ ਇਤਰਾਜ਼ਯੋਗ ਦਵਾਈ appeared first on Daily Post Punjabi.

ਸੁਸ਼ਾਂਤ ਸੁਸਾਈਡ: ਪੂਰੇ ਹੋਏ 30 ਦਿਨ, ਨਹੀਂ ਰੁਕ ਰਿਹਾ ਫੈਨਜ਼ ਦਾ ਗੁੱਸਾ, ਜਾਣੋ ਹੁਣ ਤੱਕ ਕੀ-ਕੀ ਹੋਇਆ ?

Suman Kwatra — Wed, 15 Jul 2020 07:50:29 +0000

sushant one month investigation:ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਦੇਹਾਂਤ ਨੂੰ ਇੱਕ ਮਹੀਨਾ ਪੂਰਾ ਹੋ ਗਿਆ ਹੈ।14 ਜੂਨ ਨੂੰ ਉਨ੍ਹਾਂ ਨੇ ਮੁੰਬਈ ਸਥਿਤ ਆਪਣੇ ਘਰ ਵਿੱਚ ਫਾਹਾ ਲਗਾ ਕੇ ਖੁਦਕੁਸ਼ੀ ਕਰ ਲਈ ਸੀ। ਇਸ ਗੱਲ ਦੀ ਫੈਨਜ਼ ਵਿੱਚ ਦਰਦ ਤੋਂ ਜਿਆਦਾ ਨਾਰਾਜਗੀ ਦੇਖਣ ਨੂੰ ਮਿਲੀ ਹੈ।ਫੈਨਜ਼ ਦਾ ਮੰਨਣਾ ਹੈ ਕਿ ਸੁਸ਼ਾਂਤ ਵਰਗੇ ਸਫਲ ਅਦਾਕਾਰ ਖੁਦਕੁਸ਼ੀ ਨਹੀਂ ਕਰ ਸਕਦੇ, ਉਨ੍ਹਾਂ ਦੀ ਮੌਤ ਦੀ ਸੀਬੀਆਈ ਜਾਂਚ ਹੋਵੇ।ਹਾਲਾਂਕਿ ਪੁਲਿਸ ਅਜੇ ਵੀ ਕੇਸ ਦੀ ਜਾਂਚ ਪੜਤਾਲ ਜਾਰੀ ਰੱਖੇ ਹੋਏ ਹਨ। ਆਓ ਇੱਕ ਮਹੀਨੇ ਬਾਅਦ ਕਿੱਥੇ ਤੱਕ ਪਹੁੰਚਿਆ ਕੇਸ ਅਤੇ ਇਨ੍ਹਾਂ 30 ਦਿਨਾਂ ਦੇ ਪੂਰੇ ਇਨਵੈਸਟੀਗੇਸ਼ਨ ਤੇ ਇੱਕ ਨਜ਼ਰ ਪਾਓ। ਸੁਸ਼ਾਂਤ ਦੀ ਖੁਦਕੁਸ਼ੀ ਕੇਸ ਦੀ ਜਾਂਚ ਵਿੱਚ ਪੁਲਿਸ ਨੇ ਕਈ ਵੱਡੇ ਪ੍ਰੋਡਿਊਸਰਜ਼ ਅਤੇ ਅਦਾਕਾਰ ਦੇ ਨਾਲ ਜੁੜੇ ਹਰ ਸ਼ਖਸ ਦੇ ਬਿਆਨ ਲਏ।ਡੀਸੀਪੀ ਅਭਿਸ਼ੇਕ ਤ੍ਰਿਮੁਖੇ ਦੀ ਦੇਖਰੇਖ ਵਿੱਚ ਉਹ ਇਨਵੈਸਟੀਗੇਸ਼ਨ ਕੀਤੀ ਜਾ ਰਹੀ ਹੈ।ਪੁਲਿਸ ਸੁਸ਼ਾਂਤ ਦੇ ਸੁਸਾਈਡ ਕਰਨ ਦੇ ਪਿੱਛੇ ਦੇ ਕਾਰਨ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਵਿੱਚ ਲੱਗੇ ਹੋਏ ਹਨ।ਹੁਣ ਤੱਕ 30 ਤੋਂ ਵੱਧ ਲੋਕਾਂ ਦੇ ਬਿਆਨ ਦਰਜ ਕੀਤੇ ਜਾ ਚੁੱਕੇ ਹਨ। ਇਸ ਵਿੱਚ ਯਸ਼ਰਾਜ ਫਿਲਮਜ਼ ਤੋਂ ਲੈ ਕੇ ਡਾਇਰੈਕਟਰ ਸੰਜੇ ਲੀਲਾ ਭੰਸਾਲੀ ਵੀ ਸ਼ਾਮਿਲ ਹੈ।

ਸੁਸ਼ਾਂਤ ਦੀ ਮੌਤ ਦੇ ਪੰਜ ਦਿਨ ਬਾਅਦ ਹੀ ਉਨ੍ਹਾਂ ਦੇ ਕਰੀਬੀ ਦੋਸਤ ਰਿਆ ਦਾ ਬਿਆਨ ਲਿਆ ਗਿਆ।ਲਗਭਗ ਨੌ ਘੰਟੇ ਤੱਕ ਪੁੱਛਤਾਛ ਚਲੀ ਸੀ। ਰਿਆ ਨੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਸੁਸ਼ਾਂਤ ਨੇ ਯਸ਼ਰਾਜ ਫਿਲਮਜ਼ ਦੇ ਨਾਲ ਆਪਣਾ ਕਾਨਟਰੈਕਟ ਖਤਮ ਕਰ ਲਿਆ ਸੀ, ਸੁਸ਼ਾਂਤ ਨੇ ਰਿਆ ਨੂੰ ਵੀ ਆਪਣਾ ਕਾਨਟ੍ਰੈਕਟ ਖਤਮ ਕਰਨ ਬਾਰੇ ਕਿਹਾ ਸੀ। ਰਿਆ ਦੇ ਇਸ ਬਿਆਨ ਤੋਂ ਪਹਿਲਾਂ ਕਿਹਾ ਜਾ ਰਿਹਾ ਸੀ ਕਿ ਯਸ਼ਰਾਜ ਫਿਲਮਜ਼ ਨੇ ਸੁਸ਼ਾਂਤ ਨਾਲ ਫਿਲਮ ਕਰਨ ਤੋਂ ਮਨ੍ਹਾਂ ਕਰ ਦਿੱਤਾ ਹੈ।

ਰਿਆ ਸਮੇਤ ਸੁਸ਼ਾਂਤ ਦੀ ਪੀਆਰ ਐਕਟੀਵਿਟੀਜ ਨੂੰ ਹੈਂਡਲ ਕਰਨ ਵਾਲੀ ਰਾਧਿਕਾ ਨਹਿਲਾਨੀ ਅਤੇ ਸਾਬਕਾ ਮੈਨੇਜਰ ਸ਼ਰੂਤੀ ਮੋਦੀ ਦੇ ਵੀ ਬਿਆਨ ਦਰਜ ਕੀਤੇ ਗਏ ਸਨ। ਇਨ੍ਹਾਂ ਦੇ ਇਲਾਵਾ ਸੁਸ਼ਾਂਤ ਦੇ ਦੋਸਤ ਮਹੇਸ਼ ਸ਼ੈੱਟੀ ਤੋਂ ਵੀ ਪੁੱਛਗਿੱਛ ਹੋਈ ਸੀ। ਸੁਸ਼ਾਂਤ ਨੇ ਰਿਆ ਅਤੇ ਮਹੇਸ਼ ਨੂੰ ਆਖਿਰੀ ਵਾਰ ਕਾਲ ਕੀਤਾ ਸੀ।ਸੁਸ਼ਾਂਤ ਸਿੰਘ ਰਾਜਪੂਤ ਸੁਸਾਈਡ ਕੇਸ ਵਿੱਚ 17 ਜੂਨ ਨੂੰ ਉਨ੍ਹਾਂ ਦੀ ਆਖਿਰੀ ਫਿਲਮ ਦੇ ਡਾਇਰੈਕਟਰ ਅਤੇ ਦੋਸਤ ਮੁਕੇਸ਼ ਛਾਬੜਾ ਦਾ ਬਿਆਨ ਦਰਜ ਕੀਤਾ ਗਿਆ ਸੀ।27 ਮਈ ਨੂੰ ਮੁਕੇਸ਼ ਦੇ ਜਨਮਦਿਨ ਤੇ ਸੁਸ਼ਾਂਤ ਨੇ ਉਨ੍ਹਾਂ ਨੂੰ ਵਿਸ਼ ਕੀਤਾ ਸੀ ਅਤੇ ਦੋਹਾਂ ਨੇ ਫੋਨ ਤੇ ਗੱਲਬਾਤ ਵੀ ਕੀਤੀ ਸੀ। ਸੁਸ਼ਾਂਤ ਦੀ ਆਖਿਰੀ ਫਿਲਮ ਦਿਲ ਬੇਚਾਰਾ ਵਿੱਚ ਸੰਜਨਾ ਸੰਘੀ ਨੇ ਅਦਾਕਾਰ ਦੇ ਨਾਲ ਕੰਮ ਕੀਤਾ ਸੀ।ਸੰਜਨਾ ਨੇ 30 ਜੂਨ ਨੂੰ ਬਾਂਦਰਾ ਪੁਲਿਸ ਸਟੇਸ਼ਨ ਵਿੱਚ ਆਪਣੀ ਮੌਜੂਦਗੀ ਦਰਜ ਕਰਵਾਈ ਸੀ।

6 ਜੁਲਾਈ ਨੂੰ ਡਾਇਰੈਕਟਰ ਸੰਜੇ ਲੀਲਾ ਭੰਸਾਲੀ ਦਾ ਬਿਆਨ ਲਿਆ ਗਿਆ । ਲਗਭਗ ਤਿੰਨ ਘੰਟੇ ਤੱਕ ਚਲੀ ਪੁੱਛਗਿੱਛ ਵਿੱਚ ਸੰਜੇ ਲੀਲਾ ਨੇ ਦੱਸਿਆ ਕਿ ਸੁਸ਼ਾਂਤ ਨੂੰ ਉਨ੍ਹਾਂ ਨੇ ਗੋਲਿਓਂ ਕੀ ਰਾਸਲੀਲਾ: ਰਾਮਲੀਲਾ, ਬਾਜੀਰਾਓ ਮਸਤਾਨੀ ਅਤੇ ਪਦਮਾਵਤ ਆਫਰ ਕੀਤੀ ਸੀ ਪਰ ਡੇਟ ਇਸ਼ੂ ਹੋਣ ਕਰਕੇ ਸੁਸ਼ਾਂਤ ਫਿਲਮ ਨਾ ਕਰ ਪਾਏ।

27 ਜੂਨ ਨੂੰ ਯਸ਼ਰਾਜ ਫਿਲਮਜ਼ ਦੀ ਕਾਸਟਿੰਗ ਡਾਇਰੈਕਟਰ ਸ਼ਾਨੂ ਸ਼ਰਮਾ ਦਾ ਸਟੇਟਮੈਂਟ ਰਿਕਾਰਡ ਕੀਤਾ ਗਿਆ ਸੀ। ਯਸ਼ਰਾਜ ਫਿਲਮਜ਼ ਸ਼ੇਖਰ ਕਪੂਰ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਪਾਣੀ ਨੂੰ ਪ੍ਰੋਡਿਊਸ ਕਰਨ ਵਾਲੇ ਸੀ,ਪਰ ਕ੍ਰਿਏਟਿਵ ਟੀਮ ਦੇ ਨਾਲ ਮਨਮੁਟਾਅ ਅਤੇ ਫਿਲਮ ਦੇ ਕੰਟੈਂਟ ਨੂੰ ਲੈ ਕੇ ਇਸ਼ੂ ਹੋਣ ਕਰਕੇ ਫਿਲਮ ਦਾ ਕੰਮ ਅੱਗੇ ਨਹੀਂ ਵੱਧ ਸਕਿਆ। 24 ਜੁਲਾਈ ਨੂੰ ਸੁਸ਼ਾਂਤ ਦੀ ਆਖਿਰੀ ਫਿਲਮ ਦਿਲ ਬੇਚਾਰਾ ਹਾਟਸਟਾਰ ਡਿਜਨੀ ਤੇ ਰਿਲੀਜ਼ ਹੋਵੇਗੀ।ਇਸ ਨੂੰ ਓਟੀਟੀ ਪਲੈਟਫਾਰਮ ਤੇ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਫੇਨਜ਼ ਨੇ ਇਸ ਨੂੰ ਥਿਏਟਰਜ਼ ਤੇ ਰਿਲੀਜ਼ ਕਰਨ ਦੀ ਮੰਗ ਕੀਤੀ ਸੀ ਪਰ ਮੁਕੇਸ਼ ਛਾਬੜਾ ਨੇ ਇਸ ਨੂੰ ਸੁਸ਼ਾਂਤ ਨੂੰ ਸ਼ਰਧਾਂਜਲੀ ਦੇਣ ਦੇ ਤੌਰ ਤੇ ਹਾਟਸਟਾਰ ਤੇ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਹੈ।

The post ਸੁਸ਼ਾਂਤ ਸੁਸਾਈਡ: ਪੂਰੇ ਹੋਏ 30 ਦਿਨ, ਨਹੀਂ ਰੁਕ ਰਿਹਾ ਫੈਨਜ਼ ਦਾ ਗੁੱਸਾ, ਜਾਣੋ ਹੁਣ ਤੱਕ ਕੀ-ਕੀ ਹੋਇਆ ? appeared first on Daily Post Punjabi.

ਕੀ ਇਸ ਵਜ੍ਹਾ ਤੋਂ ਟਿਕ ਟੌਕ ਸਟਾਰ ਸਿਆ ਕੱਕੜ ਨੇ ਕੀਤੀ ਖੁਦਕੁਸ਼ੀ? ਪੁਲਿਸ ਨੂੰ ਕਮਰੇ ਤੋਂ ਮਿਲਿਆ ਅਜਿਹਾ ਸਾਮਾਨ

Suman Kwatra — Fri, 26 Jun 2020 12:23:45 +0000

siya suicide police documents:ਟਿੱਕ ਟੌਕ ਸਟਾਰ ਸਿਆ ਕੱਕੜ ਨੇ ਫਾਹਾ ਲਗਾ ਕੇ ਆਤਮਹਤਿਆ ਕਰ ਲਈ।ਉਹ ਕੇਵਲ 16 ਸਾਲਾਂ ਦੀ ਸੀ।ਸਿਆ ਦਾ ਪਰਿਵਾਰ ਵੀ ਕਾਫੀ ਸਦਮੇ ਵਿੱਚ ਹੈ। ਖਬਰਾਂ ਅਨੁਸਾਰ ਸਿਆ ਕਾਫੀ ਡਿਪ੍ਰੈਸਡ ਰਹਿੰਦੀ ਸੀ, ਹਾਲਾਂਕਿ ਸਿਆ ਨੂੰ ਕਿਸ ਗੱਲ ਦਾ ਡਿਪ੍ਰੈਸ਼ਨ ਸੀ ਫਿਲਹਾਲ ਇਸ ਦੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪੁਲਿਸ ਨੂੰ ਸਿਆ ਦੇ ਘਰ ਤੋਂ ਕੁੱਝ ਖਾਸ ਕਾਗਜਾਤ ਮਿਲੇ ਹਨ। ਫਿਲਹਾਲ ਅਜੇ ਆਤਮਹੱਤਿਆ ਦਾ ਖੁਲਾਸਾ ਨਹੀਂ ਹੋਇਆ ਹੈ।

View this post on Instagram

Just like that

A post shared by Siya Kakkar (@siya_kakkar) on Jun 16, 2020 at 7:29am PDT

ਸਿਆ ਸੋਸ਼ਲ ਮੀਡੀਆ ਤੇ ਕਿੰਨੀ ਮਸ਼ਹੂ ਸੀ, ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਹੀ ਲਗਾਇਆ ਜਾ ਸਕਦਾ ਹੈ ਕਿ ਟਿਕਟੌਕ ਤੇ ਉਨ੍ਹਾਂ ਦੇ 11 ਲੱਖ ਅਤੇ ਇੰਸਟਾਗ੍ਰਾਮ ਤੇ ਕਰੀਬ ਇੱਕ ਲੱਖ ਤੋਂ ਵੱਧ ਫੋਲੋਅਰਜ਼ ਹਨ। ਖਬਰਾਂ ਅਨੁਸਾਰ ਬੀਤੇ ਕੁੱਝ ਦਿਨਾਂ ਤੋਂ ਸਿਆ ਨੂੰ ਸੋਸ਼ਲ ਮੀਡੀਆ ਤੇ ਧਮਕੀਆਂ ਵੀ ਮਿਲ ਰਹੀਆਂ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਸਿਆ ਕੱਕੜ ਆਪਣੇ ਪਰਿਵਾਰ ਨਾਲ ਰਹਿੰਦੀ ਸੀ ਅਤੇ ਸਿਆ ਦੇ ਕੋਲ ਤੋਂ ਕੋਈ ਸੁਸਾਈਡ ਨੋਟ ਵੀ ਨਹੀਂ ਮਿਲਿਆ ਹੈ ਅਤੇ ਨਾ ਹੀ ਸੁਸਾਈਡ ਦੇ ਕਾਰਨਾਂ ਦਾ ਪਤਾ ਚਲ ਪਾਇਆ ਹੈ।ਜਿਲ੍ਹਾ ਪੁਲਿਸ ਉਪਯੁਕਤ ਅਮਿਤਾ ਸ਼ਰਮਾ ਦਾ ਕਹਿਣਾ ਹੈ ਕਿ ਫਿਲਹਾਲ ਪੋਸਟਮਾਰਟਮ ਕਰਵਾ ਕੇ ਸਿਆ ਦਾ ਮ੍ਰਿਤਕ ਸਰੀਰ ਉਨ੍ਹਾਂ ਦੇ ਘਰਵਾਲਿਆਂ ਨੂੰ ਸੌਂਪ ਦਿੱਤਾ ਹੈ ਅਤੇ ਮਾਮਲੇ ਦੀ ਛਾਣਬੀਨ ਚਲ ਰਹੀ ਹੈ।

View this post on Instagram

And Its TIME to get knocked out by this lethal combination of an Epic Punjabi Song and an enchanting beauty. Watch the King of Desi Hip-Hop Bohemia, soulful singer JS Atwal along with Lola Gomez in the official video of Our Latest Single, "Sharaabi Teri Tor". The Most Awaited Song of 2020 is OUT !! Watch the Video Now. . . . @iambohemia @atwalinsta @lolitaxo__ @mbmusicco @meetbrosofficial @meet_bros_manmeet @harmeet_meetbros @shaxeoriah @urshappyraikoti @jaggisim @desihiphopking @touchblevins @raajeev.r.sharma @itsumitsharma @psycho_marketer @fameexpertz #SharaabiWalk #SharaabiWalkChallenge #SharaabiTeriTor #Bohemia #HipHop #Rap #Punjabi #JsAtwal #HappyRaikoti #intoxicating #MBMusic #sharaab #musicvideo #fameexpertz

A post shared by Siya Kakkar (@siya_kakkar) on Jun 19, 2020 at 2:38am PDT

ਪਿਛਲੇ ਕਈ ਸਾਲਾਂ ਤੋਂ ਰਿਆ ਡਾਂਸ ਦੇ ਵੀਡੀਓ ਬਣਾ ਰਹੀ ਸੀ। ਇਨ੍ਹਾਂ ਵੀਡੀਓ ਨੂੰ ਉਹ ਟਿੱਕ ਟੌਕ ਦੇ ਇਲਾਵਾ ਇੰਸਟਾਗ੍ਰਾਮ ਅਤੇ ਯੂ-ਟਿਊਬ ਤੇ ਵੀ ਸ਼ੇਅਰ ਕਰਦੀ ਸੀ। ਉਸਨੇ ਪੂਰੇ ਕੰਮ ਦੀ ਦੇਖਰਖ ਦੇ ਲਈ ਇੱਕ ਮੈਨੇਜਰ ਅਰਜੁਨ ਸਰੀਨ ਨੂੰ ਰੱਖਿਆ ਹੋਇਆ ਸੀ। ਸਿਆ ਸੋਸ਼ਲ ਮੀਡੀਆ ਤੇ ਪਾਪੂਲਰ ਸੈਲੀਬ੍ਰੇਟੀ ਸੀ। ਉਨ੍ਹਾਂ ਦੇ ਫੈਨਜ਼ ਵੀ ਜਾਣਨਾ ਚਾਹੁੰਦੇ ਹਨ ਕਿ ਆਖਿਰ ਕਿਹੜੇ ਕਾਰਨਾਂ ਦੇ ਚਲਦੇ ਸਿਆ ਨੇ ਖੁਦਕੁਸ਼ੀ ਕੀਤੀ ਹੈ?

View this post on Instagram

1 or 2 ? #bellaciao #skechers

A post shared by Siya Kakkar (@siya_kakkar) on May 27, 2020 at 1:37am PDT

ਸੁਸਾਈਡ ਤੋਂ ਬਾਅਦ ਪੁਲਿਸ ਅਤੇ ਕ੍ਰਾਈਮ ਟੀਮ ਨੇ ਸਿਆ ਕੱਕੜ ਦੇ ਕਮਰੇ ਦੀ ਜਾਂਚ ਕੀਤੀ ਹੈ।ਸ਼ੁਰੂਆਤੀ ਜਾਂਚ ਤੋਂ ਬਾਅਦ ਪੁਲਿਸ ਉਸ ਦੀ ਮੌਤ ਨੂੰ ਖੁਦਕੁਸ਼ੀ ਦੱਸ ਰਹੀ ਹੈ।ਪੁਲਿਸ ਨੇ ਸਿਆ ਦੇ ਕਮਰੇ ਤੋਂ ਉਸਦਾ ਮੋਬਾਈਲ, ਲੈਪਟਾਪ ਅਤੇ ਕੁੱਝ ਕਾਗਜ ਕਬਜੇ ਵਿੱਚ ਕਰ ਲਏ ਹਨ।ਜਿਸ ਤੋਂ ਕਾਫੀ ਕੁੱਝ ਪਤਾ ਲਗਾਇਆ ਜਾ ਸਕਦਾ ਹੈ।ਦੱਸ ਦੇਈਏ ਕਿ ਸਿਆ ਨੂੰ ਐਕਟਿੰਗ ਅਤੇ ਡਾਂਸਿੰਗ ਦਾ ਬੇਹੱਦ ਸ਼ੌਕ ਸੀ।

View this post on Instagram

Siyu katty

A post shared by Siya Kakkar (@siya_kakkar) on May 15, 2020 at 12:06am PDT

The post ਕੀ ਇਸ ਵਜ੍ਹਾ ਤੋਂ ਟਿਕ ਟੌਕ ਸਟਾਰ ਸਿਆ ਕੱਕੜ ਨੇ ਕੀਤੀ ਖੁਦਕੁਸ਼ੀ? ਪੁਲਿਸ ਨੂੰ ਕਮਰੇ ਤੋਂ ਮਿਲਿਆ ਅਜਿਹਾ ਸਾਮਾਨ appeared first on Daily Post Punjabi.