ਅਜਿਹੇ ‘ਚ ਮਾਹਰਾਂ ਨੇ ਰੈਗੂਲਰ ਚੈੱਕਅਪ ਕਰਵਾਉਣ ਦੀ ਸਲਾਹ ਦਿੱਤੀ ਹੈ ਤਾਂ ਕਿ ਸਮੇਂ ‘ਤੇ ਬੀਮਾਰੀ ਦਾ ਇਲਾਜ ਕੀਤਾ ਜਾ ਸਕੇ। ਇਸ ਦੇ ਨਾਲ ਹੀ ਇਮਊਨਿਟੀ ਨੂੰ ਬਣਾਈ ਰੱਖਣ ਲਈ ਚੰਗੀ ਖੁਰਾਕ ਅਤੇ ਐਕਸਾਈਜ਼ ਵੀ ਜਰੂਰੀ ਹੈ। ਚੈਸਟ ਸਪੈਸ਼ਲਿਸਟ ਡਾ. ਆਰ.ਕੇ ਗੋਇਲ ਨੇ ਦੱਸਿਆ ਹੈ ਕਿ ਲੈਵਲ-3 ‘ਚ ਰਹਿ ਚੁੱਕੇ ਕੋਵਿਡ-19 ਤੋਂ ਰਿਕਵਰ ਹੋਣ ਵਾਲੇ ਮਰੀਜ਼ਾਂ ‘ਚ ਫੇਫੜਿਆਂ ਦੀ ਸਮੱਸਿਆ ਬਣੀ ਵੀ ਰਹਿ ਸਕਦੀ ਹੈ। ਇੰਟਰਸਟੀਸ਼ੀਅਲ ਫੇਫੜੇ ਦੀ ਬਿਮਾਰੀ ਫੇਫੜਿਆਂ ਨੂੰ ਖਰਾਬ ਕਰ ਦਿੰਦਾ ਹੈ। ਅਜਿਹੇ ‘ਚ ਸਮੇਂ ‘ਤੇ ਧਿਆਨ ਨਾ ਦੇਣ ‘ਤੇ ਸਮੱਸਿਆ ਵੱਧ ਸਕਦੀ ਹੈ।

ਦੱਸਣਯੋਗ ਹੈ ਕਿ ਮੰਗਲਵਾਰ ਨੂੰ ਜ਼ਿਲ੍ਹੇ ‘ਚ ਕੋਵਿਡ-19 ਦੇ 62 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਸੀ, ਜਿਨ੍ਹਾਂ ‘ਚ ਲੁਧਿਆਣਾ ਦੇ 46 ਅਤੇ ਬਾਕੀ ਬਾਹਰੀ ਜ਼ਿਲ੍ਹਿਆਂ ਅਤੇ ਸੂਬਿਆਂ ਦੇ ਹਨ। ਇਸ ਦੇ ਨਾਲ ਹੀ ਮੰਗਲਵਾਰ ਨੂੰ 2 ਮਰੀਜ਼ਾਂ ਨੇ ਦਮ ਤੋੜਿਆ ਜਿਨ੍ਹਾਂ ‘ਚ 1 ਲੁਧਿਆਣਾ ਦੇ ਅਤੇ 1 ਅੰਮ੍ਰਿਤਸਰ ਨਾਲ ਸਬੰਧਿਤ ਹੈ। ਜ਼ਿਲ੍ਹੇ ‘ਚ ਹੁਣ ਸਿਰਫ 269 ਸਰਗਰਮ ਮਾਮਲੇ ਹਨ ਜਦਕਿ ਹੁਣ ਤੱਕ 823 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ ਹੋਰ ਜ਼ਿਲ੍ਹਿਆਂ ਅਤੇ ਸੂਬਿਆਂ ਦੇ ਮਰੀਜ਼ਾਂ ਦੀ ਗਿਣਤੀ 2625 ਤੱਕ ਪਹੁੰਚ ਚੁੱਕੀ ਜਿਨ੍ਹਾਂ ‘ਚੋਂ 81 ਸਰਗਰਮ ਮਾਮਲੇ ਹਨ ਤੇ 299 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜ਼ਿਲ੍ਹੇ ‘ਚ ਹੁਣ 17 ਮਰੀਜ਼ ਵੈਂਟੀਲੇਟਰ ‘ਤੇ ਹਨ।

The post ਕੋਰੋਨਾ ਨੂੰ ਮਾਤ ਦੇਣ ਵਾਲੇ ਮਰੀਜ਼ਾਂ ਲਈ ਮਾਹਰਾਂ ਨੇ ਜਤਾਈ ਚਿਤਾਵਨੀ ! appeared first on Daily Post Punjabi.