producer Archives - Daily Post Punjabi

ਫਿਲਮ ਨਿਰਮਾਤਾ ਵਿਜੇ ਗਲਾਨੀ ਦਾ ਹੋਇਆ ਦੇਹਾਂਤ, ਸਲਮਾਨ ਦੀ ਫਿਲਮ ‘ਵੀਰ’ ਦੇ ਸੀ ਨਿਰਮਾਤਾ

Navpreet Kaur — Thu, 30 Dec 2021 04:56:23 +0000

veteran film producer vijay : ਫਿਲਮ ਨਿਰਮਾਤਾ ਵਿਜੇ ਗਲਾਨੀ ਦਾ ਬੁੱਧਵਾਰ ਨੂੰ ਲੰਡਨ ਵਿੱਚ ਦੇਹਾਂਤ ਹੋ ਗਿਆ। ਵਿਜੇ ਗਲਾਨੀ ਨੇ ਸਲਮਾਨ ਖਾਨ, ਅਕਸ਼ੈ ਕੁਮਾਰ, ਬੌਬੀ ਦਿਓਲ ਅਤੇ ਗੋਵਿੰਦਾ ਵਰਗੇ ਕਲਾਕਾਰਾਂ ਨਾਲ ਅੱਧੀ ਦਰਜਨ ਦੇ ਕਰੀਬ ਫਿਲਮਾਂ ਬਣਾਈਆਂ।

ਇਨ੍ਹਾਂ ‘ਚੋਂ ‘ਅਜਨਬੀ’ ਨੂੰ ਛੱਡ ਕੇ ਬਾਕੀ ਸਾਰੀਆਂ ਫਿਲਮਾਂ ਫਲਾਪ ਰਹੀਆਂ। ਉਹ ਸਲਮਾਨ ਖਾਨ ਦੀ ਫਿਲਮ ਵੀਰ ਦੇ ਨਿਰਮਾਤਾ ਵੀ ਸਨ। ਉਨ੍ਹਾਂ ਨੇ ਵਿਦਯੁਤ ਜਾਮਵਾਲ ਦੀ ਫਿਲਮ ‘ਦਿ ਪਾਵਰ’ ਵੀ ਬਣਾਈ ਸੀ।

ਇਹ ਵੀ ਦੇਖੋ : BJP ‘ਚ ਸ਼ਾਮਿਲ ਹੋਏ ਆਗੂਆਂ ਨੂੰ ਭਾਜਪਾ ਸਰਕਾਰ ਦਾ ਤੋਹਫ਼ਾ, ਦਿੱਤੀ ਗਈ Z ਸਿਕਿਉਰਿਟੀ ! LIVE ਅਪਡੇਟ

The post ਫਿਲਮ ਨਿਰਮਾਤਾ ਵਿਜੇ ਗਲਾਨੀ ਦਾ ਹੋਇਆ ਦੇਹਾਂਤ, ਸਲਮਾਨ ਦੀ ਫਿਲਮ ‘ਵੀਰ’ ਦੇ ਸੀ ਨਿਰਮਾਤਾ appeared first on Daily Post Punjabi.

ਨਿਰਮਾਤਾ ਨਿਤਿਨ ਮਨਮੋਹਨ ਦੀ ਮਾਂ ਦਾ ਹੋਇਆ ਦਿਹਾਂਤ, ਅੱਜ ਸਵੇਰੇ 10 ਵਜੇ ਹੋਵੇਗਾ ਅੰਤਿਮ ਸੰਸਕਾਰ

Navpreet Kaur — Sun, 10 Oct 2021 04:34:35 +0000

producer nitin manmohan mother : ਬਾਲੀਵੁੱਡ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਰਹੂਮ ਅਦਾਕਾਰ ਮਨਮੋਹਨ ਦੀ ਪਤਨੀ ਅਤੇ ਨਿਰਮਾਤਾ ਨਿਤਿਨ ਮਨਮੋਹਨ ਦੀ ਮਾਂ ਕਾਂਤਾ ਮਨਮੋਹਨ ਦਾ ਦਿਹਾਂਤ ਹੋ ਗਿਆ। ਕਾਂਤਾ ਮਨਮੋਹਨ ਨੇ 9 ਅਕਤੂਬਰ ਦੀ ਸ਼ਾਮ ਨੂੰ ਮੁੰਬਈ ਵਿੱਚ ਆਖਰੀ ਸਾਹ ਲਿਆ, ਜਿਸ ਤੋਂ ਬਾਅਦ ਨਿਤਿਨ ਮਨਮੋਹਨ ਦੇ ਪਰਿਵਾਰ ਵਿੱਚ ਸੋਗ ਹੈ।

ਜਾਣਕਾਰੀ ਅਨੁਸਾਰ ਨਿਤਿਨ ਮਨਮੋਹਨ ਦੀ ਮਾਂ ਦਾ ਅੰਤਿਮ ਸੰਸਕਾਰ 10 ਅਕਤੂਬਰ ਨੂੰ ਸਵੇਰੇ 10 ਵਜੇ ਸੈਂਟਾਕਰੂਜ਼ ਸ਼ਮਸ਼ਾਨਘਾਟ ਵਿਖੇ ਕੀਤਾ ਜਾਵੇਗਾ, ਜਿੱਥੇ ਉਨ੍ਹਾਂ ਦੇ ਨੇੜਲੇ ਲੋਕ ਆਪਣੀ ਮਾਂ ਨੂੰ ਅੰਤਿਮ ਵਿਦਾਈ ਦਿੰਦੇ ਹੋਏ ਦਿਖਾਈ ਦੇਣਗੇ।

ਤੁਹਾਨੂੰ ਦੱਸ ਦੇਈਏ ਕਿ ਕਾਂਤਾ ਮਨਮੋਹਨ ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਮਨਮੋਹਨ ਦੀ ਪਤਨੀ ਸੀ। ਮਨਮੋਹਨ ਨੇ ‘ਯੇ ਰਾਸਤੇ ਹੈ ਪਿਆਰ ਕੇ’, ‘ਸ਼ਹੀਦ’, ‘ਮੁਹੱਬਤ ਜ਼ਿੰਦਗੀ ਹੈ’ ਵਰਗੀਆਂ ਫਿਲਮਾਂ ਸਮੇਤ ਕਈ ਬਾਲੀਵੁੱਡ ਹਿੱਟ ਫਿਲਮਾਂ ‘ਚ ਕੰਮ ਕੀਤਾ ਹੈ। ਮਰਹੂਮ ਅਦਾਕਾਰ ਮਨਮੋਹਨ ਦਾ ਬੇਟਾ ਨਿਤਿਨ ‘ਬੋਲ ਰਾਧਾ ਬੋਲ’, ‘ਲਾਡਲਾ’, ‘ਦਿਵਾਂਗੀ’, ‘ਭੂਤ’ ਅਤੇ ‘ਯਮਲਾ ਪਗਲਾ ਦੀਵਾਨਾ’ ਵਰਗੀਆਂ ਫਿਲਮਾਂ ਦਾ ਵਿਸ਼ਵ ਪ੍ਰਸਿੱਧ ਨਿਰਮਾਤਾ ਹੈ।

ਇਹ ਵੀ ਦੇਖੋ : ਬੱਚਿਆਂ ਨਾਲ ਵਾਪਰ ਗਿਆ ਵੱਡਾ ਭਾਣਾ, ਫਰਿਸ਼ਤਾ ਬਣ ਬੋੜ੍ਹਿਆ ਬੱਬੂ ਮਾਨ, ਛੱਡ ਕੇ ਭੱਜ ਗਿਆ ਪਿਓ…

The post ਨਿਰਮਾਤਾ ਨਿਤਿਨ ਮਨਮੋਹਨ ਦੀ ਮਾਂ ਦਾ ਹੋਇਆ ਦਿਹਾਂਤ, ਅੱਜ ਸਵੇਰੇ 10 ਵਜੇ ਹੋਵੇਗਾ ਅੰਤਿਮ ਸੰਸਕਾਰ appeared first on Daily Post Punjabi.

ਪੰਜਾਬੀ ਸਿਨੇਮਾ ਨੂੰ ਪੈਰਾਂ ਸਿਰ ਕਰਨ ਵਿੱਚ ਅਹਿਮ ਯੋਗਦਾਨ ਪਾਉਣ ਵਾਲਾ ਲੇਖਕ,ਨਿਰਦੇਸ਼ਕ:ਅੰਬਰਦੀਪ ਸਿੰਘ

Suman Kwatra — Sat, 29 Aug 2020 16:31:38 +0000

ambersingh singh unknown facts:ਗੋਰਿਆਂ ਨੂੰ ਦਫ਼ਾ ਕਰੋ ਅਤੇ ਅੰਗਰੇਜ਼ ਫਿਲਮਾਂ ਦੇ ਨਿਰਦੇਸ਼ਕਾਂ ਦੀ ਉਤਨੀ ਚਰਚਾ ਨਹੀ ਸੀ ਹੋਈ ਜਿਤਨੀ ਉਨ੍ਹਾਂ ਫਿਲਮਾਂ ਦੇ ਲੇਖਕ ਅੰਬਰਦੀਪ ਦੀ। ਭਾਵੇਂ ਉਹ ਪਹਿਲਾਂ ਜੱਟ ਐਂਡ ਜੂਲੀਅਟ 2 ਦੇ ਸੰਵਾਦ ਲਿਖ ਚੁੱਕਾ ਸੀ ,ਪਰ ਉਹ ਫਿਲਮ ਇਕ ਤਰਾਂ ਅਨੁਰਾਗ ਸਿੰਘ ਦੀ ਫਿਲਮ ਗਿਣੀ ਗਈ ਸੀ। ਅਸਲੀ ਪਛਾਂਣ ਉਹਨੂੰ ਉੱਪਰ ਲਿਖੀਆਂ ਦੋ ਫਿਲਮਾਂ ਤੋਂ ਹੀ ਮਿਲੀ। ਦੋਵੇਂ ਫਿਲਮਾਂ ਅੰਬਰਦੀਪ ਦੀਆਂ ਫਿਲਮਾਂ ਕਹੀਆਂ ਗਈਆਂ। ਉਸ ਤੋਂ ਬਾਅਦ ਤਾਂ ਚੱਲ ਸੋ ਚੱਲ।ਉਹ ਅਬੋਹਰ ‘ਚ ਪੈਦਾ ਹੋਇਆ ਸੀ । ਮੁੰਢਲੀ ਸਿੱਖਿਆ ਅਬੋਹਰ ਦੇ ਸਰਕਾਰੀ ਹਾਇਰ ਸੈਕੰਡਰੀ ਤੋਂ ਹਾਸਲ ਕੀਤੀ। ਬੀ ਕਾਮ ਡੀ ਏ ਵੀ ਕਾਲਜ ਅਬੋਹਰ ਤੋਂ ।ਥੀਏਟਰ ਟੈਲੀਵੀਜ਼ਨ ਦੀ ਮਾਸਟਰ ਡਿਗਰੀ ਲੈਣ ਲਈ ਪੰਜਾਬੀ ਯੂਨੀਵਰਸਿਟੀ ਪਟਿਆਲੇ ਚਲਾ ਗਿਆ। ਸਕੂਲ ਟਾਈਮ ਤੇ ਰੈਸਲੰਿਗ ਵਿੱਚ ਜ਼ੋਰ ਅਜ਼ਮਾਈ ਕੀਤੀ। ਪੰਜਾਬ ਲੈਵਲ ਤੱਕ ਰੈਸਲੰਿਗ ਕੀਤੀ ਪਰ ਡਿਸਕ ਪ੍ਰਾਬਲਮ ਹੋਣ ਕਾਰਨ ਉਹ ਛੱਡਣੀ ਪਈ । ਬਾਪੂ ਪੱਤਰਕਾਰ ਸੀ। ਪਰ ਉਹਨੂੰ ਐਕਟਿੰਗ ਦੇ ਕੀੜੇ ਨੇ ਡੰਗ ਲਿਆ ਸੀ ।

ਉਹ ਪੱਚੀ ਹਜ਼ਾਰ ਰੁਪਏ ਲੈਕੇ ਮੰਬਈ ਚਲਾ ਗਿਆ। ਗਿਆ ਤਾਂ ਐਕਟਰ ਬਣਨ ਸੀ ਪਰ ਛੇ ਮਹੀਨਿਆਂ ਦੇ ਸੰਘਰਸ਼ ਵਿੱਚ ਹੀ ਜੇਬ ਖਾਲੀ ਹੋ ਗਈ।ਤੋਰੀ ਫਲਕਾ ਤੋਰੀ ਰੱਖਣ ਲਈ ਰਾਮ ਗੋਪਾਲ ਵਰਮਾਂ ਦੀ ਕੰਪਨੀ ਵਿੱਚ ਪੱਚੀ ਸੌ ਰੁਪਏ ਮਹੀਨੇ ਤੇ ਵਰਮਾਂ ਦਾ ਅਸਿਸਟੈਂਟ ਲੱਗ ਗਿਆ। ਕਪਿਲ ਸ਼ਰਮਾਂ ਨਾਲ ਰਾਬਤਾ ਕਾਇਮ ਹੋ ਗਿਆ ਜਿਸਨੇ ਉਸਨੂੰ ਕਾਮੇਡੀ ਸਰਕਸ ਵਿੱਚ ਲੇਖਕ ਦੇ ਤੌਰ ਤੇ ਨੌਕਰੀ ਦਿਵਾ ਦਿੱਤੀ। ਬਾਅਦ ਵਿੱਚ ਕਾਮੇਡੀ ਵਿਦ ਕਪਿਲ ਵਿੱਚ ਵੀ ਲੇਖਕ ਦੇ ਤੌਰ ਤੇ ਜੁੜਿਆ ਰਿਹਾ। ਉਸੇ ਦੌਰਾਂਨ ਨਰੇਸ਼ ਕਥੂਰੀਆ ਨਾਲ ਰਲਕੇ “ਚੱਕ ਦੇ ਫੱਟੇ” ਪੰਜਾਬੀ ਫਿਲਮ ਲਿਖੀ ਜਿਸਨੂੰ ਸਮੀਪ ਕੰਗ ਨੇ ਡਾਇਰੈਕਟ ਕੀਤਾ। ਪਰ ਫਿਲਮ ਸੁਪਰ ਫਲਾਪ ਰਹੀ।ਜਦੋਂ ਪੰਜਾਬੀ ਫਿਲਮਾਂ ਨੇ ਜ਼ੋਰ ਫੜਿਆ ਤਾਂ ਅੰਬਰਦੀਪ ਨੇ ਪੰਜਾਬ ਦਾ ਰੁਖ ਕੀਤਾ। ਪਹਿਲੀ ਫਿਲਮ ਮਿਲੀ ਜੱਟ ਐਂਡ ਜੂਲੀਅਟ 2 , ਉਸਦੇ ਡਾਇਲਾਗ ਲਿਖੇ।ਉਸਤੋਂ ਬਾਅਦ ਵਿਆਹ 70 ਕਿੱਲੋਮੀਟਰ ਦੇ ਸੰਵਾਦ ਅਤੇ ਅਤੇ ਡੈਡੀ ਕੂਲ ਮੁੰਡੇ ਫੂਲ ਦਾ ਸਕਰੀਨਪਲੇ ਅਤੇ ਸੰਵਾਦ ਲਿਖਣ ਦਾ ਮੌਕਾ ਮਿਿਲਆ । ਡੈਡੀ ਕੂਲ ਮੁੰਡੇ ਫੂਲ ਦੌਰਾਂਨ ਅਮਰਿੰਦਰ ਗਿੱਲ ਨਾਲ ਦੋਸਤੀ ਹੋ ਗਈ । ਬਾਅਦ ‘ਚ ਉਹਨਾਂ ਦੀ ਕੰਪਨੀ ਰਿਦਮ ਬੁਆਇਜ਼ ਨਾਲ ਐਸੀ ਟਿਊਨਿੰਗ ਹੋਈ ਕਿ ਉਹਨਾਂ ਦਾ ਹੀ ਹੋਕੇ ਰਹਿ ਗਿਆ। ਗੋਰਿਆਂ ਨੂੰ ਦਫ਼ਾ ਕਰੋ ਦਾ ਪਲਾਨ ਬਣਿਆਂ। ਜਿਸਦਾ ਸਕਰੀਨ ਪਲੇ ਅਤੇ ਸੰਵਾਦ ਲਿਖਣ ਦਾ ਕੰਮ ਅੰਬਰਦੀਪ ਨੂੰ ਸੌਂਪਿਆ ਗਿਆ। ਫਿਲਮ ਸੁਪਰ ਹਿੱਟ ਹੋਈ ਤਾਂ ਨਿਰਦੇਸ਼ਕ ਨਾਲ਼ੋਂ ਵੱਧ ਕਰੈਡਿਟ ਅੰਬਰਦੀਪ ਨੂੰ ਮਿਿਲਆ। ਫਿਲਮ ਅੰਗਰੇਜ ਨੇ ਜਿਹੜੇ ਝੰਡੇ ਗੱਡੇ ਉਸ ਦੀ ਰਾਈਟਿੰਗ ਦਾ ਫ਼ਾਇਦਾ ਵੀ ਅੰਬਰਦੀਪ ਨੂੰ ਮਿਿਲਆ। ਲਵ ਪੰਜਾਬ ਦੀ ਸਫਲਤਾ ਨੇ ਦਿਖਾ ਦਿੱਤਾ ਕਿ ਪਿਛਲੀਆਂ ਫਿਲਮਾਂ ਵਿੱਚ ਅੰਬਰਦੀਪ ਦਾ ਤੁੱਕਾ ਨਹੀ ਸੀ ਲੱਗਿਆ। ਬਲਕਿ ਇਹ ਮੰਨਿਆਂ ਜਾਂਣ ਲੱਗਾ ਕਿ ਮੁੰਡੇ ਦੀ ਰਾਈਟਿੰਗ ‘ਚ ਵਾਕਿਆ ਹੀ ਦਮ ਹੈ। ਲਵ ਪੰਜਾਬ ਤੋਂ ਉਸਨੇ ਐਕਟਿੰਗ ਵਿੱਚ ਵੀ ਹੱਥ ਅਜ਼ਮਾਉਣੇ ਸ਼ੁਰੂ ਕਰ ਦਿੱਤੇ।

2017 ਵਿੱਚ ਅਮਰਿੰਦਰ ਗਿੱਲ ਹੋਰੀਂ ਲਹੌਰੀਏ ਬਣਾਉਣ ਦਾ ਪਲਾਨ ਕੀਤਾ ਤਾਂ ਉਸਦੇ ਸਕਰੀਨ ਪਲੇ, ਸੰਵਾਦ ਲਿਖਣ ਦੇ ਨਾਲ ਨਾਲ ਨਿਰਦੇਸ਼ਨ ਦਾ ਜਿੰਮਾਂ ਵੀ ਅੰਬਰਦੀਪ ਨੂੰ ਸੌਂਪ ਦਿੱਤਾ। ਉਸਨੇ ਫਿਲਮ ਤੇ ਕੁੱਝ ਪੈਸੇ ਵੀ ਲਾਏ ।ਸਾਰੀਆਂ ਜ਼ੁੰਮੇਵਾਰੀਆਂ ਉਹਨੇ ਬਾਖੂਬੀ ਨਿਭਾਈਆਂ ਅਤੇ ਲਹੌਰੀਏ ਜਿਹੀ ਕਲਾਸਿਕ ਫਿਲਮ ਬਣਾ ਧਰੀ । ਜੋ ਨਾਂ ਸਿਰਫ ਵਪਾਰਕ ਪੱਧਰ ਤੇ ਸਫਲ ਹੋਈ ਬਲਕਿ ਆਲੋਚਕਾਂ ਦੀ ਨਜ਼ਰ ਵਿੱਚ ਵੀ ਖਰੀ ਉੱਤਰੀ । ਇਸ ਫਿਲਮ ਵਿੱਚ ਉਸਦੀ ਅਦਾਕਾਰੀ ਵੀ ਪਸੰਦ ਕੀਤੀ ਗਈ।ਆਮ ਹੀ ਕਿਹਾ ਜਾਂਦਾ ਹੈ ਕਿ ਸਾਧਾਰਨ ਚਿਹਰੇ ਮੋਹਰੇ ਵਾਲਾ ਅਦਾਕਾਰ ਨਾਇਕ ਦੇ ਤੌਰ ਤੇ ਨਹੀ ਚੱਲ ਸਕਦਾ । ਉਹ ਲੌਂਗ ਲਾਚੀ ਵਿੱਚ ਹੀਰੋ ਬਣਕੇ ਪੇਸ਼ ਹੋਇਆ ਅਤੇ ਇਸ ਧਾਰਨਾਂ ਨੂੰ ਗਲਤ ਸਾਬਤ ਕਰ ਵਿਖਾਇਆ। ਇਸ ਫਿਲਮ ਨੂੰ ਜਨਤਾ ਦਾ ਭਰਪੂਰ ਪਿਆਰ ਮਿਿਲਆ । ਇਸ ਵਿੱਚ ਉਹ ਦੂਜੇ ਹੀਰੋ ਐਮੀ ਵਿਰਕ ਤੇ ਭਾਰੀ ਪੈਂਦਾ ਨਜ਼ਰ ਆਇਆ। ਦਿਖਾ ਦਿੱਤਾ ਕਿ ਜੇ ਅਦਾਕਾਰੀ ਪੱਲੇ ਹੈ ਤਾਂ ਚਾਕਲੇਟੀ ਚਿਹਰਾ ਜ਼ਰੂਰੀ ਨਹੀ। ਹਰ ਫ਼ਿਲਮਕਾਰ ਜਿੱਥੇ ਫ਼ਿਲਮ ਬਣਾਉਣ ਤੇ ਪੈਸਾ ਲਾਉਂਦਾ ਹੈ ਉੱਥੇ ਉਹਦੀ ਪ੍ਰਮੋਸ਼ਨ ਲਈ ਵੀ ਚੋਖਾ ਬਜਟ ਰੱਖਦਾ ਹੈ।ਇਸ ਤੇ ਵੀ ਪੈਸਾ ਪਾਂਣੀ ਵਾਂਗ ਵਹਾਇਆ ਜਾਂਦਾ ਹੈ। ਪਰ ਅੰਬਰਦੀਪ ਹੋਰਾਂ ਅਸ਼ਕੇ ਫਿਲਮ ਨਾਲ ਨਵਾਂ ਤਜਰਬਾ ਕੀਤਾ। ਇਸ ਫਿਲਮ ਦੀ ਕੋਈ ਪ੍ਰਮੋਸ਼ਨ ਨਹੀ ਕੀਤੀ ਗਈ। ਟ੍ਰੇਲਰ ਵੀ ਫਿਲਮ ਰਿਲੀਜ ਹੋਣ ਤੋਂ ਬਾਅਦ ਵਿੱਚ ਆਇਆ। ਇਸ ਦੇ ਬਾਵਜੂਦ ਫਿਲਮ ਸੁਪਰ ਹਿੱਟ ਹੋਈ। ਅੱਜ ਅੰਬਰਦੀਪ ਸਫਲ ਫਿਲਮ ਲੇਖਕ, ਨਿਰਦੇਸ਼ਕ ਅਤੇ ਅਦਾਕਾਰ ਹੈ। ਉਸਦਾ ਨਾਂਅ ਸਫਲਤਾ ਦੀ ਗਰੰਟੀ ਮੰਨਿਆਂ ਜਾਂਣ ਲੱਗਾ ਹੈ। ਰਾਈਟਿੰਗ ਉਸਦਾ ਪਹਿਲਾ ਪਿਆਰ ਹੈ , ਇਹ ਗੱਲ ਉਹ ਅਕਸਰ ਆਖਦਾ ਹੈ , ਪਰ ਸਰਵਣ, ਅਤੇ ਭੱਜੋ ਵੀਰੋ ਵੇ ਜਿਹੀਆਂ ਫਿਲਮਾਂ ਦੇਖਕੇ ਹੈਰਾਨੀ ਹੁੰਦੀ ਹੈ ਕਿ ਇਹਨਾਂ ਫਿਲਮਾਂ ਦਾ ਲੇਖਕ ਵੀ ਅੰਬਰਦੀਪ ਹੈ । ਉਸਨੂੰ ਇਹੋ ਜਿਹੀਆਂ ਫਿਲਮਾਂ ਤੋਂ ਪਰਹੇਜ਼ ਰੱਖਣ ਦੀ ਲੋੜ ਹੈ। ਆਸ ਹੈ ਉਹ ਆਪਣੀਆਂ ਆਉਣ ਵਾਲ਼ੀਆਂ ਫਿਲਮਾਂ ਜੋੜੀ, ਸੌਹਰਿਆਂ ਦਾ ਪਿੰਡ ਆ ਗਿਆ, ਅਸ਼ਕੇ 2, ਉੱਚਾ ਬੁਰਜ ਲਹੌਰ ਦਾ ਨਾਲ ਨਵੇਂ ਦਿਸਹੱਦੇ ਸਿਰਜੇਗਾ ।

The post ਪੰਜਾਬੀ ਸਿਨੇਮਾ ਨੂੰ ਪੈਰਾਂ ਸਿਰ ਕਰਨ ਵਿੱਚ ਅਹਿਮ ਯੋਗਦਾਨ ਪਾਉਣ ਵਾਲਾ ਲੇਖਕ,ਨਿਰਦੇਸ਼ਕ:ਅੰਬਰਦੀਪ ਸਿੰਘ appeared first on Daily Post Punjabi.

ਕਰਣ ਜੌਹਰ ਦੇ ਬੱਚਿਆਂ ਨੇ ਘਰ ਦੇ ਬਾਥਰੂਮ ਦਾ ਉਡਾਇਆ ਮਜ਼ਾਕ, ਕਿਹਾ – ‘Useless’

Suman Kwatra — Thu, 07 May 2020 15:20:10 +0000

karan children spacious bathroomਪੂਰੇ ਦੇਸ਼ ਵਿੱਚ ਜਾਰੀ ਲਾਕਡਾਊਨ ਦੇ ਚੱਲਦੇ ਫਿਲਮ ਮੇਕਰ ਕਰਨ ਜੌਹਰ ਇਨ੍ਹੀਂ ਦਿਨੀਂ ਆਪਣਾ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਬੱਚਿਆਂ ਦੇ ਨਾਲ ਬਿਤਾ ਰਹੇ ਹਨ। ਇਸ ਦੌਰਾਨ ਕਰਨ ਲਗਾਤਾਰ ਆਪਣੇ ਬੱਚਿਆਂ ਦੀਆਂ ਮਜ਼ੇਦਾਰ ਵੀਡੀਓ ਸ਼ੇਅਰ ਕਰ ਰਹੇ ਹਨ। ਜਿਸ ਵਿੱਚ ਯਸ਼ ਅਤੇ ਰੂਹੀ ਉਨ੍ਹਾਂ ਦਾ ਅਲੱਗ ਅਲੱਗ ਤਰ੍ਹਾਂ ਨਾਲ ਮਜ਼ਾਕ ਉਡਾ ਰਹੇ ਹਨ। ਕਰਨ ਜੌਹਰ ਨੇ ਲਾਕਡਾਊਨ ਵਿਦ ਜੌਹਰ ਸੀਰੀਜ਼ ਵਿੱਚ ਬੱਚਿਆਂ ਦੇ ਨਾਲ ਆਪਣਾ ਨਵਾਂ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿੱਚ ਉਨ੍ਹਾਂ ਦੇ ਜੁੜਵਾ ਬੱਚੇ ਯਸ਼ ਅਤੇ ਰੂਹੀ ਘਰ ਵਿੱਚ ਮੌਜੂਦ ਬਾਥਰੂਮ ਦੀ ਬੁਰਾਈ ਕਰ ਰਹੇ ਹਨ।

View this post on Instagram

Well we are now back in the closet but this time with a twist #lockdownwiththejohars

A post shared by Karan Johar (@karanjohar) on May 6, 2020 at 11:08pm PDT

ਇਸ ਤੋਂ ਪਹਿਲਾਂ ਦੋਨੋਂ ਮਿਲ ਕੇ ਕਰਨ ਦੇ ਕਲੋਜੈਸਟ ਸੈਕਸ਼ਨ ਦਾ ਮਜ਼ਾਕ ਉਡਾਉਂਦੇ ਸਨ ਪਰ ਹੁਣ ਦੋਨੋਂ ਬਾਥਰੂਮ ਤੱਕ ਪਹੁੰਚ ਗਏ ਹਨ। ਵੀਡੀਓ ਵਿੱਚ ਦੋਨੋਂ ਬੱਚੇ ਬਾਥਰੂਮ ਵਿੱਚ ਖੜ੍ਹੇ ਦਿਖਾਈ ਦਿੰਦੇ ਹਨ। ਜਿੱਥੇ ਇੱਕ ਬਹੁਤ ਵੱਡਾ ਬਾਥ ਟੱਬ ਦਿਖਾਈ ਦਿੰਦਾ ਹੈ। ਰੂਹੀ ਉਸ ਬਾਥ ਟੱਬ ਨੂੰ ਦੇਖ ਕੇ ਕਹਿੰਦੀ ਹੈ ਯੂਜ਼ਲੈੱਸ। ਜਿਸ ਤੋਂ ਬਾਅਦ ਕਰਨ ਵੀ ਉਨ੍ਹਾਂ ਦੀ ਹਾਂ ਵਿੱਚ ਹਾਂ ਮਿਲਾਉਂਦੇ ਹੋਏ ਕਹਿੰਦੇ ਹਨ ਹਾਂ ਇਹ ਸੱਚ ਵਿੱਚ ਯੂਜ਼ਲੈੱਸ ਹੈ ਕਿਉਂਕਿ ਮੈਂ ਕਦੀ ਇਸ ਦਾ ਇਸਤੇਮਾਲ ਨਹੀਂ ਕੀਤਾ। ਇਸੇ ਵਿੱਚ ਯਸ਼ ਬਾਥ ਟੱਬ ਦੇ ਨਾਲ ਜੋ ਟੂਟੀ ਹੈ ਉਸ ਨੂੰ ਹੱਥ ਲਗਾਉਂਦੇ ਹਨ ਤਾਂ ਕਰਨ ਉਸ ਨੂੰ ਪੁੱਛਦੇ ਹਨ ਕਿ ਕੀ ਕਰ ਰਹੇ ਹੋ।ਜਿਸ ਦਾ ਜਵਾਬ ਮਿਲਦਾ ਹੈ ਮੈਂ ਦਾਦਾ ਨੂੰ ਧੋ ਰਿਹਾ ਹਾਂ।

View this post on Instagram

Now in the bathroom! We have moved from the closet #lockdownwiththejohars

A post shared by Karan Johar (@karanjohar) on May 5, 2020 at 11:30pm PDT

ਅੱਜ ਕੱਲ੍ਹ ਬਾਲੀਵੁੱਡ ਵਿਚ ਮਲਟੀਸਟਾਰਰ ਫਿਲਮਾਂ ਬਣਾਉਣ ਦਾ ਚਲਣ ਚੱਲ ਪਿਆ ਹੈ। ਕਰਣ ਜੌਹਰ ਦੇ ਧਰਮਾ ਪ੍ਰੋਡਕਸ਼ਨ ਬੈਨਰ ਵਿਚ ਕਲੰਕ ਤੋਂ ਬਾਅਦ ਇਕ ਹੋਰ ਵੱਡੀ ਸਟਾਰਕਾਸਟ ਨਾਲ ਸਜੀ ਫਿਲਮ ਬਨਣ ਵਾਲੀ ਹੈ। ਜਿਸ ਦਾ ਐਲਾਨ ਕਰਣ ਨੇ ਟਵਿੱਟਰ ‘ਤੇ ਕੀਤਾ ਸੀ। ਉਨ੍ਹਾਂ ਦੀ ਇਸ ਮਲਟੀ ਸਟਾਰਰ ਫਿਲਮ ਦਾ ਨਾਮ ਹੋਵੇਗਾ ਤਖ਼ਤ। ਇਹ ਇਕ ਪੀਰੀਅਡ ਡਰਾਮਾ ਮੂਵੀ ਹੋਵੇਗੀ। ਇਸ ਪ੍ਰੋਜੈਕਟ ਲਈ ਬੀ – ਟਾਉਨ ਦੇ ਪ੍ਰਤਿਭਾਵਾਨ ਅਤੇ ਨਾਮੀ ਸਿਤਾਰੇ ਇਕੱਠੇ ਆਉਣਗੇ। ਤਖ਼ਤ ਨੂੰ ਖ਼ੁਦ ਕਰਣ ਜੌਹਰ ਡਾਇਰੈਕਟ ਕਰਣਗੇ।

ਇਸ ਵਿਚ ਰਣਵੀਰ ਸਿੰਘ, ਕਰੀਨਾ ਕਪੂਰ ਖਾਨ, ਆਲਿਆ ਭੱਟ, ਵਿੱਕੀ ਕੌਸ਼ਲ, ਭੂਮੀ ਪੇਡਨੇਕਰ, ਜਾਹਨਵੀ ਕਪੂਰ ਅਤੇ ਅਨਿਲ ਕਪੂਰ ਨਜ਼ਰ ਆਉਣਗੇ।

ਜਾਣਕਾਰੀ ਮੁਤਾਬਕ ਤੁਹਾਨੂੰ ਦੱਸ ਦੇਈਏ ਕਿ ਕਰਨ ਜੌਹਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇਕ ਅਪਡੇਟ ਦਿੰਦੇ ਰਹਿੰਦੇ ਹਨ। ਕਰਣ ਜੌਹਰ ਹੁਣ ਤੱਕ ਬਾਲੀਵੁੱਡ ਵਿੱਚ ਕਈ ਫਿਲਮਾਂ ਡਾਇਰੈਕਟ ਕੀਤੀਆਂ ਹਨ ਅਤੇ ਉਹ ਬਹੁਤ ਹੀ ਵੱਡੇ ਪੈਮਾਨੇ ‘ਤੇ ਉਹ ਫ਼ਿਲਮਾਂ ਨੂੰ ਪ੍ਰਡਿਊਸ ਕਰਦੇ ਹਨ। ਕਰਨ ਜੌਹਰ ਦੀ ਬਾਲੀਵੁੱਡ ਦੇ ਸਭ ਤੋਂ ਵੱਡੇ ਪ੍ਰੋਡਿਊਸਰਾਂ ਵਿੱਚ ਗਿਣਤੀ ਹੁੰਦੀ ਹੈ।

The post ਕਰਣ ਜੌਹਰ ਦੇ ਬੱਚਿਆਂ ਨੇ ਘਰ ਦੇ ਬਾਥਰੂਮ ਦਾ ਉਡਾਇਆ ਮਜ਼ਾਕ, ਕਿਹਾ – ‘Useless’ appeared first on Daily Post Punjabi.