ਇਸ ਤੋਂ ਪਹਿਲਾਂ ਸੁਨੀਤਾ ਯਾਦਵ ‘ਤੇ ਮੰਤਰੀ ਦੇ ਬੇਟੇ ਨਾਲ ਬਦਸਲੂਕੀ ਕਰਨ ਦਾ ਇਲਜ਼ਾਮ ਲਗਾਇਆ ਗਿਆ ਸੀ। ਇਸ ਤੋਂ ਬਾਅਦ ਗੁਜਰਾਤ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ। ਇਹ ਆਰੋਪ ਗੁਜਰਾਤ ਦੇ ਸਿਹਤ ਰਾਜ ਮੰਤਰੀ ਕੁਮਾਰ ਕਨਾਨੀ ਨੇ ਲਗਾਇਆ ਹੈ। ਦਰਅਸਲ, ਸ਼ੁੱਕਰਵਾਰ ਰਾਤ ਕਰੀਬ 10.30 ਵਜੇ ਮੰਤਰੀ ਦੇ ਕਈ ਸਮਰਥਕ ਮਾਸਕ ਪਹਿਨੇ ਬਿਨਾਂ ਗਲੀ ਵਿੱਚ ਘੁੰਮ ਰਹੇ ਸਨ। ਜਦਕਿ ਇਲਾਕੇ ‘ਚ ਕਰਫਿਊ ਲਗਾਇਆ ਗਿਆ ਸੀ, ਮਹਿਲਾ ਕਾਂਸਟੇਬਲ ਨੇ ਉਨ੍ਹਾਂ ਨੂੰ ਰੋਕ ਲਿਆ। ਉਨ੍ਹਾਂ ਨੂੰ ਪੁੱਛਿਆ ਕਿ ਉਹ ਕਰਫਿਊ ਦੌਰਾਨ ਕਿੱਥੇ ਘੁੰਮ ਰਹੇ ਹਨ, ਮਾਸਕ ਕਿਉਂ ਨਹੀਂ ਪਾਇਆ ਹੈ? ਸਮਰਥਕ ਇਸ ਗੱਲ ਤੋਂ ਨਾਰਾਜ਼ ਹੋ ਗਏ। ਉਨ੍ਹਾਂ ਨੇ ਮੰਤਰੀ ਦੇ ਪੁੱਤਰ ਨੂੰ ਬੁਲਾਇਆ। ਜਿਸ ਤੋਂ ਬਾਅਦ ਮੰਤਰੀ ਦਾ ਲੜਕਾ ਆਪਣੇ ਪਿਤਾ ਦੀ ਕਾਰ ਲੈ ਕੇ ਸਮਰਥਕਾਂ ਤੱਕ ਪਹੁੰਚ ਗਿਆ। ਕਾਰ ‘ਚ ਪਿਤਾ ਦਾ ਨਾਮ ਅਤੇ ਵਿਧਾਇਕ ਦਾ ਅਹੁਦਾ ਲਿਖਿਆ ਹੋਇਆ ਸੀ। ਪਰ ਇਹ ਮਹਿਲਾ ਪੁਲਿਸ ਮੁਲਾਜ਼ਮ ਬਿਨਾਂ ਕਿਸੇ ਡਰ ਤੋਂ ਆਪਣੀ ਡਿਊਟੀ ਕਰਦੀ ਰਹੀ। ਇਸ ਘਟਨਾ ਨਾਲ ਜੁੜਿਆ ਇੱਕ ਵੀਡੀਓ ਵੀ ਵਾਇਰਲ ਹੋਇਆ ਹੈ।

The post ਜਿਸ ਮਹਿਲਾ ਕਾਂਸਟੇਬਲ ਨੇ ਮੰਤਰੀ ਦੇ ਪੁੱਤ ਨੂੰ ਪੜਾਇਆ ਸੀ ਕਾਨੂੰਨ ਦਾ ਪਾਠ, ਹੁਣ ਦੇਵੇਗੀ ਅਸਤੀਫਾ appeared first on Daily Post Punjabi.