ਹਸਪਤਾਲਾਂ ‘ਚ ਬੈੱਡ ਨਹੀਂ ਹੈ, ਆਕਸੀਜਨ ਦੀ ਭਾਰੀ ਕਮੀ ਹੈ, ਦਵਾਈਆਂ ਅਤੇ ਵੈਕਸੀਨ ਲੋਕਾਂ ਨੂੰ ਸਮੇਂ ‘ਤੇ ਨਹੀਂ ਮਿਲ ਰਹੀਆਂ ਅਤੇ ਅਜਿਹੇ ‘ਚ ਸਰਕਾਰ
ਇਨ੍ਹਾਂ ਗੱਲਾਂ ‘ਤੇ ਧਿਆਨ ਦੇਣ ਦੀ ਬਜਾਏ ਪ੍ਰਧਾਨ ਮੰਤਰੀ ਮੋਦੀ ਦੇ ਨਵੇਂ ਘਰ ਨੂੰ ਬਣਾਉਣ ‘ਚ ਕਰੋੜਾਂ ਰੁਪਏ ਖਰਚ ਕਰ ਰਹੀ ਹੈ।ਦਰਅਸਲ, ਅੱਜ ਸਵੇਰੇ ਪ੍ਰਿਯੰਕਾ ਗਾਂਧੀ ਨੇ ਆਪਣੇ ਟਵਿੱਟਰ ਅਕਾਊਂਟ ‘ਤੇ ਸੈਂਟਰਲ ਵਿਸਟਾ ਅਤੇ ਆਕਸੀਜਨ ਦੀ ਕਮੀ ਨਾਲ ਹੋਈਆਂ ਮੌਤਾਂ ਦੀ ਕੁਝ ਖਬਰਾਂ ਦੀ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, ” ਜਦੋਂ ਦੇਸ਼ ਦੇ ਲੋਕ ਆਕਸੀਜਨ, ਵੈਕਸੀਨ, ਹਸਪਤਾਲ ਬੈੱਡ, ਦਵਾਈਆਂ ਦੀ ਕਮੀ ਨਾਲ ਜੂਝ ਰਹੇ ਹਨ ਤਾਂ ਸਰਕਾਰ 13000 ਕਰੋੜ ਤੋਂ ਪੀਐੱਮ ਦਾ ਨਵਾਂ ਘਰ ਬਣਾਉਣ ਦੀ ਬਜਾਏ ਸਾਰੇ ਸਾਧਨ ਲੋਕਾਂ ਦੀ ਜਾਨ ਬਚਾਉਣ ਦੇ ਕੰਮ ‘ਚ ਪਾਵੇ ਤਾਂ ਬਿਹਤਰ ਹੋਵੇਗਾ।

ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਇਸ ਤਰ੍ਹਾਂ ਦੇ ਖਰਚ ਨਾਲ ਪਬਲਿਕ ਨੂੰ ਮੈਸੇਜ਼ ਜਾਂਦਾ ਹੈ ਕਿ ਸਰਕਾਰ ਦੀ ਪਹਿਲਤਾ ਕਿਵੇਂ ਦੀ ਅਤੇ ਕਿਸ ਦਿਸ਼ਾ ‘ਚ ਹੈ।ਦੱਸਣਯੋਗ ਹੈ ਕਿ ਸੈਂਟਰਲ ਵਿਸਟਾ 2022 ਦਸੰਬਰ ਤੱਕ ਬਣ ਕੇ ਤਿਆਰ ਹੋਣਾ ਹੈ।ਇਸ ਪੂਰੇ ਪ੍ਰਾਜੈਕਟ ‘ਚ 13 ਹਜ਼ਾਰ 450 ਕਰੋੜ ਰੁਪਏਖਰਚ ਹੋਣਗੇ।ਕਾਂਗਰਸ ਲਗਾਤਾਰ ਕਰੋਨਾ ਨਾਲ ਦੇਸ਼ ‘ਚ ਬਣੇ ਹਾਲਾਤ ਨੂੰ ਲੈ ਕੇ ਬੀਜੇਪੀ ਸਮੇਤ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਤੇ ਨਿਸ਼ਾਨਾ ਸਾਧਦੇ ਹਨ।

The post PM ਦੇ ਨਵੇਂ ਘਰ ‘ਸੈਂਟਰਲ ਵਿਸਟਾ ‘ ‘ਤੇ ਕਰੋੜਾਂ ਖਰਚ ਕਰਨ ਦੀ ਬਜਾਏ ਲੋਕਾਂ ਦੀ ਜਾਨ ਬਚਾਉਣ ‘ਤੇ ਧਿਆਨ ਦੇਵੇ ਮੋਦੀ ਸਰਕਾਰ-ਪ੍ਰਿਯੰਕਾ ਗਾਂਧੀ appeared first on Daily Post Punjabi.