ਰਾਹੁਲ ਗਾਂਧੀ ਨੇ ਟਵੀਟ ਕਰਦਿਆਂ ਲਿਖਿਆ, “ਯੂਪੀ ਦੇ ਜੰਗਲਰਾਜ ‘ਚ ਬੇਟੀਆਂ ‘ਤੇ ਜ਼ੁਲਮ ਅਤੇ ਸਰਕਾਰ ਦੀ ਸੀਨਾਜ਼ੋਰੀ ਜਾਰੀ ਹੈ। ਪਹਿਲਾ ਜਿਉਂਦੇ ਜੀ ਸਤਿਕਾਰ ਨਹੀਂ ਦਿੱਤਾ ਅਤੇ ਸੰਸਕਾਰ ਦਾ ਅਧਿਕਾਰ ਵੀ ਖੋਹ ਲਿਆ। ਭਾਜਪਾ ਦਾ ਨਾਅਰਾ ‘ਧੀ ਬਚਾਓ’, ਨਹੀਂ ‘ਤੱਥ ਛੁਪਾਓ, ਸੱਤਾ ਬਚਾਓ’ ਹੈ।” ਦੱਸ ਦੇਈਏ ਕਿ ਹਾਥਰਸ ਕਾਂਡ ਨੂੰ ਲੈ ਕੇ ਵਿਰੋਧ ਪ੍ਰਦਰਸ਼ਨ ਤੇਜ਼ ਹੋ ਗਿਆ ਹੈ। ਮੁਰਾਦਾਬਾਦ ਵਿੱਚ ਦਿੱਲੀ–ਲਖਨਊ ਹਾਈਵੇਅ ਜਾਮ ਕਰ ਦਿੱਤਾ ਗਿਆ ਹੈ। ਸਵੱਛਤਾ ਕਰਮਚਾਰੀਆਂ ਨੇ ਹਰ ਜਗ੍ਹਾ ਕੂੜੇ ਦੇ ਢੇਰ ਲਗਾ ਦਿੱਤੇ ਹਨ। ਹਾਥਰਸ ਬਾਰਡਰ ਸੀਲ ਕਰ ਦਿੱਤਾ ਗਿਆ ਹੈ। ਜ਼ਿਲ੍ਹੇ ‘ਚ ਧਾਰਾ 144 ਲਾਗੂ ਕੀਤੀ ਗਈ ਹੈ। ਪੰਜ ਲੋਕਾਂ ਦੇ ਇਕੱਠ ਕਰਨ ‘ਤੇ ਪਾਬੰਦੀ ਲਗਾਈ ਗਈ ਹੈ। ਰਾਹੁਲ ਗਾਂਧੀ ਅਤੇ ਪ੍ਰਿਯੰਕਾ ਗਾਂਧੀ ਅੱਜ ਪੀੜਤ ਪਰਿਵਾਰ ਨਾਲ ਮੁਲਾਕਾਤ ਕਰਨਗੇ।

The post ਹਾਥਰਸ ਮਾਮਲੇ ਨੂੰ ਲੈ ਕੇ ਰਾਹੁਲ ਗਾਂਧੀ ਨੇ ਯੋਗੀ ਸਰਕਾਰ ‘ਤੇ ਹਮਲਾ ਕਰਦਿਆਂ ਕਿਹਾ- ‘ਧੀਆਂ ‘ਤੇ ਜ਼ੁਲਮ ਅਤੇ ਸੀਨਾਜ਼ੋਰੀ ਜਾਰੀ ਹੈ’ appeared first on Daily Post Punjabi.