ਸੈਨਾ ਦੀ ਅੰਦਰੂਨੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਿੱਛਲੇ 6 ਸਾਲਾਂ ਵਿੱਚ ਮਾੜੇ ਅਸਲੇ ਦੇ ਕਾਰਨ ਹੁਣ ਤੱਕ 403 ਹਾਦਸੇ ਵਾਪਰ ਚੁੱਕੇ ਹਨ। ਹੁਣ ਤੱਕ ਇਨ੍ਹਾਂ ਮਾੜੇ ਬਾਰੂਦ ਕਾਰਨ ਕੁੱਲ 27 ਜਵਾਨ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ ਅਤੇ 159 ਸੈਨਿਕ ਜ਼ਖਮੀ ਹੋਏ ਹਨ। ਇਸ ਮਾੜੇ ਬਾਰੂਦ ਕਾਰਨ ਹੁਣ ਤੱਕ 960 ਕਰੋੜ ਦਾ ਨੁਕਸਾਨ ਹੋਇਆ ਹੈ। ਘੱਟੋ ਘੱਟ 100 ਮੱਧਮ ਤੋਪਾਂ, ਇੰਨੀ ਵੱਡੀ ਰਕਮ ਨਾਲ ਖਰੀਦੀਆਂ ਜਾ ਸਕਦੀਆਂ ਸਨ। ਖਾਸ ਗੱਲ ਇਹ ਹੈ ਕਿ ਇਹ ਰਿਪੋਰਟ ਅਜਿਹੇ ਸਮੇਂ ਸਾਹਮਣੇ ਆਈ ਹੈ ਜਦੋਂ ਭਾਰਤ ਪਿੱਛਲੇ 5 ਮਹੀਨਿਆਂ ਤੋਂ ਅਸਲ ਕੰਟਰੋਲ ਰੇਖਾ ਯਾਨੀ ਐਲਏਸੀ ਉੱਤੇ ਚੀਨ ਨਾਲ ਮੁਕਾਬਲਾ ਕਰ ਰਿਹਾ ਹੈ। ਆਰਡੀਨੈਂਸ ਫੈਕਟਰੀ ਬੋਰਡ ਅਜੇ ਤੱਕ ਆਰਮੀ ਦੀ ਇਸ ਰਿਪੋਰਟ ‘ਤੇ ਅੱਗੇ ਨਹੀਂ ਆਇਆ ਹੈ। ਆਰਡੀਨੈਂਸ ਫੈਕਟਰੀ ਬੋਰਡ ਦੇ ਕੰਮਕਾਜ ਦੇ ਮੱਦੇਨਜ਼ਰ, ਰੱਖਿਆ ਮੰਤਰਾਲੇ ਨੇ ਕਾਰਪੋਰੇਟਾਈਜ਼ੇਸ਼ਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਇਸ ਲਈ ਇੱਕ ਨਿਜੀ ਸਲਾਹਕਾਰ ਕੰਪਨੀ ਰੱਖੀ ਗਈ ਹੈ।

The post ਫੌਜ ਨੇ ਪਿੱਛਲੇ 6 ਸਾਲਾਂ ‘ਚ ਮਾੜੇ ਅਸਲੇ ਬਾਰੂਦ ਕਾਰਨ ਗਵਾਏ 27 ਜਵਾਨ, ਇੱਕ ਹਜ਼ਾਰ ਕਰੋੜ ਦਾ ਵੀ ਹੋਇਆ ਨੁਕਸਾਨ : ਰਿਪੋਰਟ appeared first on Daily Post Punjabi.