ਹੋਲੀ ਖੇਡਣ ਤੋਂ ਪਹਿਲਾਂ ਅਪਣਾਓ ਇਹ ਟਿਪਸ

ਵਾਲਾਂ ਦੀ ਮਸਾਜ: ਜੇਕਰ ਤੁਸੀਂ ਹੋਲੀ ਖੇਡਣ ਜਾ ਰਹੇ ਹੋ ਤਾਂ ਆਪਣੇ ਵਾਲਾਂ ‘ਤੇ ਆਇਲਿੰਗ ਜ਼ਰੂਰ ਕਰ ਲਓ ਕਿਉਂਕਿ ਜੇ ਤੁਸੀਂ ਰੁੱਖੇ ਵਾਲ ਲੈ ਕੇ ਹੋਲੀ ਖੇਡੋਗੇ ਤਾਂ ਤੁਹਾਡੇ ਵਾਲਾਂ ‘ਚੋਂ ਰੰਗ ਆਸਾਨੀ ਨਾਲ ਨਹੀਂ ਜਾਵੇਗਾ। ਇਸ ਲਈ ਇਹ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਵਾਲਾਂ ‘ਚ ਸਹੀ ਤਰ੍ਹਾਂ ਤੇਲ ਲਗਾਓ ਤਾਂ ਜੋ ਤੁਹਾਡੇ ਵਾਲਾਂ ‘ਤੇ ਰੰਗ ਦਾ ਕੋਈ ਅਸਰ ਨਾ ਹੋਵੇ। ਮਸਾਜ ਕਰਨ ਲਈ ਤੁਸੀਂ ਕੋਈ ਵੀ ਤੇਲ ਦੀ ਵਰਤੋਂ ਕਰੋ ਪਰ ਜੇ ਤੁਸੀਂ ਨਾਰੀਅਲ ਤੇਲ ਦੀ ਵਰਤੋਂ ਕਰਦੇ ਹੋ ਤਾਂ ਵਧੀਆ ਰਹੇਗਾ।

ਇਸ ਤਰ੍ਹਾਂ ਰੱਖੋ ਚਿਹਰੇ ਦਾ ਖ਼ਿਆਲ: ਲੋਕ ਸਵੇਰ ਤੋਂ ਹੀ ਹੋਲੀ ਦਾ ਤਿਉਹਾਰ ਮਨਾਉਣਾ ਸ਼ੁਰੂ ਕਰ ਦਿੰਦੇ ਹਨ ਅਜਿਹੇ ‘ਚ ਪੂਰਾ ਦਿਨ ਤੁਹਾਡੇ ਚਿਹਰੇ ‘ਤੇ ਧੁੱਪ ਪੈਂਦੀ ਹੈ ਅਤੇ ਧੁੱਪ ਕਾਰਨ ਚਿਹਰਾ dull ਵੀ ਹੋ ਜਾਂਦਾ ਹੈ ਅਤੇ ਟੈਨਿੰਗ ਦੀ ਸਮੱਸਿਆ ਵੀ ਹੋ ਜਾਂਦੀ ਹੈ। ਇਸ ਲਈ ਜ਼ਰੂਰੀ ਹੈ ਕਿ ਤੁਸੀਂ ਹੋਲੀ ਖੇਡਣ ਤੋਂ ਪਹਿਲਾਂ ਆਪਣੇ ਚਿਹਰੇ ‘ਤੇ ਸਨਸਕ੍ਰੀਨ ਦੀ ਵਰਤੋਂ ਕਰੋ ਤਾਂ ਜੋ ਇੱਕ ਤਾਂ ਧੁੱਪ ਤੋਂ ਤੁਹਾਡਾ ਬਚਾਅ ਹੋ ਸਕੇ ਅਤੇ ਦੂਸਰਾ ਰੰਗਾਂ ਦਾ ਪ੍ਰਭਾਵ ਤੁਹਾਡੀ ਸਕਿਨ ‘ਤੇ ਨਾ ਪਵੇ। ਹੋਲੀ ਦੇ ਰੰਗਾਂ ਨੂੰ ਉਤਾਰਨਾ ਸਭ ਤੋਂ ਮੁਸ਼ਕਲ ਕੰਮ ਹੁੰਦਾ ਹੈ। ਕਈ ਵਾਰ ਤਾਂ ਰੰਗ ਇੰਨੇ ਪੱਕੇ ਹੁੰਦੇ ਹਨ ਕਿ ਉਹ ਬਿਲਕੁਲ ਨਹੀਂ ਉੱਤਰਦੇ। ਅਜਿਹੇ ‘ਚ ਹੋਲੀ ਖੇਡਣ ਤੋਂ ਪਹਿਲਾਂ ਬੁੱਲ੍ਹਾਂ ‘ਤੇ ਪੈਟਰੋਲੀਅਮ ਜੈਲੀ ਲਗਾਓ। ਜੇ ਤੁਸੀਂ ਚਾਹੋ ਤਾਂ ਹੱਥਾਂ ਅਤੇ ਪੈਰਾਂ ‘ਤੇ ਇਸ ਦਾ ਇਸਤੇਮਾਲ ਕਰ ਸਕਦੇ ਹੋ। ਇਸ ਨਾਲ ਨਹੁੰਆਂ ਅਤੇ ਬੁੱਲ੍ਹਾਂ ‘ਤੇ ਰੰਗ ਨਹੀਂ ਚੜੇਗਾ।

ਇਸ ਤਰ੍ਹਾਂ ਕਰੋ ਨਹੁੰਆਂ ਦਾ ਬਚਾਅ: ਕਈ ਵਾਰ ਕੁੜੀਆਂ ਇਹ ਗਲਤੀ ਕਰ ਦਿੰਦੀਆਂ ਹਨ ਕਿ ਉਹ ਹੋਲੀ ਖੇਡਣ ਤੋਂ ਪਹਿਲਾਂ ਨੇਲ ਪੇਂਟ ਉਤਾਰ ਦਿੰਦੀਆਂ ਹਨ ਪਰ ਤੁਹਾਨੂੰ ਹੋਲੀ ਖੇਡਣ ਤੋਂ ਪਹਿਲਾਂ ਨੇਲ ਪੇਂਟ ਨਹੀਂ ਉਤਾਰਨੀ ਬਲਕਿ ਇਸ ਨੂੰ ਲਗਾਉਣਾ ਤਾਂ ਜੋ ਤੁਹਾਡੇ ਨਹੁੰਆਂ ‘ਤੇ ਰੰਗ ਨਾ ਚੜੇ। ਕਿਉਂਕਿ ਇਹ ਕਈ ਵਾਰ ਹੁੰਦਾ ਹੈ ਕਿ ਨਹੁੰਆਂ ‘ਚ ਰੰਗ ਚੜ ਜਾਂਦਾ ਹੈ ਅਤੇ ਅਸੀਂ ਹੱਥਾਂ ਦੀ ਵਰਤੋਂ ਬਹੁਤ ਸਾਰੀਆਂ ਚੀਜ਼ਾਂ ਨੂੰ ਖਾਣ ਲਈ ਕਰਦੇ ਹਾਂ ਇਸ ਲਈ ਰੰਗ ਵਾਲੇ ਹੱਥ ਅੱਖਾਂ ‘ਚ ਜਾ ਸਕਦੇ ਹਨ ਅਤੇ ਮੂੰਹ ‘ਚ ਜਾ ਸਕਦੇ ਹਨ ਇਸ ਲਈ ਨਹੁੰਆਂ ਦੀ ਦੇਖਭਾਲ ਕਰਨ ਲਈ ਹੋਲੀ ਤੋਂ ਪਹਿਲਾਂ ਨੇਲ ਪੇਂਟ ਜ਼ਰੂਰ ਲਗਾ ਲਓ।

The post ਹੋਲੀ ਤੋਂ ਬਾਅਦ ਵੀ ਸਕਿਨ ਅਤੇ ਵਾਲ ਨਹੀਂ ਹੋਣਗੇ ਖ਼ਰਾਬ, ਜ਼ਰੂਰ ਟ੍ਰਾਈ ਕਰੋ ਇਹ ਖ਼ਾਸ ਟਿਪਸ appeared first on Daily Post Punjabi.