ਅਸੀਂ ਬਾਲੀਵੁੱਡ ਦੇ ਖਿਲਾਫ ਕਦੋਂ ਤੱਕ ਚੁੱਪ ਰਹਾਂਗੇ। ਉਹ ਸਾਡੇ ਸੱਭਿਆਚਾਰ ਨੂੰ ਲਗਾਤਾਰ ਤਬਾਹ ਕਰ ਰਹੇ ਹਨ। ਸੰਨੀ ਲਿਓਨ ਨੂੰ ਗ੍ਰਿਫਤਾਰ ਕੀਤਾ ਜਾਵੇ। ਸੰਨੀ ਦੇ ਗਾਣੇ ‘ਤੇ ਹਿੰਦੂਆਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਹੈ। ਇਹ ਗੀਤ ਰਾਧਾ ‘ਤੇ ਆਧਾਰਿਤ ਹੈ, ਜਿਸ ਦੇ ਬੋਲਾਂ ‘ਤੇ ਕਈਆਂ ਨੇ ਇਤਰਾਜ਼ ਜਤਾਇਆ ਹੈ। ਇਸ ਗੀਤ ਨੂੰ ਲੈ ਕੇ ਮੱਧ ਪ੍ਰਦੇਸ਼ ਦੇ ਗ੍ਰਹਿ ਮੰਤਰੀ ਨਰੋਤਮ ਮਿਸ਼ਰਾ ਨੇ ਦੋਸ਼ ਲਾਇਆ ਸੀ ਕਿ ਗੀਤ ਦੇ ਵੀਡੀਓ ਨੇ ਹਿੰਦੂਆਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਉਸ ਨੂੰ ਇਸ ਗੀਤ ਲਈ ਮੁਆਫੀ ਮੰਗਣੀ ਚਾਹੀਦੀ ਹੈ ਅਤੇ 3 ਦਿਨਾਂ ਦੇ ਅੰਦਰ ਆਪਣਾ ਗੀਤ ਮਧੂਬਨ ਵਾਪਸ ਲੈਣਾ ਚਾਹੀਦਾ ਹੈ ਨਹੀਂ ਤਾਂ ਉਸ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ।

ਇਸ ਤੋਂ ਬਾਅਦ ਸਾਰੇਗਾਮਾ ਨੇ ਕਿਹਾ ਸੀ, ‘ਦੇਸ਼ਵਾਸੀਆਂ ਦੀਆਂ ਭਾਵਨਾਵਾਂ ਦਾ ਸਨਮਾਨ ਕਰਦੇ ਹੋਏ ਅਸੀਂ ਫੈਸਲਾ ਕੀਤਾ ਹੈ ਕਿ ਤਿੰਨ ਦਿਨਾਂ ਦੇ ਅੰਦਰ ‘ਮਧੂਬਨ’ ਗੀਤ ਦੇ ਬੋਲ ਅਤੇ ਨਾਮ ਨੂੰ ਬਦਲ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਮਥੁਰਾ ਦੇ ਸੰਤਾਂ ਦਾ ਕਹਿਣਾ ਹੈ ਕਿ ਰਾਧਾ ਉਨ੍ਹਾਂ ਲਈ ਪੂਜਿਤ ਹੈ। ਸੰਨੀ ਨੇ ਗੀਤ ‘ਤੇ ਅਸ਼ਲੀਲ ਡਾਂਸ ਕੀਤਾ ਹੈ। ਅਜਿਹੇ ‘ਚ ਉਸ ‘ਤੇ ਪਾਬੰਦੀ ਲਗਾਈ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ, ”ਜੇਕਰ ਸਰਕਾਰ ਅਭਿਨੇਤਰੀ ਵਿਰੁੱਧ ਕਾਰਵਾਈ ਨਹੀਂ ਕਰਦੀ ਅਤੇ ਉਸ ਦੀ ਵੀਡੀਓ ਐਲਬਮ ‘ਤੇ ਪਾਬੰਦੀ ਨਹੀਂ ਲਗਾਉਂਦੀ ਤਾਂ ਅਸੀਂ ਅਦਾਲਤ ਤੱਕ ਪਹੁੰਚ ਕਰਾਂਗੇ। ਸੰਨੀ ਕਈ ਵਿਵਾਦਾਂ ਨੂੰ ਲੈ ਕੇ ਚਰਚਾ ‘ਚ ਰਹੀ ਹੈ।

ਇਹ ਵੀ ਦੇਖੋ : ਮੁਸਲਮਾਨ ਵੀਰਾਂ ਤੇ ਸਿੱਖਾਂ ਦੀ ਆਹ ਵੀਡੀਉ ਤੁਸੀ ਕਦੀ ਨਹੀਂ ਦੇਖੀ ਹੋਣੀ , ਕਿਵੇਂ ਰੋਂਦੇ ਹੋਏ ਪਾਈਆਂ ਜੱਫੀਆਂ ਤੇ ਗਾਈ…

The post ਟਵਿੱਟਰ ‘ਤੇ ਉੱਠੀ ਸੰਨੀ ਲਿਓਨ ਦੀ ਗ੍ਰਿਫਤਾਰੀ ਦੀ ਮੰਗ, ‘ਮਧੂਬਨ ‘ਚ ‘ਰਾਧਿਕਾ’ ਗੀਤ ਨੂੰ ਹਟਾਉਣ ਤੋਂ ਬਾਅਦ ਵੀ ਨਹੀਂ ਰੁਕਿਆ ਵਿਵਾਦ appeared first on Daily Post Punjabi.