ਸਿਹਤ ਮੰਤਰਾਲਾ ਮੁਤਾਬਕ,ਬੀਤੇ 10 ਦਿਨਾਂ ਤੋਂ ਲਗਾਤਾਰ ਦੇਸ਼ ‘ਚ ਕੋਰੋਨਾ ਦੇ ਸਰਗਰਮ ਮਾਮਲਿਆਂ ਦੀ ਗਿਣਤੀ 10 ਲੱਖ ਤੋਂ ਹੇਠਾਂ ਬਣੀ ਹੋਈ ਹੈ,ਜੋ ਕਿ ਪਾਜੇਟਿਵ ਹੈ।ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਸੂਬਿਆਂ ਅਤੇ ਕੇਂਦਰਸ਼ਾਸ਼ਿਤ ਪ੍ਰਦੇਸ਼ਾਂ ‘ਚ ਰੋਜਾਨਾ ਹੋ ਰਹੀ ਰਿਕਵਰੀ ਅਤੇ ਮੌਤ ਦਰ ‘ਚ ਲਗਾਤਾਰ ਹੋ ਰਹੀ ਕਮੀ ਦੇ ਕਾਰਨ ਸਰਗਰਮ ਮਾਮਲਿਆਂ ਦੀ ਸੰਖਿਆ ਘੱਟ ਹੈ।ਸ਼ੁੱਕਰਵਾਰ ਨੂੰ ਸਿਹਤ ਮੰਤਰਾਲਾ ਵਲੋਂ ਜਾਰੀ ਕੋਰੋਨਾ ਵਾਇਰਸ ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ, ਦੇਸ਼ ‘ਚ ਹੁਣ ਤੱਕ ਕੁਲ 53 ਲੱਖ 52 ਹਜ਼ਾਰ 78 ਲੋਕ ਕੋਰੋਨਾ ਤੋਂ ਠੀਕ ਹੋ ਚੁੱਕੇ ਹਨ।ਬੀਤੇ 24 ਘੰਟਿਆਂ ‘ਚ ਦੇਸ਼ ‘ਚ 78,877 ਲੋਕ ਠੀਕ ਹੋਏ ਹਨ।ਦੇਸ਼ ‘ਚ ਕੋਰੋਨਾ ਦੀ ਰਿਕਵਰੀ ਦਰ 83.70 ਫੀਸਦ ਹੈ ਜਦੋਂ ਕਿ ਐਕਟਿਵ ਕੇਸ 14.74 ਫੀਸਦੀ ਹਨ।ਭਾਰਤ ‘ਚ ਕੋਰੋਨਾ ਨਾਲ ਮੌਤ ਦਰ 1.56 ਫੀਸਦੀ ਹੈ।ਭਾਰਤ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 81,484 ਨਵੇਂ ਕੇਸਾਂ ਅਤੇ 1,095 ਮੌਤਾਂ ਦੇ ਨਾਲ ਕੁਲ ਕੋਰੋਨਾ ਕੇਸ 63 ਲੱਖ 94 ਹਜ਼ਾਰ 69 ਤੱਕ ਪਹੁੰਚ ਗਏ ਹਨ। ਦੇਸ਼ ਵਿੱਚ ਸਰਗਰਮ ਮਾਮਲਿਆਂ ਦੀ ਗੱਲ ਕਰੀਏ ਤਾਂ ਇੱਥੇ 9 ਲੱਖ 42 ਹਜ਼ਾਰ 217 ਐਕਟਿਵ ਕੇਸ ਹਨ। ਕੋਰੋਨਾ ਤੋਂ ਮਰਨ ਵਾਲਿਆਂ ਦੀ ਗਿਣਤੀ 99,773 ਤੱਕ ਪਹੁੰਚ ਗਈ ਹੈ।

The post ਕੋਰੋਨਾ ਮਹਾਂਮਾਰੀ ਤੋਂ ਠੀਕ ਹੋਣ ਵਾਲੇ ਮਾਮਲਿਆਂ ‘ਚ ਭਾਰਤ ਸਭ ਤੋਂ ਅੱਗੇ ਖੜਾ, ਘੱਟ ਹੋਏ ਐਕਟਿਵ ਕੇਸ appeared first on Daily Post Punjabi.